Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Saturday, December 31, 2011

Happy New Year


كل سنة وانتم طيبين 

كل واحد يكتب أمنياته للعام الجديد ايه :)

Thursday, December 29, 2011

الخميس السرى 41


النهاردة اخر خميس فى 2011 

السلسلة اللى ابتديناها فى يناير 2011 

واخر بوست فى سنة 2011 

عاوزينه يكون مميز بقى ;)

كل اللى عنده سر مخبيه

حاجه حصلت ومحدش عرفها

فضفضة عابرة حتى 

تعالوا اكتبوها هنا

باسمك او لو تحب تكون مجهول 

سنة سعيدة عليكم جميعا ان شاء الله 
=)

Tuesday, December 27, 2011

حصاد الطرطشة 2011 -اول جزء-ز

بسم الله نبدأ 

الحصاد السنوى لطرطشتى المتواضعة لعام 2011 

مش عارف انا عملته قبل كده ولا لاء ...مش فاكر :D 

بس عادى يعنى الدنيا حلوة واحلى سنين 

طبعا 2011 كانت مميزة من اول دقيقة وانتوا عارفين ليه ..ههههه

ان شاء الله 2012 تكون زيها ويمكن أأنقح :D 

شوفتوا تفائل اكتر من كده ^_^

طيب نبتدى السنة دى كانت اكتر سنة دونت فيها من اول ما فتحت الدكان فى يونيو 2006 

كتبت 228 تدوينة 

اكتر شهر فيها تدوينات شهر أبريل 

أأقل شهر مايو 

مؤقتا هكتفى البوست ده ...وكبةر اكمل 

بس كان لازم ابتدى والا كنت هكسل
:D

Sunday, December 25, 2011

حاجات كتير اوى




النهادرة عيد ميلاد والدى العزيز

كل سنة وانت طيب ويجعل ايامك كلها سعادة وتفرح بيا ان شاء الله قريب 

وربنا يديلك الصحة وطولة العمر 

========

Merry Christmas every one 

=)

======== 

الشهر خلاص بيقفل ...عاوز اعمل حصاد للسنة دى ان شاء الله

فى البوستات اللى كتبتها 

واللى كان نفسى اعمله 

غير حصاد على مستوى حياتى 

بس ده هأجله فى عيد ميلادى اظرف 

هيكون متناسب مع مناسبة الربع قرن 

على أى حال 

تفائلوا بالخير تجدوه ان شاء الله 

========

الجمعة 23 ديسمبر سنة 2011 

الساعه 8 ونص بالليل 

Welcome Home Lara =)

Friday, December 23, 2011

My sweetie




Welcome Our lovely sweetie Baby ever ...

23/12/2011 


Thursday, December 22, 2011

Sweet December



21 December 2011 

A Day to remember 

Tuesday, December 20, 2011

مش عارف بجد




انا شخبطة عالحيط وبشبه ناس كتير 

ولا عمرى هكون الاول ولا الاخير 

انا واحد من كتير بيحبوكى بضمير 

كل اللى شاغل بالى انك تبقى بخير 

*******

ووسط كل الزعل ده والحزن ده 

يظهر وسط الضلمة

شعاع نور بيتحرك

فأقوم ابتسم واعرف ان بكرة 

ان شاء الله 

احسن من النهاردة 



Thursday, December 15, 2011

الخميس السرى 40






ميعادنا الاسبوعى 

كل خميس تعال وشاركنا بسر من اسرارك 

باسمك او تحب تكون مجهول 

:)


Tuesday, December 13, 2011

From Now On



I'll Live in a Bubble ... !

