هلاوس فكرية 4

احنا بنصرخ فى كل الأوقات 

وقت الفرحة

الحزن

الضيق

الخ 

بس أصدق صرخة وقت الألم او وقت الفرحة..بيطلعوا من القلب مرورا بالحنجرة والاحبال الصوتية 

************

25 years old 

انا تغيرت اوى فى الكام شهر اللى فاتوا دول ، او بالاصح فى السنة اللى فاتت دى ..بالتحديد من أكتوبر 2011 حتى يوليو 2012 

عرفت وقتها مين اللى صاحبى بجد ومين بتاع المصلحة 

مين اللى بيدور على حاجه لمجرد ان يبقى اسمه معاه الشىء ده ومين فعلا محتاج 

عرفت اللى عرفته بقى وخلاص 

********

لما حد والده او والدته بتتوفى مبعرفش اكلمهم اقولهم ايه ؟؟

ووقت ماعرفت اقول الموبايل فضل مقفول فترة 

******

الكلام مبقاش بيفرق دلوقتى

بقى بيوجع اكتر ما بيريح 

******

وتقف فوق عالمقطم وتصرخ بأعلى صوتك 

وبس !

هلاوس فكرية -3-

انا بخاف انى اموت جداااا 

بخاف انام ومصحاش 

بخاف اصحى الصبح او فى اى وقت من اليوم يجى خبر انى فقدت حد عزيز على قلبى 

او حتى افقد نفسى 

لذا فقررت انى حتى اللحظة اللى ملك الموت يقبض روحى

ان شاء الله 

هحاول على قد ماقدر اسيب بصمة 

فى الدنيا دى 

!

هلاوس فكرية -2-

انتى موقفتيش جمبى وقت أزمتى ..

وانا موقفتش جمبك وقت أزمتك

 End of story 

*******

قولتيها مرة انى مبضفش جديد، الحلول بتاعتى زى اى حل بتاع أى شخص..والنهاردة اضايقتى منى رغم انك مقولتيش اى كلام مباشر ليا ..انا مضحكتش عليكى اخر مرة وفعلا كان عندى ظروف..ومكنتش "بحور" بس عادى هتفضلى صديقتى الصدوقة :) 

******

"المهم هى مش انا " 

"لاء المهم انكم انتوا الاتنين تكونوا عاوزين بعض" 

"سمعتنا بقت وسطهم زبالة اوى يا مشمش :D "

******

"محمد ..انا عاوزة اتكلم معاك" 

انا بقلق اوى من الكلمة دى ...بتفكرنى بأهلى لما ينادوا اسمى يقولوا تعال عاوزين نتكلم معاك وافكر فى كل البلاوى اللى عملتها فى حياتى :D 

*******

هوا ليه كل حاجه زى دى بتكون مكعبلة ؟؟ 

ليه مفيش حاجه تمشى سلسة ؟؟

ليه مثلا الحلم اللى انا حلمته ميتحققش عالواقع ؟؟

مش اعتراض على ارادة ربنا بس الواحد غصب عنه بيسأل نفسه بس ! 

*****

عندى لوكشة هدايا 

هدية ملهاش صاحب 

هدية ليها صاحب ومسافر

وهدية ليها صاحب مش عاوز يتصاحب !

******

كل اما بشوفك الكلام بيقف فى زورى ومبيطلعش !!

*****

كان نفسى تكونى "حقيقة" بس للاسف انتى خيال وبعيدة المنال 

-_- 

عمرو فكرى وريهام رمضان

انه فى يوم الاثنين الموافق 20 أغسطس 2012 

تم زفاف الاستاذ عمرو فكرى 

على الاستاذة ريهام رمضان 

بمسجد الرحمن الرحيم 

وكان ثانى ايام عيد الفطر 

وسط لفيف من الاسرة والاصدقاء وزملاء العمل الخ الخ الخ 

آل فكرى 

وابتدى المشوار الحمد الله 

ربنا يكرمكم ويجعلكم سعداء ويعوض صبركم خير ان شاء الله 

صديقكم 

سفاح كرموز 

الشهير بمشمش 

=) 

