i need youuuuuuu

محتاجك

اسم مش جديد عليا

بس ساعات كتير

لما ابقى قاعد مع نفسى

وده المعتاد

اابص للسقف

واتأمل فى شكله وافتكر انى عاوز اادهن اوضتى السنة دى ان شاء الله

مش موضوعنا يعنى

المهم اافكر

والاقى نفسى ااقول محتاجك

لمين بقى ؟!!!

لناس كتيييييييييييييييييييييييييييييير

ممكن يبقى اول حد ااقولها تبقى الكلمة دى

ااقولها وانا بصلى الفجر

وقاعد بدعى

والدموع بتنزل منى

وامد ايدى واقول لربنا محتاجك تبقى جمبى بجد

محتاجك تقف جمب عبد من عبادك فى الدنيا دى

محتاجك تنورلى طريقى

محتاجك تفضل معايا بعد كل اللى عرفتهم سابونى لوحدى

ممكن ااقولها لحد من اهلى اللى مش معبرنى

او دى كنت بقولها زمان

من اربع او خمس سنين

دلوقتى مبقتش اافكر فى الكلمة دى

لانهم هما مش جت على بالهم خاالص

فيه اولويات طبعا

ومن العبث ان نفكر بالحب او الاهتمام او الحنية بتاعت الابناء دوول

لازم يطلعوا جامدين يعتمدوا على نفسهم فى معترك الحياة

مش من حقنا اننا نسأل على كلمة منهم ...

بس من حقنا اننا نقول حاضر وبس

وديه من حقوقهم علينا اننا نبر بيهم

ومش معترض خالص بجد

بس زى ماهما ليهم حقوق عندنا

احنا لينا حقوق وبسيطة جدا

محتاجك

ممكن ااقولها لصديق نفضلى

ههههههههههههههههههه

بلا قرف ...مش عاوزك ياض ...غوور

محتاجك

اخر انسان هقولهاله

حبيبتى

المجهولة

هقولها محتاجك

فى يوم

فى النماذج دى...يعنى من شهر او اتنين ممكن

كان اخر يوم بقى

والواحد قضى احلى 4 ايام فى عمره بجد

جت لحظة الاستفتاء النهائى

حاجات فى اغلبها مضحكة

زى اجمل كرافتة وايشارب

بهلوان المجلس

وحاجات مهمة

زى احسن قاضى واحسن محامى

العبد لله اخد احسن قاضى ...ووقفت واتكرمت مرتين

مرة وسط المجالس كلها ووقفت ...واختى بعتتلى بوسة طائرة ..ههههههههههههههههه

ومرة تانية واحنا بنودع بعض اعضاء المجلس

وناس بتعيط

ورفعونى فوق وحاجات من دى

روحت البيت ...كنت متخانق معاهم اصلا عشان حوار

ماسك الهدية ...

ومعايا ذكريات يوم طويل جداااا

بصيت للهدية

وحطيتها عالمكتب

والميدالية علقتها فى سلسلة المفاتيح

اليوم ده بجد فاكره انى كنت عامل زى الطفل الصغير اللى راجع من المدرسة

وفرحان بالنجمتين اللى الميس حطتهم فى كشكولة

وعاوز حد يقوله كده

بس للاسف مش لاقى

انا كنت زى كده

ببص لحاجتى

وجوايا كلام كتير عاوز ااقوله

بدل ما انام وانا فرحان ..

قعدت مكشر وعيطت حبة

سبحان الله سفاح وبيعيط :D

اليوم ده بجد

كان اكتر يوم

كلمة محتاجك كانت موجودة فى ذهنى

محتاجك جمبى

محتاجك حضنك

محتاج كلمة واحده منك

محتاج انى ااشوف وش ملائكى بيضحك

مجرد حتى ابتسامة

محتاج انى اشوف قلب بيبص لقلبى وبيضحك معاه

محتاج قلب يقعد يتكلم مع قلبى ويشيل حبة من الحمل اللى شايله بقاله سنين

محتاج حاجات بسيطة

بس للاسف فى زماننا ده بقت زى لوغاريتم صعب حله

للاسف بقت عملة نادرة

رغم انها موجودة

بس مبقناش نعرف نشوفها

من كتر الدموع اللى بقت مغطية عيونا

مبقناش نعرف نمسكها من كتر ما ايدينا اتعودت انها تفلت الناس اللى مش عاوزانا

مبقناش نعرف نحبها من كتر ما قلوبنا اتعلمت القسوة فى حياتنا

مبقناش محتاجينها ....لاننا اتعودنا اننا نعيش من غيرها

مبقتش ااقول محتاجك ؟؟؟

تؤ

لسه بقولها ....بس فى سرى

لسه بقولها بس بقلبى

يمكن يجى اليوم

اللى كلمة محتاجك دى تقتصر على ربنا بس

ومتبقاش لحد تانى

:(

-----------------

بالنسبة للوسم تاج اللى من عند مها

ان شاء الله قبل امتحانى بكام يوم هعمله عشان هختفى مؤقتا اسبوع كده ...:)

تاجونى ومحدش سمى عليا

ههههههههههههههههههه
باين ان التاجات بالموسم فعلا

وجايلى 3 تاج

واحد من عند شادى فايد...والباقى من عند مها...و وشوشنى كمان

يعنى الناس متوصية بيا وقبل الامتحانات كمان ....اشطززز

هنبتدى بتاج شادى فايد الاول ...

وتاج ده برضه من عند سها ...وات ايفر

أحب شخص لقلبك فى الدنيا؟

قلبى انا

انسان مستعد تضحي بحياتك – ركز فى كلمة حياتك - عشانه؟

ممم...فى حياتى...ممكن حد من اصحابى يستاهل كده

انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟

دكتور سقطنى سنة ظلم

ما هو:اسم أجمل كتاب كتبه بشر قرأته ومحتفظ به حتى الان؟

اسم كتاب -كتبه بشر برضة- انت متعلق بيه وبتقرأه كل فترة؟

البداية والنهاية لشيخ الاسلام: الامام :
عماد الدين ابى الفداء اسماعيل بن عمر بن كثير القرشى الدمشقى

اهم جهاز منزلى انت متعلق بيه او بتستخدمه كتير؟

مكان تحس بالراحة عندما تدخله؟

الكمبيوتر بتاعى

شىء تحس بالراحة النفسية عندما تنظر اليه؟

السما وقت الليل او وقت الفجر كده

مكان تحس فيه بالحنين الى شىء لا تدرى ماهو و ذكريات جارفة الى لاشىء؟
لما بقعد قدام اى مكان فيه ميه ..ماعدا الترع والمصارف :p

اجمل مدينة زرتها داخل مصر ؟

لغاية دلوقتى ...الغردقه...واسكندرية..

