Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Tuesday, August 14, 2007

المتحف المصرى....مطلعش مصرى يا جدعاااان







الصوووور يا جماعه بتاعت المتحف...طبعا من برا...وحاططلها لنك تحتتتتت
الاول بصبح وبمسى عليكو...واجدعها سلام للست ام فتحى عشان بنتها اتطلقت امبارح لولولوللىىىىىىىىىىىىىىىىى

ااه ...وانا نجحت الحمد الله ...ميهمش سنة كام ولا ايه...بس المهم عمو السفاح نجح وعايز ادخل بعد كده الاقى الدم مطرطش فى كل مكان احتفالا بتلك المناسبة التعيسة...نيهاااااااااااااااااع
المهم فى يوم لظيظ كده ....انا وعمو The Rock احمد الكاتبين فى المدونة اللى عملتلها احتفال تحت دى

رحنا المتحف المصرى...طبعا هى الخروجة مش مترتبلها والا كان فيه تصرف تانى ...بس نقول جت بظروفها ...وبينى وبينكم اول مرة ليا ادخل المتحف فى حياااااتى :$....رغم المرات اللى بلغت ملايين ...واللى هى عدد المرات اللى بعدى جمبه...

ماعلينا يعنى ...رحنا زى القمامير ...بس طبعا احنا مصريين والمصرى لازم يبقى خفيف الدم بطبعه ...فمن اول بتاع الامن الظريف اللى عالباب ....لازم يستخف دمه حبتين ويحسسك انك داخل الجنه مش داخل امه متحف يعنى ولا كان ابوه اشتراه بفلوسه...ماعلينا برضه

فى التفتيش احلى حاجه الراجل بيقول لروك طلع كل حاجه وبنحطها فى الجهاز ابو ستاير ده...الواد بكل تلقائية طلعله كل حاجه من ضمنها الام بى ثرى والمناديل ...هى هى هى

دخلنا بقى عمو المتحف .....يا سيدى احساس تحفه بجد ...الواحد قدامه حاجات بتاعت اجداده ومهارات رووووعه بجد....الاول جتلنا انسه ظريفه قمورة تقولنا ان فيه خدمة مجانية عشان تبقى المرشدة بتاعتنا بس كان معايا واحد المتحف ده بيته التانى ...ههههههههههههههههه...فاعتذرنالها..

بس ابتدينا نتمشى تحت ...اعذرنى يا سمسم مش فاكر احنا لفينا فين ورحنا ايه ...السن بقى ...كح كح كح....بس هكتب عن الحاجات اللى شدت انتباهى اكترها

طبعا العنوان ناس هتسألنى ايوة مش بتاعنا...ده بتاع الاجانب...من الرحرحة بتاعتهم فيها وبيتهيقلى لو واحده مصرية نامت على رجل جوزها جوا فى استراحه هيلبسوهم كلبشات...ما علينا يعنى ....كفاية الهدوووووم يا جدعان...طب بلاش دى

فيه تماثيل وسام ورهالى اغلبها او شكلها مش الطابع الفرعونى خالص ...تقريبا الاشورية او شيئا من هذا القبيل...

وبرضه كمية الدقه الفظيييييييييييييييييييييييييييعه بتاعت النحاتين بيهتموا او اهتموا بأدق التفاصيل فعلا ...بطريقة غبية...سبحان الله عليهم يعنى والذمة اللى انقرضت من عندنا

عمو توت عنخ امون ...الباشا بتاعهم...بجد انا اتوهمت بكمية الصناديق والبلاوى بتاعته ...اييييييييييييييييييييييه كل ده ....انا بيتهيقلى لو كنا بعناهم كنا اكلنا الشعب واللى حوالينا 100 سنة قدام

المومياوات ...اغلبها كلها الملووك يعنى ...مناخيرهم معقوفة زى بتاعت اليهود...مش عارف بقى الله اعلم الفراعنه اصلهم ايه ...

التوابيييييييييييييت ولاد الذين كانوا بيشلوها ازاى...البتاع ضخم جدااااااااااااااااااااااااااااااااااااااااااااااا...مش عارف بقى

فرعون موسى ...كما يقال او رمسيس التانى حكم مصر 67 سنة...ولا تعليق ...باقى العيلة كانت ماشيه زييه برضه ...بالسنيين...الظاهر ان الغرا هوا هوا ...

مافيش سلة قمامة او زبالة جوا المتحف الا نادرا...مش عارف هنرمى الزبالة فين ....دى جنينة الحيوانات الباساكت بتاعت الزبالة اكتر....

العساكر بيفطروا جوا عالارض او على جمب والسياح بيتصوروا معاهم ....