السفاح اتسرق يا جدعااااان

انا مصدووووم بجد بجد !!! كل مرة اسمع مدون بيتكلم عن سرقة مدوناته كنت ادخل جوجل وادور بالبوستات الاقى مفيش واطمن اقول هيسرقونى ليه يعنى مش مشهور بس اكتشف بالصدفة بدور على اسم البلوج "طرطشة افكار" الاقى امة لا اله الا الله واخداها فى بجح واخدها بالاسم والوصف وواحدة بجحة فى منتدى واخدة الاسم والوصف على كام بوست وونسباها لنفسها وقاعد بدور فى ناس كتير سارقانى وانا مصدوووم بجد البجاحة اللى الناس فيها حد عنده خبرة فى الموضوع ده يساعدنى لو سمحتم اعمل ايه ؟؟؟


ده اكتر واحد بجح فيهم 


http://trtshetafkare.blogspot.com/2011/06/blog-post.html




ودى التانية 
فيه بوستات واخداها بالصورة وبالنص ونفس الكلام والتنسيق 


http://www.3gypt.com/vb/thread246277.html


البقية تأتى 

ان شاء الله بيتى هخليه يبقى كده 

حتى لو مش زى الصورة بالظبط 

وحتى لو مسكنتش فى اسكندرية او اسكندرية بقت عندنا :D 

بس هعمل المستحيل عشان اخليه جنتى هنا فى الدنيا عالاقل 

=) 

*******************

صديقة طلبت منى اتكلم عن التواريخ 

وانا قلت مش هكسفها 

علاقتى بالتواريخ زى علاقة الكيوى بالحرنكش...ملهمش اى علاقة قرابة او مصاهرة ! 

عامل حاجه تفكرنى بكل التواريخ المهمة عالموبايل 

تاريخ ميلادى وميلاد اغلب قرايبى ...واصحابى القريبين 

بس فيه تواريخ مش بنساها ومعرفتش امسحها من راسى 

زى مثلا يوم 4 يوليو 

او حتى 30 سبتمبر 2004 

وسنة 2006 هتفضل علامة فارقة فى حياتى 

والسنة اللى فاتت بردوا تواريخ فى شهر ديسمبر 

بس الاهم يوم 23 ديسمبر 2011 

يوم ما لارا جت للدنيا <3 

بالنسبة للمواعيد فأنا اسوأ مثال 

يا اجى بدرى يا متأخر مفيش وسط ^^ 

وده شىء فى حد ذاته مقرف وحلو فى نفس ذات الوقت=D 

بس كده يا ستى =) 

*******************

على مدار الناس الكتير اوى اللى جم هنا وعرفوا هنا ده ايه 

مفيش غير شخص واحد اللى شارك حتى لو بمشاركة معنوية 

الباقى كان بيقروا ويمشوا 

ويجوا يسألوا 

محدش اهتم لمجرد الاهتمام ..لاء بيهتموا عشان الشخص ده - اللى هوا انا - مهتم وهما مهتمين بيه فاهتموا 

لكن محدش فكر مرة انه يهتم بجد ! 

معرفش 

بس محستش انه اهتمام عشان حاجه عجبته لاء عشان انا مهتم بيها 

فاكس !!! 

****************

I admit it , I'm Missing you 

If i've choice to go back to the past 

I will accept your Friend request

& i'll talk with you 

& i will hear your voice like Symphony in the Opera or something 

& to fall in LOVE with you again 

I admit it I'm missing you around me 

<3 

****************

كنت بستغرب ولازلت ان حد يكون انتماؤه لكيان صغير 

مثلا فيه مصريين بيدافعوا باستماته عن فتح او حماس كأنهم من باقى اهلهم وممكن يخسروك ويضربوك بالجزمة لو غلطت فيهم 

او حتى لاى مرشح رئاسى موجود دلوقتى 

لكن لكيان كبير تؤ مفيش ! 

