"ابنى لاعب فى النادى الفلانى ...وانا فخور بيه جدا ...والاسرة كلها وراه ومعاه لغاية لما يكمل حلمه "
"سمعت شريط ابنى الجديد...حتى الاغنية اسمها كذا....."
ده ملخص للطرطشة اللى بقالى فترة طويلة عاوز ااكتب عنها
وهى الدعم بتاع الاسرة للابناء
ولنشاطاتهم اللى بيقوموا بيها
الدعم ده ممكن ناس تستهيفه وتفتكر انه مالوش لازمة ...
بس الصراحة رايهم غلط جدا...وهو مهم جدا فى الحياة العائلية
لان لما يكون الابن او الابنه ...عارف ان اهله بيساندوه فاللى بيعمله من نشاط
وعارف ان اهله مؤمنين بقدراته واللى بيتبان من خلال النشاط
متتخيلوش كمية السعادة اللى بيبقى فيها ....
لكن لما تلاقى اهل مافيش عندهم هم او اى شاغل الا العيال تخلص دراسة وتشتغل وبس
طب اانضم لكذا...لاء..زمالهاش لازمة..
طب هدخل فنون...تؤ ...مش هتمشى فيها
طب يا سبحان الله ...طب بتخلفونا ليه ...ولا عشان تقرفونا
اذا كان الحاجه اللى احنا بنبرع فيها ...مش مقتنعين بيها
هديكم مثالين كده فى حياتى
فيه عمرو خالد من كام سنة كان طرح فكرة التوعية الصحية للامراض غير المعدية....
كان وقت الاجازة لما سمعت عن ده...وانضميت فعلا لمنتدى صحى بجامعة عين شمس
واخدت كورسات وقتها تنمية بشرية
وكورسات ميديكال كتير...وعرفنا ازاى نوعى الناس
عندى فى البيت لما عرفوا ترددوا فى الموافقه...واشترطوا انها تقتصر على الاجازة
ولما عرفوا انى بكملها فى الدراسة اتهمونى بعدم الفهم وانى مش عارف مصلحتى...ودى مش هتفيدنى فى حاجه !!!
الصراحة فادتنى فى حاجات كتير ...اتعلمت حاجات عن امراض مكنتش ااعرفها...اتعلمت ازاى ااحتك بانواع كتيرة من الناس ...وازاى ااخرج من المواقف اللى بتحصل...اتعلمت قيمة جسمنا ...وانه امانه هنتسأل عليها يوم القيامة
بس هما شايفين انه مش مهم ...ركز فى دراستك يا سفاح ...ولما تخلص ااعمل اللى انت عاوزة
حاجه تانية
النماذج بتاعت جامعة الدول اللى بمووت فيها وبنضملها دايما
مش مقتنعين بيها وشايفين انها تضييع وقت
بس لو كانت تضييع وقت مكناش بناخد عليها شهادات من رئيس الجامعه وعميد كلية سياسة واقتصاد
ومكناش هنحطها فى الcv بتاعنا كمان
حاجات كتيرة بنبقى مجتاجين دعمهم ...بس للاسف ممكن يقابلوها بالرفض التام من قبل ما يعرفوا ايه هى
ياريت الاهالى يخلوا بالهم شوية من ابنائهم
ويؤمنوا حبة بقدراتهم اللى اغلبهم مش شايفنها
ويقربوا منهم اكتر....ومش يعتقدوا انهم يعرفوا كل حاجه عنهم...وفى الاصل مش موجودين...
--------------------------
"سمعت شريط ابنى الجديد...حتى الاغنية اسمها كذا....."
ده ملخص للطرطشة اللى بقالى فترة طويلة عاوز ااكتب عنها
وهى الدعم بتاع الاسرة للابناء
ولنشاطاتهم اللى بيقوموا بيها
الدعم ده ممكن ناس تستهيفه وتفتكر انه مالوش لازمة ...
بس الصراحة رايهم غلط جدا...وهو مهم جدا فى الحياة العائلية
لان لما يكون الابن او الابنه ...عارف ان اهله بيساندوه فاللى بيعمله من نشاط
وعارف ان اهله مؤمنين بقدراته واللى بيتبان من خلال النشاط
متتخيلوش كمية السعادة اللى بيبقى فيها ....
لكن لما تلاقى اهل مافيش عندهم هم او اى شاغل الا العيال تخلص دراسة وتشتغل وبس
طب اانضم لكذا...لاء..زمالهاش لازمة..