أجمل مكان طبيعي رأيته داخل مصر ؟

الشعاب المرجانية

شخصية كارتونية بتحبها؟

كونان

نوع هاتفك المحمول؟
Nokia 6610i

سرعة بروسيسور جهازك؟

3Ghz,

حجم ذاكرة –هارد- جهازك؟
200G

المساحة التى تشغلها المواد الاسلامية على جهازك؟

مش كتير اوى

أهم هدف انت واضعه لحياتك الآن؟
للاسف اتغيرت الاهداف انى اتخرج...بعد كده احب اى ملاك واتجوزها ..:)

مواصفات فتاة الأحلام بالنسبة لك؟

مش حاطط مواصفات صعبة...انها تكون انسانه...رومانسية...لاسعه ...عندها القدرة عالابداع ...جميلة ...
وتكون اهلاوية :D
واهم حاجه تكون بتعرف تحب الناس

صف ما يأتى:

شعورك لما بتسمع كلمة مصر ؟

بالفخر

شعورك لما بتسمع كلام عن اليهود؟

بالقرف

شعورك لما بتشوف ظابط شرطة؟

يارب يفضل كويس

شعورك لما بتشوف الكناس العجوز فى الطريق؟

فين ولادك؟!!

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
عاتى مواطن وماشى فى الشارع

احساس يراودك فى اشارة مرور مغلقة بسبب مسئول كبير؟

فرصة للدعاء عليه والضحك ان يوم القيامة مش هيلاقى السكة سالكة كده..:)

اللى عاوز يعمل التاج يعمله....عشان مافيش ولا واحد من الخونة اللى مررلتهم تاج زمان عملوة...فقتلتهم

Face book

Family Support

"ابنى لاعب فى النادى الفلانى ...وانا فخور بيه جدا ...والاسرة كلها وراه ومعاه لغاية لما يكمل حلمه "

"سمعت شريط ابنى الجديد...حتى الاغنية اسمها كذا....."

ده ملخص للطرطشة اللى بقالى فترة طويلة عاوز ااكتب عنها

وهى الدعم بتاع الاسرة للابناء

ولنشاطاتهم اللى بيقوموا بيها

الدعم ده ممكن ناس تستهيفه وتفتكر انه مالوش لازمة ...

بس الصراحة رايهم غلط جدا...وهو مهم جدا فى الحياة العائلية

لان لما يكون الابن او الابنه ...عارف ان اهله بيساندوه فاللى بيعمله من نشاط

وعارف ان اهله مؤمنين بقدراته واللى بيتبان من خلال النشاط

متتخيلوش كمية السعادة اللى بيبقى فيها ....

لكن لما تلاقى اهل مافيش عندهم هم او اى شاغل الا العيال تخلص دراسة وتشتغل وبس

طب اانضم لكذا...لاء..زمالهاش لازمة..

طب هدخل فنون...تؤ ...مش هتمشى فيها

طب يا سبحان الله ...طب بتخلفونا ليه ...ولا عشان تقرفونا

اذا كان الحاجه اللى احنا بنبرع فيها ...مش مقتنعين بيها

هديكم مثالين كده فى حياتى

فيه عمرو خالد من كام سنة كان طرح فكرة التوعية الصحية للامراض غير المعدية....

كان وقت الاجازة لما سمعت عن ده...وانضميت فعلا لمنتدى صحى بجامعة عين شمس

واخدت كورسات وقتها تنمية بشرية

وكورسات ميديكال كتير...وعرفنا ازاى نوعى الناس

عندى فى البيت لما عرفوا ترددوا فى الموافقه...واشترطوا انها تقتصر على الاجازة

ولما عرفوا انى بكملها فى الدراسة اتهمونى بعدم الفهم وانى مش عارف مصلحتى...ودى مش هتفيدنى فى حاجه !!!

الصراحة فادتنى فى حاجات كتير ...اتعلمت حاجات عن امراض مكنتش ااعرفها...اتعلمت ازاى ااحتك بانواع كتيرة من الناس ...وازاى ااخرج من المواقف اللى بتحصل...اتعلمت قيمة جسمنا ...وانه امانه هنتسأل عليها يوم القيامة

بس هما شايفين انه مش مهم ...ركز فى دراستك يا سفاح ...ولما تخلص ااعمل اللى انت عاوزة

حاجه تانية

النماذج بتاعت جامعة الدول اللى بمووت فيها وبنضملها دايما

مش مقتنعين بيها وشايفين انها تضييع وقت

بس لو كانت تضييع وقت مكناش بناخد عليها شهادات من رئيس الجامعه وعميد كلية سياسة واقتصاد

ومكناش هنحطها فى الcv بتاعنا كمان

حاجات كتيرة بنبقى مجتاجين دعمهم ...بس للاسف ممكن يقابلوها بالرفض التام من قبل ما يعرفوا ايه هى

ياريت الاهالى يخلوا بالهم شوية من ابنائهم

ويؤمنوا حبة بقدراتهم اللى اغلبهم مش شايفنها

ويقربوا منهم اكتر....ومش يعتقدوا انهم يعرفوا كل حاجه عنهم...وفى الاصل مش موجودين...

--------------------------

سورى للى مش عملت كومنت للناس اللى ردت عالبوست اللى فات نظرا لظروف الامتحانات...وعندى برد...روعه ...فبقعد عالكمبيوتر تخاطيف ...:)

هحاول اارد عليكم ان شاء الله

تــــحـــــيـــة إلـــــــى

المرة دى ...سيكون هذا البوست ممتلىء ...ودسم

كنت اجلس مع ملزمتى الحبيبة ...احاول ان افهم ما اقرأ او اقرأ ما افهم...ولكن فى الحالتين باءت المحاولات بالفشل

فجلست اافكر كالعادة...اذا طلب منى فى يوم من الايام ان احضر مؤتمر ما ( سيحدث قريبا ان شاء الله )

فبالطبع سيكون هناك كلمة افتتاحية لى ...

فكيف ستكون ...فعندما حاولت ان اقوم بكتابتها وجدت اننى سأقوم بتوجيه مئات الاف من التحيات والسلامات والتشكرات.
لاناس كانوا السبب فى تغيير حياتى ...او جعلى اتمسك بهدفى اكثر من الاول...وحتى ولو بكلمة صغيرة...وحتى لو كان مردود كلامهم قليل

ولكنهم احدثوا هذا التغيير الذى لا استطيع ان اتجاهله ...همممممممم

كلام كثير اود قوله فى هذه الطرطوشة ....

حسنا ...سأقوم بالكتابة ...ومثلما تأتى ...فلم اعتد ان احضر لشىء سأكتبه او اتحدث عنه...