للبلد 

للدين ؟؟

لاء للجماعة او للجهاز او للمنظمة او لمسئول 

بلا قرف عابوووكو 

************

جه عليا وقت وحسيت انى لازم امشى 

وكان سهل انى اقعد بس كان لازم امشى 

ولا احترمت فى الحتة دى ولا لو كنت مشيت بعدين 

ومحدش فهم ولا هيفهموا 

ما علينا 

****************

الدنيا ماشية مظبوط دلوقتى 

فاضل كام شهر والدنيا تتظبط اكتر واكتر 

ربنا يكرمنى ان شاء الله ويكلل التعب ده بالنجاح 

يااااارب 

 

خمسة وعشرون عاما من العطاء

العنوان ده بيفكرنى بخطب المخلوع زمان

او لما يجوا يفتحوا مصنع  ولا يحتفلوا بالمئوية بتاعته

ما علينا 

~~~~~~~~~~~~~
حبيت ان البوست بتاع عيد ميلادى يكون متميز شوية 

ده وانا عندى كام شهر مش فاكر والله

طبعا انا بفضح فى نفسى علنى كده ...بس يلا اهى نكررها فى الخمسين مع عيالى ان شاء الله - لو جم اصلا - =D

That was My First year birthday party , actually it was awesome , i can't remember what happened , Bs akeed ana knt gamid Ta7rir =D 

B3deen dy w ana f KG I guess 2 or something like that =D

This my school till e3dady kida 

Then i went to another one in Secondry was near to Elharam zat nafso =D 

This pic was in 90's was in Alexandria my lovely City wish i live there especially in winter , This year they had Snow & Many penguins was there & polar i think =P 

any way  I stayed there for a whole year My dad was working there for 2 years & we stayed with him for a while It was The best Time ever in my life , when you walk in the street & suddenly you find all ur self wet coz of Sea waves 

Mknshy feah masdat w el technology beta3it nowadays ! 

Any way ,,,, 

What i Tried to tell my self about & You Guys ( Guys hena bet3ood 3la bnat & welad =D ) 

Life is Like Train , But your The Driver , sometimes You choose 2 stop in station & Take a rest for a while , & sometimes You Choose To Continue Your path without stopping 

may be you will lose Cars , people will jump from your Train , another gonna Run To Catch it , It depend who gonna do that , you have to Figure it , Don't ask Help , It's your Matter =) 

Yesterday i Regret many things i did , bad or Good , But today Totally  I Enjoyed Every tiny Second in my life , Really i do Despite what i did or people hurt Me or made something good 2 me , But i loved what i did actually =) 

Another advice , Socialize ya Gd3aaan , a3'lb el nas 2afla 3la ro7ha w bykt2bo kol, yom w yeshko hamho , O5rgo w shofo nas gdeeda , enzlo e3mlo ay 7aga , 2a3dt el beet di 5ara bel kozbara actually !! 

Ummmm 

about My dreams for this year 

Graduate 

get serious work

Find ma girl =D 

Kill someone else ^^ 

get my Ride b2aaaaaa( 3beeen abo el mwaslat w 2rfha )

& for any 1 still Young as i said be4 you Reach 25 Enjoy ur Life as much as u can , fuck Study or college or even ur School , Enjoy ya 3m , Bokra tet5arg w yetl3o ****** Ahlk w t2ol ya reet elly gara ma kan 