طب هدخل فنون...تؤ ...مش هتمشى فيها
طب يا سبحان الله ...طب بتخلفونا ليه ...ولا عشان تقرفونا
اذا كان الحاجه اللى احنا بنبرع فيها ...مش مقتنعين بيها
هديكم مثالين كده فى حياتى
فيه عمرو خالد من كام سنة كان طرح فكرة التوعية الصحية للامراض غير المعدية....
كان وقت الاجازة لما سمعت عن ده...وانضميت فعلا لمنتدى صحى بجامعة عين شمس
واخدت كورسات وقتها تنمية بشرية
وكورسات ميديكال كتير...وعرفنا ازاى نوعى الناس
عندى فى البيت لما عرفوا ترددوا فى الموافقه...واشترطوا انها تقتصر على الاجازة
ولما عرفوا انى بكملها فى الدراسة اتهمونى بعدم الفهم وانى مش عارف مصلحتى...ودى مش هتفيدنى فى حاجه !!!
الصراحة فادتنى فى حاجات كتير ...اتعلمت حاجات عن امراض مكنتش ااعرفها...اتعلمت ازاى ااحتك بانواع كتيرة من الناس ...وازاى ااخرج من المواقف اللى بتحصل...اتعلمت قيمة جسمنا ...وانه امانه هنتسأل عليها يوم القيامة
بس هما شايفين انه مش مهم ...ركز فى دراستك يا سفاح ...ولما تخلص ااعمل اللى انت عاوزة
حاجه تانية
النماذج بتاعت جامعة الدول اللى بمووت فيها وبنضملها دايما
مش مقتنعين بيها وشايفين انها تضييع وقت
بس لو كانت تضييع وقت مكناش بناخد عليها شهادات من رئيس الجامعه وعميد كلية سياسة واقتصاد
ومكناش هنحطها فى الcv بتاعنا كمان
حاجات كتيرة بنبقى مجتاجين دعمهم ...بس للاسف ممكن يقابلوها بالرفض التام من قبل ما يعرفوا ايه هى
ياريت الاهالى يخلوا بالهم شوية من ابنائهم
ويؤمنوا حبة بقدراتهم اللى اغلبهم مش شايفنها
ويقربوا منهم اكتر....ومش يعتقدوا انهم يعرفوا كل حاجه عنهم...وفى الاصل مش موجودين...
--------------------------
سورى للى مش عملت كومنت للناس اللى ردت عالبوست اللى فات نظرا لظروف الامتحانات...وعندى برد...روعه ...فبقعد عالكمبيوتر تخاطيف ...:)
هحاول اارد عليكم ان شاء الله
هحاول اارد عليكم ان شاء الله
33 comments:
انت عندك حق يا سفاحنا
انا مش عارفه هما بيخلفونا ليه وهما مش قادرين على حاجه
ولا عايزينا نعمل اللي احنا شايفينه في مصلحتنا والمشكله ان هما شايفين ان المصلحه بس في المجموع وتدخل كليه طب ولا هندسه وخلاص
اما بقا الهوايات فتترمي في الزباله مش مهم اي حاجه احنا نروح في اي مكان طموحتنا تترمي فوق عند السحاب وممكن نكون كويسين في المجال اللي هما هيختاروه بس عمرنا ما هنحقق اللي احنا عايزينه
أنا سمعت عن موضوع النماذج ده
وعجباني قوي الفكرة
وياباشا
هذه هي الحقيقة بكل قسوتها
فافعل ما يحلو لك
:)
التطور الكبير اللي حصل ف ال20 سنة اللي فاتت
هو اللي عمل الفرق الكبير بي جيلنا وجيل أبهاتنا وأمهاتنا
التصادم اللي بيحصل دا هتلاقيه ف كل أسرة
عشان كدا هتلاقيهم مش حاسسين ولا مقدرين اللي إنت عايزه
بس دا ميمنعش إن كتير وبناء علي الخبرة بيبقي معاهم حق
المهم لما أنا وإنت وهي نبقي أبهات وأمهات
هنعمل إيه مع ولادنا؟
تحياتي
سلامتك الاول يا مشمش و ربنا معاك فى الامتحانات انت عندك حق فى ان احيانا اولاياء امورنا ممكن يبقوا رافضين حاجة ممكن تبقى مفيدة لينا بس انا مقتنعة ان دا من خوفهم الزيادة على مستقبلنا و اصرارهم اننا لازم نخلص دراسة و ننتبة و نعرف ازاى نتعامل مع العالم اللى بره دا غير ان النماذج و الحاجات ديه مكنتش على ايامهم فبيبقوا دايما قلقانين علينا لانها بتبقى حاجة جديدة
J.B.
