Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Sunday, December 30, 2012

سالخيير

ازيكم عاملين ايه 
=)

Sunday, November 18, 2012

انا قررت استسلم 

Thursday, November 15, 2012

الخميس السرى 68



عودة بعد غياب طويل 

لو عندك سر شايله ومحدش يعرفه
عاوز تطلعه لحد غريب
عاوز تفضفض وتتكلم مع ناس متعرفهاش

هنا المكان بتاعك
اكتب السر او الفضفضه 
باسمك او تحب تكون مش معروف 

كل سنة وانتم طيبين :)

Monday, October 29, 2012

هقدر..ايوة هقدر



نادر تلاقى حد زى بس بس فيه زيك كتير 
انا عشت معاك بقلبى اللى كان دايما مضحى كل حاجه وانت بتكافئه بجراح 


Friday, October 26, 2012

العيد فى مصر

مش عارف لو مكنتش فى مصر بتعيد ازاى بس ؟؟
يعنى عندكم بردوا عجل راسه مقطوعة وقايم بيجرى ورا الناس ، او مثلا الناس متجمعه تتفرج عالعجل وهوا رايح يدبح ولما يجرى من الجزار تفتكر على طول اسبانيا ومنافسات لعبة مصارعة الثيران لما يجروا فى الشوارع ورا الناس..بس الفرق ان ده فى مصر وعجل اللى بيجرى :D 

او مثلا خروف ينط من على السطوح يقع على عربيتك اللى راكنة تحت البيت ...حد من الناس اللى فى الدول التانية عندهم الروح دى ؟؟
وانت ماشى فى كل مكان يوم الوقفة الناس بتضحكلك وتضحكهم وتقولوا لبعض كل سنة وانتوا طيبين عيد سعيد :) 

اكيد العيد عندنا مختلف بصوانى الفتة واللحمة والكوارع وفطار الكبدة والحلويات ..والغدا اللحمة المشوية مع قرايبك واصحابك واحلى لمة بالليل على القهوة تشرب شاى بالنعناع او فى البلكونة حتى 

اكيد العيد عندنا مختلف 
كل سنة وانتم طيبين 
:) 

Thursday, October 18, 2012

No regrets




Painful lesson actually ... !

Wednesday, October 17, 2012

From now on

Users with Google account who will be able to post comments here & i canceled the "word verification" thingy  

& about The German Mother fucker who insist to spam my post ... FUCK YOU 

!!

Thursday, October 11, 2012

الخميس السرى 67





ازيكم 
ميعادنا الأسبوعى مع سلسلة الخميس السرى 

لو عندك سر عاوز تقوله لحد متعرفوش
او فضفضة تقيلة على قلبك وعاوز تخرجها
تعال اكتبها هنا وشاكرنا بيها 
باسمك او ممكن تحب تكون مجهول 

:) 

Sunday, October 07, 2012

هلاوس فكرية 5


فيه ناس كده لازم يتحطوا فى بوتقة لوحدهم امثال محمود درويش وغيرهم 
مهما حصل مينزلوش من المكان ده 
ممكن عشان بيهونوا علينا شوية 

******
انا عاوز اروح لبهاء طاهر واسأله انت بتكتب الحاجات دى ازاى ؟؟ بتشرب ايه طيب ولا بتفكر فى ايه بالظبط عشان يجيلك الكلام ده ؟؟
مش بحسده خالص ..بس نفسى اعرف الكاتب لما يحب يكتب ، بيجيب صبر وطاقة ازاى انه يكمل ؟

******
انت معايا ولا مش معايا ؟؟
مينفعش رجل فى العربية والرجل التانية عالارض ومستنى اى فرصة احسن تيجى وتختار وقتها 
!!!

******

ياريت سنك يصغر سنتين 
=D 

****** 

على رأى اللى قال 
الاهتمام لا يشحت 



Saturday, October 06, 2012

"المشكلة اننا اتعودنا على استخدام التكنولوجيا فى كافة نواحى حياتنا، يعنى لو عيدميلادك النهاردة الناس هتكتبلك فى الصفحة بتاعت على فيسبوك وتويتر او تبعتلك على واتس آب ، وقليل اوى اوى اللى ممكن يبعتلك مسج عالموبايل او يتصل بيك يهنيك ، ليه منرجعش لايام زمان لما كانت الدنيا بسيطة ، واحشك هيكلمك ..زعلان او مضايق بتشوفوا بعض وتحلوا الموضوع وجهاً لوجه، لكن دلوقتى كل حاجه بتخلص بمسج !"