in The End 

Happy birthday 2 me Cha-cha-cha 

=D 

Happy 25 !!

Happy 25 to me Cha-cha-cha 

Mesh 3aref afra7 wla a3mil eah Actually ...

=D 

=\

فضفضة من النوع الطويييييييل اوى

الصورة دى لوحدها عاوزالها بوست عشان كده جبت دى عشان محدش يسبقنى ويخدها 

مع انها فى الكوفر بتاع الفيس ...ما علينا 

 

********

Very Long post , Watch out !

 

بوست طويل يا جدعان ...فضفضة طويلة ...ادينى قولت من اولها اهوة 

*****************

السنة اللى فاتت كان اولها مش لذيذ ...كان عيد ميلادى ممل ...قررت وقتها احتفل مع اصحابى نخرج نقعد على قهوة نلعب بى اس اى بتنجان ...كان عندى امتحان يومها اصلا 

خلصت وقابلت اللول الكبير ومشمش ووزة جه بردوا بس ثومة كسل 

مع انى ملحقتش احتفل اوى بس يعنى كان يوم حلو سورت اوف ! 

بعدين الثورة قامت واتنفخنا فى الاجازة لجان شعبية 

رمضان ده كان احلى رمضان عدى عليا ..عمرى ما قربت اوى كده لربنا فى الشهر ده 

شهر 9 كان حلو لحد يوم 17 ...بقى كئيب فحت من بعدها 

اتظلمت ظلم بين واتصدمت بعدين قلت اكيد ربنا عمل كده عشان ااقرب اكتر واكتر بقيت ليل نهار ادعى وادعى وادعى 

لحد ما سلمت يوم وقلت خلاص ربنا كاتبلى كده ورستقت نفسى على الحال ده لحد يوم 3 اكتوبر مش هنساه ولا هنسى المكالمة من امى واعرف ان حقى رجعلى 

الحمد الله الحمد الله الحمد الله بجد 

من يوم 4 اكتوبر لحد اخر يوم فى الشهر اللى فات اتفشخت فى افكارى ومبقتش اشوف اى حد اعرفه الا نادرا 

وحياتى بيت وجامعة بيت وجامعة وبيت وجامعة 

شفت اصحابى تقريبا 10 مرات بس ...واتش از اوبجيكشن اوووول زا طايم ! 

من شهر نوفمبر كده الدنيا ابتدت تتعدل 

ناس ندلت معايا 

بس هوا سبحان الله 

موقف عملته فى حد فى شهر اغسطس او سبتمبر 2010 

اتردلى بعدها بسنة بالظبط ...بنفس الحذافير وتقريبا نفس السيناريو 

انا زعلت واضايقت بعدين فكرت ...وافتكرت انا عملت ايه وسكت بعدها

ماليش حق ازعل ولا اشتكى ...انا عملت كده 

فعلا كما تدين تدان 

كل واحد حر يسامح او ميسامحش ...بس اعتقد ربنا جابلها حقها فى اللى حصلى وقتها

المهم شهر نوفمبر وديسمبر من احلى الشهور اللى عدوا عليا 

عرفت معنى العيلة اللى بجد

ناس تقعد معاك وتعرض مساعدتها ليك بأى طريقة عشان تكون ناجح ومبسوط فى حياتك وبس 

ياااااااااااااه بس متأخر اوى الخطوة دى :) 

المهم 

جت السنة الجديدة ومعاها امل واحد او اتنين او تلاتة 

******************

اول قرار عبييين ابو اى حد حاططنى عالرف فى حياته

مبدأ المعاملة بالمثل ابتديت اطبقه من زمان 

اللى بيخرج وعاوز يرجع لازم يبذل جهده عشان يحسسنى انه يستحق 

حد واحد بس اتخدعت اكتر فيه 

مع ان حد تانى قالى لاء وهيفضل زى ماهو 

بس كنت بكابر وبعند ااقول لاء هيطلع عند مامته دم وميكسفنيش 

وكل يوم بيكسفنى اكتر واكتر 

اخرهم النهاردة

لذا اذهب غير مأسوف عليك :)

 

**************

هوا الواحد لما يجى يتجوز 

بيختار على اساس القلب 

يعنى لو بيحب واحدة يروح يتقدملها 

ولا بيختار بالعقل ؟؟؟ 

سؤال بجد اى حد خاطب مخطوبة متجوز متجوزة هيتجوزوا يرد عليا لو سمحتم 