ربنا يوفقك في الإمتحانات
فعلا معظم الأهالي بيكونوا شايفين إن الصح مقصور عليهم هم بس .. والأبناء مش عارفين مصلحتهم .... نظرتهم بتكون سطحيه... هو ده صراع الأجيال... كل جيل فاهم إنه أخد الفهم عنده
سلاماااااااااااات يا سفاح
معاهم حق
هما بيقولو كده اولا و اخيرا خوفا على مصلحتنا
و بعدين في عيال مش عارفة تقنع اهلها ان اللي بتعمله صح
ببساطة لان الاهل مش لامسين اي تغيير في الولد .. لا بالعكس بيخرج و يتاخر و لا حد عارف هوا بيروح فين
يعني تلاقي ناس مثلا خدو خمسميت كوري كوميونيكيشن و بيزعقو في اهاليهم
طيب يبقى ليهم حق يقولو ان اللي بيتعمل ده كلام فاضي
يعني الخلاصة ان الاهل لما بيلاحظو تطور ايجابي في ابنائهم
لما بيحسو بتقدير ابنائهم ليهم
عمرهم ماهيمنعوهم
انت كتبت بوست مهم للغاية
فى يوم كنت قاعدة فى كافيه بنت السلطان فى المهندسين وقابلت عادل امام
اختى كانت معايا وكانت عاوزة تسلم عليه ومكسوفة
رحت معاها واتكلمنا معاه عن فيلم عمارة يعقوبيان
اول سؤال سأله .. شوفتوا محمد؟ ايه رايكم فيه؟
طبعا رديت ببساطة وازبهلال محمد مين؟
قالى محمد ابنى اللى كان طالع فى دور طه
واسترسل .. شفتوا الولد ممتاز ازاى وله خط غيرى خالص
بيمثل بغقتدار رغم صغر سنه .. وقعد ساعة يعدد فى محاسنه
تركته وانا افكر فى اللى انت بتقوله دة
هو بيدعم ابنه وبيشجعه ومعجب بيه فعلا
وتمنيت لو كان ابى مثله أو أمى
انا عندى نفس المشكلة حتى لما باشترى بيجاما وأمى تشوفها على طول تعلق
هو يعنى مافيش لون تانى غير دة؟؟
نقد بطريقة مقنعة .. بتقول ان زوقى وحش بس بصنعة لطافة
معلش احنا بقى مش هنبقى كدة
انا هأعمل بنصايحك مع بناتى
أوعدك
انت معاكـ حق في كل كلمة قلتها ...والأهل شئ مهم جداً ...لما حبيت ادخل في اتحاد الطلبه اول حاجه مامي سألتها لي :هتأثر على مذاكرتك؟ قلت لها لا متخافيش ...المهم انها مقتنعه جدا اني اخد كورسات في اي حاجه ...هي بتحبني آخد دايما علم ومديش موهبه !!!؟
طبعا مهم
و مؤثر سلبا لو مش موجود و ايجابا لو موجود
و ده اللي بيخلي الأطفال الأجانب مش اطفال بمخ عبيط لأ
بالعكس تلاقيه عنده خمس سنين بس مخه كبير و عنده ثقه في نفسه
الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , وتتمثل الحملة في نشر هذا البوست الجاهز يوم الجمعة الموافق 19/5/2007 , ونشر صور شيخ المجاهدين في جميع المدونات المشاركة – الصور موجودة في مدونتي- , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...
البوست بعنوان
أن تكون أبو الفـتوح شوشة
حملة الإفراج عن شيخ المجـاهدين :
في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...
أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...
أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..
أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...
أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...
أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...
أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...
أن تكون أبو الفتوح شوشة فهذا معناه ألا يرحموا شبيتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...
أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...
أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...
أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...