Friday, December 09, 2011

جمعة طيبة





لا تنسوا قراءة سورة الكهف 

جمعة طيبة عليكم باذن الله

Thursday, December 08, 2011

الخميس السرى 39



القواعد سهلة وبسيطة 

اللى عنده سر او فضفضة عاوز يشاركنا بيها 

ممكن يجى يكتبها هنا بالاكاونت بتاعه او يحب يكون مجهول 

لو حد عاوز ياخد الفكرة كما يريد بس يقول نروح نشاركه 

Happy week end Every One =)

Tuesday, December 06, 2011

هوا ايه الحب ؟؟



هوا الحب ايه بالنسبالك 

انك تقول لحبيبك بحبك ،تبعت مسج فيه كلام حب وغرام 

تعاكسه او تعاكسها ...وتروح توصلها اى مكان وتخرج وتنبسط ؟؟

لاء لو فكرتك كده عن الحب ..ممكن تروح تتسلى فى اى مكان تانى 

الحب انك تخاف

تخاف على شريك حياتك انه يضيع منك ...تخاف علي مشاعره ايه اللى ممكن يجرحه ويتعبه وتبعده عنه

انك تخاف انه فى يوم مش هيكون معاك ،فتخلى كل يوم اكنه اخر يوم ليكوا مع بعض 

الحب انك تهتم ،مش مطلوب منك تتصل بيه 90 مرة فى اليوم واو تبعت مليون مسج 

الاهتمام انك تفتكره وعالطول على بالك 

عيد ميلاده عيد جوازكم يوم كتب الكتاب او ذكرى خطوبتكم 

اول مرة خرجتوا سوا حتى اتقابلتوا صدفة فين 

اشياءه المفضلة ايه 

لو حد من اهله متوفى تهتم انك تحاول على الاقل تملى شوية الفراغ ده 

الحب انك تتحمل مسئولية 

والمسئولية هنا مش بس انك تنزل تشتغل وتجيب فلوس وتدفع مصاريف 

لاء كمان انك تكون عارف انك مش لوحدك فى المركب 

معاك حد تانى...هتغرقوا سوا وهتنجوا سوا 

فلازم تكون اد المسئولية 

انك تحافظ على شريكك 

انك تخلى العلاقة متجددة ومحدش يزهق من التانى 

الحب انك تتعب 

تتعب فى الشغل عشان تجيب فلوس تبنى بيه مستقبل

تتعب فى تنفيذ افكار 

تتعب فى انك تدور 

كل التعب ده طعمه حلو طالما فى النهاية رايح لحاجه حلوة اوى 

وهتيجى يوم تفكر فى مدى روعة التعب ده

ومدى انك تكون مطبق يومين بس اللى مصحيك هى او هو على بالك دايما 

فى الاخر الحب مش بس كلام وشعارات

الحب اللى بجد 

افعال 

=)

Sunday, December 04, 2011



Just because you don’t see the tears on the outside doesn’t mean it isn’t pouring on the inside !

Thursday, December 01, 2011

الخميس السرى 38





ميعادنا الاسبوعى 

عودة بعد توقف معلش 

القواعد سهلة وبسيطة 

اللى عنده سر او فضفضة عاوز يشاركنا بيها 

ممكن يجى يكتبها هنا بالاكاونت بتاعه او يحب يكون مجهول 

لو حد عاوز ياخد الفكرة كما يريد بس يقول نروح نشاركه 

Happy week end Every One =)

Monday, November 28, 2011

Trust

I don't Trust You any More !

Sunday, November 27, 2011

الجو العام لا يدعو للتفاؤل اطلاقا 

انتخابات الناس متوقعة انها هتتزور

نالس بتموت كل يوم

لو مش من البرد يبقى خناقة ولا فى التحرير 

طب الناس اللى بتكنز فلوس ولا طمعانة فى حكم ولا سلطة 

هيعملوا ايه لا ينزلوا تحت وفى كفن 

هيقولوا ايه لربنا 

هتنفعهم يوم الحساب طيب ؟؟؟

ربنا يرحمنا برحمته

ويفك كربنا 

يارب

Saturday, November 26, 2011

رأس السنة الهجرية

كل عام وانتم بخير جميعا 

بمناسبة العام الهجرى الجديد 

1433 

يارب تكون سنة حلوة  علينا

ونقرب لربنا اكتر واكتر 


Thursday, November 24, 2011

ست فلول

من كام يوم نازل الجامعة وراكب الميكروباص بتاع التحرير اخدته من فيصل عندنا 

والعربية اتملت وطلعت وست كبيرة كده بتاع 50 سنة فى الكنبة ورا السواق مرة واحدة فتحت الموضوع والتحرير ومش عارف ايه 

