Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Saturday, April 11, 2020

JuJu Hanem

عزيزتي جوجو 

تحية طيبة وبعد ،،، 


أكتب اليك هذه الرسالة بعد ان وصلني خطابك، وكم ادركت مدي استيائك الشديد والذى قرأته بين سطور كلماتك الغاضبة ، لذلك اود او اوجه اليك اعتذاري البالغ بسبب ما بدر مني بالأمس ربما لم اكن فى وعيي عندما فعلت ما فعلته، وربما لم اكن فى كامل قواي العقلية عندما كنت سبب في انهمار تلك الدموع الغالية والتى تبدو مثل حبات اللؤلؤ من عيناكي الساحرتين، وربما لا يوجد اى مبرر لما فعلته واقترفته يداي ومن قبلها كلماتي الساخرة التى خرجت من فمي، ولكن ها انا هنا احاول ان اكتسب ودك مجددا..


انا اعلم اننى لست الرجل التى تحلم به اى فتاة، هذا الامير الذي يمتطي حصانه الابيض ويحمل درعه اللامع وسيفه المسلول الذ يقوم باجتزاز الرؤوس به، ولكنني شاب عادي ربما يظن انه يستطيع التعامل مع الاناث بكل رقة ولكن هاو هو يقوم باطاحة كل شىء فى لمح البصر..

وربما اعلم اننى لست على طبيعتي حيث اننى من فترة طويلة وقد انهكني التعب والحزن واثقل عاتقي ولكنني احاول ، وربما لن اصل الى ما يقرب درجة الكمال ولكننى مازلت احاول، فربما تلك الفترة الطويلة التى قضيتها وحيدا بين اركان قصرى المتواضع قد جعلت مني انسان غريب لا يقوي على العيش مع البشر، ولكنني احاول العودة الى طبيعتي فى الماضي.

ولعلك لا تدري ما قد فعلته به عيناك الساحرتين عندما رايتك وما فعله بي صوتك العذب عندما تسلل الى اذني، وما فعله بي قلبي عندما رأيته يهرول اليك ويطلب منك الدخول للاحتماء بداخلك، رأيت ما قد تستطيعين فعله من معجزات لا يدركه العقل البشري المحدود.

ولعلك لا تدركين مدي جمالك الداخلي الذى قد رأيته، فقد رأيت ملكة متوجة على عرشها ينظر  اليها عامة الشعب بكل احترام وتقدير وخوف وقد حذرني الكثيرون من ان الوصول اليك صعب للغاية بل ورما يكون مستحيل، ولكننى رأيت جوهرك الداخلي الذى يشع نورا وقد ايقنت ان من قام بتحذيري هم يعيشون فى اوهام وخيالات قد صنعها عقلهم المحدود الذى لا يقوي على تخيل المعجزات.

لذلك يا ملكتى الجميلة اطلب منك العفو والغفران عما بدر مني، ولعلك قد لاحظتي مدي تأثيرك الحالي على حياتي منذ اول يوم تحادثنا ومنذ اول يوم قمنا بتبادل الخطابات عبر الحمام الزاجل، لذلك ارجو منك ان تثقي بي مجددا وان تغفري لى ما بدر مني لأننى لا اقوي على ان افارق تلك الابتسامة التى اعشقها وهذا القلب النقي الطيب الذي تحملينه بداخلك.

من فارسك المتواضع 

Sunday, June 19, 2016


And you let her go 

Wednesday, April 27, 2016

تعب .. وجع .. زهق .. معرفش 
ملخص 2015 ..

اتعرفت عليها فى مايو .. قرينا فاتحة فى يونيو ..اتخطبنا فى اخر يوليو .. بدأنا خناق من نوفمبر تقريبا .. فركشنا فى ابريل 2016 

مجمل التجربة كويس.. بس تخليك تكره المنظومة بتاعت الجواز فى مصر .. هى العملية كلها بيع وشراء .. بنبيع ونشترى فى بعض فى كل حاجه مش اسلوب الناس عشان ترتاح 
قالك انزل لف واتعب عشان ترتاح .. مقتنعتش انك تنزل تلف على كل المحلات عشان تلاقى حاجه تعجبك فى الاخر مش هتعملها عند المحل ده عشان غالى .. طيب ايه مفهوم الغالى والرخيص عندكم.. ايه مفهوم الراحة اصلا عندكم.. 
وفى الاخر تلاقى ناس بتنظر عليك وعلى مجهودك وكلامك واسلوبك وكل حاجه 

