اها...انت قريت صحجارك الجديد...واللى انت شايف احدث المنقولات بتتنقل
والشهرين اللى تم ازعاجك فى تكسير وتوضيب الشقه
طلع بواب عمارتك ...سابقا ...
وممكن حاليا
هتقول عجبى ...لا يمكن
هتنزل تروح الشغل ...لمعت عربيتك...جاى تطلع...عربية زنقاك...
عربية مين دى
عربية البواب...جارك
بتودى ولادك المدرسة الخاصة ام 10 تلاف فى الترم
تلاقى ولاده برضه هناك
النادى ابو 100 الف ...برضه قاعد هناك
ايه يا جماعه
كده مش تمام
ده بواب
اينعم سابقا
بس مهما كان ...بواب
كان زمان بيقولى يا سعادة البيه
دلوقتى يا استاذ
بكرة هيقول اسمى حاف
ولا هيحطه فى رغيف ويغمسه
لا يمكن ...ابدا...ازاى ...مستحيل
البيه البواب....جارك
حقيقة مش تقدر تعترض عليها
هتنزل قسم تعمل محضر ...وتقول جارى ...البواب
عاتى ...مافيهاش حاجه
ايه يعنى ...
انت هتسكت...ولا هتتكلم؟؟؟
12 comments:
هو الراجل اللي بتتكلم عنه هو وجاره ده فين عشان اروح اسكن جنبهم
:)
اني بيه اني بيه
مكدبش :D
خد شقة ودخل عياله احسن مدارس وكمان جاب عربية
ربنا معاه ويكملهم مليون
ههههههه
هسكت طبعا
اصل هقوله ايه؟؟؟؟
شادى فايد:
هههههه
فى عمارة فى اخر الشارع بتاعنا ..:)
____________________________
ضوء القمر:
طبعا ...الفلوس لغة العصر دلوقتى ..ومبقتش تفرق بين واحد والتانى ...
منورة ..البيه :D
______________________________
تخاريف:
هههههههههه
قولى لا اله الا الله
انا فاكر زمان وانا فى ثانوى من 4 او 5 سنين...كنت بشوف بواب بتاع عمارة واحد صاحبى كان عنده عربية ...وكمبيوتر ..:)
البوست ده اثر فيا جامد قوي
انا خلاص قررت ابقي بواب
:))
موقف غريب جدا يدعو للتفكير
J.B.
البوابين والسياس أكتر ناس بتاكلها والعة
بس مش ينفع يتكلم..يعني هيقول اية بس؟
حسبنا الله ونعم الوكيل
الغلطة مش غلطته
لما الواحد يقعد يهري وينكت في نفسه طول عمره في التعليم وبعدين يتحرق دمه في الشغل عشان يعمل حاجة ويلاقي ناس أبسط منه بكتير في العلم والتفكير والوظيفة (إن كان ممكن نسميها وظيفة) ويسبقوه
يبقى فيه غلط ..بس الغلط فين
مش موضوعنا دلوقتي
بس الموضوع دة حقيقي ولا افتراض؟
وبعدين انا عشان أقرالك..لازم اتوه؟ انت بتكتب في انهو بلوج بالضبط؟
سلامات
نوني
عادي يعني هوه مش من حقه يعيش
ذيه ذينا
والله يابخته
يا بني الدنيا تراب و لا تنزل تروح القسم و لا حاجه ابقي اتصرف معاه انت
مندهش:
ممممممم...ايدى على ايدك...بس هاتلنا عمارة تكون بتحترم بوابها وبتاعامله على انه بنى ادم..:)
-------------
J.B:
بانتظارك حتى تنتهى من تفكيرك..:)
------------------
noony:
والله يا نونى ...دى مشكلة بلد بحالها ...مش مجرد شعب او واحد ولا اتنين ..
هوا بياخد من عمارة ...وشغل فى سوق...وكمان من الجراج...وبيشتغل سمسار ...
ورغم انه عنده عمارة ولا اتنين ...بس قاعد عادى بواب ...
انا بتكلم فى الكومنت ده على بواب عمارتنا ...بس اللى كتبت عنه البوست كان بواب فى عمارة جمبنا ..وسكن فى العمارة اللى كان شغال فيها ...
سيبك انتى على رايك :D
انا رحت عندك وطبعت كومنت عشان تعرفى توصليلى ...
بسا .:)
shermen:
انا اعرف ...عالم حقووده اوى :p
انا عاوز ااشتغل بواب :D منورة
----------------------------
koukawy:
ويلكم كوكو ...:)
عندك حق ...هراضيه بكام مليون اللى مش معايا اصلا...ونخلص العملية
منورة تانى ..:)
Post a Comment