فعادى كل يوم الناس بتتناقش مبركزش ...لحد ما راحت عكت وقالت الثورة دى ربنا اللى عملها اما الشباب دول ولاد كلب ولا يفهموا فى حاجه ...هنا بقى عدد 5 شباب انا منهم دمنا اتحرق واتعدلنا فى قعدتنا ونكلمها 

ودى شغالة مبررات واهية 

المهم واحد بن حلال ورايا دخل فى الموضوع واتكلم معاها وعمال يهاتى ويزعق ودخلنا فى شفيق وعمرو موسى والاخوان وغيره 

هى لقت نفسها بتتزنق رجعت تشتم فينا تانى وبصتلى تقولى انتوا مبتفهموش وعملا وخونة ومخربين ...قولتلها ليه يعنى قالت عشان ثورة ايه وزفت ايه اللى بتعملوه وتقولك فى طلعت حرب طلعوا عليها فى بيتها بسنج ومطاوى وكانوا هيغتصبوها...قولتلها فين فى طلعت حرب تقولى الميدان ااقولها ايوة فين يعنى عمارتك تقولى الميدان اقولها ايوة عند الشرو ولا مدبولى ولا جمب البنك تسكت وتتوه الموضوع 

ما علينا 

لحد ما فى الاخر راحت مزعقالى وتقولى انت بتتكلم ليه انت ايه اللى حشرك فى الموضوع 

رحت مزعق واتحرق دمى الصراحة من الصبح فالقانا وتقولك القانون ومش القانون 

قولتلها القانون اللى فلقتينا بيه من الصبح بيدينى حرية فى اى مكان عام 

انتى لو قاعدة فى بيتك وانا جيت دخلت فى نقاش وقتها من حقك تزعقى كده ...لكن انتى فى مكان عام ومش من حقك او من حق اى حد مهما كان ايه فى ام دى بلد يصادر حقنا اننا نتكلم او نعبر عن رأينا ...قالتلى اتلهى ...قولتلها بتتزنقوا وتجيبوا ورا وتغيروا الموضوع 

بعدين قولتلها يا حجه انا شايف انك بسم الله ما شاء الله عقلك يوزن بلد وبتحبيها عشان كده انا شايف انك ترشحى نفسك رئيس البلد وانا هديكى صوتك ...راحت مشرشحالى ولا اكنى شتمتها ...الناس ضحكت اصلا ...هى مضايقة وتقول لو كنت رئيسة هعمل واسوى وقولتلها خلاص رشحى نفسك وهنصوتلك راحت مش عاجبها وتقولى وانا مستنياكى عشان تدينى صوتك...قولتلها ليكى الشرف والله انى هتفضل وانزل من بيتى واصوتلك عشان اكيد عارفه مصلحتنا اكتر مننا 

وسيبتها ونزلت 

المهم افتكرت انى ركبت معاها شهر 4 وكانت بتشتم فى الثورة لوحدها بس وقتها ولد وبنتين هما اللى تولوا النقاش معاها وفى الاخر شتمتهم ونزلت برضوا :D 

اييييه زمن 


Monday, November 21, 2011

الطرطشة مضربة

اعلن انا السفاح دخولى فى اضراب مفتوح 

واحتجابى عن التدوين

اعتراضا على المعاملة اللانسانية من قوات الامن 

تجاه شعب مصر 


Sunday, November 20, 2011

ليه؟؟؟

طب طالما الناس اللى بتدخل فى حياتنا 

بتكون عندهم النية انهم يمشوا 

ليه بقى بيدخلوا وبيعلقونا بيهم 

ويقولك متزعلش لو انا مشيت 

!!!

Saturday, November 19, 2011

Friday, November 18, 2011

about love !


Love doesn't need to be equal or be fair, it only needs to be REAL !!