لسان حال أحدى صديقاتى المقربين عن حالنا دلوقتى !

Friday, October 05, 2012

Thursday, October 04, 2012

الخميس السرى 66

ازيكم 
ميعادنا الأسبوعى مع سلسلة الخميس السرى 

لو عندك سر عاوز تقوله لحد متعرفوش
او فضفضة تقيلة على قلبك وعاوز تخرجها
تعال اكتبها هنا وشاكرنا بيها 
باسمك او ممكن تحب تكون مجهول 

:) 

Tuesday, October 02, 2012

انت زعلان ليه ؟؟

كل الاسباب اللى انت كنت بتقولها ..بس الفرق انك المرة دى بتسمعها من شخص مختلف
مش كنت دايما تقول الظروف ومينفعش ؟؟؟
اديك ياعم بيتقالك مينفعش دلوقتى "ونتمهل" ونت مش عارف ايه 
متزعلش بقى 
!! 

********

انا: عارف انى دوشتك وصدعتك بكلامى وتفاصيلى الصغيرة ، بس اللى كنت بحكيلهم مبقوش فاضيين او مبقوش موجودين ،فمبقتش احكى وانتى اللى بتكلمينى دلوقتى 
هى: مين قالك انك بتصدعنى؟؟ بالعكس انا مستمتعة 
انا: !!! 
هى: ايوة..انا مبسوطة اصلا ...مبسوطة عشان انت مبسوط 
انا: :) 

******

انا مش زعلان بس انا اضايقت ليس الا 

*****

مش معنى انك بتختفى من حياتى مرة واحدة يبقى اقدر انساكى 
you still my soul mate <  3 


Saturday, September 29, 2012

مخير ولا مسير ؟؟!

دايما عندك الاختيار 
انك تروح يمين او شمال
تنزل او تطلع
تروح هنا او هناك

دايما انت مخير 
بس لما بيكون اختيارك سىء 
بترجع تعلق كل ده على اى شماعة تلاقيها فى وشك
وتقول الكلمة الشهيرة اوى
"اصل انا كنت مجبر" 

بس انت فى الاصل مخير 

!

Thursday, September 27, 2012

الخميس السرى 65




زى كل يوم خميس
عندك سر او فضفضة عاوز تشاركنا بيها
تعال واكتبها هنا
بالاكاونت بتاعك او تحب تكون مش معرفو
مفيش قواعد

Enjoy it 
=)

Wednesday, September 26, 2012

رسالة شكر لمن ساندنى فى حياتى !



لكل الناس اللى ساندونى من 2005 حتى الان ، فى اكتر الاوقات فرح او حزن وانكسار الخ 
كلمة شكرا دى قليلة عليكم 

ضياء، وسام، احمد سلامة ، هيثم التابعى ، مها ممدوح ، خوخة ، رامى ، ياسمين عادل 

نهى 
ياسمين 
=) 

من بلوجر ..
Silver eyes , Ramy , Omnya & Others ...

**
اللى اسمه مش موجود يبقى وقته مجاش لسه انه يتشكر :D 

Sunday, September 23, 2012



فيه كده فى الدنيا ؟!
:') 

Saturday, September 22, 2012

هلاوس فكرية 4



احنا بنصرخ فى كل الأوقات 
وقت الفرحة
الحزن
الضيق
الخ 

بس أصدق صرخة وقت الألم او وقت الفرحة..بيطلعوا من القلب مرورا بالحنجرة والاحبال الصوتية 

************
25 years old 

انا تغيرت اوى فى الكام شهر اللى فاتوا دول ، او بالاصح فى السنة اللى فاتت دى ..بالتحديد من أكتوبر 2011 حتى يوليو 2012 

