Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Monday, December 29, 2008

كل عام وانتم


من المفترض ان النهاردة اول ايام السنة الهجرية الجديدة
ولكن يبدو انها ستظل محفورة فى اذهاننا بمذبحة غزة

منذ قليل هاتفت خالى كى اطمئن عليه واعيد عليه ..

وجدت انه فى طريقه الان الى رفح بحكم عمله فى قوات الامن المركزى

رافقتك السلامة يا خالى ان شاء الله

ويرجع سالما من هناك

Friday, December 26, 2008

التدوينة البيضاء




ان تأتى متأخرا افضل من الا تأتى

Monday, December 22, 2008

حدوتة...مش زى اى حدوتة

ساعات كتير بفكر فى اى قصة ...اى قصة دايما لازم تبدأ ببطلها وهو الخير طبعا...كان نقى ...لسه مافيش اى حاجه سودا لوثته زى الطفل لما بينزل من بطن امه ...بيبقى لسه برىء ...لسه متعلمش يكدب او حتى يخادع او حتى يحور على اللى حواليه

لكن مع مرور الايام بيبتدى يحتك باللى حواليه ....وعشان يعرف يتأقلم قدامه حلين ....يفضل زى ماهو ....وهيداس وهيتاكل حقه ...او يتحول ...بس لو اتحول ممكن يكمل فى الطريق ويتغير فعلا ....ومقدرش يرجع زى زمان او يبقى معاه القدرة انه يرجع زى الاول تانى وقت ما يحب ...وكان فاكر انه عنده القدرة دى

لكن للاسف غباؤه وقلة خبرته فى العالم خلاه يتصور انه يقدر يرجع لورا فى اى وقت ...خلاص جاب حقه ...ولقى ان احواله كده بقت كويسة...وعاوز يرجع تانى...لكن بعد ايه ....بعد ما القلب الابيض النقى اتلوث وبقى خلاص رمادى ومليان بأنواع كتير من الشر

فى اغلب القصص بيطلعلنا فى الاخر الساحره الطيبة تمحى الشر او الشر يختفى بعد ما تطلع اشعة الشمس وتحرق السواد اللى جواه وتنقيه ...لكن فى الحقيقة صعب انه يتمسح ....وحتى لو اتمسح بيفضل حبه منه زى الاثار القديمة ...صعب تمحيها...ومع مرور الوقت بتبقى ذكرى ....مجرد ذكرى بتيجى على باله مع اى موقف ...اى موقف بيفكر بالناحية البيضا وبالناحية اللى اتفضل منها حبة سواد

القصة دى موجودة فى كل مكان وفى كل زمان ...الخير ينتصر بس اللى نسيوا يذكروه ان الشر بيفضل برضه ...بس بنسبة ااقل وساعات بيصحى تانى عند اول ظلم بيقع عليه ...وساعات الخير بيبقى اقوى ومش بيرضى ان الشر بيطلع ...

ياريت حياتنا زى القصص اللى بنقراها دايما ..واهو كمان شوفوا البطل اتجوز البطلة وخلفوا كمان اطفال حلوين وحياتهم بقت سعيدة بعد ما قضوا على الشر

لكن فى ارض الواقع ...البطل لسه على قيد الحياة بس بنص حياة...والبطلة ممكن تكون انتحرت من على الكورنيش....وممكن يكون حد لحقها وممكن لاء...والاطفال بقوا مشردين فى كل مكان

والراوى قاعد على القهوة بيشرب حجرين معسل تفاح والشاى الليبتون قدامه وبيقرا اخبار النهاردة اللى فيها "القبض على اكبر المهربين فى البلد"

وتوتة توتة ...فرغت الحدوتة


الحذاء الطائر


قريبا سنجده فى اكبر المتاجر الامريكية...الحذاء الطائر

Sunday, December 14, 2008

قصة ملاك




جئت اليوم احكى قصة روح ما ....كانت تعيش بين البشر هائمة على وجهها ...تراقبهم عن كثب وتنظر اليهم ...وهى مفتقدة تلك المشاعر التى يشعرون بها ...حزن...سعادة....حب ...كره ....ارادت ان تشعر بتلك المشاعر يوما ما....ارادت ان تعرف كيف يكون الاحساس بتلك المشاعر التى دوما استخفت بها وبما تحدثه من نتائج بعد ذلك ...فكان الاختيار ان تكون بينهم واختارت جسد فتاة ما ...ولكنها ليست أى فتاة فهى ملاك فى نظرتها ....تنظر لوجهها مليا فتجد الابتسامة دوما عليه دون الحاجه لتحريك شفتيها ....تنظر الى عيناها فستجد الامل دائما بداخلهم
ولكنها لم تجد وسيلة لتشعر بتلك المشاعر الا بأن تحب ...وبالفعل احبت فى المرة الاولى وعاشت اجمل ايام حياتها ....ولكنها فى نهاية الامر فوجئت بأن كل ما عاشته كان مجرد كذبة ما تم حياكتها جيدا كى تناسبها...وهنا احست بغصة فى حلقها ....فها هى قد احست بشعور ما احسه الانسان من قبل ...ارادت ان تبتعد وتنسى كل شىء ...وتفكر فى عدم تجربتها مجددا ...ولكن هيهات ....لان الحب قد اعجبها ولم تكن تريد ان تتركه هو ...انسان....بشر مثل اى شخص ....ولكنه ليس عادى....حظه كان سىء فى اشياء كثيرة....كان هو الاخر يبحث عن احساس ....احساس بالدفء والامان مع شخص يحبهولكن كل مرة تأتى الرياح بما لا تشتهى السفن ويحدث امرا مغايرا جعله يتوقف او بالاصح جعل كل شىء جميل بداخله يموت ولكنه لم يشعر بهذا حتى قابل اخر فتاة هذه الفتاة هى تلك الروح التى ارادت ان تشعر بحلاوة احساس الحب ....فوقعت فى طريقه فى بادىء الامر لم يعر للامر اى اهتمام ....حتى رأها ورغم انه كان يسير فى طريق ما ....ولكن قلبه اراد ان يسير مع قلبها ....أبى الانصراف والعودة من حيث اتى ورغم صدق مشاعرهم الا ان التجارب السابقة تركت اثارا وندوب بل وجروح فى قلبيهما ....وذلك رغما عنهم ورغم محاولتهم تجاوز تلك الاثار والبدء من جديد الا ان كل مرة يحدث شيئا ما يجعل الامر اكبر واكبر بعيدا عن ارادتهما فى بادىء الامر لم اعر للامر اى اهتمام ولكن قلبى اراد عكس هذا ...وهذا بالفعل ما كنت تودين فعله...فكان قلبك يسير فى اتجاه اخر مع قلبى...ولكن عقلك وقتها كان رافض المبدأ....ولكنه فى النهاية رضخ لارادة القلب او بالاصح للحب

ليس صعبا ان تحب....ولكن الاصعب ان تحافظ ان تحافظ على هذا الحب فى زمن اختفى فيه

تمر الايام والاسابيع والشهور ....وها نحن وقد مر اكثر من خمسة اشهر

وهى لا تعتبر فترة من اساسه طويلة ولا حتى بالقصيرة

لو كنت عملت حاجه ضايقتك....فبقولها...انى اسف جدا
عشان لسه بحبك ومحتاجك....ومستنى ترجعى تانى فى اقرب وقت يا ملاكى

ومافيش غيرك فى قلبى

بحبك



Saturday, December 13, 2008

Friday, December 12, 2008

Nothing....



I'm so sorry
i won't bother you anymore...

Tuesday, December 09, 2008

طرطشة هائمة

من كام يوم كده دخلت مدونة عاوز افتكرها مش عارف ...المهم كان مجموعه جامدة من اليوميات السيطة ...والكبيرة بالنسبة للكاتب...فيه كام بوست حسيتهم حبة ممكن اكون عشتهم فى يوم من الايام ولا حاجه او ممكن اكون بعيشهم دلوقتى ...مش عارف

البوست ده هيبقى ملخبط بغباااء...فمحدش يستغرب

فيه صديقه ليا قالتلى حكمه حلوة اوى...

هقتبس كلامها

ساعات لما بنحب ... بنسمع لنفسنا نفكر فى حاجات تافهه اوى فى النص .."مكلمتنيش ..مسالتش عليا النهارده .. ايه ده دخلت اونلاين و مش كلمتنى
بتبقى ساعات غصب عن الواحد .. بس بعدين بتبقى حاجات تافهه اوى ... مش لازم يكون حد بيحبك يظهر لك ده فى مكالمه منه سال عليك ولا اخد مشوار ساعتين عشان يشوفك ...

بس بعدين بنفهم انها كلها حاجات هبله اوى بتضيع الاساس ..متستناش مقابل من حد بتحبه ابدا لان ده بيتعب .. خليك انت دايما اللى ابتديت بالحاجه الكويسه ...









