Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Monday, November 05, 2007

كـــ** ام الناس

فى الاول كده اللى هيحس ان البوست مش هيعجبه او مكسوف منه بليييز مش يكمل قرايته ويقفل الصفحة واهى طرطشة وهتعدى

معلش اصل مرارتى جابت جااااز ومكنتش ناوى انزل بوست لانى اصلا مشغول ومش عارف انام بقالى يومين بس نعمل ايه فى مخاليق ربنا

مناقشة بريئة على احد المنتديات الطلابية ...واحده بتتكلم عن البنطلون الساقط بتاع الولاد والبنات ...والحاجات دى

انا مش همشى على كل واحد وااقوله البس كذا ومتلبسش كذا ...مش ابوهم ولا وصى عليهم

فكتبت رد ان كل واحد حر يلبس اللى يلبسه

دخل واحد كلامى حرق مؤخرته اوى ومعرفش يقعد الا لما يرد بمثل مستفز زى اللى جابوه

بالنسبة للأخ Meshmesh أحب اقولك كلمة الكل بيسمعها وبيقولها وبيتحجج بيها

( كل اللي يعجبك .. وإلبس اللى يعجب الناس ) .. ايه رأيك بقي في المثل دا ؟!!!
سورى المثل ده مايخشش بذمتى بتعريفة ....لانه لا ينطوى على حرية

والحرية اللى عندى اعمل اللى انا عاوزة بس متمسش دين ولا حرية انسان اخر

رد هوا عليا رد اكتر استفزاز لما قولتله اعملك ايه

والله يا اخ مشمش ... انا شايف ان بكلامك دا يبقي انتا سوري في اللفظ يعني

عايز تقول طز في الناس .. وان الناس ماتهمنيش

واني ممكن امشي في الشارع مش لابس حاجة .. عااااادي جدا

بقي بذمتك انتا نفسك اما بتمشي في الشارع وشوفت حد مثلا شاذ في لبسه

مابتعلقش ؟ .. ادفعلك 100 جنيه كاش .. لو قولتلي لا

انا الصراحة مش همشى ابص على كل واحد ماشى فى الشارع سواء ولد ولا بنت عشان افصص لبس اهله او اللى نازل بيه الصبح

سورى فى اللفظ اللى كاتبه العنوان ما كــ** امه عالللبس اللى لابسه ينزل عريان ...ينزل لابس الجزمة فى ايده مش مشكلة اهلى

بس المشكلة دلوقتى اننا خلصنا كل مشاكلنا ودخلنا عالهدوم ...وخلاص هى دى اللى موقفه حال البلد

مشكلتنا تكمن فى ثقافة الاختلاف فى الرأى اللى انا بخالفها فعلا بالبوست بتاعى ده

انا اهوة مش بعترف ولا بحترم رايه اصلا

عشان هوا محترمش رأيى فى الاصل واستهفأه

امال ايه لازمة المقولة بتاعت الاختلاف فى الرأى لا يفسد للود قضية

ايه لازمة اصلا اننا نتكلم ونتناقش اذا كان فيه ناس لا تقبل الرأى الاخر بتاتا وعاوزه رأيها هوا الصح دايما

عايزة تبقى هى ام المصلحة الاجتماعية للبلد وهما الملايكة واحنا الشياطين الكفرة اللى بنخرب فيها

سبحان الله بجد ...وبعد كده يقولك الناس مش بتحترم بعضها ليه

هى كل حاجه مرتبطة بالحاجه التانية ....بمعنى

لما واحد بن @#$%&^*..يفعص رجلك وانت واقف عالرصيف وياخد فى وشه ومش يعتذر او يبصلك ويشتمك

عشان حطيت رجلك قدام مسار رجله الكريمة ...حد بالمنظر ده هيولد عدائية عندك انت...والمرة الجاية حد هيدوس على رجلك

هتشنيره اصلا قبل ما يفكر يعتذر او العكس هتدوس على رجل حد عشن تنتقم .

هى كلمة واحده بسيطة اتقالت خلاص بخ

نفس النظام لثقافة الحوار او الاختلاف ....دلوقتى محدش عاجبه رد يجيب ربع ايه ويفسرها على مزاجه

كمثال لما تتكلم عن الصداقة يقولك كلمتين ولا متخذات اخذان فى حين لو رجعت لتفسير الاة ككل هتلاقى ان ربنا بيتكلم عن الزنا ...الخ

هما كده بالظبط ...مجرد انه رافض يقبل رأى تانى ده لوحده علامة على فشله اجتماعيا وثقافيا ان لم يكن جاهل اساسا فى حياته ومش دريان لان من حوله ناس بتقول امين يا شيخ حسيين

يلا هنقوول ايه اهو كله طرطشة فى البهيصة

اللى اضايق من اى كلمة فى البوست...مش مسئول عن اى طرطشة جت عليه

او يمسحها فى الحيطة وهوا خارج

بســـا


10 comments:

The Alien said...

براحة علي نفسك ياعن السفاح
إنت شكلك طرطشت الكلمتين دول وإنت شايط
وشكلنا كدا هنسمع عن مذبحة قريب علي إيد أكبر سفاح

ياعم قلتلك قبل كدا
إحنا مش بنعرف نتناقش ولا نختلف
معندناش ثقافة إختلاف
عشان كدا متتوقعش إن أي حد تعرف تتكلم معاه وتعمل نقاش لإن اﻷغلبية مبيعرفوش

تحياتي

اسكندراني اوي said...