عرفت وقتها مين اللى صاحبى بجد ومين بتاع المصلحة 
مين اللى بيدور على حاجه لمجرد ان يبقى اسمه معاه الشىء ده ومين فعلا محتاج 

عرفت اللى عرفته بقى وخلاص 

********

لما حد والده او والدته بتتوفى مبعرفش اكلمهم اقولهم ايه ؟؟
ووقت ماعرفت اقول الموبايل فضل مقفول فترة 

******

الكلام مبقاش بيفرق دلوقتى
بقى بيوجع اكتر ما بيريح 

******
وتقف فوق عالمقطم وتصرخ بأعلى صوتك 

وبس !

Friday, September 21, 2012

ليه علاقتنا بربنا بقت علانية ؟؟
يعنى الناس بتدعى على مواقع التواصل اكتر ما بتنزل المساجد تحت
انا مش بمشى ورا كل واحد عشان اتأكد 
كل واحد حر فى حياته 
بس وصلنا اننا بندعى بالكتابة بس 
:\ 

Thursday, September 20, 2012

الخميس السرى 64



ميعادنا الأسبوعى 
لو عندك سر او فضفضة عاوز تشاركنا او تشيلها من على قلبك معانا
تعال هنا واكتبها بالاكاونت بتاعك او تحب انك تفضل مجهول
مفيش قواعد
Have fun 
!

Wednesday, September 19, 2012

بلد وسخة بتاعت شهادات !

لما تكون فى مصر 
عادى ان مستقبلكم يتعلق عالشماعة عشان حتة ورقة وسخة عليها دمغات ب 25 جنيه وممضى عليها من الكلية وصورتك عليها واسمها الشهادة ..

اللى يزلوا أهلك بيها عشان يطلعوها ..
وباقى الهيئات رافضة بيان النجاح او الافادة لما تيجى تقدم ويقولك الشهادة..على اساس ان الورقتين التانيين مينفعوش عشان طالعين من محل كبدة وسجق تحت السلم ..مش الكلية !

وعادى بردوا تشوف فرصة شغل نضيفة بتطير من قدام عينيك عشان طالبين حتة كارنيه بلاستيك ميكملش 5 جنيه طباعة ..عشان النقابة الأوسخ مش معترفة بالورق الصادر عن الكلية الا الشهادة 
تحس انها بمليون جنيه 
وبتاخد اسبوع عشان تطلع ويمكن اكتر ..ليه يعنى ايه الفكرة انها بتتسوى يعنى جوا فى الفرن ولا بميتين امهم بيعملوا ايه ؟؟ 

فعلا مصر بلد "وسخة" بتاعت شهادات 

!!

Saturday, September 15, 2012

هلاوس فكرية -3-

انا بخاف انى اموت جداااا 
بخاف انام ومصحاش 
بخاف اصحى الصبح او فى اى وقت من اليوم يجى خبر انى فقدت حد عزيز على قلبى 
او حتى افقد نفسى 

لذا فقررت انى حتى اللحظة اللى ملك الموت يقبض روحى
ان شاء الله 
هحاول على قد ماقدر اسيب بصمة 
فى الدنيا دى 
!

Friday, September 14, 2012

الجمعة 27 شوال



جمعة مباركة ان شاء الله 
=) 

وتستمر المعركة

من قال انها انتهت ؟!
فمازالت رحى الحرب تدور يوما بعد يوم 

Wednesday, September 12, 2012

هلاوس فكرية -2-



انتى موقفتيش جمبى وقت أزمتى ..
وانا موقفتش جمبك وقت أزمتك
 End of story 

*******

قولتيها مرة انى مبضفش جديد، الحلول بتاعتى زى اى حل بتاع أى شخص..والنهاردة اضايقتى منى رغم انك مقولتيش اى كلام مباشر ليا ..انا مضحكتش عليكى اخر مرة وفعلا كان عندى ظروف..ومكنتش "بحور" بس عادى هتفضلى صديقتى الصدوقة :) 

******

"المهم هى مش انا " 
"لاء المهم انكم انتوا الاتنين تكونوا عاوزين بعض" 
"سمعتنا بقت وسطهم زبالة اوى يا مشمش :D "