اترك الكلمات تنساب من قلبى الى اصابعى ...التى تضرب هذه الازرار الالكترونية...فتجدوها امامكم

اول تحية اود ان اهديها لاصدقائى هنا فى عالم التدوين

فالتحية الاولى الى العزيزة ياسمين ...والتى اشعر كلما دخلت هنا بأن ملاكا قد عبر لبرهة ...لا اعلم ...فهى تذكرنى بشخصيتى القديمة قليلا قبل ان تتغير بفعل عوامل التعرية والاحتكاك مع الغيلان المسمون بالبشر فى مجتمعنا اللذيذ

تحية الى ياسمين ..والى ما تفعله ...من مجهود يكتب لها فى حسناتها ان شاء الله ...فمن يومين دخلت لمدونة ريمو بالصدفة البحته ...فوجدتها كانت فى الحالة التى يمر بها معظمنا ...ولكن استوقفنى شكر موجه الى ياسمين ...ممممممم...اظن ليس هناك كلمات اخرى تكتب تصف كيف هى ...وبالطبع هذا رأيى بناء على التعامل الذى حدث بيننا او فى القراءة والكتابة ورؤية مواقفها الكثيرة هنا

هى الان كانت تشكو من انها انسانه وليست مسخ ...ونحن نؤكد على هذا وندعوها الا تلتفت الى كلماتهم ...فكل يوم نقابل اشخاص كثر يقولون نفس الاشياء ويجعلون نفنسا تبدو وكأنها مسخ بالفعل ...وليس بشر ...ربما هى انفسهم امساخ يحنون الى العودة بشر من جديد

تحية اخرى الى سمراء النيل ....كانت هى اول كومنت فى طرطوشة اوبس ...وفعلا كلماتها ايقظتنى من غيبوبة كنت فيها ....كانت مثل الشخص الذى غرقت به عبارة فى المحيط الهندى ويحتاج الى قشة ...ليتعلق بها...فكانت كلماتها مثل تلك القشة ....فشكرا لكى جزيلا

اشكر المدون القدير ...راسبوتين على البوست الذى طلب منى ان اقوم بقرائته ...فهذه قشة اخرى قد اصبحت معى ...فبدأت فى الوقوف قليلا ...والبدء من جديد ...وفقك الله فى عملك وحياتك يا جميل

تحية ايضا الى نــونى...بكلاماتها الرقيقة ايضا التى اصبحت القشة الاخرى ...او لكى اجمع الطوف الذى سأعود اليه لموطنى ...
فشكرا لكى ...على كلماتك تلك

تحية الى عاشقة الوطن بكلماتها الرقيقة والمضحكة ...لا تقلقى السفاح قد عاد...ولكن انتى لم تعودى :p

وتحية اخرى الى كوكو الكميل ....ريرى ....ضوء القمر

مممممممممممممممممممم...انتهينا من ارسال التحيات الى عالم التدوينات....عذرا فسأعود لعالمنا الواقعى لارسل بعض التحيات فقط...وسأعود

تحية الى حبيبتى السابقه التى قد تمكنت من انتزاع قلبى بكل مهارة والاحتفاظ به سنة ونصف ...وتحية مجددا لها لانها قد تمكنت وبكل مهارة ايضا من نوع السكين وطعن هذا القلب بكل جدارة ...فشكرا لكى

تحية الى صديقى الذى ظللت معه 7 سنوات ...نأكل وننام ونشرب ونخرج سويا ...وفى الاخر خطف الفتاة التى احببتها ...تحية له لانه قد علمنى اننى لا اثق ولا اامن لاى شخص مهما كان

تحية الى اصدقاء المصلحة الذى لا يتذكرونى الا فى شىء يريدونه

تحية الى صديق الطفولة رامى ....فانت رجل بمعنى الكلمة....ورغم اننى اعلم انك لن تقرأ هذه الكلمات ...ولكن اود ان اعلن اننى فخور بكونك اخى الذى لم تلده امى ...

تحية الى اصدقائى الجدد واخوتى ضياء...و وسام...رغم اننى قد تعرفت عليكم منذ سنة فقط...ولكننى اشعر اننى اعرفكم منذ سنوات طوال

تحية الى تلك الفتاة التى هى ملاك يمشى على الارض ...والتى تدعى انجى ...ووالتى جعلتنى اذهب للجامعه شهر متواصل كى ابحث عنها واين تجلس ...فتحية لها لاننى لم اجدها حتى الان

تحية الى رئيس مجلس الوزراء ...ومحافظ الجيزة وضيوفهم الكرام لايقاف شارع الهرم ...وفتح وصلة غريبة على شارع الجامعه...فشكرا لانهم اعطونى اليوم اجازة من الذهاب للجامعه فى هذا القيظ

هل هناك احد قد نسيته ...لا ادرى ....

ولكن اود فقط فى النهاية ان اوجه تحية مخصوصة لكل من ....قلبى الذى تحمل كل تلك السنوات ولم يمت حتى الان

وتحية لكل من دخل هذه الطرطشة وترك تعليق او اكتفى بالمشاهدة ورحل ...

Stop...

ازويكم يا جماعه

بس حبيت ااعمل اعلان

عن افتتاح مدونة جديدة فى بحر المدونات

وان شاء الله تعلى اكتر واكتر

مممممممممممممممم

لسه مافيهاش غير توبك واحد

بس ان شاء الله تتملى

صاحبتها اخت صغرى لى ..

وربنا يوفقها ان شاء الله

دوووس عاللنك بالراحة بس...

Stop here

اشمعنى الكوووووسة ؟..!

اشمعزة الكوسة ...

اى واسطة...يقولك كووسة

سالت السيد الوالد...قالى عشان ورقها بيبقى باين فووق...بس من تحت متبقاش عارف ايه اللى بيحصل

ده تقريبا اللى فهمته منه

ولا عشسان عندنا وفرة منه فى مصر

انا بحب الكوووسة مووت

خصوصا لما بتتحشى ...يا سيدى...واشوفها فى الحلة بتتمختر ..

واقولها: اكلك منييييييييين يا كووسة ااكلم منييين؟

ويا سلام لما تشوفها بتستجم فى الدمعه

واقعد اتغزل فيها واقول: قوامك ممشوق...وطعمك مبلووع...ودمعتك صاروووووووووووووووووخ

يم يم

معلش جوعتكم
بس ممكن اللى بتغزل فيه ده بيحصل

يعنى تروح مكان ويقولك ده معاه حلة كووسة انما ايه ...

تخيلوا كده انه بدل الواسطة اللى بقت خلاص سلو بلدنا

يجى الشاب مننا يتقدم لوظيفه...بدل السى فى بتاعه ...وشهادات خبراته...يدخل

معزز مكرم...رافع راسه لفووووق

شايل حلة كوسة محشية ...او بالدمعه...وممكن طاجن

كل واحد بقى وشطارته فى الطبيخ

والمدير يدوق...واللى تعجبه...يشغل الواد

تصدقوا فكرة

ماماااااااااااااااااااااااا

ممكن تطبخيلى كوسة عشان ااشتغل بيها ؟؟

يوم فى دريم بارك

اليوم: الخميس 3 مايو 2007

الزمان : الساعه 10 فى ميدان رمسيس

اينعم المفروض كانت 9..بس انا نسيت موبايلى ورجعت ااجيبه تانى..وباقى الولاد...اتاخروا لظروف الصحيان وكده

العدد 8...3 ولاد..و5 بناويت

اتقابلنا...واتمشينا لحد الموقف...ركبنا ميكروباص...طبعا اغلبهم من القاهرة...وانا الوحيد اللى من الهرم...فحسوا انهم بقالهم كتييير ماشيين

وصلنا عالساعه 11 كده...وابتدت المعركة

لظروف معينة ...انقسمنا اتنين جروب ...4 و 4

مجمل اليوم كان تحفة بجد

بغض النظر عن اللعب اللى مركبتهاش ...عشان عندى رهاب الاماكن المرتفعه

او اللعب اللى ركبتها بس جبت قرف للى كان راكب معايا

ههههههههههههههههههههههههههههههههههه

وكمان الاكل اللى بطنى كانت خربانه من اللعب

بس عاوز بس ااقول ان اليوم ده خلانى فرحاان جدا...