شكراا =)

******************

فيه ناس بتضايق انى مش برد على الكومنتات 

انا زمان كنت برد على كومنت كومنت كومنت يعنى :D 

بس بعدين بطلت 

غير انه كسل ...بس مبعرفش ارد بكل اسطمبة ...شكرا ...عفوا...ميرسى ...يسلموووو

انا اصلا لما بعمل كومنت عند حد مبكتبش تحياتى اللى امة لا اله الا الله بتكتبها فى كومنتاتها :D 

مبحبش الروتين 

انا بطفش الزباين كده ممكن ...بس انا بقرأ كل كومنت بيتكتب 

الريدر اللى على اليمين بقعد اقرا فى كل البوستات كل يوم وساعات بقرأهم اكتر من مرة 

بس حاليا بحاول احارب مرحلة الخرس التدوينى 

مببقاش عارف اعمل كومنت على ايه واقول ايه فأغلب الوقت بكتفى بابتسامة تثبت مرورى :) 

محدش يزعل بقى ;)

*****************

الاغنية بتاعتك شغالة على نجوم اف ام دلوقتى 

بتاعت كارول سماحة 

***************

انا لقيت نفسى مدمن نت بجد 

عاوز ابطل ام العادة دى 

السنة دى ممكن ان شاء الله 

عاوز اكتب قرارات السنة الجديدة

بس خايف اعمل زى كل سنة ااقول ومعملش 

فهخليها فى مخى 

وكل ما اعمل حاجه او ابتدى فيها هاجى واكتب 

****************

بكره اوى الحالة لما اكون تعبان ومن كتر التعب معرفش انام 

:S

******************

أغنية تامر حسنى اجمل هدية حلوة ...مع انى مبطيقهوش اصلا 

واغنية Paradise for Coldplay awesome also 

Try to watch The Video , Brilliant  Idea by the way 

=D 

*****************

أول قرار اخدته فى 2012 انى مش ههتم لرأى اى حد عالرف 

وابتديت انفذه من اول يوم الحمد الله جايب نتايج خرافية 

********

انا بكتب البوست ده من الساعة 3 ونص والساعة دلوقتى اربعة وعشرة ...كفاية كده بقى 

بـــســـــا 

=)

حصاد الطرطشة 2011 -اول جزء-ز

بسم الله نبدأ 

الحصاد السنوى لطرطشتى المتواضعة لعام 2011 

مش عارف انا عملته قبل كده ولا لاء ...مش فاكر :D 

بس عادى يعنى الدنيا حلوة واحلى سنين 

طبعا 2011 كانت مميزة من اول دقيقة وانتوا عارفين ليه ..ههههه

ان شاء الله 2012 تكون زيها ويمكن أأنقح :D 

شوفتوا تفائل اكتر من كده ^_^

طيب نبتدى السنة دى كانت اكتر سنة دونت فيها من اول ما فتحت الدكان فى يونيو 2006 

كتبت 228 تدوينة 

اكتر شهر فيها تدوينات شهر أبريل 

أأقل شهر مايو 

مؤقتا هكتفى البوست ده ...وكبةر اكمل 

بس كان لازم ابتدى والا كنت هكسل

:D

حاجات كتير اوى

النهادرة عيد ميلاد والدى العزيز

كل سنة وانت طيب ويجعل ايامك كلها سعادة وتفرح بيا ان شاء الله قريب 

وربنا يديلك الصحة وطولة العمر 

========

Merry Christmas every one 

=)

======== 

الشهر خلاص بيقفل ...عاوز اعمل حصاد للسنة دى ان شاء الله

فى البوستات اللى كتبتها 

واللى كان نفسى اعمله 

غير حصاد على مستوى حياتى 

بس ده هأجله فى عيد ميلادى اظرف 

هيكون متناسب مع مناسبة الربع قرن 

على أى حال 

تفائلوا بالخير تجدوه ان شاء الله 

========

الجمعة 23 ديسمبر سنة 2011 

الساعه 8 ونص بالليل 

Welcome Home Lara =)

My sweetie

Welcome Our lovely sweetie Baby ever ...

23/12/2011 

Sweet December

21 December 2011 

A Day to remember 

:(

تليفون المنزل بعافية هوا والنت 

