توقفت الاصابع عن الحركة....الصمت يسود المكان...هدأ النشاط الذى كان يملأ الغرفة منذ قليل ...انها النهاية...نهاية قلب...وجسد ...نهاية روح....نهاية انسان...اختار بيديه بأن ينهى حياته ...املا وطلبا للراحة...بدلا من ان يجلس كل يوم فى عذاب ....يجعل جسده يتمزق...ولكنه حى....يجعل قلبه يتمزق ايضا...ولكنه حى...يجعل روحه تخرج من جسده وتفارقه...ولكنه مازال حى...انه العذاب الاكبر ....يعانيه كل يوم....والعذاب الاكبر ...ان يبتسم فى وجوه المحبين صباحا....وفى اللليل ينفرد بنفسه ...ويكون البكاء حليفه الوحيد ...يبكى على ما فات...وماهو آت ....ليس هناك حتى بصيص من الامل ...ولكن هناك مجرد دموع تنهمر من عيناه ...لا يدرى ماهو مصيره...من الوحده القاتلة الذى يعانيها كل يوم....يستيقظ من نومه....يصطنع تلك الابتسامة البلهاء...يتمرن على قول كلمة او اثنين ...ربما يحكى طرفة....او يستمع لاحداها ...يعود لمنزله....ليجده قد اصبح موحشا ...رغم انه يعج بالبشر...ولكنه مازال موحشا...مقفرا...وكأنه ليس به الا اشباه احياء...ويدخل الى غرفته...وينظر الى تلك الصورة...صورته ...نعم هو...ولكن فى الماضى...عندما كان قلبه نقيا ....لم يدنسه كره ...او غدر ...وبجانبه خيانه...عندما كان نقيا...لم يكن يعرف الا الحب...لم يكن ذو خبرة فى هذه الحياة....لم يكن له اى شىء ....سوى حب الاخرين....ولكن يبدو ان مصيره غير ذلك....فتحول الحمل الوديع...الى جثة ....بلا روح حقيقية....شبه حى ...وتستمر الرواية ...كما هى...وبلا اى تغيير ....فى رواية ....حياة ميت ...
ده احساسى ...:(
اجازة من كل شىء...
التنفس...التفكير...البحث
المذاكرة...التدوين
رغم اننى اصبحت مدمن على هذا الشىء الذى اصبح يسرى فى عروقى مع الدماء...وربما اعود بعد يوم او اثنان...وربما لاعود:(
_______________________
تحديث:
كنت ناوى اارجع واكتب حاجه...بس اتخبطت زى دش سااقع..زووحش جدا
خلانى يجيلى احباط اكتر من الاول..
ممكن ارد عالكومنتس...لو قدرت :(
ده احساسى ...:(
اجازة من كل شىء...
التنفس...التفكير...البحث
المذاكرة...التدوين
رغم اننى اصبحت مدمن على هذا الشىء الذى اصبح يسرى فى عروقى مع الدماء...وربما اعود بعد يوم او اثنان...وربما لاعود:(
_______________________
تحديث:
كنت ناوى اارجع واكتب حاجه...بس اتخبطت زى دش سااقع..زووحش جدا
خلانى يجيلى احباط اكتر من الاول..
ممكن ارد عالكومنتس...لو قدرت :(
26 comments:
ليه كدة
وليه الياس دة
صدقني الموضوع مش مستاهل منك كل دة
كل اللي انت فيه هيروق
كل اللي عليك بجد
قوم اتوضا وصلي ركعتين لله
ويبها علي اللي خلقك وادعي بقلب جامد وقول يارب مش ليا غيرك
اطلب منه طهارة القلب وهو مش هيبخل عليك لو طلبتها بقلب صادق موجوع زي دلوقتي
لكن انك توقف حياتك كدة
دة اسمه ضعف
اسمه هروب
اسمه يأس
ومش في اي ديانة هتقبل بالاستسلام دة
تعالو الي مثقلي الهموم وانا اريحكم
هكذا قال المسيح
والتقرب الي الله
هيريح كتير
يناجي العبد ربه ليلا
وينزل الله من عرشه في ساعه الليل ينادي هل من منادي اسنجيب له
فان تابو فانا طبيبهم
هكذا يقول الله عز وجل
بلاش كدة
اثبت لنفسك انك قوي
حتي وانت جواك خوف
اتغلب علي احاسيسك
صدقني العمر هيعدي بيك
وهتدم علي لحظة انت حزنت فيها
عمرك هتقضيه في اد ايه وانت موقف حياتك كدة
الفترة اللي هتعدي منك مش هتعرف تعوضها
ارمي كل همومك وراك وابدء من جديد
مش مهم ايه اللي فاتك ومش مهم ايه اللي هيحصلك ادام لان دي بتاعت ربنا
المهم انت دلوقتي عامل ازاي
حارب وواجه نفسك
شوف نقط ضعفك حتي لو الضعف تملك كلك علي بعضك
واجه وحاربه
مش تبقي عامل زي دون كيشوت اللي مسك سيفه الخشب وراح يحارب طواحين الهوا وفي الاخر مات بعد ما ندم علي لحظات جنونه
يارب يفرج عنك كل هم
فكر كويس وخد قرارك صح
كلنا عندنا احساس بالوحدة
بس المفروض نتحرك ومنسبش نفسنا
الوحدة قرار
يعني إنت اللي مقرر تكون وحيد
إمسك ف الناس شوية
إديهم فرصة يثبتولك إنك مش وحيد
أتمني أشوفك قريب
تحياتي
:(
مممممممم
انا داخله اقرى الكومنتس..يمكن حاجه تنفع!!!!