Thursday, November 17, 2011

الخميس السرى 37




الاسبوع ده هيكون مميز طبعا 

عشان الخميس ده جى فى حملة التدوين اليومى اللى انا اشتركت فيها 

عموما الناس الجديدة الفكرة كالتالى 

يوم مخصص للاسرار 

كل واحد عنده سر او يحب يفضفض هنا يجى ويكتبه فى الكومنتس 

بالاكونت بتاع بلوجر او يحب يكون مجهول 

زى ما يحب 

لو حد حب ينقل الفكرة يقول بس عشان نبقى نيجى نشاركه الاسرار :)

لو عاوزين تشوفوا ال36 بوست اللى قبل دول دوسوا عالهاش تاج اللى تحت البوست 

happy weekend every one 
=)

Wednesday, November 16, 2011

Winter Whisper




نفسى اعمل زيها كده 

بس يكون الجو برد...انا بعشق حاجه اسمها شتا 

بستناه بفارغ الصبر

بعشق الهواء المتلج اوى ده...شعور انك ماشى ايدك فى جيب بنطلونك ولا الجاكيت والهوا بيخبط فى وشك وتحس بمناخيرك بتتجمد من السقعة ...وتبقى ماشى فرحان اوى بالشعور ده 

زى اما تاكل ايس كريم بسرعة اوى تحس مخك بيتجمد وقشعريرة فى جسمك حلوة كده

ويا سلام لو بتتمشى على شط اسكندرية وهوا اسكندرية فى الشتا متعة احلى من القاهرة بكتير 

تحس انك نخلة والهوا بيزقك يمين وشمال ...هوا متلج اكتر بردوا

وياسلام بقى لو الدنيا مطرت وتمشى تحت المطر وتبقى مبلول من اولك لاخرك كده 

جربوا مرة كده الدنيا تمطر جامد انزل اقف فى الشارع وافتح دراعك اكنك بتحضن السما وبص لفوق وهتلاقى نفسك بتضحك

يا من عبطك يا هتضحك لما تحس باحساس جديد غير احساس انك هتلبس برد السنين :D

الاحساس ده جربه وانت بتنط فى البسين او البحر ...بس بلاش  ارتفاعات عشان الكرباج وكده ^^

جرب تسيب نفسك للهوا يزقك شوية 

احساس انك طاير مش بمزاجك ده بيخليك تسترخى اكتر 

بالظبط زى الصورة دى

مسترخية على وش الميه 

مفيش حاجه على بالها
وممكن تكون بتفكر فى حد او اتنين

بس الاهم هتكون مبسوطة اوى 

مبسوطة عشان حد من اللى على بالها بيخليها تضحك عالطوول 

بيخليها تنسى الدنيا ولو لثوانى
بينقلها لعالم تانى عالاقل 

ودى ميزة الشتا عندى

مليان ذكريات حلوة ووحشة 

بس الحلوة بتفضل عالبال عالطوول 

بفتقد الانسان اللى كان ذكرياتى معاه 

بس الابتسامة على قد ما بقدر ااخليها تدوم 

المهم بردوا نرجع لمرجوعنا 

الشتا كنت عاوز ااقوله

حمد الله بسا يا برنجى 

=D 





Tuesday, November 15, 2011

:(

تليفون المنزل بعافية هوا والنت 

من كام يوم كنت بتبطر عالنعمة

طارت النعمة يا ولداه 

محدثكم من الهاتف الجوال

سفاح 

:(

Monday, November 14, 2011







You are responsible for your own happiness. If you expect others to make you happy, you’ll always end up disappointed =)

Sunday, November 13, 2011

وجع السنان





ونظرا لأنى دايما ذكرياتى سيئة مع اطباء الاسنان 

وقلما لما برجع من عند واحد ومشتموش هنا او ادعى عليه

اقر انا سفاح كرموز ...[ان دكتور النهاردة ليس له اى ذنب فيما اقترفه زملاء مهنته من اساءة اليها 