******

"محمد ..انا عاوزة اتكلم معاك" 
انا بقلق اوى من الكلمة دى ...بتفكرنى بأهلى لما ينادوا اسمى يقولوا تعال عاوزين نتكلم معاك وافكر فى كل البلاوى اللى عملتها فى حياتى :D 

*******

هوا ليه كل حاجه زى دى بتكون مكعبلة ؟؟ 
ليه مفيش حاجه تمشى سلسة ؟؟
ليه مثلا الحلم اللى انا حلمته ميتحققش عالواقع ؟؟
مش اعتراض على ارادة ربنا بس الواحد غصب عنه بيسأل نفسه بس ! 

*****

عندى لوكشة هدايا 
هدية ملهاش صاحب 
هدية ليها صاحب ومسافر
وهدية ليها صاحب مش عاوز يتصاحب !

******

كل اما بشوفك الكلام بيقف فى زورى ومبيطلعش !!

*****
كان نفسى تكونى "حقيقة" بس للاسف انتى خيال وبعيدة المنال 
-_- 

Thursday, September 06, 2012

هلاوس فكرية

نقطة ومن اول السطر !

الخميس السرى 63



ازيكم عاملين ايه 
زى كل يوم خميس فى اخر الاسبوع
اللى عنده سر عاوز يشاركنا بيه 
او فضفضة عابرة عاوز يطلعها عند حد ميعرفوش 
ساعات كتير بنرتح لما بنشيل جزء من اسرارنا من فوق صدرنا 

تعال واكتب السر او الفضفضة باسمك او تحب تكون مجهول 
مفيش قواعد معينة ولك مطلق الحرية 

Have a nice weekend =) 

Wednesday, September 05, 2012

Friday, August 31, 2012

Thursday 30 August 2012



اليوم ده مهما عدى عليا فى حياتى هفتكره ان شاء الله 

من الايام اللى اصبحت مميزة على قلبى 

لأن اليوم ده بيفكرنى بفضل ربنا عليا أولا 

وتانى حاجه عرفنى بجد مين هما اصحابى اللى بجد ووقفوا جمبى وقت ما كنت محتاج واحد بس 
وكانوا بيدعولى من غير ما تربطنا مصلحة ولا سابق معرفة 

واليوم ده بردوا اللى أهلى كانوا جمبى فيه اوى 

ربنا يكرمنى ويبقى فيه يوم او اتنين مميزين تانى كده ان شاء الله 

=) 

Thursday, August 30, 2012

الخميس السرى 62

النهاردة مختلف شوية 

اللى عاوز يتكلم او يقول اى حاجه يقولها او يكتبها 

Enjoy =) 

Monday, August 27, 2012

الناس بتوع اسكندرية سؤال وجودىى

شعوركم ايه والبحر قدامكم صيف شتا 
تخلص شغلك جامعتك مدرستك وتلاقيه قدامك 

احساس عادى ولا حاجه حلوة ؟؟ 

:D 

Thursday, August 23, 2012

الخميس السرى 61




ازيكم عاملين ايه ؟؟ 
ميعادنا بتاع كل أسبوع 

لو عندك سر او فضفضة "محشورة" جواك وعاوزها تطلع عند حد غريب 

تعال وشاركنا بيها 

بالاكاونت بتاعك او تحب تكون مش معروف 

مفيش قواعد ..المهم انك تتكلم 

Have nice weekend =) 

Tuesday, August 21, 2012

عمرو فكرى وريهام رمضان



انه فى يوم الاثنين الموافق 20 أغسطس 2012 



بمسجد الرحمن الرحيم 

وكان ثانى ايام عيد الفطر 

وسط لفيف من الاسرة والاصدقاء وزملاء العمل الخ الخ الخ 

آل فكرى 

وابتدى المشوار الحمد الله 

ربنا يكرمكم ويجعلكم سعداء ويعوض صبركم خير ان شاء الله 

صديقكم 

سفاح كرموز 

الشهير بمشمش 

=) 