وخلانى ااغير جو كنت محتاجه

بس من هنا..عاوز ااوجه كلمتين لاصحابى اللى كانوا معايا يومها

سوسو كعب الغزال: سعدت والله برؤيتك...وانتى بنت زى العسل ..جداا...وفقر..هههههههه...ومخك حلو برضه...ووجودك خلى اليوم ليه طعم ...شكرنز..او مياوووووووووووو

درش دير جروسا: انت يابنى مجنوون مووت...وعسل برضه...وانت عارف التانى ...ههههههههه...شكرا يا حمبى

لونلى : حبيب قلبى من جوا وقاعد من برا مبرطع عليه...مش عارف هتقرا كلامى ده ولا تؤ...بس بجد كان يوم جامممد مووت يوم لما اتعرفت عليك

وباقى الناس اللى جم بشكرهم...ر...ب...د...ب 2

نورتم اليووم

كان نفسى ااروح معاكوا....بس كنت تعباان جدا...والمشوار من رمسيس كان بمثابة انتحار ليا

بس نسيت ااكلمكم واطمن وصلتم امتى...عشان ببساطة روحت اخدت دش ونمت...سورى:$

كان نفسى يكون معانا وســـام...بجد اليوم كان ناقصك...بس المذاكرة اهم...والترم ده اهم ترم...ولازم تخلص عشان نفرح بيك بقى يا حمبى

برضه ...افتقدت شيماء...ومروة

وان شاء الله نعملها فى الصيف تانى

---------------------------------

انا بشكر الناس كلها اللى سابت كومنت عندى فى البوست الكئيب...وبجد ردودكم هى اللى خلتنى ااثابر وارجع من تانى

هرد عليكم واحد واحد...بس كمان شوية كده

اختى الكبيرة...بتعمل مشروع تخرجها وواخده الجهاز مقاولة...فمش بعرف ااقعد الا كل فين وفين

قريبا ...

-------------------------------------


تحديييييييييييث

الله يسامحك يا ضياء...منك للى اكلت دراع جوزها...بتعملى قرنين ..مااشى

دى كنا تعبانيين مووت...وهما لسه فايقين مووت ...ونازلين من الغسالة












ضياء..او لونلى...كان رايح يتصاحب على اخينا الغلبان ده









"المحفظة فين ياااااااااااض؟؟"
ده كان نص الحوار بينى وبين ضياء ...قال اخدت المحفظة قال..هع هع
انا باخد رقااب :p












وعشان تعرفوا انى عمو سفاااح طيب القلب ...دى صورتنا مع بعض قبل ما ااقتلهم هما التلاته ...نيهاااااااااااااااااااااع

كان يوم تحفه جدا...ومميز مووت....ورغم اننا متصورناش...ربنا يسامح اللى كان السبب... بس يستاهل الصراحة وحاسس انى مش هنساه...وهيفضل محفور فى الذاكرة دايما

يلا نخلص اامتحانات ونعمل رحلة للبلوجرية كلاتهم :D

Opps!

توقفت الاصابع عن الحركة....الصمت يسود المكان...هدأ النشاط الذى كان يملأ الغرفة منذ قليل ...انها النهاية...نهاية قلب...وجسد ...نهاية روح....نهاية انسان...اختار بيديه بأن ينهى حياته ...املا وطلبا للراحة...بدلا من ان يجلس كل يوم فى عذاب ....يجعل جسده يتمزق...ولكنه حى....يجعل قلبه يتمزق ايضا...ولكنه حى...يجعل روحه تخرج من جسده وتفارقه...ولكنه مازال حى...انه العذاب الاكبر ....يعانيه كل يوم....والعذاب الاكبر ...ان يبتسم فى وجوه المحبين صباحا....وفى اللليل ينفرد بنفسه ...ويكون البكاء حليفه الوحيد ...يبكى على ما فات...وماهو آت ....ليس هناك حتى بصيص من الامل ...ولكن هناك مجرد دموع تنهمر من عيناه ...لا يدرى ماهو مصيره...من الوحده القاتلة الذى يعانيها كل يوم....يستيقظ من نومه....يصطنع تلك الابتسامة البلهاء...يتمرن على قول كلمة او اثنين ...ربما يحكى طرفة....او يستمع لاحداها ...يعود لمنزله....ليجده قد اصبح موحشا ...رغم انه يعج بالبشر...ولكنه مازال موحشا...مقفرا...وكأنه ليس به الا اشباه احياء...ويدخل الى غرفته...وينظر الى تلك الصورة...صورته ...نعم هو...ولكن فى الماضى...عندما كان قلبه نقيا ....لم يدنسه كره ...او غدر ...وبجانبه خيانه...عندما كان نقيا...لم يكن يعرف الا الحب...لم يكن ذو خبرة فى هذه الحياة....لم يكن له اى شىء ....سوى حب الاخرين....ولكن يبدو ان مصيره غير ذلك....فتحول الحمل الوديع...الى جثة ....بلا روح حقيقية....شبه حى ...وتستمر الرواية ...كما هى...وبلا اى تغيير ....فى رواية ....حياة ميت ...


ده احساسى ...:(
اجازة من كل شىء...
التنفس...التفكير...البحث
المذاكرة...التدوين

رغم اننى اصبحت مدمن على هذا الشىء الذى اصبح يسرى فى عروقى مع الدماء...وربما اعود بعد يوم او اثنان...وربما لاعود:(
_______________________

تحديث:
كنت ناوى اارجع واكتب حاجه...بس اتخبطت زى دش سااقع..زووحش جدا

خلانى يجيلى احباط اكتر من الاول..
ممكن ارد عالكومنتس...لو قدرت :(

لسنـــا مــلعبــا لأحــــد

لسنا ملعبا لأحد...هو الشعار الذى تم اختياره من قبل اللجنة المنظمة واعضاء المجالس فى نموذج
جامعة الدول العربية الدولى بالقاهرة الثامن عشر

والمقام فى الجامعه الامريكية بالقاهرة

النموذج هذا العام...يشهد ظهور مجالس جديدة...سواء فى النسخة العربية او النسخة الانجليزية

وكما نعلم عن النموذج....انه يحاكى الواقع...ولكن الفرق اننا نتوصل الى قرار

والفرق ايضا اننا نعمل بينما الكبار لا يعملون

فنحن من نستطيع ان نصنع الفارق ...