يا عمنا ما تحرقش دمك

في ناس كده ممله وافكالاها متناقضه
فالحل انك تكبر دماغك وخد المسائل ايزي خاااالص

Anonymous said...

ولا اي كلمه تتضايق منك طبعا يعني وهو انت قلت حاجه غلط المهم ندخل في الموضوع
موضوع النقاش ده والافتاء بتاعه الناس ده حاجه بقت عاده واي واحد عمره ما فتح المصحف اصلا مجرد مايسمع ايه يفسرها على مزاجه بس هو في ناس بتفتي من دماغها بس كمان اللي يغيظ ان الشيوخ هما اللي بيحطوا التفكير ده فينا يعني اه في ناس بتتكلم من دماغها وناس بتسمع وتردد
طبعا انا في الموضوع ده عشان مابقاش بتكلم على الناس بس انا مش بعمل كده غير لما يبقا كلامي صح وساعات لما النقاش بيعصبني اوووووووووي يعني بقول رايي واسمع راي اللي قدامي بس ولا اكنه بيقول حاجه بس عشان مابقاش قاطعته وبقول في الاخر هو على رايه وانا على رايي

صحيح نسيت اكتب اسمي
وشوشني

oceaneyes said...

ايه يا مشمش؟؟؟!!!

فى ايه ؟...خير ؟...ايه اللى حصل فى البلد يعنى عشان تضايق نفسك اوى بالشكل ده ...انا عن نفسى شايفة الوضع عادى جدا

....

هو من امتى فى البلد دى فيها حاجة اسمها ديمقراطية ...ده حتى الحرية فى التعبير بقا عليها قيود ...مافيش حاجة تستاهل والله اللى انت عامله ده او نرفزتك دى

....

انت اللى عليك انك تقول رأيك وتعبر عنه عشان راحتك النفسية ...و طالما اللى قدامك مش من النوع اللى بيتقبل النقاش ...يبقا مش مهم تتناقش معاه

....

تعالى اتناقش معانا احنا ...احنا ناس بتفهم والله ...بس جرب كدة وانت مش هاتخسر

وبعدين انا متعودة ادخل هنا عندك الاقيك مفرفش ومش فى دماغك الزعل ..اقوم الاقى العكس

اتمنى المرة الجاية ادخل الاقيك مبسوط وفرحان وابتسامتك واصلة من ودنك اليمين للشمال



ربنا يفرحك دايما زى ما بتفرحنا كدة

قول امين

....

:)

riri said...

مفيش حاجة تستاهل دمك يتحرق عشانها يامشمش ... فى عيوب كتير أوى فى طريقة تفكيرنا ونظرتنا للأمور .. خد الامور ببرود شوية عن كده .. عامل كل واحد على حسب طريقة تفكيره ومستوى تعليمه ... لكن متعاملش كل واحد على انه فى مستواك الفكرى والثقافى

abdo said...

السلام عليكم
أولا أستاذى الفاضل أنا لا أعترف بهذا المثل "كل اللى يعجبك والبس اللى يعجب الناس "
ان اكل اللى يعجبنى والبس اللى يعجبنى طالما ليس فيه مخالفة شرعية ولا أى شبهة تشبه بالكفار
واللى مش عجبة يخبط دماغة فى الحيط
وبعدين فى كثير من الناس مرتبطة جدا بأمثال ليه لها أى أساس من الصحة أو الدين
ومتزعلش نغسك
سلام

MONDAHESH said...

انا من زمان بقولك انسي المنتدي العقيم ده

مش عارف بدخله علشان يتحرق دمك ليه مع ناس مابتفهمش

عايز اقول بس انزي ما في ناس كتير مابتعرفش تتناقش

في ناس كتير بتفهم وبتوصل لنتايج من نقاشها في اي موضوع

مش كلام لمجرد الكلام

بس خد بقي زيادة علي كده

ان انت المفروض انك ماتخرجش عن شعورك للدرجة دي

انت كده اللي غلطان واكتر منه كمان

انت حطيت في مدونتك نقطة سوووووووووودا اتمني انك نعتذر عنها

معلش ده رأيي وان كان هيزعلك

انت عارف ان انت عزيز عليا قوي

ويضايقني اني اشوفك عامل حاجة زي كده

لان انت اصلا مش كده

Selfmeaning said...

صعب جدا جدا تقول لحد دلوقتى ايه اللى انت لبسه دا خصوصا ان كل واحد ماشى مع شعار انا حر و اعيش حياتى براحتىو بعد كده ديه موضة او اسلوب اكيد هتختفى فى يوم من الايام و بعض كده هما مفيش حاحة تانية يمسكوا فيها غير اللبس
طيب ما يشفوا الدفعات الجديدة الى منورة الكلية و يناقشوا اسلوبهم و اخلاقهم و اكيد لو صلحوا من دا كل هيبقى تمام
انصحك ناس فاضية طنش

وينكى said...

ممكن أستغل المساحه دى واعمل اعلان صغير
16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب

عمرو فكرى said...

:D