س: انتى عارفه لو اتحجبتى كمية الحسنات اللى هتاخديها ؟
ص: عارفة ...بس مش لازم اتحجب وانا مقتنعه بكده...ولا ايه الفايدة انى االبسه وانا مش مقتنعه بيه
س: بطلى كلام فارغ ...والكلام اللى الشيطان بيقولهولك ده ....اتحجبى الاول ...بعدين عندك حياتك كلها اقعدى اقنعى نفسك ...المهم اتحجبى الاول
ص: !!!!!!!!!!!!!!!!!!!!!!!!!!!!!!!!!!
ده حوار شفته بيحصل من اول ما دخلت الجامعه من 4 سنين
كل مرة ااعدى على تجمع للاخوان مثلا ...وبنات عموما ...بشوف العجب ...بجد
يعنى قبل كده واحده من الاخوات دخلت وبتسلم...وواحده معاهم بس مش اخوان ...مسلمتش عليها ...سبحان الله
مش الرسول عليه الصلاة والسلام اوصانا بافشاء السلام ...سواء كبير او صغير
طب ايه ده ؟؟؟؟
مش فاهم ....
بنت مش محجبة تدخل الجامع...تلاقى نظرات الاستنكار والغضب ظهرت على وشوش البنات
زى ما شفنا ...تتحجب ...بعدين تقتنع...
طب مش كده هتاخد ذنوب...لانها اكيد هتقلعه ...فى اوقات معينة ....
طب ما تسيبيها وادعيلها بالهداية مثلا
او هى هيجى عليها يوم ومرة واحده هتلاقى نفسها بتلبس الحجاب ....
حصل كده مع اختى
مرة واحده حبت تتحجب ...وعجبها منظرها فيه ...واقتنعت الحمد الله بيه
المغزى اللى عاوز ااوصله ...اننا بقينا لنبص لبعض على اننا فئات
ملتزمون وغير ملتزمون
اخوان ومش اخوان
سنيين ...وسلفيين
الخ من الاحزاب اللى اتنشرت الايام دى
مش عارف ...تقريبا الاسلام غيرووه ...ولا بقينا فى عالم تانى
الله اعلم
ربنا يهدى الجميع
ص: عارفة ...بس مش لازم اتحجب وانا مقتنعه بكده...ولا ايه الفايدة انى االبسه وانا مش مقتنعه بيه
س: بطلى كلام فارغ ...والكلام اللى الشيطان بيقولهولك ده ....اتحجبى الاول ...بعدين عندك حياتك كلها اقعدى اقنعى نفسك ...المهم اتحجبى الاول
ص: !!!!!!!!!!!!!!!!!!!!!!!!!!!!!!!!!!
ده حوار شفته بيحصل من اول ما دخلت الجامعه من 4 سنين
كل مرة ااعدى على تجمع للاخوان مثلا ...وبنات عموما ...بشوف العجب ...بجد
يعنى قبل كده واحده من الاخوات دخلت وبتسلم...وواحده معاهم بس مش اخوان ...مسلمتش عليها ...سبحان الله
مش الرسول عليه الصلاة والسلام اوصانا بافشاء السلام ...سواء كبير او صغير
طب ايه ده ؟؟؟؟
مش فاهم ....
بنت مش محجبة تدخل الجامع...تلاقى نظرات الاستنكار والغضب ظهرت على وشوش البنات
زى ما شفنا ...تتحجب ...بعدين تقتنع...
طب مش كده هتاخد ذنوب...لانها اكيد هتقلعه ...فى اوقات معينة ....
طب ما تسيبيها وادعيلها بالهداية مثلا
او هى هيجى عليها يوم ومرة واحده هتلاقى نفسها بتلبس الحجاب ....
حصل كده مع اختى
مرة واحده حبت تتحجب ...وعجبها منظرها فيه ...واقتنعت الحمد الله بيه
المغزى اللى عاوز ااوصله ...اننا بقينا لنبص لبعض على اننا فئات
ملتزمون وغير ملتزمون
اخوان ومش اخوان
سنيين ...وسلفيين
الخ من الاحزاب اللى اتنشرت الايام دى
مش عارف ...تقريبا الاسلام غيرووه ...ولا بقينا فى عالم تانى
الله اعلم
ربنا يهدى الجميع
9 comments:
ق ت (وليضربن بخمورهن على جيوبهن )ده كلام ربناواضح وصريح بس مش معنا كده اننا نكفر الى مش متحجبة لكن الغلط انها تكون مش معترفه بفرضية الحجاب اساساً اما مسالة الاقتناع فانا هديك مثال لما بعد الشر بتعيا وتروح للدكتور بيديك علاج انته مش فاهم هوا متركب من ايه ولا اذاى هيعالج المرض الى عندك مبتقلوش ليه انا مش هاخد العلاج الا لما تقنعنى ازاى العلاج ده هيخففنى وده فى الاول والاخر انسان قابل للخطاء والصواب فما بالك ربنا سبحانه وتعالى على فكرة انا مش شيخ ولا واعظ انا كمان نفسى ربنا يهدينى.....سلام
احنا اللي مش صح
احنا اللي فاهمين الحياة غلط
واحد يقوك انا مش بصلي بس في بيني وبين ربنا عمار
ازاااااااااااااي
انا مش محجة بس هتحجب لما اتجوز
انتي ضامنة عمرك
بص
الاقناع هو السبيل
لكن اني اقول لها انتي كدة غلط وحرام والكلام من دة غلط جدا
لكن اني اتكلم براحة وبدلايل
صدقني هيجيب نتيجة
اني دايما اقلل من حلاوة الدنيا وزوالها
ودة ممكن يجيب نتيجة
وربنا يهدينا جميعا يارب
لما كنا في الجامعة كانت الاخوات بترحب بغير المحجبات جدا
ربنا يهدي الجميع
و على فكرة الحجاب زي الصلاة مفيهوش اقتنع و معرفش اية
ده فرض
ربنا يهدي بنات المسلمين الى الحجاب الصحيح
الارموطى:
دى حاجه ودى حاجة تانية يا جميل...فيه فرق بين دوا الدكتور واكله بتاكلها...ولبس حاجه انت مش مقتنع بيه...وفرق كمان بان هوا عارف انها فرض بس لسه ...قلبه مبقاش مستعد لكده...