المجالس الناطقة بالعربية:

المجلس الثقافى العربى

مؤتمر القمة العربى

مجلس شئون لبنانية

مجلس الحوار الوطنى

المجالس الناطقة بالانجليزية:

Arab court of justice

Arab foreign ministers

Israel affairs

The world economic forum in the middle east

بالطبع تم فتح باب الانترفيو...منذ اخر شهر ابريل ...وهى مستمرة حتى يوم 3 مايو

وتقام بالمبنى القديم من 9 صباحا حتى 5 مساءا

وللمزيد من المعلومات

يرجى زيارة موقع النموذج

http://www.modelarableague.org/

لما المنبه قعد يرررن

سمعت صوت حاجه بترن....عماله فى ودانى تزن...اتريه المنبه ابن الايه...مش عارف بيرن ليه....تقريبا انا اللى ظبطه....مش عارف ليه حتى شغلته....قمت من نومى عالحمام...وفتحت النور ....ولسه عاوز انام...غسلت وشى وحلقت دقنى ....وقمت اتوضا ....وبسرعه رحت اصلى ....عاوز اافتكر...انا ليه صاحى بدرى كده...ليه قايم من نومى ومتسربع ...على ايه يخويا ....هى الدنيا طارت يعنى ...

لبست هدومى ....والجزمة بتاعتى ....وبدور على موبايلى ....لقيته فى جيوبى ....ونزلت الشارع ...لقيته واسع...ايه ياعم ماتفووق....ماهو كده زى كل يوم...ولا انت لسه ماروقتش ....رحت لعم عرفة البقال ...قولتله هات بربع جنيه سجاير ولبان....قالى ياعم روح...سجاير ايه اللى بربع جنيه...انت فاكرنى فاتح محل خيرى....ولا عربية فول بتبيع لموون....قولتله خلاص ...انت ما صدقت ولا ايه...ولا ناوى تفتحلى محضر ...اروح اى مكان اشرب وافطر ....

مشيت من عنده تايه...مش عارفلى مكان ولا مطرح...ااروح فين ...وااجى لمين....مش عارف لسه ....طب خلاص شوفوا انتوا وقوليلى ...اروح فين ...ولا ااجى منين

اصل انا عارف انى انا السبب فى كل ده....لو مكنتش ظبط المنبه عشان يرن...وقام يزن...مكنتش قاعد بسال نفسى ...ومبهدل فكرى...انا رايح فين

قعدت على محطة الاتوبيس ...ولوحدى معييش ولا انيس او حتى ونيس....قاعد بفكر ...هعمل ايه يارب....هقوم اتجوز....ولا اطلع على شغلى ....ايه اللى انا بقوله ده.....الراجل اللى جوايا اتجنن ولا ايه....مش فاهم بيحصل ايه ....حاجات كتير متلخبطة حواليا....مش عارف ان كان العيب فيا ....ولا فيا ؟؟؟؟

جه الاتوبيس...استنى يا جدع منك له...اتوبيس مين...ده ولا علبة السردين....حرام عليا ...هظلم معايا السردين...عالاقل بيبقوا نايمين مترتبين ...دول مفعوصين ....فى علبة كبريت .....ولا حد دارى ....ولا حد حاسس باللى بيجرى ....ولا حتى شايف اللى بيحصل ده....اتفعصت فى الاتوبيس....اسف ...فى علبة الكبريت ....والمحصل بيقول...تذااااااااااااكر...اللى طلع يقب يا جدعان...هات المعلوووم...محسسنى انى متهم....ومستنى المعلم بتاع المعلووم...عشان اديله الشنطة...ويدينى السموم....خد يا سيدى...اادى المعلوم...وقب وهات السموم....قالى سموم مين والناس مفعوصين ....خد التذكرة يا استاذ....شكلك فوت ....واللية دى مش هتفوت...

والاقيه بعلو صوته يقول...خش يا كابتننننننننننن....الطرقه فاضية قدام...والست واقفه فى النص....خشى يا حجه...مش داخله...طب عدينى يا مدام....مش هتعدى....طب اولعوا بجاز....مش والعين ...طب قولولى ااعمل ايه....مواطن ...واتفعص فى علبة كبريت....يبحث عن مكان ليضع فيه قدمه....او حتى ليتحسس ظهره...كى يتاكد ان طار مصروف الشهر ....ام مازال فى مكانه ....

وقف الاتوبيس.....والمحطة اللى هنزلها جت...ووقت الجد اهو جه....طب استنى يا اسطى...حد نازل...ايوة ياعم...استنىىىىىىىىىىىى....عارفين بزعق ليه....وعمال الطم واصوت ليه ....اصل اخوكوا مزنووق ....واقف قدامه صفين تيران...و6 غزلان ...بس تقريبا اتغذوا جامد....فقلبوا وبقوا من نوع الفيلة المهجنة بالتيران .....حاسبى يا حجه....رجلك يا استاذ ...شطنتك يابنى ....استنى يا سوااااااااااااااااق ....ووصلت اخيرا وبعد طول عناء ...للباب بتاع الاتوبيس....بس بعد ما بقيت حيص بيص....والمحطة بتاعتى فاتت وجه بعدها 6 محطات....

نزلت ووقفت ...قلت ما علينا...اامشيها عليا المرة دى....ااروح اتلقحلى فى ى نت كافيه...اهو بالمرة اتسلى ....ولغاية لما ااعرف انا فين...لقيت حاجه شبه الغرزة....قلت كويس ...يمكن يكونوا امناء...دخلت وقلت السلام عليكوا....بصولى وسكتوا ونفضولى ...قلت تلاقيهم ملة تانية ....فقلت شالوم يا جدعان ....بصولى برضه ونفضولى ....قلت يكشى يولع السيبر عاللى فيه ...انا هقعد وماليش فيه....قعدت على جهاز ....لقيت طحش جاى يقولى هتقعد بكام يا استاذ.....قولتله بجنيه واتوصى بالطرشى كمان....فتحت النت كالمعتاد...وعلى الطرطشة ظبطت الجهاز....والمسنجر عافرت مع اهله عشان يعمل سيجن ان....لحد ما اكتشفت انه اتهييك واتقلبت فى الميل يا جدعان.....

انا قلت برضه هوا كان يوم اخبر يوم مافكرت ااظبط المنبه ابن الايه ...عشان يرن ويزن ويصحينى من احلى نومة وحلم.

اليوم الثقافى الالمانى

اقيم بالامس اليوم الثقافى الالمانى ...فى كلية السن جامعة عين شمس

اليوم الصراحة كان روعه ...

بجد الناس اللى اشتغلت دول...حسيت اوى بتعبهم ...

وحسيت قد ايه انهم اشتغلوا فى اليوم ده

ممممم...يمكن عشان كنت نظمت حاجه زى كده ...وعارف معنى انك تبقى واقف تعبان بس شايف اللى عملته بيكبر اكتر واكتر

انا حاولت ااحفظ الفقرات وترتيبها...بس كنت بفهم بصعوبة اصلا ...

بس من اللى فاكره ...

قامت ريهام...مقدمة الحفل بالترحيب بالحضور ...وبدأنا بالقرءان الكريم طبعا

بعد كده مش فاكر بالظبط كان فيه ايه

بس اللى افتكره...فريق المسرح عمل زى رقصة على انغالم محمد العزبى واغنية الاقصر بلدنا

وكمان كان فيه زى قصة عن الاخلاق والفضائل ...

بس كان اسلوبها حلو جدا

ودوكمنترى عن فريق العمل ...دى تقريبا كانت فى الاول ...