الروابط :
مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html
مجلّة "فلسطين المسلمة" تذيع فقرات من جهاد شيخ المجاهدين
http://www.fm-m.com/2003/aug2003/story24.htm
تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1
ملف pdf عن جهاد شيخ المجاهدين المصريين في فلسطين
http://www.fm-m.com/2003/aug2003/pdf/51.pdf
جاري تدعيم الحملة بتقرير جريدة الدستور عن شيخ المجاهدين بتاريخ 13/5/2007
جاري تدعيم الحملة بتقرير جريدة الوفد عن شيخ المجاهدين بتاريخ14/5/2007
اولا الف سلامه عليك يا سفاح من البرد اللي في عز الصيف ده مع اني مش عارفه ازاي
ثانيا ربنا يوفقك في الامتحانات ان شاء الله ويوفقنا معاك :D
ثالثا بقة نيجي للبوست :D
انت عندك حق فعلا في الموضوع لان في اهالي كتير جدا بتكبت الموهبه او الاهتمام مع ان ممكن تكون الموهبه او الاهتمام ده هو تقريبا الحاجه الوحيده اللي الولد بيعرف يعملها
انا مريت بالموقف ده قبل كده بس الحمدلله عرفت اقنع اهلي ان هوايتي دي حاجه مش هتعطلني اطلاقا عن الدراسه
واقنعو تماما لأن هم شافو النتيجة بنفسهم وانها حاجه يمكن بتساعدني على الدراسه
وكنت عاوزة اخد هوايتي مجال دراسه في الجامعه بس جم عند مجال الدراسه ده وقالولي استوب اصلها كانت في الموسيقى فمش طالبه يعني :D
بوست جميل يا سفاح
اهتمام الاب والام طبعا حاجة مهمة وبتدى لاى حد مننا دعم كبير وتزود ثقتنا بنفسنا
هههههههههههههه
طب والله كويس موت يابنى انك بتعل بردوا اللى انت عايزه من وراهم
بص أنا أعرف ناس كده بجد هو أنا ولله الحمد والدى ووالدتى متفهمين لمتطلباتى ومتفهمين لطموحى وبيشجعونى على ده حتى ولو كانوا بيقسوا أوقات بسيطه أو بيمنعونى بردوا أوقات بس بجد هما غير ناس كتير أعرفهم على الأقل لما بيسمعوا حاجه كتبتها بيكونوا مبسوطين فعلا حتى ولو كان طموحى تاعبهم بعض الشئ بس المهم انهم غير ناس كتير تاعبين ولادهم اللى هما اصحابي بجد شكرا يابابا ويا ماما بس مش هقولهم لايتغروا ولا حاجه
تحايتى يا جميل
وشوشنى:
هههههههههههههه...شكلك معبية يا وشوشنى
بصى هما تقريبا ماشين بمبدأ ان الدراسة هى اللى بتنفع فى عصرنا الحالى عشان كل واحد يؤمن لنفسه مستقبل وكده ...بس الدراسة مش لواحدها ولا معاها كورسات ...دى عوامل كتير ...
-----------------------
شادى فايد:
شكلك سمعت عنها متأخر يا شادى ...:(
وهى فعلا الحقيقة قاسية ...وبنفعل ما يحلو لنا برضه :D نورتنى ..:)
the alien :
ممكن برضه يا بيشو ...الفرق او الفجوة اللى بيقولوا عليها ما بين الاهل وابنائهم ...بس ساعات رغم ان الصواب بيبقى معاهم...بس فيه حاجات بيبقوا مش مقتنعين بيها حتى لو صح وهتعود بفايدة كبيرة على ابنهم او بنتهم ...
لما نكبر؟!!!!
ممكن نلاقى ولادنا بيتكلموا عننا وبيقولوا ان فيه فجوة بينا وبينهم
منوور ..:)
-------------
بيوتى :
الله يسلمك يا جميل ...ااسألى انتى بس الاول :p
مش عارف ليه عالطول بحس انك بتعارضينى بس بأدب ...ههههههههههههه
تؤ ماشى اوك خايفين على مصلحتنا .؟...بس فيه حاجات مبيفكروش يسالوا عنها حتى عشان يعرفوا صح ولا تؤ ..:)
reri:
يارب ان شاء الله
بصى هوا كده فعلا ..وانا منكرش ان فيه حاجات مببقاش عارفها فعلا وهما ادرى منى ...بس الاهم اللى بتكلم عنه هو مساندة الابناء فى اللى بيحوة...مش قتل اى حاجه جواهم عشان يطلعوا مجر مكن بيشتغل ويجيب فلوس وخلاص
-------------------
روعه:
انتى كده رحتى فى ناحية تاااااانية خالص ...ده لما يكونوا فعلا ادولهم الفرصة ..والابناء خذلوهم او مجابوش النتيجة المتوقعه من اللى الاهالى مستنينها ...