من كام يوم كنت بتبطر عالنعمة

طارت النعمة يا ولداه 

محدثكم من الهاتف الجوال

سفاح 

:(

وجع السنان

ونظرا لأنى دايما ذكرياتى سيئة مع اطباء الاسنان 

وقلما لما برجع من عند واحد ومشتموش هنا او ادعى عليه

اقر انا سفاح كرموز ...[ان دكتور النهاردة ليس له اى ذنب فيما اقترفه زملاء مهنته من اساءة اليها 

والراجل يشكر موجعنيش بتاتا :D 

ودى حاجه تخلينى اتشجع واروحله تانى

وشكرا :D 

الموضوع وما فيه

عالسريع كده كام حاجه 

بقالى فترة لما بحضر خطوبة او فرح بكون مبسوط اوى اوى للناس يعنى 

بس لما برجع البيت بكتئب 

مش عارف ايه السبب 

:( 

*************

فيه حاجات الواحد بيأجلها فترة معينة من الزمان 

مش مهم يتبسط دلوقتى خالص ...ولا يريح حتى 

بس الواحد بيتعب حبة من عمره عشان يعرف يرتاح بعدين 

وفى نفس الوقت الواحد ميقعدش يعمل اعلالن فى كل مكان انه تعبان وبتاع 

اللى بيعمل اعلان ده مكسل وعاوز يلاقى سبب انه يكسل

عاوز حد يحبطه ويوقله فكك وبطل تعب وريح بقى 

اللى بيسكت بيكون عارف قيمة اللى بيعمله ايه 

محتاج بس حد يشجعه 

**********

اخر حاجه بمناسبة التشجيع 

عندى انك تقولى الطريق منين 

احسن مليون مرة من انك تلومنى ليه مشيت فى الطريق ده ولا ليه اخترت طريق تانى غلط مثلا 

اللوم والعتاب وكل الكلام ده مش بيجيب فايدة ايجابية 

ده بيهبط الواحد كيك 

عاوز مصلحتى ساعدنى بانك تشاورلى عالطريق 

هتقولى ما تعمل كذا 

قدم حلول لكن مش محتاج حد يقولىوانت ليه معملتش ولا مفكرتش 

مع نفسك بقى 

بس كده

هما واحنا

من كام يوم ركبت ميكروباص التحرير اللذيذ وكده من عندنا...عندنا فين مش فارقة 

المهم طلع ركب ولد وبنت معانا وست كده بتاع حاجه واربعين سنة ...وراجل عجوز قاعد جمب السواق 

وانا مأنتخ فى مكانى ورا والسماعات على ودانى بسمع ديفيد جيتا وعايش حياتى 

المهم بدأت خناقة نقاشية ما بينهم معرفش ايه اللى بدأها المهم كانوا بيرغوا فى قانون الطوارىء 

بغض النظر عن موضوع النقاش والطريقة...بس الست من الاول تقولوهم انتوا يوم ما عملتوا الثورة وقفنا جمبكم وانتوا كسرتوا وانتوا عملتوا ...وبعدين تقول بس احنا واحنا وهما 

ثوانى مش فاهم دلوقتى ...انتى جنسيتك ايه يا حجه معلش ؟؟ تقولك مصرية ..طب ليه دلوقتى بنفرق ما بين الجنسيات بكلمة احنا وهما ؟؟

اصل كلنا فى نفس المركب محدش يعنى راكب لنش لوحده وهيروح مكان ماهو عاوز 

يجى بقى عمو اللى قدام يقولك السيئة تعم ...فأنا اضايقت مبدأ السيئة تعم بتاع المدارس لما الفصل ينضرب عشان حتة عيل ولا مؤاخذة لبس الفصل كله ومعملش واجب فنتعاقب معاه !!

فأنا قولتله دلوقتى انا حرامى وقتال قتلة ...يبقى كده كل اللى معايا فى الميكروباص قتالين وحرامية ولاد تيييت ...طبعا قالك لاء وازاى انا راجل محترم...فقللتله ده نفس مبدأ حضرتك بتاع السيئة تعم...ماهو دلوقتى السيئة عمت الميكروباص كله ينفع ولا لاء...قالى لاء طبعا...قولتله يبقى مينفعش نعمم على ضابط الشرطة...عالثوار عالشعب ذات نفسه 

الناس مضايقة من البلطجة والسرقة والقتل والنهب  هوا ايه الفرق بين زمان ودلوقتى ؟؟؟

زمان كان سرقة مقننة وبمساعدة ناس من الاقسام ودلوقتى مبقوش يحموهم وممكن يقبضوا عليهم ...رغم ان اغلب الشرطة بتكسل نوعا ما عشان هيحتاجوهم قدام 