وكمان كان فيه اسكتشات بطريقة حلوة...خصوصا بتاع كرم جابر...عجبنى جدا

بعد كده دوكمنترى تانى او بريزنتيشن عن

تقاليد الزواج وكده

بعدين فيه واحد اسمه ديفيد عزف على الهارمونيكا عزفه حلو...بس كان بيقطع

وعجبنى الالمانى بتاعه جدا ...:)

بعد كده كان فيه استعراض لقصة اسمها ملك الاشياء

لمؤلفها دكتور طارق عبد البارى ....

استاذ قسم ..تقريبا فى الكلية عندهم

www.kings-of-things.com

ده موقع القصة ...وكمان عشان قالوا انها اول ما نزلت نزلت برا باللغة الالمانية وترجمت فيما بعد الى العربية

اليوم مجمله كان حلو

التنظيم ...ممكن يتحسن السنة الجاية اكتر من كده

الحضور ...بعيب عالناس حاجه...ان اول ما دخلوا ولقوا نفسهم مش فاهمين ناس كتيير قامت

اينعم انا 80% من الحاجات مش فهمتها...بس حاولت اافهمها من الحركة او اسلوب الحوار

او الجماهير الالمانية

ههههههههههههههههههههههههههه

تحية واجبة الى كل من شارك فى هذا اليوم

سواء تنظيمى ...او مشاركة...او حتى تشجيعا

كان معكم من كلية السن عين شمس

سفاح كرموز

Funny Egyptian pic (2)

نظرا للاقبال على الضحك

ورؤية تلك الصور

بقيت مش قادر ااخبيهم وقلت اشارككم...الحلم المصرى

هههههههههههههههههههههههههههههههههههه

على فكرة دول تقريبا 11 او 12 من اصل 900 عندى عالجهاز....:)

رحلت....بدون وداع

دخل هذه المرة المنزل وحيدا

وضع مفاتيحه على المنضدة كالعادة

سيقول جملته المعتادة ايضا " مى ....انا جيت يا حبى ... و"

ولكن تلك المرة

ليس هناك مى

فقد رحلت

رحلت للابد

لم يستطع ان يودعها

لم يستطع ان يقبل وجنتيها

ويقول لها احبك

وقف ينظر من حوله ...وجد الشقه مظلمة على غير العادة

احس وكأن هناك شيئا يجثم فوق صدره

احس بالاختناق

وجد دموعه تنهمر

لم يردعها

تركها تسير

فقد منعها وبشدة عندما كان يتلقى العزاء فى قلبه

فى حبيبة عمره

ولكن هذه المرة لا يستطيع ان يمنعها

ففى كل مكان فى الشقه تنطق باسمها

هنا كانت تجهز له بعض السندوتشات ليأخذها معه عمله

وهنا كانت تقوم بالكى

هنا كانت اول مرة يجلسوا ليشاهدوا البوم الذكريات

امسك وشاح لها

اخذ يتشممه...

قربه الى صدره

اشتد بكاؤه

احس انه ميت

فى جسد حى

روحه غائبه عنه

ولكن جسده يتحرك

يشعر وكأنما انتزعوا منه قلبه

فكيف يحيا بدونه

كيف يحيا بدون رفيقة العمر

ماذا يفعل من بعدها

توقف القلب عن النبض

صمتت الانفاس

ساد صمت رهيب

اين ذهب

مازال جالسا

يستعيد ذكرياته

ويقول

احبك

Funny Egyptian pic

نظرا للحالة المزاجية اللى مش ولابد بقالها كام يوم ...

فقلت ااكملها صور مضحكة

بس المرة دى لقيت حاجات مصرية

وحاجات ممكن تكون مصرية

وهسيبلكم انتوا اللى تعلقوا المرة دى

لان بجد مش لاقى كومنت يتقال

The Lake House

cast:

	Keanu Reeves	...	Alex Wyler
	Sandra Bullock	...	Kate Forster

story talk about:

When two people "connect" the bond between them can be so pure and simple as to stir hearts in heaven. When they connect in all the right places at all the wrong times, heaven weeps for broken hearts. To heal these broken hearts, heaven breaks time. Written by Blithe Spiritus

Kate Forster (Sandra Bullock) is moving out from her lake house, built all of it with glass. She is a doctor and has just begin to work in a hospital in Chicago, moving to a new flat in the center of the city. Alex Wyler (Keanu Reeves) is the new owner of the lake house, a young architect who's working in the construction of a new complex of houses at the city skirts. Alex and Kate are maintaining a correspondence, talking about the house matters, sending each other letters, which are put in the lake house's letter box. But a strange thing is happening, because both of them find out that the letter box is working as a kind of time communication channel, between the year 2004, where Alex's living, and 2006, the year that Kate's actually living. After sending each other many letters talking about their lives, and Kate talking to Alex about how life will be in two years, it seems like they're falling in love each other. But maybe they will never meet each other, because of the time distance. Nevertheless, Kate comes up with a memory from 2004, when she forgot a book in a train station, Jane Austen's "Persuasion", and she'll ask Alex to go to that place in that precise moment, when she lost the book. Maybe the future of Kate is about to change, when Alex decides to meet Kate's other self in the past, despite the fact that she has a boyfriend. They will learn that playing with time could be a little bit dangerous for both of them, but Alex will take everything into his hands to finally meet Kate in the future. Written by Alejandro Frias

In Chicago, the lonely architect Alex Wyler has a troubled relationship with his father Simon Wyler. In 2004, he buys an old glass house in a lake, designed and built by his father, and he finds a message in his mailbox from the former tenant, the also lonely Dr. Kate Forster, asking to deliver her correspondence in an address downtown. Alex meets his brother Henry in Chicago and when they go to the address with Dr. Forster's correspondence, they find a building of luxury apartments under construction to be delivered eighteen months later. After some messages, Alex and Kate disclose that she is living in 2006 and Alex in 2004, they fall in love for each other and they try to find means to meet each other. Written by Claudio Carvalho, Rio de Janeiro, Brazil

ppl...the film is awesome.....

i tried to tell the story like koukawy write in her blog...but i can't do it ..so i...ll2asf ..copy all about the film from site ..:)

Funny Pictures

الصورة ليست مصرية..عفوا



شرب الشاى مضر بالصحة ويؤدى للوفاة





الحاجه ام الاختراع...عفوا الصورة ليست مصرية :D

احدث سيارة قتال روسية...يا سيدى ..عالتكنولوبيا


راح ...للابد...


العميل فرافيرو 007
نعدكم بالراحة...اينما كنتم ...ومهما كنتم تفعلون ..

محدش يعرف اول الكوبرى فيين؟؟

يا خيبتك..فى البحرية وخايف لتتيبل!!


اوع الوحش جى...عن عنننن

واخيرا...عرفنا معنى كلمة W c

اتمنى تكونوا استمتعتم

البيه البواب......جـــــارك

اها...انت قريت صح

جارك الجديد...واللى انت شايف احدث المنقولات بتتنقل

والشهرين اللى تم ازعاجك فى تكسير وتوضيب الشقه

طلع بواب عمارتك ...سابقا ...