معلش الخط اتلغبط عشان ناقله من المسنجر
بس الكلام ده مش ااقصد بيه حاجه وحشة...بس لقيت ان فعلا ساعات الواحد بيعمل كده وبعدها لما بتخلص الكيكة اللى بين ايدنا بنزعل عالوقت اللى ضيعناه فى اننا نفكر هى ليه مش مربعه ولا هى ليه مش اتمضغت عالطول...الخ

فيه حاجات اهم...عشان كده يا حبيبتى ساعات كتير ببقى قصدى على كده...ومش ببقى قاصد انى اجرحك او اضايقك زى كل مرة بيحصل بينا الاختلاف الدائم اللى احنا فيه ده

من كام يوم اخر كلاش بينا جيت اكلمك بالليل اصالحك ...مش ردتيتى وقلت يبقى نمتى...بعدها بساعتين المسج بتاعتك عملت الواجب وزيادة...^_^

السمكة الصغيرة ماتت على فكرة...والعزا بتاعها مش عارف امتى..:(

انا عارف انك مش هتقرى الكلام ده ...او ممكن تقريه وتيجى كالعادة نتناقش نقاش حول اللى انا كاتبه...بس كان جوايا كلام ولازم يطلع مينفعش يقعد اكتر من كده ودى طبيعتى

من كام يوم قعدت عالنيل بتاع 6 ساعات او اكتر ...يا سلاااااااااااااااااااااام قعدة تحفة ...وناس زى العسل كلمونى يومها كنت مفتقدهم جدا...سبحان الله اللى بعيد عنك تلاقيهم بيتطمنوا اكتر من اصحابك القريبين...:)


فيه خبر عرفته من يومين وعملت عبيط وقلت اكيد مش بجد...التأكيد بتاعه جه النهاردة لسه مش مستوعب وبحاول اهزر ...سنة كاملة؟؟؟؟؟
طب ده يومين ولا تلاته غياب عملت بوست طويل...سنة هعمل فيها ايه....وحاجات كتير بحتاج مساعده فيها....ده انتى الحاجه اللى بتخلينى انا ونصنا التالت نكلم بعض اكتر...مش عارف بس لو خلاص مافيش مفر انا جى المطار ان شاء الله لا محالة ....هعمل اعتصام هناك

كل يوم بيزيد عندى الهاجس ان لازم يكون عندى عربية...اخر حالة وفاة ركبت تاكسى عشان الحق صلاة الجنازة ....السواق بااااااااااااارد ...ببقى عاوز اخد الغرزة مكانه...يلا ...قريب بتاع خماشر سنة واجيبها ان شاء الله

من كام يوم اكتشفت انى فعلا اسم على ماسمى...سفاح ...سفاح كرموز..

فيه انسان كنا زى الاخوات زمان لحد ما افترقنا على سبب تافه ...ابتدينا نرجع سوا تانى زى زمان بدأ يسأل عليا ...ويزورنى...وجابلى شغل كمان...هههههههههههههههه...الحمد الله باب بيتقفل من ناحية...الناحية تانية ربنا بيفتح باب تانى

فى الاخر برضه انا اللى بخنق على نفسى

دوشتكم

بس مش هتبقى طرطشة من غير دوشة

Sunday, December 07, 2008

happy Maaaaaaaaaaaaaaaaaaaaa2

كل سنة وانتم طيبين..

كل عيد اضحى وانتم بخير

اعاده الله عليكم وعلى الخروف بالمن والبركات

طبعا حد هيسأل عالخروف ازاى

اقولكم مش هيدبح وهناكله ..

نيهاهاهاههاهاهاهاهاها...ضحكة شريرة يعنى

ما علينا

هحاول اخلى البوستات اللى جاية تفرح حبة...انا عارف ان الطرطشة فى الفترة الاخيرة بقت زى اخر صفحتين فى جرنال الاهرام...بس غصب عنى معلش

فى العيد ان شاء الله

^_^


Friday, December 05, 2008

وتتوهين عنى ...!!

هذه الخاطرة كتبتها الاخت الكبرى لصديقى

وهى تحاول ان تكون صابرة اثناء وجود اختها فى هذه الغيبوبة

فوجدت انها مناسبة لليوم

--------------------------------

موسم الحج ...زحام كبير فى أرض المزدلفة

بياض على مد البصر ..الناس ينامون على الأرض ...

وأنا وأنتى طفلتان..

بل كنت أنا دوما الطفلة ..وكنتى أنتى الأم

الحمامات تبعد كثيرا عن خيمتنا

تطلب جارة لنا أن يذهب أحد معها الى هناك

نرفض جميعنا ..الظلام يحوط المكان الا من كشافات عملاقة

وتقومين من بيننا متطوعة للذهاب معها للمكان البعيد

...كنت دوما اقول لك تخلصى من مبادراتك تلك ..ماذا تجنين من العناء !!

ووقفت أرمقك تختفين وسط الزحام ..هناك شعور قوى يأتينى كلما طالعت من أحب يسير موليا لى ظهره ...وسؤال قوى يطرقنى ..

هل يعود؟!

وعادت وحدها تبكى ...فقدتك فى مكان ما أمام الحمامات ...وغاب طيفك عن قافلتنا فصرخت امى بجنون وبدا أبى مريضا وهو يبحث عنك ..

وبقيت أنا بلا ردة فعل ..كأنهم يحكون لغة مريخية أجهلها ..تاهت..من !! أختى ؟؟؟؟

ثمانية ساعات طويلة جدا ...أنتهت بعودتنا للباص وخروج أبى وأصدقاءه للبحث عنك

غفوت والدموع تغرقنى ..وأنا أناديك ..عودى الآن..فلن انام فى سريرنا الكبير بدونك ولن اذهب لمدرستى بدونك ..ولا كانت الحياة ولا كنت ..بدونك

وكانت هى فى ذات اللحظة ...تبكى

جلست على أحد الأرصفة ..كما هى ..تستسلم لقدرها ..ولا تشتكى

وأرسلت لها السماء سيدة مصرية سألتها لم تبكى ؟ وحين علمت بأنها ضائعة عن أهلها ..أخذتها للشرطة المسؤولة عن كل من يتوه فى الحج

أدخلوها خيمة مكيفة مليئة بنساء تهن عن ذويهن ...نامت أختى فى ركنها ..حتى الفجر

وفى لحظات الشروق الأولى ...تنبهت على سير حافلتنا عائدة بنا للبيت ..

نهضت مفزوعة ..هل سيتركونها هنا!!

فوجدتها الى جوارى تجلس

وما أن بدأت فى البكاء مجددا..حتى حكت لى كيف أستيقظت وهم ينادون أسمها من خارج الخيمة

وسألها الشرطى هل هذا والدك؟ فركضت وأحتضنت أبى وأخفت نفسها خلفه بلا كلام فضحك الشرطى وتركهم يذهبون

ومشيت متشبثة بذراع أبى ..تطوحان يديكما المتشابكتين كفرحة الصغار ..

وسألك أنتى جائعة؟ فأومئت بالأيجاب وأشرتى لرجل يجلس على جانب الطريق يبيع العصير والبسكوت

ببساطة الصغار كنتى تأكلين البسكوت الى جانبى ..عدتى كأنك أصلا لم تذهبى لأى مكان

وحين وجدتنى مسترسلة فى بكائى المعاتب لك وأنا أحكى عن هلع الجميع لغيابك

فابتسمتى كعادتك وقدمتى ما كان فى يدك لى وأنت تقولين

خلاص متعيطيش مش هتوه تانى ...تاخدى بسكوته بالبرتقال ؟؟

فمسحت دموعى وأنا أتناول منك قطعة ..وأكملت الطريق نائمة على كتفك

فكيف بعد أن صرنا محسوبتين على عالم الكبار ...تحنثين بوعدك لى

تتوهين منى مجددا!! وتتركينى فى ثمانية ساعات طويلة جدا بحسابات الكبار

تأبى المرور ..

كما لا أحتمل أنا الانتظار ..


Wednesday, December 03, 2008

انا لله وانا اليه راجعون

توفيت الى رحمة الله اليوم ربا ...اخت صديق لى يدعى احمد سعد

بمستشفى حميات العباسية ظهر اليوم

كانت قد دخلت المستشفى يوم الجمعه الفائت

وكانت مصابة بنزلة معوية ثم اصيبت بغيبوبة

ده كلام اختها الصغرى:

تعرضت أختى الكبرى ربا لنزلة معوية من أسبوع

لنفاجأ اليوم بأنها فى غيبوبة ببيت زوجها منذ العصر!!

تم نقلها لمستشفى خاصة كبيرة فى منطقتها السكنية

لكن المستشفى رفضت الحالة بعد دخولها بساعات قليلية وحولتها للحميات بالعباسية !!

السبب عجزهم عن أخراجها من الغيبوبة وعجزهم عن تشخيص الحالة

أنا فى حالة ذهول والجهل يقتلنى أفيدونا يا أطباء المنتدى ما معنى أن تدخل فتاة فى السادسة والعشرين من عمرها فى غيبوبة!!

وهل هذا معناه أننا نفقدها!!

ما يملؤنى ألما هو تخيلى لمنظر أمى المسكينة وهى تقف الآن أمام باب الحميات بانتظار سيارة الاسعاف التى تحمل العزيزة الغائبة عن الوعى فى طريقها من المستشفى الخاص

ان كنت أنا أكاد أجن من الخبر وأنا فقط أختها فماذا عن التى أنجبتها أسأل الله لها التثبيت فى أسوأ موقف قد تتعرض له أم

رجاء أسألكم الدعاء لأمى بالصبر ولكل أم فى موقفها ولأختى الحبيبة بالشفاء

لا حول ولا قوة الا بالله ..

ياريت تدعولهم بجد يا جماعه عشان اهلها وزوجها وكل الناس دى محتاجه دعائكم بجد


Tuesday, December 02, 2008

I love my fish



i have a little fish

i love my golden fish

i brought another fish...but it's male

i have two fishes now

i love my both golden fishes

my fishes married & brought little tiny fish

Now i have three fishes

i love the person WHO gave me the fishes

i have fish....