ايه دا .. مالك يا مشموش
خد اجازة من التدوين موافقين
لكن تاخذ اجازة من المذاكرة لا مينفعش
الامتحنات قربت
يا رب تنجح يا تتح
و لا اية؟
يا إبني إيه اليأس والإحباط ده كله... كلنا بنمر بلحظات من الإحباط... كلنا لازم نتصدم في حياتنا... لازم نقع... ما تبقاش حياه لو مفيهاش كل ده... بس الإنسان الصح هو اللي يقدر يهزم الإحباط قبل ما يسيطر عليه... و يواجهه وما يهربش... خد أجازه .. من اللي إنت عايزه بس المهم إنها ما تكونش أجازه مفتوحه... حاول تقرب فيها من ربنا وتراجع اللي فات وتتعلم منه... وتاخد منه دفعه للي جاي.... ربنا يقويك ويشرح صدرك ويفرج كربك
ربنا معاك وهيساعدك تخرج من أزمتك
سلامي ليك
لعله خير :)
ياه ه ه ه ه ه
ايه حالة السأس و النغلاق اللي عند مدونين كتير دي
طب يعني انت هتسد بايدك المنفس اللي بتفرغ فيه بعض من الكب اللي عندك
فكر كويس و بلاش قرارات و انت في حاله وحشه
الحاه مش سوده للدرجه دي فيها حاجات حلوه صدقني
معتقدش انك هتقدر علي القرار ده لان اللي اتعود علي الكتابه صعب يبعد عنها لمجرد الملل هى ممكن تكون حالة عابرة وهتعدي
ليه كدا بس يا سفاح
ان شاء الله ترجعلنا بالسلامة واحسن من الاول كمان
اللي بيحب الكتابة ميقدرش يسيبها ابدا
وفترة وهتعدي ان شاء الله
وبعدين يعني عاوز تحرمنا من كتاباتك دي ؟؟؟
يرضيك كدا يعني ونهون عليك ؟؟
هي الحالة وصلت لك؟
بص يا سيدي..دة شعور عادي جداً وطبيعي أوي...مش مشكلة انك تمر بيه أو تعيشه..المشكلة انك تستلم للاحساس دة...متخليهوش يستنفذك
نصيحة: سيب كل اللي في ايدك واقفل كل المواضيع اللي في دماغك وصلي ركعتين وادعي ربنا يفك كربك ويفرج همك
وبعدين دور على السبب اللي خلاك تحس بالاحساس دة وأكيد هتلاقيه
وحاول تلاقيله حل..إن ملققتش مش مشكلة..ارمي ورا ظهرك..سيبها على الله
صدقني أنا كنت في الحالة لغاية من يومين بس...دة الحل الوحيد
ربنا يرضى عنك ويزيح عنك الحزن
ياللا بقى..روح ذاكرلك كلمتين كدة يمكن يخلوك أشهر سفاح في عالم التدوين
:)
ربنا يوفقك يا رب
خد أجازة زي مانت عايز...بس متطولش أوي يعني
:)
نوني
انت سفاح كرموز بتاع قهوة هريدى ؟؟؟
المفروض كنت اسمع اكلمك و مش ادخل :(
بس كلنا بنمر بنفس لحظات الضعف عشان
نرجع اقوى من الاول و نتغير للاحسن
ياريت تحاول متبعدش كتير و بأذن الله
دريم بارك هتظبط الامور عندك
و ترجع علينا مشمش اللى اتعرفت عليه
اول مرة:)
يارتنى كنت سمعت كلامك و مش دخلت :(
بس يا مشمش كل واحد فينا بيمر
بلحظات ضعف كتيرة عشان نرجع اقوى من
الاول و انا اقرب مثل قدامك ان شاء
ترجع تانى مشمش اللى انا عرفته
السنة اللى فاتت
:)))
و ان شاء الله دريم بارك تظبط ليك الامور
J.B.