وتلاقى الطرف التانى مش واقف معاك لاء ضدك.. وتقول لاء انت بيتهيقلك .. بس لاء فى الاخر تلاقى نفسك بتسمع كلام صعب اوى تعيش معاه .. ويوم ما تاخد القرار يقولوا لاء انت ظالم  

معرفش .. انا مرتاح الحمد الله بس بقيت خايف اكتر من انى اقرب من اى حد اذا كان هيطلع كويس ولا لاء .. هوا ده اللى انت عاوزه ولا لاء 

بس مش عارف بحن لحاجات قديمة .. حاجات كل واحد بقى مرتب حياته على الجديد اللى فيها .. والضغوط اللى حواليك
وكلام يسد النفس .. ايه ده انت كنت هتتجوز فى شهر يوليو فركشتوا دلوقتى .. لاء ازاى تفركش كنت تستحمل وخلاص .. كل واحد بيقول وخلاص ومحدش بيشيل خرا غيره .. بينصحوك ووقت الخرا محدش بيشيل معاك 

عندى حالة قرف من كل حاجه حواليا .. حاولت اتماسك بس من الواضح ان فترة الزعل دى لابد منها .. مش زعل على حد اكتر من انه زعل على نفسى 

الحمد الله 

Saturday, November 21, 2015

بقيت بائس اكتر من الاول .. برضى باى حاجه واى حد .. مش لاقى اللى يفهم دماغى زى زمان .. بقارن بين كل الناس وده فى حد ذاته ظلم لأى حد 
مبحبش حد ياخدنى على قد عفلى .. مبحبش حد يعند معايا .. مبحبش حد  يحطنى قدام الامر الواقع .. ساعتها بتحول لأسوأ شخصية ممكن تشوفها فى حياتك كلها وممكن نسخة سيئة اكتر بكتير مما كنت تتخيل !!

الموضوع صعب ومش بستسلم بسهولة بس لما اقرب الناس ليك يشوف انت اللى بتعمله مش كافى يبقى احا عليك وعلى تعبك وملوش لازمة تفرهد فى ميتين ا هلك كل يوم عشان مش هيعجب فى الاخر 

فاكس كلام اصلا 

انا حياتى وقفت من سنة 2012 اصلا من الواضح .. وباين انى مبقاش ينفع احب حد ولا اخلى حد يحبنى تانى 

end of life !

Thursday, July 16, 2015

كل سنة وانتم طيبين 
وبخير 
وايامكم حلوة 

ان شاء الله هرجع اكتب هنا تانى

لو حد فاكرنى اصلا 
:D

Friday, February 06, 2015

تنهيدة طويلة اوى مصحوبة بوجع وقرف وحزن وعتاب ولوم 

نفسى اقابل حد غريب ننزل نحكى وبس انا احكى هى ولا هوا يحكى نسلم على بعض ونمشى 

محدش هيحكم عليك وقتها ولا يومك انك سبت فلان ولا رجعت لعلان ولا اي هرى من اللى الاصحاب والاحباب بيعملوه 
يوميا الناس بتقطع فيك اكتر من الاول تحت شعار بنحبك وخايفين عليك
انا بقيت لوحدى فعلا من فترة طويلة .. حاجه اكسرت فيا وعمرها من هترجع تانى زى الاول 

:(

Monday, October 13, 2014



من وانا صغير بحلم بالعلاقة المثالية 
الافلام اللى كنت بشوفها تقريبا اثرت عليا اوى وبتخيل نفسى فى علاقة زى كده والدنيا تمشى حلو 
ويوم لما العلاقة كانت مثالية الدنيا ضحكتلى اه فى الاخر بس بطريقة تانية 

مفيش حاجه مثالية اوى 
حياتنا كلها اختيارات
اختيار تكون فرحان حزين لوحدك مع حد بتحبه بتكرهه 
كل حاجه اختيار 

اه ربنا كاتبلنا حياتنا عاملة ازاى 
بس فى الاخر فى النص بنختار بردوا حاجات كتيرة 

ولو اخترت انا دلوقتى عشان اكون مبسوط 
هختار اطلع امشى عالصحراوى لحد اسكندرية فى عربية مكشوفة ومشغل اغانى لأم كلثوم وجنبى سكارليت جوهانسون بعد ما اقنعها انها تعيش فى مصر 
:D