بس الناس اللى ما ااخدتش فرصتها تعمل ايه ؟؟؟؟ هتقولى اقناع ...مش مسالة اقناع لواحدها...دى مسالة حاجه اترسخت فى عقل الاهل عن موقف زماان...فبيرتبوا باقى الحياة عالموقف ده...
منورة الطرطشة..:)
ياسمين:
ادى اكبر مثال عاللى بقوله يا ياسمين ...وكويس انك شفتيه بعينك...اب بيشجع ابنه ...وشايفه بيكبر قدام عينه...واخد تقريبا نفس طريقه ...وبيبص لطريقته فى التعامل ازاى ...وليه حق يفرح بيه ...
حكاية هدومك دى ...بتحصلى فى كل حاجه بشتريها ...من كام يوم نزلت ااشترى هدوم ووالدى كان معايا ...فقالى التى شيرت ده حلو عليك...واصلا مبحبش النوعيات دى ...وعاوز انا حاجه تانية ...فى الاخر اينعم اخدتها بس بعد عناااء طويل من الرفض بتاعى وشد جذب بينى وبينه ...وفى الاخر طلعت حلوة زى مانا عارف ...بس عشان مش مقتنع بيها رافضه ورافض اصلا يشوف شكلها ...
عشان كده بتفرق جدا ..وبتأثر اصلا فى الابن او الابنه ...
وكتاكيتك لسه صغننين ...ربنا يخليهملك يارب ...وان شاء الله يبقوا كويسين معاكى...بس زى ما وعدتينى ...:)
batresya:
ههههههههههههههههههههه
طب دخلتى اتحاد الطلبة ولا تؤ؟؟؟؟
مش عارف ااقول ايه بس زى ما قلت برضه انهم مركزين عالدراسة اكتر بكتييييييييييير من اللى بنعمله ...اصلى مش هقعد من سبتمبر لشهر مايو ولا يونيو ااذاكر ومحاضرات وبس ...او حتى كورساات...استحاااااااااااااالة..
لا للموهبة شعارهم..
منورة ..:)
--------------------
كوكو الكميل:
اكيد...هناك بيبقى فيه سبووورت كبير جدا ليهم ..من اول ما بيتوزلدوا تقريبا...حاجات بتنمى عقولهم ...مش بتدفنها اكتر واكتر
ضوء القمر :
الله يسلمك...هههههههههه ببقى متقل الغطا...وفاتح مروحة او تكييف...ويجوا فى البيت يقفلوه ...فبيجيى برد..:D
هههههههههه
طب حلوة ميوزك ...هواية جميلة...وكويس انهم حتى سمحولك انك تمارسيها...حاولى فى الصيف تشوفى معهد لتعليمها عشان تبقى اكاديمية اكتر...ليا واحد صاحبى نفس الكلام بس الفرق عنده فى البيت بيدعموه...وبيلحن الاغانى لاصحابى...وعاملين زى فرقه على قدهم ...
منورانى ...وربنا معاكى فى الامتحانات
---------------
باربى جيرل:
ده شىء اكيد...وفى غيابها الثقه دى بتتهز جدا ...ومش بيبقى ليها اى حاجه اصلا
غادة الكاميليا :
ههههههههه...اكيد مش هعمل زى زمان وسمعت كلامهم وضاعت منى فرص كتير ...
من سنتين كان جايلى فرصة تدريب فى فودافون على انى ااشتغل بعد كده ...فى خدمة العملاء ...بس كان اول السنة...ورفضوا رفض تاام...رغم ان المرتب بالنسبالى فى اول شغل كان مغرى جدااااااااااا...بس رفضوا وقالوا انها هتأثر على دراستك...وكده كده شلت السنة ههههههههههه
والحمد الله انا بابتك ومامتك متفهمين ..وبيشجعوكى ...دى فى حد ذاتها خطوة كبيرة مووت ...
