Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Friday, July 26, 2013

لما بتحب حد 
بتتخيل كل حاجه فى خيالك هتكونوا عاملين ازاى
طريقتكم فى التعامل وحياتكم مع بعض قدام هتكون ازاى 
وكل حاجه كل تفصيله صغيرة حتى 

بس انا حبيت انسانة 
ايوة
لما حبيتك 
متخيلتش الدنيا هتبقى بينا هتبقى عاملة ازاى 
مفكرتش انا هعمل كذا هتقومى انتى عاملة كذا وكذا 

لاء 

سبتها لوحدها كده 

يوم لما قولتلك من 3 شهور انى معجب بيكى 
كان كل خوفى انك تقولى "لاء" وتمشى واكون خسرتك عالطول 
ده كل خوفى 
انك تمشى 

ساعات كتير الانسان بيحسد نفسه وهو مش واخد باله 
ماما كانت محفظانى دعاء كده عشان الحكاية دى هحاول افتكره ان شاء الله 

بس تانى
انا لما حبيتك 
مفكرتش هتعامل ازاى انا وانتى 
معرفش قلت اسيبها وظروفها وزى ما تيجى كده 

مفكرتش طيب كل يوم هنتكلم فى ايه 
وانا اللى لازم افتح المواضيع كلها عشان الولد 
والخ الخ الخ 

بس معرفش المواضيع بتاعت زمان دلوقتى بخاف اتكلم كلمة تجرحك من غير ما اخد بالى 
وبتتجرحى كتير للاسف عشان انا صريح 
وبقول الكلمة وممكن يكون تأثيرها وحش 
بس مبكونش قاصد الكلام ده 
وبتكونى عارفة من جواكى انى مقصدهاش
بس بتزعلى وبتعيطى 
بردوا 

انا قولتلك مش هصدق الحلم ده الا لما اجيب الدبلة واسمك يبقى مكتوب عليها ان شاء الله 
وتاريخ الخطوبة 
بس حالياً بصدق
وانا بدعى فى الصلاة..وقت الفطار..الفجر..وانا فى المواصلات
وانا فى قرف الشغل افتكر واقول كله عشانك وعشان نكون سوا مع بعض

كلامى ممكن يكون متكرر 
شوفتيه فى حتة قبل كده 
معرفش
بس ده اللى جوايا 

"هوا انت كل مكان رايحه عاوزنى اجى معاك وخلاص" 

لاء 
انا المكان اللى بكون رايحله وعارف انه هيفرحنى وهيخليكى مبسوطة بردوا بقولك تعالى 
بس انتى مبتجيش لأسبابك وبحترمها بردوا 
بس الفكرة كلها انى عاوز اشارك اى تفاصيل بتخلينى مبسوط على افتراض انها بردوا هتفرحك كمان 
بس

متتوقعيش رد فعلى هيكون ايه فى مواقف كتير 
لأنك مش هتعرفى تبنيه كويس 
ممكن تكونى بتفكرى انى هخذلك فى حاجه ويطلع العكس وهكذا 
قلة التفكير حلوة
مع ان صعب انك تعملى كده 
معايا او مع اى حد 

طلبتى منى انى اكتب بوست جديد
قعدت افكر طيب هكتب شعر 
ولا خواطر وسجع وقافية والكلام ده
معرفتش اطلع حاجه
خفت اكتب كلام كتير وفى الاخر ميكونش لايق اوى 
او يطلع مش قد كده 
عشان انتى اكيد تستاهلى اكتر 

فقلت دلوقتى اهوة اكتب اللى هيجى فى بالى 
اكننا بنتكلم 
رغم انك قفشتى وسكتى من شوية ومكملتيش كلام 

المهم بردوا 
الموضوع وما فيه 
ان ربنا يرزقنا بكل خير
ويبعد عنا اولاد الحرام "دى مش شتيمة على فكرة " 
والناس اللى بتحسد ربنا يبعدنا عنهم بردوا 
ويجمعنا على خير باذن الله 

الى من ملكت قلبى 

:)