Sunday, August 19, 2012

عيد فطر سعييد

كل سنة وانتوا طيبيييييييييييييييين 

هابى كحك وكده 
^_^ 

Thursday, August 16, 2012

الخميس السرى 60


ازيكم عاملين ايه ؟؟
يارب تكونوا بخير 
الميعاد الاسبوعى ..تقريبا ده اخر خميس فى رمضان مش عارف الناس خايفة تكون صريحة تقريبا :D

any way 
لو عندك سر او فضفضة محدش يعرف عنها وتحب تريح قلبك وتطلعه فى اى مكان 
تعال هنا اكتبه باسمك او ممكن تحب تكون مجهول الهوية 
محدش هيراقبك ومحدش هيحجر عليك يعنى بأى حاجه
Have nice weekend =) 

Tuesday, August 14, 2012

اسألنى شكرا

اللى عاوز يسألنى اى سؤال فى راسه عادى 

يدخل عاللينك ده 


ويسألنى ^^ 

اعلان مدفوع الاجر


يسعد ادارة موقع كايرو ستاديوم ان تعلن عن فتح باب العمل في الموقع لوظيفة : محرر أخبار

المهام : 
- كتابة اخبار عن (الدوريات / المباريات ) التي سيتم تكليفة بتغطيتها. 
- ترجمة اخبار عن الدوريات التي سيتم تكليفة بها ( اختياري - فقط لمجيدي اللغة الانجليزية ).
- كتابة مقالات لمن يجد في نفسة مهارة كتابة المقالات

وعلي الراغبين في الانضمام يشترط ان يتواجد فيهم الشروط التالية :


- اجادة للغة العربية 
- اجادة للغة الانجليزية للراغبين في العمل في الترجمة.
- وجود وقت فراغ للتمكن من انجاز الاعمال في وقت مناسب.

برجاء العلم ان العمل تطوعي علي الاقل خلال الوقت الحالي.

من يجد نفسة مؤهلا لذلك ويرغب في العمل معنا يرسل الي الميل التالي:


Cairostadium@live.com


مع تمنياتنا بالتوفيق

Sunday, August 12, 2012

حلمك مش بعيد



إنت كل حاجة بتحلم بيها .. إنت أملك الوحيد
افرد جناحك .. وطير في الهوا .. سقفك بعيد .. فوق في السما
لحظة سكوتك فكّر .. وجوه نفسك دوّر .. ارسم لوّن وصوّر .. وافتح قلبك ونوّر
طريقك مش بعيد .. صدقني إنك مش وحيد .. إنت كل شيء جديد .. دلوقتي وقتك أكيد
هيحاولوا دايما يبعدوك .. ويغموا عينك ويرجّعوك
عاوزينك تعيش وتموت .. وكأنك أصلا مش موجود
افرد جناحك .. وطير في الهوا .. سقفك بعيد .. فوق في السما 

********

فرحة كبيرة بعد موقعنا ما نجح فى تغطية المصريين فى اولمبياد لندن 
=) 
وتلاقى ناس كتير بتشكرك وناس كل يوم من شغلها بتفتح تويتر او الموقع مخصوص عشان تتابعك بس دى فى حد ذاتها حاجه حلوة انك تلاقى تعبك مش بيروح فى الارض 
الحمد الله 

***********
انا لازم اعمل دعاية يعنى لينا :D 

الموقع اهوة 

cairostadium.com 

Twitter 


Our page on facebook 



*************

رمضان جرى بسرعة اوى اوى اوى :( 
كل سنة كده ايام الخير بتجرى بسرعة رهيبة اصلا 

ربنا يتقبل صيامنا 
ويبلغنا رمضان القادم 

************

احكولى طيب اخبارااتكم ايه فى رمضان السنة دى :) 

*******

الفترة اللى فاتت دى كنت مشغول بالتغطية بتاعت الاولمبياد وكنت بعيد عن ناس ... فيه ناس قدرت وكانت بتشجعنى 
وناس مكنتش مهتمة باللى بعمله وشايفاه "لعب عيال" 
فبالنسبة للناس الاولانيين على راسى من فوق ودايما يعنى مش محتاج اشكرهم لان ده العادى بتاعهم 