وممكن حاليا

هتقول عجبى ...لا يمكن

هتنزل تروح الشغل ...لمعت عربيتك...جاى تطلع...عربية زنقاك...

عربية مين دى

عربية البواب...جارك

بتودى ولادك المدرسة الخاصة ام 10 تلاف فى الترم

تلاقى ولاده برضه هناك

النادى ابو 100 الف ...برضه قاعد هناك

ايه يا جماعه

كده مش تمام

ده بواب

اينعم سابقا

بس مهما كان ...بواب

كان زمان بيقولى يا سعادة البيه


دلوقتى يا استاذ

بكرة هيقول اسمى حاف

ولا هيحطه فى رغيف ويغمسه

لا يمكن ...ابدا...ازاى ...مستحيل

البيه البواب....جارك

حقيقة مش تقدر تعترض عليها

هتنزل قسم تعمل محضر ...وتقول جارى ...البواب

عاتى ...مافيهاش حاجه

ايه يعنى ...

انت هتسكت...ولا هتتكلم؟؟؟

Barbie girl

Love Hina Barbie Girl - Funny bloopers are a click away

انت فين يا راسبوتين؟؟؟!

راسبوتين

مدون متميز جدا

طلع كان فى نفس الكلية

بس هوا متخرج من زمان

انسان خلوق

له حضور

بيجبرك انك تحترمه

بحب كتابته جدا

بس لظروف النت عندى

اغلب الناس اللى بقرالهم

مكنتش بعرف ااسيب كومنت

ظبطت النت

دخلت عنده

فوجئت

ولقيت المدونة مقفولة

معرفش السبب

بس بيقول انه راجع تانى

بس عاوز ااطمن عليه

بخير

طب ايه السبب

مش عارف

قلت ااجى هنا واطرطش

لعل وعسى

حد يدلنى

على

راسبوتين

تـــــــــــاج يـــفـــوت ولا حـــــد يـــــمــــوت

احم احم ....

السادة القراء ...وصلنى طلب مقدم من الالمدونة العزيزة ...تسنيم ...

بانه هناك تاج 2 فى 1 برضه .....

المطلوب انى اجاوب عليه ....

ونظرا انى اصلا لسه فى ذمتى تاج

لـكوكو الكميل

فهعمل ده اولا

والاخر بعدين

لانه لغات...

وانا اخرى صعيدى للاسف :p

--------------------------------------------------

هواية لما بتمارسها بتستغرق فيها تماما...وتنفصل عن عالم الواقع لفترة من الوقت اثناء ممارستها؟؟

ممممممممم....هى اجمل حاجه بالنسبالى ..انى ااكتب ...ودى تعتبر بقت زى الهوا اللى بتنفسه ....
فلما بكتب حاجه...وخصوصا لو مخنووق...او فى موود فرحان جدا ...وببقى مش عاوز الاحساس ده يروح...فبفتح الكومبيوتر عالطوول
واقعد بقى ااكتب ...ممكن اافضل ساعتين قاعد صوابعى بتكتك عالكيبورد....ويقولوى صدعنا...بس برضه انا مش متابعهم ولا حتى سامعهم...
بنفصل فى مكان تانى خالص ...بحس اكنى قاعد على جزيرة لوحدى قاعد بعبر عن نفسى ....
والكلام مببقاش مجهزه فى دماغى ...تؤ...صوابعى بتنطلق ...ومبشوفش اللى كتبته الا بعدها ....
وبلاقى غلطات املائية ...بقعد ااصلحها ...بس ده من سبب انى بحس مش شخصيتى الحقيقية هى اللى بتكتبه ...
بحس حد تانى ممكن بيتقمص شخصيتى وبينطلق يبدع
بس كويس نوعا ما ....لان الاحساس اللى ببقى فيه بيتنقل من القلب الى الجهاز ...وتجدوه فى الكلمات ....
عشان كده اغلب لما بكتب يقولى...ان فيها احساس جميل...وارجع ااقرا اللى كتبته لاول مرة ...احس ان فيها حاجه فعلا ....

ده اول وااحد...التانى بقى
-------------------------------------------------------------

هل كنت طالب شاطر فى المدرسة؟

لغاية سن معين ...وبعد كده الابداع توقف وسيل الدرجات بدأ فى النضوب....

ايه كانت احب مادة بتحبها فى الكلية والمدرسة واللى بتكرهها برضه ؟

طب اللى بكرهها ودى مش محتاجه شرح...الرياضة بكل مشتقاتها ...
يعنى السنة دى معايا تشريعات اقتصادية واقتصاد...الاتنين رياضة برضه يعععععععععععع

اكتر مادة كنت بعشقها ...مش بحبها بس ....الانجلش ...تحفة ...كنت بستنى الحصة تيجى عشان اارفع ايدى واقف ااقرا ...
كنت بحس بمتعه ولسه لغاية دلوقتى ...بس لما دخلت الكلية الحال اتدهور لانى يادوب ااقرا الملزمة ليلة الامتحان ...واحفظ مصطلحين قانونين ...واخرج ..والحمد الله بقفل المادة ...:)

كنت نفسك تطلع ايه وانت صغير؟

مممممم....ملحق دبلوماسى ..:)
ومازلت مشعشعة فى النفووح

-------------------

وانتهت المعركة الاولى

طبعا همرر التاج ده لنااااااااااااااااااااس كتير ....


عمو صاصا ....حكايات زمان

تخاريف شيماء

مسافرين ومعاهم شنطة

كلام عربى

كش ملك

اوقات فراغ

رنين الصمت

كفاية كده ...نخلى حاجه للتاج التانى

مجتمع الاقلام

فى يوم كنت اشعر بعدم الرغبة فى فعل اى شىء ....

وقررت ان اذهب لكى اتمشى قليلا ....

واثناء جولتى بالمدينة.....

وجدت حديقة ...اسمها غريب

فهى المرة الاولى التى اسمع فيها هذا الاسم

كان اسمها ...مجتمع الاقلام

واسم اخر مجتمع الافكار

اسماء غريبة....فدفعنى فضولى لادخل واعرف ماذا يفعلون بالداخل

فوجدت كل شخص جالس بمفرده ويحمل شىء يعبر عنه وعن افكاره ....

فمنهم من يحمل قلم ....وكراسة صغيرة ...يكتب بها

واخر معه فرشاة ولوحة يرسمها

وهذا اخر ايضا واقف على ربوة عالية ....يلقى شعرا ...

ولكن دون جمهور

اعجبنى الوضع

فقررت ان اكون مثلهم

ولما لا ....فالافكار ليست حكرا على شخص بعينه

جلست...وتوالت الايام ...وانا مازلت اعبر عن نفسى ....

ولكننى لاحظت شيئا ...انهم يعبرون ولا يلتفتون لاحدهم الاخر

الى ان وجدت شخصا فى يوم قد توقف عن التعبير ...ونظر من وحله ...فوجد اخر يعبر عن طريق الشعر...فانتبه له وجلس يستمع له

الى ان انتهى

فصفق له اعجابا...ومدح قصيدته

الى ان ابتدأ المعبرون واحدا تلو الاخر يلتف الى من يجلس قربه ويشجعه...