سر من الاسرار بقى ...محدش فى البيت من والدى او والدتى عارفين ان عندى بلوج...ولو عرفوا هيطلبوا حاجتين...انهم يقروها وفى الغالب هتتقفل طواالى بعد ما تتقرى ...التانى انها تتقفل برضه ...عشان متعطلنيش عن المذاكرة...وفى كلتا الحالتين خراب وموت لو دى اتقفلت ...عالاقل المكان اللى فيه ناس بتشجع التانيين عالكتابة ...:)
نورتى الطرطشة يا غادة
سفاح...اول مرة اقرالك...بس فعلا عندك حق مية في المية...الأهالي المصريين عندهم حالة من النمطية والتقليدية تعقد...ويمكن هم مؤمنين بالتجمد اكتر من الصخور نفسها...لكن معلش ده قدرنا احنا اننا تخرج برة اسر الاهالي غصب عنهم...من واجبهم يخافوا علينا..ومن واجبنا اننا نعرف الصح فين و نمشي وراة...المهم اننا في غمرة حماسنا ما ننساش سخطنا ده و نتعلم الدرس و ما نعملش كده فعيالنا بعدين...تحياتي و دعواتي ليك بالنجاح والصبر
دوري انا :) بصصصصص .. مبدئيا ليك حق ..
مش كل الاباء والأمهات كده ..
وفيه كمان تفاوت في النسب .. هي المشكله فعلا .. هي عدم وجود لغه حوار ... مفيش تفاهم في الأسره ..
وكتير الأباء والأمهات بيبقي عندهم ثقه غريبه انهم صح 100 % واللي يضايق اكتر لما يحسو انهم غلط .. وعلي الرغم من كده يرفضو انهم يرجعو علي خطواتهم .. علشان الكلمه ( متنزلش الأرض ) حقيقي حاجه صعبه اوي
اعرف نماذج غريبه والله .. الحمد بابا وماما الي حد كبييييييييييير مش منهم .. بس فعلا الله يعين اولادهم ..
الأباء والأمهات دول يمكن اللي بيحركهم هو حبهم لأبنائهم .. بس ده فعلا مش كفايه
يا ريت الحوار يزيد في الأسر المصريه
وجزاك الله خيرا علي البوست :)
جيت على الجرح يا مشمش
للاسف اغلب الاباء و الامهات تقييمهم لابنهم بيكون دراسى بس ، يعنى بيبصوا له من زاوية واحدة و هى الناحية الدراسية و بس
ليه كل اب و ام مصريين عاوزين ابنهم يطلع دكتور او مهندس او فى اى كليه قمة عامة..
يا اما يتبروا منه؟؟
ذاكر .. ذاكر .. ذاكر..
محدش هينفعك الا شهادتك..
و لو جيت تكلمهم فى حاجة تانية انت بتحبها بعيد عن الدراسة استلقى وعدك
-----------------------
ليه ما اشجعش ابنى انه بجانب الدراسة يكون متفوق رياضيا
بيحب يكتب او يرسم
له نشاط اجتماعى
ليه هواية و ممكن فى يوم من الايام يتفوق و ينبغ فيها
الخلاصه
انه النجاح مش بس نجاح الدراسه والمدارس والكليات فقط
هناك نوع تانى من النجاح إحنا مش واخدين بالنا منه
النجاح في الحياه
النجاح في التعامل مع الناس
النجاح في الحياة الزوجية
النجاح في تربية الأبناء
معلش انا اسفة انى طولت
بس فعلا الموضوع ده صعب بجد
فعلا .. معك حق
حاول مرة ومرة .. فإنما تثقب حبات المطر الحجر بكثرة تساقطها وتتابعها
أعانك الله
:)
من ناحيه معبيه فانا معبيه جدا جدا ممكن اكتب فيهم قصيده بس يلا
عشان برالوالدين
بس مش اكتر
انا حعمل بوست ع البوست دي يا سفوح..حتى من بوست يعني..جميل جدا
باى
فعلا والله معاك حق انت جيت على الجرح هما بس لو يسبونا شويا شويا مش كتير نعمل بس اللى احنا عاوزينه اكيد فى فى افكارنا حاجه مفيدة فى الاخر بس على شان مبقاش بفترى هما بيسبونى بس بعد عياط وزعيق وحناق واهو مرة كده ومرة كده
عاجبنى اوىالموضوع
بس مش تعميم الموضوع ده
جميل الموضوع يا باشا فعلا معظمهم كدا بس مش كلهم بردة بس المهم لو فى موهبه ما للولد او الانسان يحاول ينموها
skoothansawat:
انا فرحان بانها لسه اول مرة .....ومنورانى فى الطرطشة بجد
عندك حق ....نقدر نقول اغلب الاهالى المصريين ...لان فيه نماذج مختلفه جدا عن اللى بنتكلم عنه ....وقدرنا صعب اننا نعملها غصب عنهم او من غير ما يعرفوا...لانها بتفرق يوم لما تقف وتتكرم مثلا ومحدش منهم مهتم باللى حصل ....
