Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Thursday, December 28, 2006

^^ عيــــد الاضـــحـــــى ^^


كل سنة وانتم طيبين

كل خرووف وبطنكم مليانه ...

كل عيد اضحى وانتم مبسوطين ان شاء الله

من اكون....؟؟


من اكون....
بما انى نسيت ااعرف نفسى فى الاول .....
فقلت اانتهز فرصة التوقف دى واعرفكم بنفسى

اسمى محمد جمال
اسم الشهرة بتاعى وسط اصدقائى جيمى
وعلى الانترنت مشمش
وفى البيت ميدو...
وتقريبا مبسمعش اسم محمد الا نادرا :D

انا من مواليد 13/1/1987
برج الجدى...

صفاتى الشخصية...
الغموض
والجنون
اعشق كل ما هو مجنون..
بس مش قوى....
فيه ربع لسه مضربش :D

البلووج بقى...الهدف بتاعها زى متنفس للى بيحصل حوالينا
كل لحظة بتمر ...
كل ثانية ...
بيحصل فيها مواقف كتير
اغلبها تستحق التسجيل
ممكن ناخد منها عبرة
ونستفيد منها
وممكن تبقى ذكرى حلوة
نقعد فى يوم نفتكرها

انا بدرس فى كلية الحقوق
جامعة القاهرة

اقطن فى عالم الاحلام
حيث الخيال هوا مملكتى الخاصة

اعشق كتابة الخواطر والقصص
واحيانا القصائد

احب قراءة الادب الانجليزى
والكتب السياسية
واحيانا الرومانسية

بيتهيقلى صدعتكم بالمعلومات دى كلها..
رغم انها مش كل حياتى
هتعرفوا اكتر
لما اكتب تانى

:)

Sunday, December 24, 2006

بـــركـــان الغـــضــب

بركان الغضب ....

قد ثار ...وانفجر

بركان الغضب

لم يعد يحتمل ان ينتظر

بركان الغضب ..

ظل يحبس الغضب ...حتى جاء وقت لا ينفع فيه انذار للخطر

بركان الغضب

عندما تظن انك تفعل شىء صحيح ...

ولكن للاسف ...

تعرف فى اخر لحظة انك تهين نفسك

تريد ان تصلح ...ولكن من تريد ان يصلح لن ينصلح حاله ابدا

تريد ان تنساه

ولكن من حولك يرفضون ان يروا العلاقة تنهدم

لا يصدقون

فعلا ....فهم لا يروون

فعلا ....فهم ليسوا معهم دليل

كل ما يملكونه هو شهادة احد الكاذبين

ولكن اى كلمة سيصدقون

الصادق ....ام الكاذب

اى شخص سيحبون

الصادق ...ام الكاذب

اى شخص له سينحازون

الصادق...ام الكاذب

يالله ....ساعدنى فيما انا فيه

انصرنى على من ظللمنى

ورد لى حقى ...

واجعله يتذوق طعم الظلم

او دعه فى طغيانه

دعه فى بلاءه

دعه يتمادى فى خطأه

حتى يأتى اليوم

الذى يقع فيه

ويعلم

من كان مخطىء

ومن كان ذو يقين

من كان على الطريق الصحيح

ومن كان يتمادى ويظن انه فى السليم

الكلمات تخوننى

وقت الغضب ...

لا استطيع ان انفس عنه كما كنت

شىء بداخلى كسر ....

للاسف ليس له علاج

وحتى ذلك الحين

سأبحث ...عن مكان اخر

وبركان اخر

من الغضب

ليه عملت بلوج....؟!!

سؤال طلع فى دماغى مرة واحده...ليه عملت بلوج....او ليه بتكتب فى البلوج...؟؟
ياترى بتدور على حاجه تايهة منك ولا عاوز حد يسمعك...ولا ممكن تكون محتاج مساحة تتكلم فيها بحرية اكتر

يمكن عشان البلوج او المدونة مفتوحة اكتر ....فتقدر تقول رايك بكل حرية من غير ما حد يقولك غلط او عيب او كخه....وتقدر تعبر عن اللى شايفه واللى حاسس بيه من غير اعتراضات...وكمان تقدر تبقى زى مذكراتك...تتسلى وانت فى الشغل بكتابتها.

انا مسالتش نفسى السؤال ده قبل كده....ليه عملت بلوج...
مخطرش على بالى ...بس انا كنت متعود اارد على بلوجز اصحابى بالاسماء المستعارة طبعا...ولما قفلوها اتخنقنت وقلت ااعمل يوزر احسن...وفى يوم كنت مخنووق جدا...فتحت البوست....وقلت لما ااكتب بقى....

وكتبت فعلا اول كتاباتى هنا واللى هى مجرد تأملات...واستريحت جدا بعد الكتابة قوى .....رغم الحالة نفسها هى هى ...بس حسيت براحه جميلة جدا...

يبقى ممكن نقول ده السبب انى كتبت هنا...او عملت بلوج....
ولسه امبارح والدتى بتقولى مين المدونيين دول...وبيعملوا ايه....من كتر الصحافة والاعلام ما اتكلموا عنهم....

فقعدت وشرحتلها الحوار .....بس حاسس انها مقتنعتش بيه...ما علينا

مقولتووش برضه ...عملتوا بلوج ليه؟؟؟