والراجل يشكر موجعنيش بتاتا :D 

ودى حاجه تخلينى اتشجع واروحله تانى

وشكرا :D 


Saturday, November 12, 2011

سحقا للانترنت



التكنولوجيا رغم فوايدها الكتيرة ومنقدرش ننكرها 

بس هى بوظت حياتنا الاجتماعية 

 زمان قبل الفيس كان اخرنا الاى سى كيو وكانت اللى بتعبرنى وقتها ليندا ودى اشهر سبام ليه وقتها 

بعدين الياهو والالعاب بتاعته

بس كنت ااقابل اصحابى وننزل ونروح ونيجى 

الفيس انا دخلته فى 2008 

كل مدى الحياة بتتقلص وتنحصر عليه

يعنى لو مستنى حد تحت بيته اسهل حاجه تبعتله على الوول ...ولو مش قاعد البلاك بيرى هيدى رنة معينة تقوله حد كتب حاجه عنده 

عيد الميلاد عليه ...الوفاة حتى الناس بتعزى اونلاين بدل ما تتصل او تروح 

تحجز المطاعم السينما وكمان الجيم تجدد اشتراكك من عليه

وتلعب وتجرى وتنطط زى ما بيقولوا 

وفيه ناس بتتجوز من مسافات بعيدة بسببه !!


حتى بقينا بنكسل نكمل الحروف 

Okay =ok=k 

Happy birthday = HBD 

be right back = brb

take your time = tyt 

والى اخره 

مش عارف ايه الحل ...بس عامة دى ضريبة التقدم التكنولوجى

لان زى ما ليه مميزات عيوبه موجودة

بس المهم نعرف نستغل المميزات صح ازاى

فى حاجه تفيدنا مش تضرنا 

:)

Friday, November 11, 2011

Your Future




Don’t sit around and try to change your past, when you have your entire future to look forward to !

Thursday, November 10, 2011

الخميس السرى 36






زى كل خميس ميعادنا مع الخميس السرى 

تعال شاركنا سر من اسراك او فضفض هنا

بالاكاونت بتاعك او ممكن تحب تكون مجهول 

لو عاوز تنقل الفكرة اوك براحتك بس قول عشان نيجى عندك بردوا

يارب تكون اجازة سعيدة عليكم جميعا 
=)

Wednesday, November 09, 2011

حملة التدوين لشهر نوفمبر 11-11-2011


دعوة انك تدون لمدة شهر 

وهنبتدى من يوم مميز جدا ان شاء الله 

وياحبذا لو لحقت الساعه 

11:11 

:D 

any way 

اللى عاوز يشارك معانا يدوس على اسم البوست هنا هيوصله على طوووول على الايفنت :) 


Monday, November 07, 2011

Sunday, November 06, 2011


Cup of Tea 

Your Best Friends 

& The Nile 

;)

Saturday, November 05, 2011

Friday, November 04, 2011

كل عام وأنتم بخير


كل سنة وانتم طيبين جميعا 

عيد أضحى سعيد 

=)

اسف حبيبتى !

Thursday, November 03, 2011

الخميس السرى 35



الميعاد الاسبوعى بتاعنى 

ويكيليكس البلوجرز  :D 

الموضوع ببساطة زى فضفضة او تقول سر عندك

قوله بالاكاونت بتاعك او ممكن تكون مجهول 

مفيش رقابة عالكومنتات براحتك 

عاوز تنقل الفكرة براحتك بردوا بس قولنا عشان نيجى نزورك بردوا 

يارب تكون نهاية اسبوع حلوة عليكم 

:)

Wednesday, November 02, 2011

جمعة الشوان






أحمد محمد الهوان 

1937 -2011 

رحمك الله يا بطل 

Tuesday, November 01, 2011

حقائق واشياء اخرى

اللى يقولك انا صاحبك وحبيبك ...حطه فى بند المتسلقين لانه فى الغالب عاوز مصلحة منك 

صاحبك وحبيبك عامة مش هيقولهالك...وممكن كمان ما تلاحظهوش الا كل فين وفين ...عشان اللى عاوز مصلحتك مش هيستنى منك تيجى تشكره ولا تعزمه على كوباية شاى عالقهوة فى يوم 