Tuesday, November 25, 2008

سفاح القلوب




اسمه سفاح ...ربما تكون مجرد صفة..ولكنه بالفعل سفاح ...يقتل ويسفك الدماء ...اعتاد ان يحب اى امرأة...ويجعلها تقع فى حبه ويوهمها انه لا يوجد غيره فى الحياة وانها بدونه كالسمكة التى تعيش خارج المياه حتى يستولى على قلبها ويكون هو الاوحد فى حياتها

ويأتى فى يوم ما ...يمسك بسكينه ...يقتلع قلبها من مكانه...ويقول لها انها كانت قصة وانتهت واصبح الان هو الوداع...ويرحل تاركا ورائه احدى ضحاياه...من ينظر لها يجدها جسد بلا روح ولا حياة

ويذهب الى منزله هو...ويفتح هذا الدولاب الداخلى...ويضع قلبها وتحته الاسم والسن وتاريخ الحياة....ويضحك ضحكة شريرة جدا وهو يتأمل قلوب ضحاياه فى هذا المتحف الصغير داخل منزله الكبير ....ولما لا فهو فى الاصل سفاح

وبدأ يستعد لمرحلة جديدة...كى يخطف فتاة جديدة...ليضم قلبها المكسور بجوار اشقائه فى هذا الدولاب

واتاها...ورأها وتكلم لها وتكلمت له ...وصارح كل طرف بمشاعره للاخر...وبدأت قصة الحب حتى حان الميعاد لقتلها واخذ منها الحياة...وامسك سكينه المعتاد....الملىء بدماء ضحاياه...ورفع يديه وحاول ان يهوى بها لينتزع قلبها ....ولكن نظرتها له جعلته يتوقف ...وقالت فلتوقف هذا المزاح

توقفت يديه بالفعل ولم يدرى لما ....هذا السفاح ...قاتل قلوب النساء...رق قلبه لاول مرة...واعلن العصيان على هذا الطغيان وقرر انه سيحب هذه المرة...هذه المرة فقط سيتراجع ولن يقوم بما اعتاد

تغيرت حياته شيئا فشيئا...جدران منزله تحول لونها من الاسود المخضب بالدماء الى حوائط وردية وبيضاء ....سطعت شمس الحياة لديه...الابتسامة دائما على وجهه ...فرح وسعيدبما لديه من حب وعطف وحنان...وهى بجواره تذكره بحنانه وحبه الذى لا ينتهى

حتى اتى يوما كان للموت ميعاد...مع قلبها اخذه ورحل وتركه دون حتى نظرة وداع...وقف صامتا يبكى بداخله...وعينه ترفض ان تصدق ان الشمس قد غابت للابد ....وقلبه يرفض ان يصدق ان الحب انتهى للابد....ويديه ترفض ان تصدق ان الدفء انتهى للابد

عاد حزينا اكثر مما كان....وقف ينظر لقلوب ضحاياه...اقسم ان ينتقم من كل امرأة على وجه الحياة....اقسم ان يقتلع كل قلبا محبا انتقاما لموت قلب حبيبته والتى ذهبت بدون وداع

ختى تذكر نظرتها اليه...نظرة عيناها اليه....تذكر رجائها بالا يقتلها...تذكر صوت نحيب قلبها بالا يدفنها...تذكر وعده لها بالا يعود الى سابق ما كان

وقف والالم يعتصر قلبه ....شعر بما كانت ضحاياه تشعر به من الم ولوعة الفراق

هو...كان سفاح...اليوم اصبح ملىء بالجراح...جراح سببها له الماضى ...وتركت ندوب فى قلبه لن يمحوها افضل جراح

هو كان سفاح ...اليوم اصبح بلا جناح يرفض ان يطير بعد رحيلها فى صباح بلا انوار ولا اصداء

هو كان سفاح

.................

Thursday, November 20, 2008

Mobile for sale


Nokia N73 for sale



have all thge stuff that came with it



CD , Covers , Memory cards till 1 GB & Charger



It's software updated to software N73 music....

used but like the new exactly

If any one interested to buy it

call +20106377328

urgent...if you know any one need one...also call

Tuesday, November 18, 2008

Sorry

يااااااااااه

بقالى كتير ماليش نفس اكتب ولا اتكلم

لاول مرة او لتانى مرة اهرب كده فى حياتى

بحاول اتعامل مع اللى حصل او اللى بيحصل زى أى حاجه تانيه...عادى...بس هوا اصلا مش عادى ولا هيكون عادى

قلت هشغل نفسى بالشغل بس لقيت نفسى هدفن نفسى بالحيا...وانا مش بحب كده ومن زمان مقرر انى لو هشتغل شغلانة هتخلينى فى ساقية هسيبها ان شاء الله اقعد جعان ولا انام قرفان ...ربنا يسهل بكرة واسيبها

مفتقد ناس كتير قرروا انهم يمشوا من حياتى ووضوا الشنطة ومرة واحده غيروا رأيهم ورجعوا رغم انى انا اللى كنت بزن عليهم يرجعوا مش عارف عاوز انا ايه تانى؟؟؟

النهاردة كانت شبكة اعز اخ لقلبى او اخويا اللى والدتى مش ولدته .....بس بسبب الزفت الشغل معرفتش اروحله النهاردة وقاعد مضايق جدا جدا جدا عشان مش عارف اشوفه فى فرحته ..:"(

كنت هقابل الانسة اللى بحبها توداى...بطنى قلبت عليا واعلنت العصيان وبقيت قاعد فى مكانى زى البطة الحرانة ....كلمتها بقولها مش تيجى عشان تعبان ومش هقدر اشوفها قلت الحقها قبل ما تنزل عالفاضى...بعتت مسج عادية يمكن بس فى اخر بتجرح ...هوا يوم باين من اوله فعلا

فيه فلوس ناقصة من الشيفت اللى قبليا وانا اللى لبستها ...ورق ميتكتبش ويتحدفلى الصبح وانا اصلا كل حياتى الصبح كتابة ×كتابة وفى الاخر يرجع صاحب المحل يزعقلى انا عشان مكتبتش الورق ...بكرة هقابله وهقوله انى هسيب الشغل عشان كذا وكذا وكذا...هيحاول يقنعنى بالعكس بس انا جبت اخرى خلاص ولو قعدت هيبقى غصب عنى ومش هخاف عالمكان اللى انا فيه بأى حال من الاحوال

سافرت اسكندرية جمعه وسبت وربع الخميس ....كان الجو تلللللللللللللللللللللللللللللللللللللللللللللللللج....بس كنت محتاج التغيير ده فعلا كان سفرية مجاريح على رأى واحد كان معايا ههههههههههههههههههههههههههههههههههههههههههههههههههههههه

محتاج اسافر تانى او اعمل اى حاجه جديدة تانى عشان ارجع للمودتانى بس صعب بعد العيد

دوشتكم...معلش بس ده اللى جوايا دلوقتى نظرا لعدم رد اى من الاربعه المقربين على تليفوناتى من ساعه ونص كده ....وللاسف مش هعرف اطلع الكلام تانى...هوا هنا احسن

هحاول اكتب تانى...ادعولى بس

تحديث نونو

عاوز اضيف ان دمى اتحرق اكتر واكتر

ميرسى فى الاخر عالذوق يا ذوق

:)


Monday, November 03, 2008

انا لله وانا اليه راجعون

بقالى فترة كده الايام مبتسمة فى وشى الحمد الله على كل شىء يعنى

النهاردة توفى الى رحمة الله واحد صاحبى اعرفه من ابتدائى...وذلك بسبب السرطان اللى كان فى مراحله الاخيرة وقت ما اكتشفناه

مش عارف ااقول ايه ....كنت معاه وقت ما كان بيتعب وحاولت كذا مرة اقنعه انه يتعالج او حتى يجرب...مرضاش حتى...

اهله النهاردة كانوا فى غاية الانهيار لانه كان ابنهم الوحيد

الكلمات بتخونى هنا عامة مش هعرف اكتب حاجه

بس النهاردة يوم من اوله باين

نهاية بخناقة حلوة كده مع حبيبتى...ربنا يهديها يارب ...وتكبر عقلها اكتر من كده

انا مختفى كام يوم عشان بحاول اتعافى بس من الخبر

:(
تحديث

توفت الى رحمة الله جدتى الثانية - اخت والدة والدتى - وهى تصلى الفجر اليوم

نازل الصبح الشغل بس ماليش نفس اعمل اى حاجه خالص دافن نفسى فى الكتابة بتاعت الورق عشان اتحمل

وبالليل هسافر المنصورة عشان اعرف اعزى ان شاء الله

ادعولى بس



Friday, October 31, 2008

لحظة وداع

عندى زهرة ...اضعها فى شرفتى بالمنزل

عندى زهرة...ارويها كل يوم فى المنزل

عندى زهرة...لونها احمر كلون حبات الكرز

عندى زهرة...رائحتها فواحة تجذب الانوف اليها

عندى زهرة ... العصافير تزورنى يوميا للاطمئنان عليها

عندى زهرة....بدأت فى الذبول

عندى زهرة...لونها الكرزى...اصبح ابيض شيئا فشيئا

عندى زهرة...ترفض شرب المياه

عندى زهرة ... العصافير اصبحت تبكى وهى تغرد عليها

كان لدى زهرة...كان مكانها فى شرفتى

كان لدى زهرة تملأ حياتى

واليوم اختفت الزهرة

فأصبحت حياتى فراغا

كم احببتك يا زهرتى


Wednesday, October 22, 2008

حضرة المتهم ابى

فى احد الايام ...كنت جالس مع اهلى واسرتى واحبابى ...حتى سمعت طرق قوى على الباب ...فقمت فزعا ...فإذا بى اجد رجال الشرطة ...او زوار الليل ...لماذا جئتم...جئنا للبحث عن هذا المجرم القاتل ...انه ابيك


قاموا بأخذه فى منتصف الليل ...من بين اهله وناسه ...دون اى اعتبار لوقت او لمكان او حتى تهمة ....مبدأ او مقولة المتهم برىء حتى تثبت ادانته ....لم اراه يوما ...فهاهى الصحف قد كتبت ونشرت الخبر عن القاء القبض عليه ....امشى فى الشوارع فأجد من يسبنى ومن يلعن فى...وكل ذنبى انه ابى ...ابى البرىء منهم ومن كذبهم وافترائاتهم عليه ...ولكن هيهات


اجلس فى قاعة المحكمة...اجد النيابة تعدد التهم ....بدءا من احدى الحرائق الصغيرة فى احدى الشقق ...ومروروا بالعشرات من المصانع ...انتهاءا بمجلس الشورى والمسرح القومى فقمت صارخا كلا ...ليس ابى من يفعل هذا وذاك...ولكن دون جدوى ....فالحكم تم النطق به قبل ان يتكلم محامى الدفاع ....والناس وضعت المشانق له قبل اى شىء


هل عرفتموه....انه الماس الكعربائى

ابى


Tuesday, October 14, 2008

Heart crying....