كله بيعدى ما تقلقش
الدنيا و العمر اقصر من اننا نضيعهم فى الحزن و الغم و اليأس
توقيع مكتئب سابق
كان عبيط قوى لما كان متضايق من الدنيا
لعله خيرا
مستنيينك
حلو الكلام
واحساسك كمان رائع
بس حكاية انك هترجع بعد يوم اتنين ماشي لكن ربمالا تعود غ\فده بقي اللى مش هتقدر عليه لانك أكيد أدمنت التدوين وأدمنت تعليقات الناس وأكيد برضه بتحب تتكلم وتتناقش وتقول على رايك وتعرض أفكارك فأنت راجع راجع ان شاء الله
ياسلاااام ده كله الا كده ياعم السفاح
اومال سفاح ايه بقي
اوعى تكون قررت الاعتزال
لالالا مااعتقدش
انا هاروح أبص على المدونات التانية وارجع الاقيك نزلت بوست جديد
ماااااااشي الكلام
عاوزة اسمعك بتقول مااااشي
سلااام
لم كل هذا ؟
فإن مع العسر يسر
لعله خير
:)
خد راحتك فى الأجازة وارجع
عارفة ومتأكدة انك هترجع
اصلى بحس انى عارفاك أكتر من نفسك
سفاح كرموز
دى مرحلة كتير رمنا مر بيها صدقنى
بقولك ايه
انا بهديلك البوست بتاعى
يا ريت تقراه
جميل اوى دنا مش عارفه اخد نفسى من بعد البوست ده......معلششششششششششششش
شويه وهتطلع من حالة القرف دى...ربنا معاك ولونى زعلاانه ماللى انت فيه
...ولكن معلش كولو بياخد وقتو
هستناك لأنى بدأت احب مدونتك ومش يوم ما احب حاجه تاخدوه منى كتكم القرف
سمراء النيل :
..:(
كان وقت انا فيه بدور على حد جنبى ...او قشة حتى اامسك فيها مكنتشلاقى ...مافيش غير ربنا اللى كان معايا ...ورحتله...وسجدتله...وقعدت اادعيه وابكى قدامه ....اييييييييه ...كان وقت ولازال عصيب مووت ...
كلامك خلانى اارجع وافكر تانى ...انا مش متعود على كده...انا ياما شفت مواقف كتيبرة ...وحاجات حصلتلى ...كان ممكن اروح فيها بجد...بس كنت صامد...مش عارف اشمعنى الحاجه دى ...خلتنى مصمدش واقف على رجلى زى كل مرة...
انا بحاول...الاسبوع ده فرق كتييير معايا....وخارج بكرة ان شاء الله ان شاء الله تعدل معايا
شكرررررررررررررررررررررا بجد على كلامك ده...والله بحس انى لسه فيه ناس عايشة معايا فى الدنيا ...:)
the alien:
والله لو على انى امسك فى الناس ...ماسك فيهم...بس مش همسك فى حد مش عاوزنى ...
وادينى قابلتك اهوة يا جميل ...:)
-------
تخاريف :
قريتى الكومنتس ولا لسه ... :p
---------------
مانشى :
اهو حبة قرف على خنقة مرشوش فوقهم زهق..:)
--------------
سمباتيييك:
انا مش مصدق نفسى ...كلبوزة ذات نفسها هنا...تؤتؤتؤ
انا بقالى 3 شهور واخد اجازة من المذكرة ......وهبتدى بعد بكرة ان شاء الله ..:)
---------------
مها :
...:)
حضرتك متقدرش تقف التدوين بقى في دم كل واحد فينا
:)
هيه فترة خنقة وحتعدي ان شاء الله
يهيهيهيهيه
ايه الحظ ده
بجد انا زعلانه لازم تفكر تاني و تالت و رابع و خامس 00
كمل عد انت بقي
هههههههههههههههههههههههه
ده حال المعظم منا ماتفتكرش انه انت لوحدك بس ادينا عايشين و الدنيا ماشيه وماحدش عارف بكره فيه ايه
علي فكره انا كمان في نفس المود و حاسه بيك
Post a Comment