**********



لو عاوز تخلى حد يفضل موجود فى حياتك وميمشيش الا لما يموت بعد الشر  ، خليه يمضى ويبصم ومش بعيد يوقع بالدم على عقد صحوبية او امتلاك ولا حتى حاجه بسيطة انه يحافظ على وعده ليك مدى الحياة ...بس المهم تعرف عنوانه عشان هتبعتله محضر بالقضية بتاعتك لما يخل ببنود العقد ان شاء الله 


***********

الحياة فيها حاجات كتير حلوة من انك تحب حد وتتحب وتتجوز وتخلف وتربى وتكبر وتعلم وتجوزهم ...فيه حاجات تانية قيمة ...ومتستناش حد يقولك عليهم لانك لازم انت اللى تكتشفهم بنفسك 

***********

ويوم لما تكتشف حاجه مهمة فى حياتك ...فكرة حتى عبقرية...احتفظ بيها لنفسك ...وبلاش تشاركها مع حد...او لو حصل وشاركتها ياريت يبقى حد مميز اوى...وحد هيفضل معاك لان لو الكلام اتحقق كل ما تفتكر انت عملت ايه هتفتكر الانسان اللى حكتله ولا عملت الحاجه الحلوة دى معاه ...لو موجود هتبتسم لو مش موجود هتبتسم بردوا بس ابتسامة بوجع 

***********

اخر حاجه

كل يوم بفتح الصفحة اكتب بوست وبكتبه وبمسحه وبقفل الصفحة وبقوم انام 

ده انجاز ان البوست ده هيتنشر 

:)

Sunday, October 30, 2011

الثأر ...او الموت



نزل من منزله مسرعا ، لم يفكر كثيرا ...ولم يتردد فى اتخاذ القرار 

فقط قام بالنزول وعاجل الرجل الاخر بلكمة بيسراه واعقبتها اخرى بيمناه وطرحه ارضا وانهال عليه باللكمات المتوالية من يديه وبالطبع ركلة او اخرى بقدميه ، ثم حدثه مهددا بأن المرة القادمة لن يتوانى عن قتله ...ثم رحل وهو يشعر بالادرينالين وهو يغمر كافة حواسه ...وهو احساس رائع بالمناسبة !

*******

لم تتوانى عن صفعه وبكل ما اوتى لها من قوة ...لدرجة ان راحة يدها قد المتها كثيرا حتى اليوم التالى 

لا تصدق حتى الان مدى وقاحته التى جعلته يحاول ان يقبلها رغما عنها ، ربما ظن انها من النوع السهل الذى من الممكن ان يتملكها ويجعلها تهيم عشقا به حتى يحصل على مراده ...ولكن هيهات ...فلديها مثل ما يسمى بقرون الاستشعار واحست بالغدر ولكنها كانت تكذب نفسها املا فى ان تكون مجرد شكوك...حتى اصبح الشك ...يقين !!


********

اتخيل دوما هذا الشخص القوى ، الذى يفتك بكل من حوله او امامه ...دائما يريد ان يحصل على ما ليس من حقه ، اتخيلنى اقوم بطرحه ارضا وايذاقه كل انواع العذاب البدنى ....حسنا ليس لتلك الدرجة ولكن على الاقل ضربه كثيرا ...ممممم حسنا لن ابالغ ، فليكفى لكمتين او ثلاثة وربما ركلة فى مكان ما تفقده التوازن ...او تفقده شىء اخر ثم أقوم بالجرى !! 


Thursday, October 27, 2011

الخميس السرى 34



Our Weekly Day 

Tell us A secret about You, your family , Friends or any thing 

may be come & share any thing with us 

you can write it Anonymously or with ur blogger account 

Any way have a nice week end every one ;)

Wednesday, October 26, 2011


If you Wanna Come back , You will , but You won't Do that !! 
طيب انت ايه عذرك ؟؟

ولا حاجه

Friday, October 21, 2011

R.I.P انيس منصور



انا لله وانا اليه راجعون 

انا كنت حاسس من الصبح هصحى على خبر وحش تانى بردوا

ربنا يرحمه ويغفرله ذنوبه ويخفف عنه وحدة القبر 

:(

Smashed !!