  1. كان فى يوما من الايام قلبا سعيدا مفعما بالحيوية والنشاط...سعيدا دائما الابتسامة لا تفارق شفتاه

احب فى اول مرة....واعطى كل ما لديه وبقوة...مسكين هو....لم يدرى انها ستخدعه وتتركه بالنهاية

تركته حطاما....بقايا انسان...بعدما امتصت كل ذرة حب بقلبه

ادركه الامل مجددا....بعدما قام بتضميد جراح قلبه...ومحاولة احياء ما كان

احب مجددا ...واعطى ما ولد من جديد من حب بقوة اكثر....حاول ان يحتفظ بها

ولكنها كانت فى مرحلة التردد....هل احبه ام لا...هل اسعده ام لا...هل اغيره ام لا

وكأنما هى تجلس فى شقة وتبحث عن اللون المناسب لها

خرج يلملم بقاياه ....وينظر من حوله...فيجد نظرات الشفقة والعطف ان لم تكن التشفى والفرح

جلس وحيدا فى جانب ما ....منزويا بلا حراك

ينظر للقادم من كل اتجاه....يبحث فى وجوههم عن نظرة ما

وجدها آتية من بعيد....تنظر اليه...تمد يدها....تحاول ان تجعله يقف

وقف وهو مثخن الجراح.....والدماء تتساقط من كل جرح ومن كل مكان

حاولت معه فى رأب الجروح والصداع

وتفاعل معها....واصبحت الابتسامة تأتى اليه كل صباح

ولكن حواء اليوم ....لا تختلف عن حواء الامس

فحواء اليوم....تفرض شروطها....وتقول احب هذا وارفض ذاك

وعندما يحاول ان يرضيها...تفرض شروطا جديدة

يحاول ان يرضيها....ولكن كمن يحاول ان يحرق قطعة ملابس ثمينة

وقف يملى شروطه هو الاخر

فأصبح عدو المرأة الاول

واصبح من اعداء الحب الابدى

عاد ليجلس حائرا من جديد

وقلبه بجواره جالس بلا اى شىء مفيد

ينظر اليها وهى تقول احبك...فاغفر لى

وينظر الى قلبه قائلا

اكرهك ....فلا تكون لى

وتعود حبيبته لتعتذر وتقول احبك فلا تتركنى

ويحاول ان يتنفس بعمق وينظر اليها

فلا يريد ان يتركها

ولكن قلبه اصبح متعب

ولا يقوى على الحراك مجددا

فهو فى عامه العشرون

وقلبه كمن اصبح فى الثمانون

وعاد ليجلس حائرا مجددا

وتستمر حكاية القلب الباكى

بجوار صاحبه الذى لم يمل يوما

من تجربة الجراح



Saturday, October 11, 2008

Epitaph blog...

We are a group of Egyptian bloggers really bothered by the blockage of the two-year-old blog "Epitaph_87" ( http://www.epitaph-87.blogspot.com/) along her gmail account (epitaph87@gmail.com), since October, 4th , 2008. She has sent you her problem and requests on Google Help Center and Blogger Support, but in vain. We wish that you'd help us retrieve that blog and account and answer the requests of our fellow blogress, sending you from (epitaph_1987@hotmail.com), and hopefully ASAP!
Just for notice, we have published this problem on our blogs!!


Tuesday, October 07, 2008

Egypt....4 ever

In 6 Oct.....benshof daymn movies 7efznaha moot....

bs el film dah "O3'nya 3la el Mamr" 3omry ma zeh2t mno...

for One reason..

el song dy ....

try to be patient ..wa esm3oha kolha...

enjoy..



Wednesday, October 01, 2008

عيد سعييييييييييييييييييييييييييييييييييييييييييييييييييد

كل سنة وانتم طيبين

معلش جت متأخرة حبتين تلاتة اربعه

بس انا من بعد الفطار وانا فى الشارع بتجول

ولسه داخل بيتى من 10 دقائق

يارب يكون عيد سعيد عليكم كلكم

على اى اتنين متجوزين

مخطوبين

حتى مرتبطين :D

المهم الناس تبقى فرحانه ومقضيه يومها كويس

عن نفسى هناااااااااااااام

عشان من زمان محستش بالعيد...فمش فارقه كتير

^_^

كل سنة وانتم طيبين وفى الطرطشة موجودين

Monday, September 29, 2008

Metro..


واقفة فى محطة المترو...مستنية المترو يجى زى باقى الناس...بتحاول تشد هدومها لتحت اكتر...كعادة اى بنت ...بتبص حواليها...المحطة فاضية ليه...ياترى هلحق الفطار ولا لاء...طب المترو اتأخر ليه بس؟؟؟
طالع بيجرى...وشايل شنطة تقيلة حبتين...وبيستعجل فى بتاع التذاكر يلاقيله فكة تلاتة جنيه...ياخد تذكرته...واقف فى محطته...مستنى المترو ...بيبص حواليه..نفس سؤالها...هى المحطة فاضية ليه....هلحق اللى لاطعه فى الشارع ولا ايه؟؟؟

المترو جه اخيرا...واتنفست معاه نفس راحة حبة...ركبت المترو...وسندت ضهرها على بابه...قدامها واقف تلات شبان بيعاكسوها من تحت لتحت...مضايقه من نظراتهم اللى بتنهشها وهى واقفة...بصت حواليها لقيته ...انسان عادى...الوحيد اللى مش بص ليها ولا اهتملها...كرسى فضى...تعالى يابنتى اقعدى ايه الزحمة دى.....اول كلمة جت على باله....بس مافيش ثوانى الناس نزلت والمترو بقى فاضى...واقف تحت المروحة...اللى شاغل باله ...هناكل ايه النهاردة....بعدين لقى الشباب الحلوين دوول...بيعاكسوا ملاك طاهر برىء...بيبصلها مرة....ويبصلهم تانى...بعدها يتحسر على حال الدنيا ...واللى بقى فى شبابها من عبط وهبل...ودعالهم بالهداية
اشمعنى هوا اللى مش بيبص...فكرة جت على بالها....والتانيين سمجين ...لسه بيبصوا عليا...انا زهقت...طيب كويس واحد منهم عدى الناحية التانية....لسه مش بيبصلى لحد دلوقتى...يمكن فى حاجه فيا؟؟؟....وتبص بتلقائية لهدومها ومنظرها...وترجع تختلس النظرات لوشه
نازل الجاية يا استاذ ؟؟؟...لاء...رد عليه ببرود...والراجل وقف قدامه...و ريحة عرقه اخر قرف...بص الناحية الشمال...لقى عيونها فى عينه....حس بقشعريرة فى جسمه....بعد عينه عنها....لكن غصب عنه الريحة بقت جحيم....بصلها تانى....لقاها بتبصله...وتبص للى قدامها...فهم انها خايفه ....خايفه من 3 ذئاب ...ناهشنها بعينهم...يمكن بتدور على امل...نفسها فى ضحكة تطمنها....ابتسمت لعيونها ...لقيت عيونها بترد التحية
ايه ده...بقى بيبصلى اخيرا...ايه العبط اللى انا فيه ده...هبص للارض احسن....وتفكر ليه بصته كانت مختلفة....بيدور على ايه ياترى...وياترى بصلى ليه ...هبصله تانى....هخطفها بسرعه وابص فى الارض تانى....لقت ابتسامته المرسومة بخفه على شفايفه...حبتهم من حلاوتهم....ومن حلاوة ضحكتهم....ضحكتله هى كمان....بعدها دورت وشها الناحية التانية ...انا ازاى ضحكتله كده
انا متأخر جدا .....لازم اوصل بسرعه....بس ده مش اللى كان شاغل باله....اللى شاغله حاجه اكبر...قلبه بيدق جامد....نفسه بقى بسرعه...عينه بتدور عليها....واحد ركب وقف سد الطريق عليهم....محطتى الجاية....عاوز اودع عيونها...عاوز اطمن خوفها...لازم اابقى معاها .....بس ازاى ...متوسع يا اخينا شوية...زعاوز اكلمها واسأل عليها...هتسأل مين بس...ركز فى الفطار اللى انت رايحه ...المحطة جت
اللى مطمنى انى لما هنزل هلاقيه معايا....هينزلوا يعاكسونى اكيد هيجى وراهم ...ويقولهم كده غلط...اكيد هيتخانق عشانى...انتى عبيطة...بتكلم نفسها...هينزل وراكى ايه...هوا يعرفك اصلا....بس سيبك انتى ...عينه بتطمنى...حاسه اكنه بيقولى متخافيش انا جمبك...انا معاكى...ومحدش هيقدر يوصلك...وحاسه كمان...ايه دهع....السخيف اللى وقف ما بينا...لاء استنى....متسبنيش لوحدى تانى
نزلت من المترو...وقفت عملت اكنى بكلم فى الموبايل اللى من غير رصيد...مستنيه يمشى....اخطف نظرة وداع...او حتى نتفق على لقاء....مش راضى يمشى...موبايلى بيرن والراجل بيستعجلنى ...المترو مش مشى برضه...ولسه بيستعجلنى...فاضل نص ساعه عالفطار انا همشى....وجوا عيونه دمعة خفيفة....مقدرتش تودع حبيبته نزل من المترو...هى دى محطته ...ملحقتش اودعه...ملحقتش حتى اخد منه اى حاجه ...طب مين هيدافع عنى دلوقتى...شايفاهم فرحانين انه نزل...انا بقيت لوحدى...طيب مش هيسلم عليا قبل ما يمشى...مش هيقول اى كلمة ....المترو واقف...قومى انزليله...لاء...هيكون مشى...قومى انزليله ...لاء انا خايفه...انزلى لعيونه ...خلاص هنزله ...الباب قفل يا خسارة...مش لحقت اودعه...وفى عينه الابتسامة اختفت...والدمعه ساكنه مكانها

فى حياتنا ...فى بعض المواقف اللى بتعدى علينا...غصب عنا بنتشد ليها...مهما قاومنا ومهما بعدنا....خليكوا فاكرين ...ان الذكرى الحلوة بتدوم...مهما طال الحزن فيها او حواليها يارب تعجبكم

Saturday, September 27, 2008

وداعا ...يا رمضان


اليوم السابع والعشرون

من شهر رمضان المعظم

يااااه ...فات الكثير والكثير...ولم يتبقى لنا الا القليل

بالامس...ذهبت لصلاة القيام فى مسجد صغير...ولكننى اكتشفت قيمته فيما بعد

فالامام الذى كان يصلى بنا صوته رقيق جدا...وعذب

من شدة عذوبة صوته...وجدت نفسى ابكى

الايات تتلى فى خشوع ...وتشعر ان بدنك يقشعر ...كلما سمعت اية ...او حتى كلمة

وقف يدعو الله ويناجيه

لم اشعر بالوقت كم مضى منه

ولم اشعر كم وقفنا

ولكننى شعرت بالراحة التامة...وهذا هو اهم شىء

بجوارى رجل سقط مغشيا عليه عند دعاء ما ...لم اقو على رفعه من على الارض...