ولازم فعلا نفتكر الدرس ده ومنكررش الغلط مرتين...مرة اللى حصلنا...ومرة لاطفالنا ان شاء الله ...:)
-------------------------
كليوباترا:
انا عارف ...من اللى بتحيكه ان والدك ووالدتك مش كده...وربنا يخليهوملك ان شاء الله ...
لغة الحوار غائبة فعلا...وحتى ساعات لما بتتوجد ....ومبيرضوش يبينوا انهم غلطوا لان المفروض او الحاجه السائدة ان الاهالى مبيغلطوش خاالص ...ودى نظرية فى حد ذاتها غلط ...لان كلنا بشر ...وبنغلط ...:)
جيداء:
هو عشان الظروف الحيايتة دلوقتى بتخلى الدراسة اهم بكتير من المواهب...والعك اللى بيسموه على رايهم فعلا ...وكده الابن بيتحول لمكنه ...مش انسان
كلامك اللى لخصتيه ده اللى ااقصده على فكرة "
الخلاصه
انه النجاح مش بس نجاح الدراسه والمدارس والكليات فقط
هناك نوع تانى من النجاح إحنا مش واخدين بالنا منه
النجاح في الحياه
النجاح في التعامل مع الناس
النجاح في الحياة الزوجية
النجاح في تربية الأبناء "
وشكلك معبيه انتى كمان :D
نورتينى....
----------------------
وضاح:
انازهقت من كتر المحاولات وسايبها زى ما تيجى مع نفسها
وشوشنى .....arabian ....صاصا
شكرنززززززززززززززززز
اميرة البلطجية :
يا سلام ...هوا انا اطول ان اميرة المملكة يجلها فكرة بوست زى البوست اللى كتبه واحد من افراد الشعب :D
-------------------------
سمسم:
هههههههههههههههههههههههههه
انا ممكن ااعيط وازعق واتخانق وازن...وممكن فغى الاخر يسيبونى؟....بس مبحبش الاسلوب ده...انا اتكلم معجبهومش مش مشكلة...هعملها برضه :D
السلام عليكم و رحمة الله و بركاته
يا أهلا و سهلا بناس ألمن الجامدين ...
طبعا عندك حق فى ان اهتمام الاباء بتحفيز الابناء بيفرق جامد جدا معاهم و بيقويهم و بيخرج المواهب و الطاقات المستخبية جوا ولادهم ... و دا للأسف مبيحصلش كتير عندنا ... مش عيب فى الاباء ... العيب فى ان الاباء و الابناء طريقة تفكيرهم ماشية فى خطين متوازين مبيتقاطعوش فى نقطة تواصل ...
يعنى بلا ادنى شك ان الوالدين بيكون شغلهم الشاغل تربية ولادهم ... و نلاقيهم بيضحوا بحاجات كتير اوى ليهم عشان اولادهم ... بس المشكلة ان اغلب الاباء شايفين ان التنشأة دى تنشأة مادية و بس ... مدارس محترمة و نوادى و مصايف و مشاتى ... حتى نوع المكافأت بتكون مادية بحتة ... عربية او موبايل أو فلوس و نقصر .... بس بردوا عشان منكونش متحاملين على الاباء اوى ... ان فترة الطفولة بيقدروا يبثوا فينا قيم و اخلاق و سلوكيات و دا طبعا بيأثر فينا جدا ...بس
بس
المشكلة بتبدى تظهر لما يتكون لينا رأى و الرأى دا بطبيعة الحال بيكون مختلف عن نظرة الاب و الام لولداهم اللى دايما بيشوفوهم مش عارفين طريق مصلحتهم ... و بيحاولو يفرضو رأيهم دا على اولادهم باعتبار انهم الكبار..
فهتفضل المشكلة موجودة طول ما احنا بنفكر يمين و هما بيفكروا شمال ... انت مثلا شايف ان الانشطة اللى انت بتعملها مع المنتديات الصحية دى بتفيدك و بتفيد المجتمع ... و الموديلز طبعا و و و ... بس هما شايفينها مضيعة للوقت ... يبقى عشان نعمل اللى احنا عاوزينه فى الاخر ... بيكون اودامنا طريقين ... طريق صعب و طريق سهل ... السهل اننا نستخد اسلحة الضغط ... زى الزن و العياط و الخناق و الزعيق .. هناخد اللى عاوزينة بس المشكلة مازالت قائمة و موافقتهم على مضض ...