سمراء النيل:
مش عارف اازود على كلامك حاجه يا سمراء بجد....
عندك حق ..:)
بستوكة...:
يارب ...ولسه لغاية دلوقتى الحركة دى بتحصل ...
بص يا سفاح انا هقول رايي بصراحه ايوه مش المفروض ان احنا نامر كده مثلا بلبس الحجاب ونفرض راينا على الناس بس مش معقول واحده تقولي تقولي لما اقتنع بيه هو مافيش حاجه فيه اسمها اقتناع ده حاجه ربنا فارضها مقتنعه بيه او مش مقتنعه لان لما الرسول امر ان هو يقول لنساء المسلمين على لبس الحجاب مفيش حد منهم جه وقعد يستفسر لييه؟ ومش ليه ربنا فرض الحجاب لأن كل حكم في الدين ليه حكمه ربنا هو الوحيد اللي اعلم بيها يعني ماينفعش تييجي تقولي انا مش مقتنع بالصلاة ماتقوليش مش مقتنع قول انا مش عايز اصلي اصلا نفس الحاكايه في الحجاب ماينفعش واحده تقول انا مش مقتنعه انت مقتنعه بيه او مش مقتنعه ده مش هيفيدنا بحاجه لأن ده فرض عليكي مش مهم انت مقتنعه مش عايزة تلبسيه عشان الشكلولا عشان لااستايل ولا عشان ماعرفش ايه ده مش مهم بس ايوه انت كلامك صح ان احنا قسمنا الاسلام على مزاجنا بقا الاسلام متقسم احزاب مع ان الدين لما جه ماقسموش وماقسموش الا بشاهدة النبي يعني ماينفعش انك تقول ان مثلا الشافعييين ولا الاحناف ولا غيرهم دول كلامهم غلط لأن الرسول شهد على كلامهم وهم ماجبوش الكلام ده الا من الناس اللي شافو الرسول بس انا احنا نقسم الدين حسب دماغنا احنا كده نبقى بنحرف
............................
لو كنت انا فهمت غلط اعذرني بس يلا الكلام ممكن يفيد
تدوينة خطيرة يا أ/ مشمش :
أولا :
الدعوة دي مناهج وطرق وأساليب وحدوتة وليلة وكل حاجة .. يعني صعب أتكلم دلوقتي أو أنقد أسلوب أو طريقة وأمدح في التانية ..
الأسلوب المباشر له ميزاته وله عيوبه .. وبيناسب في أوقات واوقات لأ .. ومع ناس وناس لأ .. وفي أماكن وأماكن لأ .. ومن ناس وناس لأ ..
ثانيا :
بالنسبة لحكاية السلام والأخوات .. أقول لحضرتك حاجة .. أنا قعدت مصاحبة واحدة لمدة سنة كاملة .. ولا أنا إخوان ولا يحزنون زي ما حضرتك عارف بالعكس الفترة دي كان تديني عادي جدا .. وكانت معاملتها ليا من أروع ما يكون ونظرت لها دوما على أنها أختي الكبرى التي لم تلدها أمي .. وصديقاتها كن صديقاتي وتجمعن في مسجد الكلية وأنا بينهن كان لحظات من البهجة والسعادة اللامتناهية وحتى إن أحضرت صديقات لي كنا نقابل بكل ترحاب ..
وبعد ذلك عرفت أنها من الأخوات وأظن أن بعضا من صديقاتها أخوات أيضا ..
وكانت بيننا أخت غير محجبة والحمد لله تحجبت بارك الله فيها وزرقها رضاه والجنة ..
الخلاصة و الحاجة اللى عايزة أنبه عليها وأحط تحتها مليون خط أحمر :
مينفعش أحكم على مجموعة / شعب / فرقة / كلية / ... الخ من أحد أفرادها .. أو اتنين .. أو حتى 3 ..