كنت واقفا مكانى لا اقو على الحراك حتى

استحييت من الله سبحانه وتعالى

استحييت ان ارفع نظرى او حتى كفى

فالعبد يخطىء ويخطىء ويخطىء

ويأتى الى الله يطلب مغفرته ...وان يتوب عليه

فتجد الله يغفر لك...ويتوب عليك...ويرحمك

فلابد لك ان تستحى منه ...ولا ترفع بصرك اليه

سبحان الله

اللهم انك عفو تحب العفو فاعفو عنى

منذ فترة طويلة...كان لدى ايمان اننى سأنام ولا اصحو

ظللت على هذا الحال فترة طويلة بالاشهر

كل يوم اقرأ الشهادتين والورد اليومى...وانام

ولكن...لكى اصدقكم القول....انها اجمل فترة استطعت انام وانا فى غاية الراحة

لست قلق من شىء...مرتاح وهانىء البال

كأنما كنت مستعد لمقابلة ربى اذا اذن...وحان وقتى

اتمنى ان احظى اليوم بليلة من تلك الليالى المريحة

اتمنى ان احظى يوما بليلة ارى فيه رسول الله صلوات الله عليه وسلامه

اعلم ان الله غاضب على....واعلم انه غير راضى عنى

اللهم ارفع غضبك ومقتك عنا

اللهم ارفع غضبك ومقتك عنا

اللهم ارفع غضبك ومقتك عنا

اللهم ارض عنا ...واغفر لنا وارحمنا

اشياء كثيرة تحدث تجعلك مؤمن بأن هناك شىء خطأ...ويحتاج للاصلاح

فتحاول جاهدا ان تعود الى الله

هناك شىء اصبح عادة فى كل رمضان...بل ويغضبنى

تجد المساجد ممتلئة...وتجد الصفوف مكتملة

....تصلى الفجر وكأنما تصلى الجمعه

الكل يتسابق لكى يقف فى الصف الاول

الكل يتسابق لكى يقف بين يدى الله

فأين هؤلاء المصلون والمتسابقون بعد رمضان

باق من الزمن ثلاثة ايام...وستعود المساجد الى دعواها الى الله

ستعود المساجد خالية من المصلين والداعيين

ستخلو من الذاكرين لله

وستعود مجددا خاوية

وسيعود الامام يحمد الله ربه...اذا وجد فى صلاة الفجر صفان مكتملان حتى

اتمنى ان تظل المساجد ممتلئة هكذا دائما وابدا...ولكنها الحال البشرية الغريبة الموجودة الان

رمضان...كم سأفتقدك

هل تقبل الله صيامنا؟؟

هل تقبل الله قيامنا؟؟

هل تقبل الله دعائنا ؟؟

هل تقبل الله مناجاتنا وتضرعاتنا؟؟

هل سيبلغنا الله رمضاننا القادم؟؟

هل سنكون من اهل الارض وقتها

ام من قاطنى القبور حينها

يالله ...يالله ...يالله

اغفر لنا وارحمنا

اللهم انك عفو تحب العفو فاعفو عنا

اللهم ثبتنا على دينك

واجعل القرآن ربيع قلوبنا

اللهم اغننا بحلالك عن حرامك

اللهم تقبل صيامنا وقيامنا

اللهم تقبل الدعاء


Tuesday, September 23, 2008

shaat el NILE


واقف والهوا بيلفح وشى ...دموعى بتنزل وسط الزحمة...حبة من كتر ما الهوا جامد...وحبة من كتر الهموم اللى جوايا

عجبتنى الوقفة جدا...كنت عاوز افضل واقف لغاية بكرة الصبح...والهوا ساقع...ويخليك تفكر مع نفسك فى حاجات كتييييييييييييييييييير

ياترى انت صح ولا غلط؟؟؟ ياترى لو كان فلان معاك وتعرف علان كنت هتبقى عامل ازاى؟؟؟...ياترى لو كنت انسان تانى اصلا كنت هتبقى فين ولا عامل ازاى؟؟

ناس كتيرة مضيقانى...وناس بتزعلنى كل يوم...بس مش بحب اتكلم فى المواضيع دى حتى مع ااقرب الناس ليا

عشان نفسى انسى شوية...مش عاوز افتكر لما اجى احكى حاجه ...عاوز افضل عايش اللحظة وما فيها...انا اابقى فرحان حبة

من يوم كده...واحد سألنى حلمك ايه ...تقريبا السؤال لو كان زمان كنت هجاوب وهصول وهجول فى الاجابة وسط السطور والحروف...لكن دلوقتى بقى مجرد فكرة...او ممكن نقول الاسهل رغبة...عاوزها تتحقق ...بس مش باينلها انها ناوية تتحقق او تيجى حتى تطل عليا

ده اللى قولته:

عارف يا عمرو...

زمان من سنة ولا سنتين ...

كنت بحلم بأحلام كتير ومخطط لحياتى ازاى ومش عارف ايه....

جت فترة كده ومازلت مستمرة خلتنى امسح كل اللى حلمت بيه ....كل حاجه ...

وبقى حلمى حاجه واحده بس ....انى اابقى مرتاح...ااقعد مرتاح وهادىء البال كده....ويعدى عليا اسبوع من غير ما اضايق ولا يتحرق دمى فى اى حاجه بقى ...شغل جامعه بيت ..اى حاجه

تفتكر ده حلم صعب؟؟؟


ناس كتير كالعادة هتقرا البوست ده وتبتدى تسأل عن حاجات كتير...ومن موقعى هذا امام الكمبيوتر ومن داخل الصالون اؤكد انى مش هتكلم مع حد اى انسان يعنى عشان كلمة حد بقت بتزعل ...عن الموضوع ده حتى ااقرب الناس ليا ...بحب انا من آن لأخر يبقى عندى سر صغنن يبقى بتاعى انا...واخترت الحاجات دى تبقى جوايا متطلعش لغاية لما امون بإذن واحد احد

بس يعنى....كل ده من النيل ....بس هعمل ايه...بقيت مغرم بيه ومدمن حبه كمان...يارتنى كنت سمكة فيه ...على الاقل كنت هفضل قاعد على ضفافه براحتى....ولا عسكرى يهشنى...ولا بنت تعاكسنى...ولا قطة حتى تبسبسلى

يلا...اهو كله بطيخ

دوشتكم...رمضان كريم...العيد جه خلاص..

كل سنة وانتم سعداء



Monday, September 22, 2008

بالمنطق يعنى

من كام يوم كنت بتكلم فى موضوع كده مع حد اعرفه...المهم الشخصية اللى كنت بكلمها..حكتلى على موقف كده حد شتمها ...والشخصية دى ردت الشتيمة بس بالانجلش...والمنطق بتاعها...انها لما بتشتم بالانجلش...مش بتحس انها بتشتم...رغم ان الشتايم دى لو اترجمت للعربى...وسمعتها فى الشارع...بتقشعر وبتتضايق جدا

يمين شمال عاوز اوصل نقطة...ان دى شتيمة ودى شتيمة...لكن بلا فائدة...زى الكدب اللى يقولك ابيض واخضر واسود ومش عارف ايه...لما نشتم بالعربى هى هى لما نشتم بالانجلش...المعنى مختلفش...ده احنا كده بنضحك على نفسنا لو قولنا لاء اصلها تفرق لو غيرت اللغة

النهاردة وانا راجع البيت راكب ميكروباص فرمل على الكوبرى بسبب واحد مبفهمش وقف يرد عالموبايل فوق كوبرى اكتوبر...المهم واحد ورانا جه يشتم ويزعق ازاى يقف مرة واحده...مش يخلى باله...بالمنطق كده يعنى...هوا واقف بمزاج اهله ...ولا عشان اللى قدامه وقف...فيه حاجات منطقية برضه

بشترى حاجات للبيت...ووصونى اجيبها من مترو ماركت جمبنا...رحت وجبت الحاجه ...وشلت ودورت الى ما لا نهاية...وصلت البيت...لقيت سؤال فقعنى جداااااااااااااااااااااااا...انت جبت الحاجه منين؟؟؟؟؟
المنطق يعنى انكوا قولتوا روح كذا هروح كذا...ولا يعنى سوبر ماركت تانى بيقلد مترو فى شنطته ؟؟؟

فيه حاجات كتيرة بتعدى عليا باخدها بالمنطق...بس بلاقى اغلب اللى حواليا مش بياخدوها كده...بياخدوها من منطلق الفهلوة والشطارة...ومبدأ انا معنديش مخ...انا عندى دومة متركبة فوق اكتافى

وبالمنطق يعنى....هتقولوا اييييييييه

عاوز اسمع مواقفكم

^_^

Sunday, September 21, 2008

قــهـــوة ســــادة


امبارح رحت العرض بتاعها اخيييييييييييييييييييييرا

بجد مسرحية غاية فى الروعة

الفكرة ذات نفسها خيالية

وطريقة معالجة القضايا بتاعتنا اجمدددددددددد

ورغم ان عدد الممثلين كتييير جدا...بس مش تستقلوا بيهم

بجد ناس وهمية...فى التمثيل...والارتجال

ساعه ونصف من الضحك المتواصل...والمبكى احيانا كثيرا

ادعوكم لشرب فنجان قهوة سادة

فى دار الاوبرا

مركز الابداع الفنى

حتى يوم 25 سبتمبر



Thursday, September 18, 2008

Love posts


I hope One Day....