اغلب المرشدين الكلام حافظينه والناس بتمل منهم جدااااااااااااااااااااااااااااااااااااا

العرب فاكرين اننا بننصب عليهم....خليجين سألونا دخلنا او قطعنا تذكرة المومياوات بكام...فقولنا هى بـ10 جنييه...بس احنا دفعنا 5 جند عشان طلبة....فكملوا المسيرة يا سواقيين التاكسيات وباقى الناس اللى بتخليهم يشكوا فينا

اخر حاجه...اكتشفت ان الذوق فى المصريين هناك معدووم ...خصوصا اللى برا المتحف ...تلاقى اجانب بيتصوروا او مصريين تلاقى لا مبالاة ويعدوا فى نص الصورة ولا اكن فيه ناس بتتصور....والله ست اجنبيه عادت الصورة 3 مرات عشان الحركة دى...اخر مرة لما عيلة بأكملها عدت نفضت واتخنقنت ومشيت ....

حصلنا نفس الموقف الظريف بصور وسام لقيت واحد خفيف الظل بيعدى ...يابن الـغتت

بينما الاجانب بيحترموا شوية الناس يعنى ...:)

بس كان يوم جااامد جدا ...ومعايا واحد زى العسل ربنا يخليه ليا ومش يحرمه منى او منه والعكس صحييح :p

وتكرر ان شاء الله ...:)

------------------------------------

تحدييث مهم : البوست ده عقبال ما افكر ازاى هكمل اللعبة بتاعت كده سبونسر وكويين

تحدييث تانى

الصور تقيلة مووز...فبعد اذنكم اللى عايز يشوفها يفعص عاللنك ده ...وهيلاقيها فى نص الصور....اللى هى بتاعت المتحف...بعتذر مجددا
الصور تالت صفحه عاللنك ده
http://www.facebook.com/album.php?aid=20498&l=50815&id=701720380

19 comments:

smraa alnil said...

ههههههههههههههههههه

حد يا وادروح المتحف المصري
اسكت ش انا برضه رحته

وقعدت طول مانا ماشية
اتحسبن علي بلدنا اللي بقت مش بلدنا وكمية التفرقة في المعاملة بين المصري واي حد سايح علي نفسه

بس علي رغم اني كنت طول ممانا ماشية بتحسبن بس برضه كان يوم ظريف
ومبروك علي النجاح
وعلي طلاق بنت ام فتحي

safa7_karmooz said...

سبحان الله ...

كنت عندك بقرا البوست بتاعك...لقيت ميل بيقولى انك رديتى ...هههههههههههههههههههه

اتحسبنى يابنتى اتحسبنى....ولا بلاش

طنط سمراء النيل قالتلنا ندعيلهم بالهداية...بس انا تعبت من كتر ما بدعيلهم بالهداية ادعى عليهم حبة :D

الله يبارك فيكى....افتكرى انك ليكى كوباية دم ياراس ضحية ايهما اقرب ...بدل الشربات يعنى :p

وام فتحى بتسلم عليكى

اسكندراني اوي said...

انت مشكله مش ممكن
احلى وصف سمعته عن المتحف
انا دخلت المتحف دا مره واحده في حياتي وطبعا ما قدرتش اخلص كل اللي فيه فرجه
المصريين اجدع ناس مهمله
انت عارف المتحف دا لو في مكان تاني يا لاااااااااااااااهوي مش عاوز اقولك
كان اتعمل منه حاجات تانيه خاااالص
نهايته

يا عم نزل الجزء بتاعك من القصه عندك افضلو كده مدوخينا وراكو

اسكندراني اوي said...
This comment has been removed by the author.
break said...

لوللللللللللللللللللى
اكتر حاجة فرحتنى طلاق بنت ام فتحى
و مبروك على النجاح
شوقتنى اشوف المتحف :D

break said...

الصور لسة كانت بتفتح
الصور حلوة
بس انا بسمع اسم الفيس بوك دا كتير
هوا دا ايه يعنى !
بيتعمل بيه ايه

ضـوء الـقـمر said...

ههههههههههههههههههه
انا بطلت اروح المتحف المصري خلاص
زهقت كل ما اجي اروح في حته يقولولي المتحف المصري
التماثيل اللي هناك حفظتني يبني
بقيت بدخل اسلم عليهم واحد واحد ههههههههه
مبروك النجاح يا سفاح عقبال السنين اللي جايه ان شاء الله
هم كام سنه ؟؟؟ ربنا معاك

catroz said...