ويتبادل معه الافكار....ويقولوا ارائهم....

بدأ المجتمع فى النمو ....

وبدأ المعبرون فى معرفة بعضهم البعض

الى ان جمعهم لقاء كبير جدا.....

وبدأوا فى تبادل الافكار اكثر واكثر

وعمت الفائدة

وكثر اعدادهم يوما بعد يوم

-----------------

هكذا هو عالم التدوين ...كما انا رأيته

مثل هذه الحديقة ...

فكل يوم اجد نفسى تستفيد من شىء ما

اجد كلام يعجبنى

بعض الابيات من الشعر تجذبنى اليها

انظر الى الحياة بنظرة اكثر تفاؤلا ....

عالم المدونات.....هذا البحر الذى لا نهاية له ....

فهل تراه بنفس النظرة؟؟؟؟

مش طايق بجد

اتخنقنت

ايه الجديد

منا كل يوم فى نفس الموود

بس المرة دى اتخنقنت من كتر الخنقة اللى فيها

بضحك على نفسى وبضحك فى وش الناس اللى اعرفها

بس تقريبا مبقتش طايق ااكدب على نفسى ااكتر من كده

ممكن عشان النتيجة قربت

تؤ معتقدش

انا كل سنة ببقى بارد وبتفقع الصدمة المعتادة

محتاج ااسافر بجد

واغير جو

لانى اتخنقنت من جو القاهرة والمكان اللى عايش فيه بجدددددددددددددددد

بفكر ااقفل الموبايل شهر كده

وابعد عن النت باللى فيه

ومشوفش حد

بس تعتقدوا ده الحل

انا بشوف الناس بتعمل كومنتس هنا

وببقى عاوز اارد

بس من جوايا مش فى موود حلو يخلينى ااعرف اارد

وصلت لدرجة انى انفجرت خلاص

والانهيار ابتدى ..:(

انتى ماشية بشعرك ليه؟؟!

س: انتى عارفه لو اتحجبتى كمية الحسنات اللى هتاخديها ؟
ص: عارفة ...بس مش لازم اتحجب وانا مقتنعه بكده...ولا ايه الفايدة انى االبسه وانا مش مقتنعه بيه
س: بطلى كلام فارغ ...والكلام اللى الشيطان بيقولهولك ده ....اتحجبى الاول ...بعدين عندك حياتك كلها اقعدى اقنعى نفسك ...المهم اتحجبى الاول
ص: !!!!!!!!!!!!!!!!!!!!!!!!!!!!!!!!!!

ده حوار شفته بيحصل من اول ما دخلت الجامعه من 4 سنين

كل مرة ااعدى على تجمع للاخوان مثلا ...وبنات عموما ...بشوف العجب ...بجد

يعنى قبل كده واحده من الاخوات دخلت وبتسلم...وواحده معاهم بس مش اخوان ...مسلمتش عليها ...سبحان الله

مش الرسول عليه الصلاة والسلام اوصانا بافشاء السلام ...سواء كبير او صغير

طب ايه ده ؟؟؟؟

مش فاهم ....

بنت مش محجبة تدخل الجامع...تلاقى نظرات الاستنكار والغضب ظهرت على وشوش البنات

زى ما شفنا ...تتحجب ...بعدين تقتنع...
طب مش كده هتاخد ذنوب...لانها اكيد هتقلعه ...فى اوقات معينة ....

طب ما تسيبيها وادعيلها بالهداية مثلا

او هى هيجى عليها يوم ومرة واحده هتلاقى نفسها بتلبس الحجاب ....

حصل كده مع اختى

مرة واحده حبت تتحجب ...وعجبها منظرها فيه ...واقتنعت الحمد الله بيه

المغزى اللى عاوز ااوصله ...اننا بقينا لنبص لبعض على اننا فئات

ملتزمون وغير ملتزمون

اخوان ومش اخوان

سنيين ...وسلفيين

الخ من الاحزاب اللى اتنشرت الايام دى

مش عارف ...تقريبا الاسلام غيرووه ...ولا بقينا فى عالم تانى

الله اعلم

ربنا يهدى الجميع

جمبرى بالصلصة الحارة

يفخر السفاح بتقديم الذ واشهى الوصفات ...

التى قام باخذها

من الزوجات والازواج الذين ذهبوا للعالم الاخر

هى هى هى

-----------------------------

المقادير:

كيلو جمبرى متوسط الحجم متقشر ومتنضف ومغسول كماان

ربع كوب كرفس متقطع

جزرة متوسطة الحجم متقشرة ومتقطعه مكعبات متوسطة

بصلة صغننه مقطعه الى شرائح صغيرة

ملعقه صغيرة فلفل اسود

2 ملعقه كبيرة صلصة حارة

2 ملعقة كبيرة زيت

بقدونس للتجميل

ملح ...حسب الرغبة

طريقة الطبخ :

ضع الجمبرى والجزر فى حلة واضف 3 اكواب ماء ساخن ...وضعهم على النار ....ويترك 15 دقيقة يغلى ....ثم ضعووه على جمب

فى حلة اخرى سخن الزيت واضف شرائح البصل وقلبووها حتى يصفر لونها قليلا

ثم بعد ذلك ضيفوا الجمبرى المسلووق والجزر وتبلوهم بالملح والفلفل الاسود

اتركوه على نار هادئة لمدة 10 دقائق .....ثم ضعوه فى طبق وزينووه بالبقدونس وقدموة ساخنا مع الارز الابيض

انـــــــا شـــــــــاذ!

انا شاذ جنسيا ...واعشق حبيبى ورفيق عمرى

كلمات رايتها على مدونة ما ...لرجل ...او مشروع رجل وقد فشل

يفتخر بانه شاذ

ويصف كل من يدعو له بالهداية ...بانهم قمامة ...او مجرد كلاب تعوى

انا لا اعرف ماذا اطلق عليهم

هؤلاء الرجال

او النساء اللواتى هن فخورات

بانهن شواذ

ما المتعه فى هذا

ما المتعه فى ان نخالف شرع الله

وجميع الاديان السماوية

البعض يقول انها حرية شخصية ...

حسنا

ولكن الا يعرفوا اذا بليتم فاستتروا

وحرية شخصية فى الدنيا الفانية

ولكن فى يوم القيامة ...عندما ياتى الحساب
هل سيقولون حريتى الشخصية

الا تعلمون ان عرش الرحمن يهتز وبشدة

ويثقل على حملة العرش

عندما يطء الرجل رجلا اخر

او تطء المرأة مرأة اخرى مثلها

الا يعلمون عقاب اللواط او السحاق

الا يعلمون مصيرهم فى الاخرة

فما الفائدة من متعه وقتية ستزول بزوال الدنيا

ويأتى بعدها عذاب لا نهاية له

ايها السادة الشواذ ...

او كما تحبوا ان تطلقوا على انفسكم

استتروا قليلا

فلقد اتعبتم عيوننا ...وعقولنا

وجعلتم بطوننا تشمئز عندما تقرأ صدفة ما تكتبونه

استتروا قليلا ...

حتى نستطيع ان نحيا فى هذه الدنيا الغريبة

وليحفظنا الله من كل سوء