The Wall of Our house

darling be like Romeo & Juliet wall ....

هذه الصورة مأخوذة لجدار من منزل روميو وجولييت

Tuesday, September 16, 2008

ابتسامة حائرة

طفل بيجرى فى الزحمة

وعلى وشه ابتسامة مرسومة

بنت بتجرى من اللخمة

وبتفكر امتى هتبقى عروسة

ست كبيرة وعجوزة

قاعدة وجمبها برواز صورة

صورة مكان قديم

كان فى يوم جواه حلم قديم

قلب بينده على احبابه

وقلب تانى مجروح من اصحابه

وقلب تالت واقف وسط الزحمة

الناس بتدوس عليه فى طريقها من غير رحمة

وقلب رابع واقف فى حاله

من كتر المشاكل مبقاش عارف ماله

وقلب غيرهم لسه جديد

فى الدنيا ولسه سعيد

الابيض عنده مش اسود

والحياة لسه بخيرها معاه

بس بكرها هتلعن سنسفيله هوا واللى خلاه

يجى فى الدنيا الغريبة دى

يقف وسط الطوابير الطويلة دى

يحاول يلاقى لقمة عيش

فى مكان اصلا مش فيه عيش

بيحاول انه يشم هوا نضيف

فى مكان اختفى منه النضيف

بيحاول انه يشق طريقه

ويعافر ويزق خليله

عشان يعرف يوصل الاول

وياخد حقه اول باول

وميبقاش زى اللى قبليه

امن كل واحد للى جمبيه

وفى الاخر الكل باع حبايبه

بس اهم...فى النهاية مدفونين

فى مقابر السيدة راضين

قلب بيدور على نور

فى طبق بنور

تفتكروا هيعرف يلاقيه ؟؟؟

ولا هينضم للى تحتيه ؟؟

او القطر هيدوسه

زى ما داس اللى قبليه؟

Saturday, September 13, 2008

حسبنا الله ونعم الوكيل- الدويقة

بالطبع الاعمار بيد الله

ولازم نرضى بالقدر...وقضاء الله سبحانه وتعالى

بس لا يمكن نرضى بالفساد اكتر من كده

او حتى الظلم

مش عارف ااقول ايه بجد

انا رحت شفت المكان

بس من فوق

اللى شايفينه فى الصور والتلفزيون دى حاجه...واللى عالواقع حاجه تانية خالص

يارب ارحمهم يارب

يارب ادخلهم الجنة واغفر لهم

ماليش دعوة ان كانوا حرامية نصابين ...بلاء ازرق...هما عند ربنا دلوقتى

بس لو حد من اللى بيقول اهو ارتاحنا كان مكانهم...وادفن بالحيا تحت الانقاض...الفجر وهوا نايم..وملحقتش تتوب لربنا حتى او تودع عيالك او...الخ

حاول تتخيلها...ده لو عرفت

بيتهيقلى من البطء بتاع الانقاذ ان اللى كانوا صاحين تحت ماتوا....

وان اللى كانوا ماتوا اتحللوا...

وان اللى اتحللوا بقوا هياكل عظيمة

لنا الله

ولا نملك الا حسبنا الله ونعم الوكيل

اسيبكم مع الفيديو ده...حاولوا بس تتفرجوا عليه



Monday, September 08, 2008

Speechless

Broken

Depressed

Nothing to say or to do again




Friday, September 05, 2008

وعلى عينك يا تاجر

كل واحد وليه دماغه اللى مريحااااااااااااااااه

مبحبش اضايقهم اخوانا دوول...بسيبهم زى ما راسهم ماشية بيهم...خصوصا اننا فى رمضان...وبقى بيتحرق دمى كتير اليومين دول عالفاضى

فأنا بقيت بسمع من اليمين واطلع من الشمال ..:)

رمضان عدى منه 5 ايام ....وداخلين عاليوم السادس...

صليت التراويح 3 ايام...وريحت يومين سيكا كده عشان ظروف

الميه بتتقطع كل يوم...مش عارف نستحمى امتى...حد عنده بانيو على مقاس عمو السفاح زيادة؟؟؟

الناس مبقاش عندها ريحة الدم...خصوصا البنالت....وفى نهار رمضان

ومن موقعى هذا بؤكد

ان رمضان موصلش شارع الهرم الناحية المتجهة للجيزة

كان معكم

سفاح كرموز

التاكسى

العاصمة

قطاع الحوادث


Monday, September 01, 2008

Ramdan...


رمضاااان كريم ...عليكم وعلى اسركم كلكم ان شاء الله

معلش جت متأخرة لظروف ما

على غير العادة امبارح متسحرتش اول سحور فى بيتى...نزلت الحسين مع اصحابى اتسحرنا هناك

كسلنا نمشى للسيدة زينب نظرا لان كلهم بقوا ايدى عاملة...انا اللى لسه العاطل اللى فيهم :D

بس كان يوم جامد جدااا

ورمضان يارب السنة دى يبقى وشه حلو على كل اللى اعرفهم من البلوجراتيه وغيرهم كمان

فى ناس كتير رمضان بيستنوه من السنة للسنة...وانا منهم برضه

حد اشترى فانوس؟؟؟

انا لسه ...مش اشتريته...اللى عندنا فى الهرم نصابين وكده...هنزل تانى ان شاء الله السيدة زينب اظبط الاداء من هناك

مش هطول عليكوا

المغرب فاضل عليه 3 ساعات وحبة :D

يادوب الحق استعد للمعركة الطاحنة اللى هتحصل

هههههههههههههههههههههههههههههه

مش للدرجة متقلقوش ...يلا ...دعواتكم بقى فى التراويح


Wednesday, August 27, 2008

يــــــــــارب ماليش غيرك

مش عارف اابتدى كلامى منين ولا ازاى....

بس كل اللى اعرفه انى وصلت لمرحلة اكتر من الحضيض...

مشاكل كل يوم بتكتر..

حاجات بتبقى مترتبة وتفشل

مش فاهم فيه ايه

بكتب الكلام ده وانا لسه راجع من الجامعه سامع اخبار مش حلوة فى شغل كنت بعمله هناك

انا مش انا

سفاح اللى موجود السنة دى غير بتاع السنة اللى فاتت

مش عارف فين الغلط بجد

بحاول افكر مش عارف

ناس كتير بعدوا عنى...وناس فاكرنى مش فارقة معايا...

حاجات كتييير معرفش ايه

كان فيه واحد مصمم كنت نازل معاه وعنده كل الشغل

رحتله...لقيته اتجوز وهيرجع على اول رمضان

وواحد تانى بعد ما خلصت 80% من الشغل والده اتوفى ومش عارف اوصله لحد دلوقتى

اتقلب بيا ميكروباص سيدة عائشة عالدائرى مرتين اخرها كانت امبارح والحمد الله طلعت سليم ماعدا بعض الخدوش

كل واحد اابقى معتمد عليه يبعنى ويقولى انت ورطت نفسك

النهاردة اعز الناس ليا اخدوا عنى فكرة انى كداب وبتاع كلام...والصراحة حقهم انه ياخدوا كده

بس والله غصب عنى...مش لاقى سبب واحد مقنع

مالك فيه ايه ...فووق حبة يا سفاح من اللى انت فيه

بجد بجد هوا الواحد كده...بيتزنق بيفتكر ربه...

اللى خلقه واللى خلاه يعمل كل الحاجات الحلوة ويوصل لها...مش بنفتكره الا فى الزنقة

استغفر الله العظيم

مش عارف ....بحاول افكر بس من كل النواحى اتقفلت ومش فاضل غير ناحية واحده

عاوز ارجع زى السنة اللى فاتت عالاقل...عاوز ارجع الصورة الحلوة

بس حاسسها مش هترجع

عمرى ما كنت باليأس ده او الاستسلام...مش فاهم فيه ايه

هحاول....بس حاسس انى مش هقدر

وفعلا ماليش غيرك يارب


Monday, August 25, 2008

ميييين بيستحمل مين؟؟؟

كل يوم بنقابل ناس جداد...يا بيبقوا اصحابنا ...يا بيبقوا احبابنا...بس بنلاقى فى النص سؤال بيطلع غصب عنا بس بيبقاله فايدة انه طلع...مين بيستحمل اكتر من التانى...مين مجروح اكتر...مين اللى جواه مشاكل اكتر من التانى

تلاقى عند اى مشكلة الكلمة المشهورة تطلع ...اصل انت مش دارى باللى فيا ...وفعلا مش بنبقى داريانين....بس مش ينفع اننا نقيس عند كل واحد مين مشاكله اكبر من التانى...مين مشاكله وظروفه اهم من التانى

بس فى الاخر مهما وصلت بينا القرابة او الحب او الصداقة .؟...اننا نستحمل بعض..

