اقيم بالامس اليوم الثقافى الالمانى ...فى كلية السن جامعة عين شمس اليوم الصراحة كان روعه ...
بجد الناس اللى اشتغلت دول...حسيت اوى بتعبهم ...
وحسيت قد ايه انهم اشتغلوا فى اليوم ده
ممممم...يمكن عشان كنت نظمت حاجه زى كده ...وعارف معنى انك تبقى واقف تعبان بس شايف اللى عملته بيكبر اكتر واكتر
انا حاولت ااحفظ الفقرات وترتيبها...بس كنت بفهم بصعوبة اصلا ...
بس من اللى فاكره ...
قامت ريهام...مقدمة الحفل بالترحيب بالحضور ...وبدأنا بالقرءان الكريم طبعا
بعد كده مش فاكر بالظبط كان فيه ايه
بس اللى افتكره...فريق المسرح عمل زى رقصة على انغالم محمد العزبى واغنية الاقصر بلدنا
وكمان كان فيه زى قصة عن الاخلاق والفضائل ...
بس كان اسلوبها حلو جدا
ودوكمنترى عن فريق العمل ...دى تقريبا كانت فى الاول ...
وكمان كان فيه اسكتشات بطريقة حلوة...خصوصا بتاع كرم جابر...عجبنى جدا
بعد كده دوكمنترى تانى او بريزنتيشن عن
تقاليد الزواج وكده
بعدين فيه واحد اسمه ديفيد عزف على الهارمونيكا عزفه حلو...بس كان بيقطع
وعجبنى الالمانى بتاعه جدا ...:)
بعد كده كان فيه استعراض لقصة اسمها ملك الاشياء
لمؤلفها دكتور طارق عبد البارى ....
استاذ قسم ..تقريبا فى الكلية عندهم
www.kings-of-things.com
ده موقع القصة ...وكمان عشان قالوا انها اول ما نزلت نزلت برا باللغة الالمانية وترجمت فيما بعد الى العربية
اليوم مجمله كان حلو
التنظيم ...ممكن يتحسن السنة الجاية اكتر من كده
الحضور ...بعيب عالناس حاجه...ان اول ما دخلوا ولقوا نفسهم مش فاهمين ناس كتيير قامت
اينعم انا 80% من الحاجات مش فهمتها...بس حاولت اافهمها من الحركة او اسلوب الحوار
او الجماهير الالمانية
ههههههههههههههههههههههههههه
تحية واجبة الى كل من شارك فى هذا اليوم
سواء تنظيمى ...او مشاركة...او حتى تشجيعا
كان معكم من كلية السن عين شمس
سفاح كرموز
10 comments:
فعلا كان يوم جميل اوى رغم اننا مفهمناش اوى معظم الفقرات لأنها كانت بالالمانى بدون ترجمه بس كان واضح اوى انهم تعبوا فيه و رتبوله جامد
على فكره انا اول مره ادخل البلوج بتاعك يا مشمش بس جميل اوى ما شاء الله :)
هما عاملينه على اساس اغلب الحضور من القسم
معملوش فى حسابهم ان فيه زوار من الفضاء الخارجى ..هههههههه
والبلوج نورت يا افندم بزيارتك دى....
وياريت متكونش اخر مرة :)
كان نفسي اتفرج ياللا خيرها في غيرها
kab
kab:
ان شاء الله تتعوض مرة جاية ..:)
اشكرك علي العرض الجميل لليوم انا كان نفسي اشارك فيه لكن غصب عني ظروف منعتني لكني فعلا حزينة اني مرحتش لاني بستفاد اوي لما بحضره
وشكرا مرة تانية ليك لاني كان نفسي اعرف عملتوا ايه كل اما اسال حد يقولي مفهمتش
اشكرك علي العرض الجميل لليوم انا كان نفسي اشارك فيه لكن غصب عني ظروف منعتني لكني فعلا حزينة اني مرحتش لاني بستفاد اوي لما بحضره
وشكرا مرة تانية ليك لاني كان نفسي اعرف عملتوا ايه كل اما اسال حد يقولي مفهمتش
بلا خيبة
الواحد كان قاعد زى الاطرش فى الزفة
حلوة طحن طريقة عرضك لليوم يا حبى
وكويس انك مجبتش سيرة التهيس هههههه
toty:
العفو حضرتك....
والمرة الجاية ان شاء الله تنوريهم
بس كويس ان فيه حاجه وصلت من اللى كتبتها
بس كان نفسى ااعرف بيقولوا ايه :D
----------------------
الضحية المجهولة :
امال فضلت قاعده ليه ؟؟؟؟
---------------------
مشاكس:
ههههههههههههههه
الله يخليك يا جمييل...
ده التهييس عاوزله 10 بو ستات لوحدهم
نورت يا جمييل
فعلا كان يوم جميل جداااا
أحلى حاجة فيه إنى شفت ناس كتييييير كان
نفسى أشوفهم ..كان واضح أوى إن اليوم اتعمل عشانه مجهود كبير...الحمد لله إنه طلع حلو كده...و من أحلى الفقرات اللى كانت موجودة بتاعت أنور السادات...كانت تحفة بجد
جمبلة المدونة يا مشمش:)
Post a Comment