الناس التانية مش لازمانى الصراحة ...لاسباب كتيرة مش محتاجة يتم سردها عشان معروفة 

=) 


Thursday, August 02, 2012

الخميس السرى 59





كل سنة وانتم طيبين ...نصف رمضان الشهر بيجرى 
المهم الصورة دى اغراء عشان كله يكتب ^^ 

لو عندك سر او فضفضة تحب تشاركنا بيه باسمك او تفضل تكون انون مجهول يعنى ...
محدش هيعلق كلامك او مفيش رقابة بالاصح اكتب اللى انت عاوزه 

تحب تنقل الفكرة جو اون بس قولى عشان نيجى نفضفض عندك بردوا 

Have nice weekend all =) 

Monday, July 30, 2012

طرطشة مع نفسها

فى الايام الاخيرة اختبرت موقف كده وكنت مبسوط بس حواليا لازم اشرح لكل واحد مبسوط ليه وفى الاخر رد فعل عادى ...
it's okay i expect that =) 
Whatever ! 

*****
البوست اللى فات كل الردود بتاعته عاوز اقفلهم واعمل كده 
:) :) 
ودى حاجه حلوة مش وحشة يعنى
شكرا اوى ليكم 
:) 
*******
انا ..... بس كده !

Thursday, July 26, 2012

الحمد الله بجد

فخور كل الفخر ان موقعنا كان أول من اثار موضوع الملابس المقلدة بتاعت "نايكى" و"يمنى" بكل شجاعة اتكلمت وحكت عن الموضوع طالما ان ليها حق ومظلومين ومطالبين بالفوز بميداليات كمان 

واكتر شىء بسطنى ان اغلب المواقع نقلت عننا وذكرت اسم موقعنا كمان واقتبست من حوارنا مع "يمنى" 

:) 

الحمد الله 

موقعنا اهوة بالمناسبة 


Saturday, July 21, 2012

تانى يوم من رمضان

عدى اول وتانى يوم من رمضان هوا يعنى...بعد الفطار الوقت بيجرى بسرعة قاتلة..اول يوم اصبت بغيبوبة كام ساعة بعد الفطار وصاحى مصدع وعينى مدمعه، النهاردة غالبت شعور البلاهة ونزلت صليت وتبضعت ورجعت مأنتخ قدام المروحة ومش مجمع اى حاجه ولا الشاى او النسكافيه عملوا تأثير 
والساعه بقت 11 ونص بسرعه اوى كده ليه ؟؟ ده فاضل 4 ساعات ونصوم :S 

****

انا بقى عندى يقين انى يوم لما اموت - ان شاء الله - محدش هيفتكرنى اوى ولا حد هيزعل ويضايق فى نفسيته ، مش بطلب كده بس معرفش مش حاسس انى هفضل فى بال حد فترة طويلة ممكن شهر ولا اتنين وبخ على كده زى اللى راحوا قبلى ولا بعدى 

**** 

انا بطلت من زمان اعمل اللى يبسط غيرى وبعمل اللى يبسطنى انا بس ، بس ساعات بعمل استثناء لكام حد بيتعدوا على الاصابع يعنى ، بس عامة لاحظت انى لما بقيت اعمل اللى يبسطنى الكل بيبعد واكنى انا اللى لازم اقدم فروض الولاء والطاعة عشان حد يفضل موجود...مش فارقة معايا اوى يعنى !

****

من مميزات انك تصلى برا الجامع هوا طراوة منعش اوى يعنى ومفيش الامراض اللى جوا من عطس وكحة، بس اكبر عيب انك واقف فى الشارع بمعنى الكلمة، طب يعنى حبة احترام ان فيه ناس بتصلى جمبك مش لازم تعمل دوشة او مش لازم فى القهوة بتاعتك تعلى صوت الكاسيت عشان تغلوش عالراجل اللى بيصلى !