انا كمان رحته مره واحده بس
بابا كان المرشد السياحى بتاعنا
اصله بيفهم فى الحاجات دى اوى
فعلا المتحف لظيظ موووووووت
و كان يوم جااامد يوووم ما رحته
المومياوات و التماثيل و شويه زخارف على الاوانى و عيشه بجد هناااك
يا ابنى هى دى مصر زمان
دلوقتى العوض على ربنا بقى

نفسى اروحه تانى بجد
قريب ان شاء الله

و الصور جاااامده;)

david santos said...

I passed to congratulate it with its work and to desire a good August to it in vacation.

عاشقة الوطن said...

السلام عليكم

ازيك ياسفاح
الف الف مبروك النجاح ياراجل مش كنت تقول من بدرى عشان نعملك حفلة وانت اللى هتجيب الحلو

ماعلينا الف مبروك النجاح

ورحلة سعيدة فى المتحف امصري
بس ايه كلاللى انت شوفته ده
يابنى الشعب المصري هيفضل زى ماهو الشعب المصري مش ناوى يتغير

يالا خير ان شاء الله

ورحلة سعيدة

Ana keda said...

.بلف وبدور وعليك بقولك مبروووووووووك
مبروك يا ابو السفاحين كلها
ويا عم المتاحف دى اصلا بقت والله حاجة اوفر بس مصر كلها اتغيرت جات على المتاحف وتلات اربع اثار بتاعتنا متهربة
كبدى عليكى يا بلدى

مبروك انت يا كبير ومتتاخرش

keda-sponser said...

سفاحنا السائح

أنا قريت البوست الرهيب بتاعك ده .... وبصراحه خليتني أغير .... قلت لازم أروح أي متحف في الأسكندريه علشان أكتب عنه أنا كمان

روحت المتحف اليوناني الروماني قلت أتفرج على التماثيل و العملات إللي هناك

و لما رحت لقيت مفاجأه .... قالولي المتحف مقفول لمده خمس سنوات للترميمات

و الله يا باشا البوست يجنن ....الواحد زهق من الوصف التقليدي .... أجمد حته بتاعه غتاته الشعب المصري حلوه قوي

مستنيين الفصل التالت

سلااااااااااااااااااام

!!! الراس الكبيرة منة said...

هههههههههههههههههههههههههههههههههههههههههههههههههههههههههه
ابتسم فأنت فى مصر


شر البلية ما يضحك
ربنا يخليلنا ام الدنيا با رب
سلام

§a§a said...

تصدق ياض انت مش تمام بقى تروح المتحف المصر كدا من غير ما تقول

وبعدين المتحف المصرى مش يبقى ليه طعم الا مع صاصا

وحكايات زمان

.................

المومياوات ...اغلبها كلها الملووك يعنى ...مناخيرهم معقوفة زى بتاعت اليهود...مش عارف بقى الله اعلم الفراعنه اصلهم ايه


..........

ايه ياعم انت هتخرف اهو

معكوفه ازواى ياعم انت

بص هقولك مشكله المناخير دى مشكلتها مشكله وخاصه مع المصرى القديم

بص ياعم
فى التحنيظ المفروض المصىر القديم بيطلع من جسمه كل حاجه بتبوظ بسرعه او بتتلف ومنهاطبعا العين والمخ وكدا

فطبعا المخ كان لازم يطلعه فكان الطريقه اللى بيطلع بيها الفراعنه مخ المتوفى هو عن طريق خطاف بيتم ادخاله من الانف ويتم سحبه بهذا الخطاف الى ان يخرج من الانف وبالتالى عند حدوث هذة العمليه يتم تهشيم التجويف العينى والانفى عشان كدا بتشوف ان الانف فى معظم المومياوات واليعن بايظه شويه


ا ى خدعه وبعدين لو رحت مع صاصا دخول المومياوات من غير فلوس يا معلم

Sharm said...

هههههههههههههه

انا اول ما دخلته اتخضيت من حجم التمثالين اللى في وش الباب

عابرة السبيل said...

سلام عليكم
انا رحت المصرى ده فى خامسة ابتدائى وقررت انى مش هروحه تانى ابدا
وهكتفى بالفرجة عليه فى التليفزيون
على القناة التانية والتالتة واماكن فى بلدى

يا عم متحف مصرى ايه بس؟
ده اساسا محتاج يتهد ويتبنى من الاول ويجيبوا مصريين يعدوا فيه بدل التحف اللى ملاها التراب دى

يللا نقول ايه ...فسحة تفوت ولا حد يموت
عقبال ما تروح القناطر

koukawy said...

يعني هو جت علي المتحف اللي مش مصري يا سفاح

cleopatra said...

:D

Maha said...

أنا ضحكت ضحك .. فعلا ما شاء الله التدوينة وطريقة السرد جميلة جدا

وزي ما قال صاصا .. أنوف الموميوات بتبوظ من عملية استخراج المخ