في مادة البحث العلمي ندرس كيف نقوم باختيار العينة العشوائية التي تمثل مجموعة ما .. تصور .. كيف نختار عينة عشوائية !! .. طيب بالعقل كده من الإسم .. بشكل عشوائي .. آآه بس خد بال حضرتك .. إحنا هنا حنصدر حكم على المجموعة دي من العينة اللى حنختارها .. هنا لازم تمثل العينة دي المجموعة بشكل صحيح .. وإلا كان الحكم غير ذا معنى ومصداقية ..
وصلت الرسالة ؟
ثالثا :
"دعوة للتعايش" للأستاذ / عمرو خالد هو البرنامج اللى يؤيد ما تقول عن الحروب الخفية والتفرقة بين المسلمين وبعضهم ..
رابعا :
مشكلتنا العويييصة جدا جدا جدا جدا .. أقتنع بالحاجة اللى أمرني بيها ربي ..
أنا بيجيلي أزمة نفسية لما بسمع الكلمة دي ..
بجد والله بكون حاسة بأزمة ..
تقتنع بكلام مين ؟
رب العزة !! ..
طيب عذرا لو هي مش حتقتنع بكلام الله سبحانه وتعالى أمال بكلام مين حتقتنع ؟! .. طبعا ده ضيق بيكون في الصدر لكن مش اسلوب دعوة ولا يصح إني أقولها كده لو إني في موقف دعوتها للحجاب ..
وعموما الداعية في الوقت ده لازم تكون حاطة في بالها كلام الله سبحانه وتعالى لما قال لموسى وهارون أن يقولا لفرعون المتجبر المتكبر الذي طغى قولا لينا لعله يتذكر أو يخشى .. فلازم تكون دعوتي لأختي المسلمة أو أخي المسلم بأرق وأفضل من هذا بالطبع ..
بس ده كل اللى عندي من تعليقات على التدوينة الممتعة للغاية دي :) قليلة هي التدوينات التي تثير حفيظتي للتعقيب .. :) أكثر منها جزاك الله خيرا :)
السلام عليكم
انتوا يا جماعة قلتوا الخلاصة ...ان اذا كان فى حد عايز يقنع حد بالحجاب يغير من الاسلوب اياه .... و ان الحجاب فرض بس لازم تكون اللى لبساه مقتنعه انها بتعمل الصح....
بس فى نقطة تانية .... نظرة المجتمع للمحجبة و غير المحجبة ... اغلب صديقاتى من المدرسة مش محجبات ... قلة قليلة اللى كانوا محجبات و انا كنت منهم ... الى حد كبير اوى كنت بشوف ان بالضرورة البنت المحجبة ملتزمة دينيا و اخلاقيا اكتر من غير المحجبات بس طبعا مكنش ليا ضده المحجبات اى حاجة و خاصة ان انتيمتى لازالت حتى يومنا هذا بدون حجاب ...فى عامى الاول فى الجامعة ... دخلت بوجهة نظرى السابقة السطحية المفترضة .... و اذا بى اصطدم بالواقع المرير ... ان فى اعداد غفيرة من المحجبات ... ما شاء الله ربنا يزيد و يبارك .... بس عفوا ... ممكن نشوفهم من قريب اكتر .... كتير اوى منهم مبيصلوش اصلا و فى بنات كتيرة مش محجبات محافظين على الصلوات و فى أوقاتها كمان ... طريقة تعاملهم مع الناس بتنرفزنى .... يعنى لما الاقى محجبة بتهزر مع الولاد بالايد المنظر مبيكونش لطيف اطلاقا ...وواحدة ماشية بأسدال و جمبها واحد ساند ايده عليها مش منظر بردو ... و بنات غير محجبات و فى قمة الاخلاق و الادب اللى فالدنيا ... و بنات محجبات بينفسنوا اوى كأنهم يهود مش مصريين ... و بنات مش محجبين و متعاونين جدا ...و اكيد طبعا كلامى دا مش ضد الحجاب بس ضد سلوك محجبات كتييييير بيسيئوا للحجاب و بيخلوا البنات غير المحجبات يخافو من الحجاب .. و الله العظيم واحدة صاحبتى مش محجبة قالتلى انا خايفة اتحجب لأتجنن زى صاحابى بعد ما اتحجبوا اخلاقهم باظت ...
فالحجاب مش مقياس اطلاقا لا للأدب و لا للأخلاق و لا للألتزام الدينى ...
يا رب الناس تبطل تدى احكام على الشخصيات اللى قدامها بمجرد النظر للشكل الخارجى فقط ...و يا رب المحجبات يحترموا الحجاب اللى مرتدينه
تحس ان المسجد ده معمول عشان المحجبات بس و ان اللي مش محجبه متصليش انا بقابل بقي كده في المسجد كتييييير مع ان لو كل واحد خلاه في حاله و ساب الكلام ده لأولس الأمر هيبقي الموضوع لطيف
Post a Comment