بس هى هى نفس الظروف...بس عشان احنا مسلطين عليها الضوء وبقينا نركز معاها اكتر من الاول ...فحسينا انها كترت 

بعدين اللى بيسرق ده من الناس المحتاجة ...وصل لمرحلة لازم يسرق عشان يعيش..انا مش بحلل السرقة ولا الغلط بس انا بشرح ليه ناس كتيرة محتاجه قامت تسرق وتنهب وشايفة ناس سرقانا بأم القانون 30 سنة واكتر ومحدش بيحاسبهم ...يبقى من حق الناس تضايق وتتنرفز 

بعدين واحد قالها حكمة فى مرة 

الشعب المصرى اشترى حريته جديد ...بس مش معاه الكتالوج فعشان كده بيقلب فى الزراير كلها :) 

عاوز اوصل بس فى الاخر مفيش فرق بين احنا وهما 

كلنا نفس الشخص ...وكلنا فى نفس المركب ونفس البلد 

اخترت انك تهاجر وتسيبها ...مترجعش تانى تشكيلها وتضايق من اللى فيها 

عشان انت فى يوم ما كان فى ايدك انك تصلحها ...قررت تسيبها 

!

انا اتوجعت بجد 

بجد اوى 

!!

طرطشة متفرقة

امبارح الفجر الساعه 4 ونص كده

واحد جارنا فى العمارة اللى قدامى نزل كنس الشارع كله ...مسافة بتاع 400 متر كده لوحده وكوم الزبالة فى النص وحرقها 

المهم العبرة مش فى انه حرقها...جت عليه يعنى :D

بس اللى عجبنى انه نزل من بيته واتحرك ومستناش غيره يجى ينضف قدام بيته 

النهاردة وانا بكتب اهوة الساعه 3 الا ربع 

والشارع اوسخ من امبارح 

=/ 

********

ساعات كتير لما تكون مستقل الحياة بتكون اخف ...مش شايل مسئولية حد ولا شايل هم حاجه

انا كده...احب اكون خفيف...بس شكلى بقيت اخف من الريشة 

لانى فى وقت طويل اتنازلت عن مسئوليتى ذات نفسها

ورجعت اشيلها تانى

ويلكم باك ماى ريسبونسابيلتى ^^

*******

الناس العادية بتستغرب لما حد بيقتل بيسرق الحاجات دى

الحكاية كلها بتبتدى بمرة واحدة بس

مرة يا غصب عنه...ياهو فعلا سادى او عنده مشكلة 

بس طالما مرة حصلت...بتجر وراها مرة تانية وتالتة ورابعه

وكل مرة يقول اخر مرة ...بس مبتكونش اخر مرة 

كل مرة بقول مش هقتل حد تانى

ويجى الحد ده ااقتله فى الاخر

من غير ما شعرة تتهز او حتى اهتم

مش فارقة ...روح راحت مطرح ما تروح...وانا مالى 

امتى بقى هبطل اقتل فى الناس؟؟؟

تفتكروا هيجى اليوم ده ؟!! ماظنش 

***********

مرة قالتلى "انا مش عاوزة اكون زى اى حد قبل كده" 

الكلام ده من سنتين تقريبا ...بالتحديد فاضل كام شهر ويبقى سنتين

على اية حال

قلت اوك...موافق يعنى

بس بعدين اكتشفت ان كل حد تانى زى اى حد اولانى 

انا غلطان ...بعترف بكده...ويمكن اللى عملته بعدها كانت محاولة يائسة عشان اصلح حاجات كتير اتكسرت

بس كان حل مؤقت...زى البنج اللى اخدته عند دكتور السنان امبارح كده 

بيهدى حبة وبعدين اثره بيبان 

ومين مننا مش بيغلط..المهم نعترف اننا غلطنا

ويمكن تكون مش مرتاح باللى انا عملته وقتها فى شهر اغسطس تقريبا 

بس ده احسن الحلول اللى كنت شايفها كده

فانا احب ااقول للحد ده 

انا اسف 

انا اسف بجد 

!!!

**************

الا هوا احنا ايه بالظبط؟؟

اصحاب ...ولا حبايب ولا قرايب 

اصل كل مرة السؤال بيختلف ...ومبقتش عارف مين رايح فين 

اللى ليه نصيب فى حاجه هيجيله 

**********

"وانت من امتى كان بيهمك كلام الناس " 

اه صحيح انا من امتى بهتم ؟؟