لان مافيش حد بيستحمل حد...دول المتجوزين بيشلوا لبعض يا اخى لغاية وقت ما يطلعوا كل اللى جواهم ده

يبقى مين بيستحمل مييييييييييييييين؟؟؟


Sunday, August 24, 2008

i hate it...


i had bad toothache yesterday....

i went to dentist & i hate them so much....

if i were her ...i gonna kill the patient coz of i did yesterday ^_^

i was gonna to write new post about new things...but i can't coz of that f***** headache

Thursday, August 21, 2008

بياخدنا حنين

بتعدى ايام ...وشهور وسنين...وكل يوم جوانا بيتحفر حرف جديد...حاجه جديدة بنتعلمها بس فيه حاجات بتسيب اثر جوانا ...ومبتتمحيش

مهما حصل من حاجات حلوة او وحشة فيه حاجات بتعلق جوانا مش بنعرف نمسحها...مهما حاولت تغير فيها

وبترجع تاخدنا حنين ليها

مش قادر اكتب

جوايا كلام كتير رافض انه يطلع

كل اللى محتاجه ااقف قدام اى ميه نيل او بحر ...وحبة هوا ساقعين يلفحوا وشى

ودموعى تختفى وسط الزحمة عشان ارتاح

:)

هرجعلكم تانى


Monday, August 18, 2008

اتنين متجوزين

صحى من نومه الصبح ..اول حاجه عملها لما فتح عينه...مسك الموبايل...وبعت مسج ...فى نفس الوقت هى صحيت وقامت وفتحت عينها عالمسج اللى بتقول: صباح الخير يا حبيبتى اصحى يلا ...وبوسة

عالطوول تردله المسج: صباح النور على عيونك يا حياتى يلا اعمل الفطار وهاكل معاك

يروح عالطول بعد الدش التمام ويعمل القهوة...ويفتح اللاب توب بتاعه وبيعمل شات معاها ويتكلموا....وفى الاخر يبوسها وينزل يركب العربية....مين بقى يا ترى اللى قاعد جمبه...هى هى نفسها اللى كانوا بيعملوا الشات ده

ناس كتير متجوزين فى مصر اخر حاجه او وقت يبقوا مقربين من بعض يبقى بعد شهر العسل بكام شهر...بعدها الدوامة تبتدى...والراجل زى الحمار فى الساقية...والست بتتنضمله برضه...وساعات هما الاتنين يبقوا فى ساقية واحده

يرجعوا البيت...الراجل قرفان وتعبان وطالع دين امه فى الشغل...وهى مستنياه لو ربة منزل او جاية هالكانه وقرفانة....ويقولها الغدا ايه ويتخانقوا...انت هتتأمر يا روح امك...وكل عند مش عارف مين...فى الاخر هيغير هدومه ويقعد فى اى مخروبة وبعدها يرجع تانى يكون الدنيا بقت ليل وينام ولا يتصالحوا ويبتدوا يوم جديد

اللى خلانى ابتدى المقدمة دى....ان فعلا فيه ناس بقت كده...الاسم متجوزين....والحقيقة اتنين بيبصوا فى وش بعض وقت ما ياكلوا يناموا...وقت ما يبوسوا بعض الخ ...بس تلاقيهم قضوا وقت.؟؟؟؟لاء

عرفوا بعض اكتر....كل واحد ريح التانى...؟؟؟صعب فى الزمان ده

لييييييييييه

عشان احنا اتغيرنا...بقى الولاء الاكبر للفلوس وازاى هنصرف.....بس احنا لو راعينا ربنا فى كل حاجه بنعملها...والله العظيم هنلاقى الرزق بيجى من اماكن مش متوقعينها او فيه بركة اكتر

هل فيه امل ان المتجوزين يبقوا متجوزين فعلا وقولا؟؟؟
مش مجرد صورة؟؟؟

انا ان شاء الله مش هرضى انى ابقى التور فى الساقية دى....ولو لقيت انى يوم هبقى كده...مش هتجوز

عشان مش هوعدها انى هخليها اسعد انسانه فى الكون

واجى بعد كده ااقولها سورى ....الظروف وحشة يا حبى


Sunday, August 10, 2008

انا مش عارفنى

استيقظ من نومه ...قام من عالسرير ...راح اخد دش ساقع ...بعدها عدى عالمطبخ عمل النسكافيه المتين ....شربه...لبس هدومه...اخد مفاتيحه ونزلت ركبت العربية ...ورحت عالشغل

دى كانت نسخة مصغرة او مختصرة من لعبة فيه ناس كتير عالانترنت بتلعب اللعبة دى بلا انقطاع...اسمها رييل لايف تقريبا ...مش فاكر...حاولت اجربها بس عاوزة نت سريع وامكانات جهاز عالية

ناس ادمنتها فعلا ...بس ايه اللى خلانى افتكرها...لما اكتشفت انى بقيت انسان افتراضى...ايون...افتراضى...اغلب علاقاتى الاجتماعية بقت عالنت...نجاح او فشل او اى بتنجان عالنت...مجتمع النت رغم انه حلو

لكن ملىء بالعيوب انك بالوقت ممكن تبقى انسان افتراضى فعلا ...زى ما انا بقيت موجود....يعنى ممكن ابقى موجود عالنت زى اللعبة بتاعت الحياة واشتغل حتى نجار...عادى اسكن فى اى مكان....بس حياتى بقت عالنت

انا كرهت النت فى الفترة الاخيرة لاسباب كتيرة خلتنى احس بالقرف...ونفسى ابطل ادمانه ...وارجع انسان طبيعى تانى...وقريب ان شاء الله هتيجى فترة اجبارية هتخلينى معرفش اادخل نت هحكيهالكم بعدين

المهم محدش يسب نفسه زىى...انا مدمن نت او انسان افتراضى من سنة 1998 لغاية دلوقتى

يلا ...بسا مؤقتا...

او الاصح

BRB



التاج ينادينى

اولا بعتذر عن الغياب ده ...بس بلووجر كان بيستهبل بقاله اسبوع ولا عارف اعمل كومنت ولا حتى بوست هنا

والاول لازم اعمل تاج السبعات بتاع الستة بتوع صيدلة


سبع حاجات نفسى اعملهم

1-نفسى احج او اعمل عمرة
2-عاوز اتخرج واشتغل شغلانة لا تقل مرتبها عن خمسة الاف
3-اللى بحبها اتجوزها...ودى امنية صعبة فى الناحيتين...ههههههه
4- عاوز اسافر واسيب مصر...يا اروح فرنسا يا اروح الامارات
5- انى اروح فى اى ميعاد ليا بدرى
6- ابطل كسل فى حياتى عموما
7- انى اعمل الست حاجات اللى فاتوا

:D

سبع حاجات معرفتش اعملهم

1-انى اتخرج
2- ابقى ناجح فى حياتى على المستوى الدراسى
3- انى اعرف البنات بيفكروا ازاى
4- انى اروح احج او اعمل عمرة
5- انى اشتغل شغلانة تستمر معايا وانا فى الجامعه
6- انى اشترى عربية
7- انى افرح بناس كتيييييييييييييييييير

سبع حاجات بقولهم دايما

1- عادى...عادى
2-بالشفا
3- مش عيب
4-نفسى اناااااااااااااام
5-اوبجيكشن
:D
6- يا جميل
7- بحبك....ههههههههههههههه

سبع مشاكل الفلوس تحلها

1- انى اتجوز
2- انى اتخرج
3- انى احج او اعمل عمرة
4- اشترى عربية
5-اعرف اطفش برا مصر
6- اقضى يومى صرمحه..ههههه
7-اى حاجه تانية معملتهاش

سبع اماكن بحب اروحها

1- الارض الطاهرة...شارع الهرم
2- كورنيس النيل
3- المقطم
4- الاسكندرية ككل
5- سيناء
6-مصر الجديدة
7- فلوكة

سبع اشخاص بحبهم غير بابا و ماما و اخواتى اللى بحبهم جدا

1-رامى...صديق الطفولة بقالنا 17 سنة تقريبا نعرف بعض
2-احمد سلامة
3- هيثم التابعى
دوول ااقرب اتنين ليا بجد دلوقتى
4-self Meaning
5-Yasmine
6-Shimaa
7-some one i won't say WHO...but he/she know .

سبع حاجات بحبهم اوى

1-ماونتن ديو...بعشقها
2-شيكولاتة جالكسى فلوتس
3- الكوسة بكل طرق طبخها
4-عصاير طبيعية خصوصا الفراولة والموز والجوافة
5-اللون الموف
6-قلب
7-كلية سياسة واقتصاد


سبع بلوجات بفتحها اول ما ابقى اونلاين

الستة بتوع صيدلة

اوقات فراغ

Self Meaning

I'm ur mind

Te3bt bgad

انا الشعب


بس كده....

الناس اللى مجاوبتش عالتاج مشكورين يردوا عليه

والا هدبس الناس :D



Monday, July 28, 2008

VACATIONZZZZZZZZZZZZZZZZZZZZZZ

بعتذر جدا عن الانقطاع بتاعى ده ....بس انا وصلت لقمة الاكتئاب التدوينى المعتاد الشهر ده

رايح اسكندرية والساحل لغاية يوم الاحد القادم ان شاء الله

على امل انى اغير جو واعرف اكتب من تانى

هتوحشونى كلكم


Monday, July 21, 2008

Why??




why when u leave someone..u wanna leave good impression 3nk..., then u found or u know lately that this one trying to annoying u by any way...just to be u for her/his own...no one can reach u by any way u can imagine...

so your first & mainly goal to leave him & he still remember a good story one day was between u & him ...but after what he did u will leave the wrong picture about u , & sob7an Allah u find him so happy...so u blame Ur self again & again that u left him by polite way & u should do it in wrong way always to forget u ...

Why..why we must act like babes??..why we must leave bad picture about any thing we leave to just when u think in it one day u remember that it was bad idea to know someone like him not to know that it was good days ...

i was in love with my first girl friend...on our days blogging was not popular like nowadays...so i was write many things most of it not real...imagination ya3ny ....

she read something i wrote about i love someone else...& she convinced her self that i'm really know an other girl & love her & I'm just laughing on her ...& it wasn't true ..what fucking ever ya3ny..

the answer that i wanna know..why we can't simply walk away & forget without harm any one?!! why we must walk with a bag full of hurts & broken hearts...why we must live with zeft impression about the person we was know one day?!!

i know the answer...because we are egyptians..this is the answer...we have strang way to think...strang mind to use...strang ideas to know....

that's the answer i just know...

at last to someone...may be that person will not read my diares this despite of another person made him read a part of my words to just prove some thing ( rbna yehdehom ) ....

to this person...i say i'm so sorry that you understand something was wrong & to the Other one (rbna yehdeeh bardo) ...
I'm sorry that i knew you...& i reach this by your politly way to make me hate you...so thank u so much ...coz when i will think in u again...i will say BAD MEMORIES ...delete it my mind plz

i hate to leave bad impression about me 3and any one i know even we fight...but what i can do ya3ny ...yala as i said ..what fuckin ever ya3ny ....

wait my answers soon on el seta beto3 sydala...they have an awesome tagg full of number seven :D


Tuesday, July 15, 2008

Earthquake

هز زلزال بمقياس 6.3 ريختر محافظة القاهرة وبعض المحافظات الاخرى

وطبعا بيتنا الكريم

والله انا قلت انا مهيبر ودايخ...والشقة بتلف...والكمبيوتر لولا انى قافل العجل كان زمانه جرى منى :D