****
حاجه تانية وطبقتها امبارح والنهاردة مهما حصل مش هحرق فى دمى الشهر ده، هعدى الدنيا وهبتسم والدنيا بييييس والى اخره 

=) 

Thursday, July 19, 2012

رمضان كريم


يارب يكون شهر مليان بالخير علينا كلنا 
وكل سنة وانتم طيبين جميعا 
=) 

الخميس السرى 58

بعد ما 9 صوتوا وقالوا نعم 
السلسة هنكملها الى ان يشاء الله انها تقف 

كل سنة وانتم طيبين بمناسبة رمضان 

ونقول تانى 
اللى عنده سر او فضفضة 
عاوز يقولها هنا باسمه او يحب يكون غير معروف
يجى ويكتبها من غير قلق يعنى 

:) 

Friday, July 13, 2012




just BE happy 

=) 

Thursday, July 12, 2012

الخميس السرى 57


Bonjour 
Good morning 
=) 

زى كل خميس
لو عندك سر عاوز تشاركنا بيه 
او عاوز تفضفض معانا
باسمك او تحب تكون مش معروف
تعال وشاركنا بيه 

ومتنسوش تصوتوا فى التصويت اللى على اليمين لو عاوزين السلسلة دى تفضل موجودة ولا لاء 
Have a great weekend 
=) 

Wednesday, July 11, 2012

استفتاء مهم

طيب بما اننا فى عصر الديموقراطية ...وفيه ناس ممكن تضايق ان الخميس الجى اخر بوست فى الخميس السرى وفيه ناس مش فارقة معاها كده كده 

فقررت اعمل استفتاء صغير وهسيبه لمدة اسبوع من دلوقتى شغال او لحد ما يجمع اصوات كفاية 
لو موافق ان السلسلة تفضل دوس نعم مش موافق دوس لا 

الموضوع بسيط :) 


Tuesday, July 10, 2012

الخميس الجى

الخميس الجاى ان شاء الله هيكون اخر بوست لسلسلة الخميس السرى 

=) 

صباح الخير


يارب يكون يوم حلو على كل الناس ..

عندى خطط للاجازة بس حاسس انى كالعاده  هكون كسلان جدا انى انفذ اى حاجه 

بس قولولى ايه خططكم طيب للشهر الجاى ؟؟ 

Sunday, July 08, 2012


Don't say I'm busy with my work,Study or Family 

Just pause your life for a second & DO IT !

Friday, June 29, 2012

Fact

No one will care , wake up ! 

Monday, June 25, 2012

وفاز محمد مرسى

وفاز محمد مرسى بالرئاسة 

طيب انا هبقى متفائل الفترة الجاية وابتسم عشان ده اول رئيس "مدنى" يفوز برئاسة جمهورية مصر العربية فى تاريخنا من زمان يعنى :D 

واقول ان شاء الله نرجع البلد دى كويسة ونظبطها ونقضى على بقية الفساد اللى فى البلد 

هاتولنا بس باقى الصلاحيات وحياة ابوكوا 

=D 

Sunday, June 24, 2012

مرسى ولا شفيق ؟؟

هنلبس مين فيهم 4 او 8 سنين ؟؟ 

كلها ساعتين ونعرف ان شاء الله 

:D 

Friday, June 22, 2012

غير مؤهلين ديموقراطيا بعد !

We are not ready for democracy yet ! 

لا نتقبل الرأى الاخر ...لا نتقبل فوز اى مرشح 

لا نتقبل الاختلاف فى اى شىء لا يأتى على اهواءنا الخاصة 

بس عشان نبقى جاهزين ..لازم نجرب ونتعلم

وادينا بنتعلم

ماحنا بقالنا 30 سنة تعليم منزال ومرة واحدة ودونا اخر سنة فى الثانوية العامة والمطلوب مننا نجيب تقدير عالى اوى عشان ندخل الجامعة اللى عاوزينها وشايفين انها افضل لينا 

لينا = بلدنا يعنى 

=)

Thursday, June 21, 2012

الخميس السرى 55


صباح الخير 

ازيكم عاملين ايه 

ميعادنا الاسبوعى المتجدد 

لو عندك سر او فضفضة 

وعاوز تشاركنا بيه 
تعال هنا واكتبه باسمك او تحب تكون مجهول 
Have a great weekend 
=)