انا بمتاز انى مجنون جنون اللحظة

بمعنى تطلع فى راسى اعمل كذا هعمله 

مش فارقة كذا ده يصح ولا ميصحش 

ساعات بعقل وبحاول اشيل اللى عكيته وقت الجنون

وساعات بسيبه مش فارقة 

وساعات او ايام يجى عليا حبة عقل ولاد ناس مصدقش نفسى فى كلامى ولا تصرفاتى 

وايام تانية البرج اللى لاسع يسيطر بقى 

بس انا بهتم بكلامهم على فكرة

بغض النظر انه مش دايما بيجيب نتيجة ...بس فعلا بهتم 

****************

عارف الاحساس لما تقف فى وسط الشارع ...ويجى حبة هوا ساقعيين اوى...او ساقعين بس 

والهوا يزقك كده معاه 

وكل حاجه من حواليك ماشية معاه

وتفتح ايدك وتبقى عاوز تحضن السما 

ويا سلام لو بتمطر وتعمل اللى انا بقوله ده 

وتكون فيه ابتسامة حلوة اوى على بقك وانت بتعمل كده

الاحساس ده محستهوش الا كذا مرة

والكذا مرة دول ميتحكوش ولا يتوصفوا خالص

ولحد ما الحلم يبقى حقيقة 

هفضل محتفظ بجمال اللحظة دى جوايا 

احساس الهوا ده اللى عنده بلكونة يجربه الوقت اللى قبل الفجر كده...وخلى بالك للتقلب فى الشارع 

^^

******

الماوس بايظ ...الكليك عنده بتلاته ...ومش هعرف اظبط الالوانات 

بكرة بقى واحط صورة حلوة كده 

=)

بفتكر

بفتكر كده زمان

مش زمان اوى

او يمكن بعيد حبتين 

ضحكتك

لما كنت بهزر معاك 

النظرة بتاعتك الجادة والصارمة اوى 

كنت بحب ابص لصورتك انت وهى ...وبستغرب مين دول 

فاكر مرة كنت انت عاوز تسافر ورحت خبيت الجزمة بتاعتك...انت يومها اضايقت 

بس قعدت تضحك 

بس برضوا فاكر زعيقك الجامد اوى 

النرفزة اللى عالطووول كانت عندك 

كنت بقول فى نفسى ايه القرف ده 

فين ضحكتك راحت 

ومكنتش بطيقك 

جيت لما كبرت اكتر

وضهرك انحنى اكتر واكتر

وبقيت ساعات بتنسى انا مين 

فى الاول كنت بزعل اوى 

بعدين بقيت اتقبل سؤالك بضحكة وارد عليه ..وتنسى 

وبعدها بكام دقيقة افكرك 

وحشتنى قعدة السفرة 

بس انا كنت بحب اقعد فوق السفرة ذات نفسها 

واخد سلة العيش البلاستيك دى فى حضنى

وطبق العسل الاسود البلاستيك الاخضر 

كنت بحب اوى الصندرة

بلكونة المطبخ الضيقة 

بلكونة الصالة اللى كان بيلعبوا فيها كورة 

المكتب بتاعك اللى كنت بقلبه يمين وشمال واخد الميدالية اللى بتفتح وتقفل

كنت بحب صورهم وهما صغيرين ...واتفرج على المشاريع اللى كانت متبروزة 

كنت بحب انام عالسرير فى الاوضة الكبيرة وابص للسقف والمروحة العتيقة دى 

من السبعينات باين 

ويمكن ااقدم كمان

بس فيه ايام وشهور وسنين عاوز اشيلهم من ذاكرتى

لما انت تعبت وسبت البيت 

بس الفترة دى كنا قريبين اوى من بعض...ادخل اوضتك تفتكرنى وتدعيلى 

حد تانى كنت تسأل مين ده ...يااااه دعوتك دى عندى بالدنيا 

لما رحنا مستشفى عين شمس وكنت بتتوجع وفايق وبتقول اه قلبى كان بيوجعنى وانا واقف متكتف كده 

كانت اول مرة فى حياتى اشيل حد متكفن واحطه فى اللحد

كانت اول مرة انزل قبر تحت واحط الكفن جوا واشوف الراجل وهوا بيحط التراب عليك 

كانت اول مرة ابقى فى صدمة كده 

بس انت لسه فى بالى 

يوم عيد ميلادى بفتكرك اكتر عشان انا يوم 13 وانت يوم 14 

البوست ده بدرى بشهر وحبة 

بس بقالى كام يوم بشوفك فى اماكن كتير 

ربنا يرحمك يا جدو يا حبيبى 

ويلحقنا بيك فى الجنة باذن الله 

=)