والنجفة بتروح يمين وشمال

وباب الاوضة اتفتح لوحده :D


يلا الحمد الله ان ربنا سترها

المهم انه لما حصل ببص من الشباك لقيت كل الشباب السهرانة بتبص من الشباك وبنبص لبعضنا ومستغربين..هههههههههههههههههههههه

وفيه عمارة بتتبنى جمبنا فتقريبا الناس قالت الهز ده بسبب العمارة

يلا ارغوا بقى

حسيتوا بيه ولا لاء

وكنتوا فين :D

Friday, July 11, 2008

Tuesday, July 08, 2008

العك فى متناول الجمييييييييييييع

بقالى اخر بوستين عاوز ارد على الناس اللى تكرمت وعملت كومنت...بس مكسل او كل ما افتح البلوجاية مش ابقى فى الموود...وده العادى بتاعى فى الحالجة الكئيبة بتاعت الموود بتاعت كل شهر...فهو يوم كده اخده مقاولة ارد عالناس ..هههههههههههههه

************************************************************

ناس اصحابى نجحوا الحمد الله

Self Meaning

&

Yasmine

الاولى فى تمهيدى ماجستير...تقريبا..ههههه هتقتلنى

والتانية فى 3 تجارة والحمد الله بقت رابعه

وبالمرة سمراء النيل وطارق اتجوزوا يوم الاحد اللى فات

الف مبروووووووووووووووووووووووووووووووووك

**********************************************************************

المدون محمد عز الدين ...المذيع فى راديو حريتنا...جده توفاه الله يوم السبت اللى فات

اللنك اهوة بتاع الموضوع فى مدونته

http://baitelezz.blogspot.com/2008/07/blog-post.html

**********************************************************************

Ana ba2et HEAD PUBLICATION ..in Model American Presidency 09

that held in FEPS ...cheeers :D

*********************************************************************

اصحابى المقربين منى زعلانين عشان اتغيرت ومبقتش زى الاول...ومبقتش ارغى معاهم ...بس نسيوا ان خلاص الواحد بقى كده وصعب يرجع للاول تانى مهما طلعنا من مبررات اننا نقدر نرجع زى الاول تانى ...بس انا مبقتش احكى عشان فى فترة كنت محتاج حد اتكلم معاه...بس للاسف مكنوش مهتمين بالموضوع اللى هحكى فيه او بالاصح بيضايقوا...فلقيت حد تانى لسه بيسمعنى من غير ما يضايق...ياريت بس متفضلوش واخدين عنى انطباع انى خلاص بطلت احكى...بس فعلا اخر مرة مكنش فيه غير الموضوع ده ...ومعنديش كلام تانى ااقوله :D

مع اقتناع انهم مش هيصدقوا ولا كلمة من اللى هيقروه

هههههههههه

**********************************************************************

زماااااااااااااااااااااااان لما اول مرة حبيت ...كنت بقول او بستغرب ان جرح قديم ينهى قصة حب ...بس دلوقتى عرفت قد ايه انا كنت غلطان زمان لما كنت بلوم الانسان انه مش بيكمل حتى بعد الجرح اللى حصل ده

عرفت قد ايه معنى انك تتجرح وتسامح...بس الحتة اللى اتكسرت فيك...مهما عملت مش هترجع تانى مهما وقفت على ايدك او اتمشيت عالحيطة ...بس اهم حاجه انك يوم لما تقرر تمشى ومتكملش عشان متضحكش عالطرف التانى...ميهمكش بس انك بعته او استسهلت واستسلمت...رغم انك كان فى مقدورك فى يوم فى وقت ما كان بيعتذرلك...انك ترفضه وترميه وتمشى ...:)

**********************************************************************

العك فى متناول الجميع ...الكل بيعك...فى حاجات كتير...ناس بتجرح بعض وهى مش واخده بالها...وناس بتضر ناس وهى مش واخده بالها...وناس بتبقى واخده بالها وبتنطش وبتعمل نفسها عادى...

للاسف مش هقبل انى فى يوم اابقى من ضمن العك اللى بيحصل ده حواليا ...وهطلع نفسى بكل بساطة...واخبطوا راسكم فى الحيط...وشوفوا مين اللى شهركم ومين اللى عملكم :@


Monday, July 07, 2008

BrB

just one day & i will come again..

work ..work :S

Sunday, June 29, 2008

hApPy BiRtHdAy To My TaRtAsHaAaAa

اليوم الاثنين 30 يونيو ...يبقى مر على انشاء مدونة طرطشة افكار ...سنتان بالتمام والكمال

ياااااااااه ...السنين جريت بسرعه اوى ...سنتين...اينعم لسه قليلين بس برضه انجاز ان الواحد لسه بيكتب مملش...كح كح اينعم فى النص لازم نخستع حبة وحبتين ...لكن لسه بنكتب الحمد الله

اول بوست انا فاكره ...عملت المدونة وكان التيمبلت بتاعها الكور المدورة دى...اى بتنجان بقى...وكتبته وكان كل اللى اعرفه عن المدونات زيرو...غير انها مكان بتكتب فيه...

كان اول بوست بإسم مــجــرد تــأمــلات

كان بتاريخ 30 يونيو 2006 الساعه 4 الفجر وبالتحديد كان يوم جمعه ..:)

بس بعد كده ...مكنتش اعرف انى لازم اتجول عند باقى الناس عشان يعرفونى...افتكرت انها زى الهاى 5 والناس هتلاقينى بسهولة...ههههههههه ساذج انت يا سفاح والله :D

كعادتى نسيت ان عندى مدونة...ونسيت ليه...عشان بنسى زى عادتى الايميلز اللى بتتعمل مع نسيان الباسوورد ومش بحب اكتبهم فى ورقة عشان مش اى حد يشوفهم..حريص...فرجعت تانى للكتابة فعليا فى 24 ديسمبر من نفس العام

اول مدون عمل عندى كومنت كان شخص مجهول الهوية كل اللى كتبه لطيف :D

طبعا كان على لسانى كومنت مش هقدر اكتبه عشان الرقابة بس لطيف لطيف...هقوله لاء يعنى ..هههههههههههههه

بس فعليا اللى عنده مدونة ورد عليا...كانت صديقة تدوينية ...اسمها Maha

واثلجت صدرى ان فيه ناس على قيد الحياة وبيردوا عليا...نيهاهاهاها...معلش تخاريف اجازة...

دخلنا فى سنة 2007 ...والسنة دى كانت مؤثرة فى حياتى فى حاجات كتير حصلت ولسه بمر بأثارها لغاية دلوقتى ...بس تعتبر الى حد ما لظيظة

كعادتى نسيت البلوج حبتين تلاته ....ورجعت فى شهر يوليو...بس المرة دى كنت عقدت العزم انى فعلا انتبه للمدونة واكتب...بعد امتلاء منتديات الانترنت بالمخابيل والمعاتيه ..فعلا كان الواحد بيورد عليه ناس من عينة "اللى زيك مش لازم يعيش ليوم الاتنين...ولا التلات كمان " يلا كله فى الغسالة

حاولت انى اطلع احسن بوست...واوحش بوست ...بس الصراحة معرفتش خالص...يمكن لانى معتز...مش سفاح..هههههه كفاية قلش بقى...يمكن عشان بحب كل البوستات ومش كاره او ندمان انى كتبت اى واحد فيهم...تجولوا لو فيكم صحة وممكن تلاقوا احسن بوست فى نظركم

بس هيفضل برضه يوم ما رحت اذاعة حريتنا ...وسجلت الحلقة مع محمد عز الدين ...يوم فاصل فى حياتى...عشان من بعده اتغيرت فى حاجات كتير ...معلش قارفكم بالحلقة دى حبة...بس حصلصتلى حاجات فى حياتى واتعرفت على ناس ...وسبت ناس من بعد اليوم ده...يعنى بأأرخ حياتى بعد اليوم ده...ههههههههههه مش عارف الاقى البوست...اثار النسكافيه :D

المهم...سنة جديدة بتعدى عليا بتيجى معاها ناس جديدة...وناس تانية بتمشى ...وناس غصب عنك بتسيبهم ...وناس غصب عنك بتعرفهم...كمالة عدد يعنى :D

كان نفسى البوست ده يبقى اجمد من كده...بس كعادتى...فى المواقف اللى زى دى مش بلاقى كلام اقوله...والله بقالى 3 ايام البوست ده فى الدرافت بحاول اطلعه فى احلى صورة مش عارف ...بس يلا ....كفاية انكم انتوا اللى هتقروه...فبالنسبالى اى حد هيعمل عليه كومنت او هيقراه هوا اللى هيخلى للطرطشة طعم...

فيه مدونتين كنت عملتهم فى النص فى محاولة فاشلة انى انمى هواية الكتابة عندى للاحسن...

اول واحده كانت

قــلــب يــتـكــلــم

بس باءت بالفشل بعد موقف حصلى مع اعز اصحابى...والصراحة قرفت ادخلها تانى
نفسى انسدت بعد ما كتبت اخر حاجه وحسيت انى كل ما بدخلها قلبى بيتقبض

بعد كده اخر واحده...وسميتها

Words...just words

دى مشتركة مع

Catroz

المدونة دى عرفت اطلع فيها حبة من اللى جوايا...يارب تستمر ومش اقفلها قريب :D


لسه جاى من عند

Epitaph

ولقيت برضه عيد ميلاد مدونتها...

بس لقتها حطت سؤال فى الاخر...احب اسأله برضه...

ممكن بعد مرور خمس سنوات هندخل النت ...لو بلوجر لسه عايش...ونلاقى سفاح كرموز مازال يطرطش هنا؟؟؟


طولت عليكم...ولا مطولتش...براحتى يعنى :p


كل سنة وانتى طيبة يا طرطشتى العزيزة...

كل سنة وانا بطرطش زى مانا عاوز

كل سنة والواحد عاقل لسه بعقله ...هههههههههه

كل سنة وانا سفاح...وانتم الضحايا :D

related topics:

عيد ميلاد الطرطشة الاولانى