Thursday, October 20, 2011

الخميس السرى 33



Our Weekly Day 

Tell us A secret about You, your family , Friends or any thing 

may be come & share any thing with us 

you can write it Anonymously or with ur blogger account 

Any way have a nice week end every one ;)

Wednesday, October 19, 2011



If someone wants to be a part of your life, they will be there. Don't bother saving a spot for someone who won't make an effort to stay !

Sunday, October 16, 2011

الموضوع وما فيه

عالسريع كده كام حاجه 

بقالى فترة لما بحضر خطوبة او فرح بكون مبسوط اوى اوى للناس يعنى 

بس لما برجع البيت بكتئب 

مش عارف ايه السبب 

:( 

*************

فيه حاجات الواحد بيأجلها فترة معينة من الزمان 

مش مهم يتبسط دلوقتى خالص ...ولا يريح حتى 

بس الواحد بيتعب حبة من عمره عشان يعرف يرتاح بعدين 

وفى نفس الوقت الواحد ميقعدش يعمل اعلالن فى كل مكان انه تعبان وبتاع 

اللى بيعمل اعلان ده مكسل وعاوز يلاقى سبب انه يكسل

عاوز حد يحبطه ويوقله فكك وبطل تعب وريح بقى 

اللى بيسكت بيكون عارف قيمة اللى بيعمله ايه 

محتاج بس حد يشجعه 

**********

اخر حاجه بمناسبة التشجيع 

عندى انك تقولى الطريق منين 

احسن مليون مرة من انك تلومنى ليه مشيت فى الطريق ده ولا ليه اخترت طريق تانى غلط مثلا 

اللوم والعتاب وكل الكلام ده مش بيجيب فايدة ايجابية 

ده بيهبط الواحد كيك 

عاوز مصلحتى ساعدنى بانك تشاورلى عالطريق 

هتقولى ما تعمل كذا 

قدم حلول لكن مش محتاج حد يقولىوانت ليه معملتش ولا مفكرتش 

مع نفسك بقى 

بس كده

Saturday, October 15, 2011

كفاية تلزيييق بقى

بصوا 

انا مؤمن بالحرية الكاملة لاى بنى ادم

عاوز تصلى تصوم مش عاوز متعملش ماليش فيه 

ده بينك وبين ربنا مش بدخل مناخيرى فى علاقة كل واحد بربه 

بس فيه عك بيقرف الواحد ويخليه يمشى مش طايق نفسه 

لما دخلت الجامعة كنت بشوف البنت تمسك ايد زميلتها عادى ...مكنتش بركز

بس دلوقتى زادت  بافتراااا بصورة تخليك تشك فيهم 

من كام يوم بنتين كانوا بيوسوا بعض فى بقهم عادى كده وسط الجامعة ويقولك بنات فى بعضينا 

يخى *** بنات مين بالظبط يعنى 

فى المترو فى الشارع تلاقى نفس المنظر ماسكين ايد بعض ومسكة غريبة ...متشوفهاش الا بين اتنين بيحبوا بعض راجل وست يعنى 

هيجى حد يقولى بيحبوا بعض 

ياعم يتنيلوا زى ماهم عاوزين ...مش فارق اللى قدامى ده خـ*** ولا لاء 

بس ميقرفناش ليل نهار بمناظرهم دى ويقولك حب 

ده لو ولد سخف على ولد تانى وقاله يا عسل بيرجعوا قدامنا ويقولك ايه الاشمئزاز ده 

امال معلش حضراتكم اللى بتعملوه ده يصنف تحت انهو بند بس عشان نركز بس يعنى

ماشى اصحاب بس فيه حدود

واخدين بعض عن حب ...الف مبرووك بس لما تحبوا بعض فاداروا فى اى حتة مش مجبرين نشوف مدى حبكم لبعض 

حد ظريف خفيف يقولى غمض عينك انت ومتبصلهمش 

هقوله حاضر بس تعال انت مشينى ...عشان كده هفضل طول اليوم مغمض عينى 

بالشفا 

!