الطريق التانى الصعب ... اننا نوجد حل جذرى للمشكلة دى ككل ... اننا نقرب وجهات النظر عن طريق ... الحوااااار ... الحوار ثم الحوار ثم الحوار ... يعنى بما انك بتتفرج على عمرو خالد ... برنامجه الجديد قايم على فكرة التعايش ... يعنى انا عايز اوصلك فكرتى و عايز اسمع فكرتك ... انا هفضل مقتنع بوجهة نظرى و انت مقتنع بوجهة نظرك ... بس على الاقل هنكون عرفنا ليه كل واحد متبنى الفكرة دى ... نشوف منطقة مشتركة مابيننا ... يعنى مثلا قليل اوى لما نلاقى حوار بين الاباء و الامهات على النقط اللى بتهم اولادهم ... على اهدافهم على احلامهم ... و دا عيب الاتنين ... و اذا كان اباءنا مش عايزين يسمعونا و عايزين يفرضوا رأيهم و خلاص فأحنا مش هنستسلم لكدا و مش هنتبع الوسيلة السهلة باستخدام اسلحة الضغط الزن و العياط...
اللى انا شايفاه ان الكورة فى ملعبنا احنا ... احنا اللى نحاول نقرب منهم ... مش لازم تكون بصورة بابا انا عايز اتكلم معاك فى انى كبرت و انت بتخاف عليا خوف غير مبرر ... نحاول ندخل لهم من مداخل تانية ... الاول حتى لازم يكون فى اى اهتمامات مشتركة بيننا ... ماتشات كورة . دخول سينما . النادى . اى حاجة يعنى و بعدين واحدة واحدة نتدرج فى تقوية العلاقة دى ... و نخليها صداقة ... مش لازم تكون قوية اوى زى صداقة صحابنا بس اهو نوع من انواع الصداقة اللى يخلى اسلوب الحوار من طرفين بيسمعوا بعض ...
يعنى انا مثلا ... بعانى من مشكلة مع ابويا انو مش بيكون عارف عنى حاجات كتير و لا انا بفكر فى ايه بالظبط و هو خايف عليا و أمى الله يرحمها توفت و هى اللى كانت قريبة ليا .. و هو بأة لوحده ياخد القرار يا اه يا لأ و فى الغالب خوفه عليا بيخليه يقول لأ... و سبحانك يا ربى بردو مشروع من مشاريع عمرو خالد D:
انا عايزة اشترك فيه و هو شايف ان ملهاش لازمة ... شايف ان كفاية الموديلز و التدريب فى الصيف ... الحاجات اللى من الاخر هتتحط فى السى فى ...بردو خايف عليا من السواقة عشان مدوسش حد و ابات عالبورش. ايه تانى .. مثلا ان الساقية ملهاش لازمة..حاجات كدا يعنى .. اتكلمت مع خالى فى الموضوع دا و قالى انه هو هيربى ولاده على انهم يجربوا كل حاجة بنفسهم عشان يكونوا شخصيتهم و قالى انتى مش هتحلى المشكلة بأنك تفضلى تزنقى فيه و تقوليلوا انا عايزة و عايزة و عايزة .. قاللى لازم يكون فى بينكم حوار و انك تكلميه مرة و اتنين و تلاته و تختارى وقت كويس ... تقنعيه مثلا انك عايزة تشتركى فمشاريع عمرو خالد عشان تكتسبى خبرة و تفيدى المجتمع و الكلام دا ... بس عشان يسمعك لازم تكونوا بتتكلموا اصلا فى الحاجات التانية البسيطة العادية ... فانا بأة مستنية الوقت اللى اعرف اتكلم معاه فيه و اوضحلوا انا بفكر فى ايه بالظبط ...
فى فكرة كنت عملتها من سنتين و جابت نتيجة هايلة جدا ...انى كتبت لأبويا رسالة .. كنت متضايقة منو فى حاجة معينة و جبت ورقة و هاتك يا كتابة و طلعت كل اللى فى قلبى ... بفكر اعملها تانى ان شاء الله ...
و ليه بدل ما نقعد نكتب كلنا هنا على البلوج كومنتس .... ليه منخليهاش رسايل متوجهة لأباءنا ... يمكن فكرة مجنونة شوية بس بتجيب نتيجة هايلة .... انى بوضح وجهة نظرى كاملة متكاملة و بعرف رأيو هو كمان ...
حظ سعيد ان شاء الله فى علاقاتنا مع اباءنا
Post a Comment