Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Monday, September 22, 2008

بالمنطق يعنى

من كام يوم كنت بتكلم فى موضوع كده مع حد اعرفه...المهم الشخصية اللى كنت بكلمها..حكتلى على موقف كده حد شتمها ...والشخصية دى ردت الشتيمة بس بالانجلش...والمنطق بتاعها...انها لما بتشتم بالانجلش...مش بتحس انها بتشتم...رغم ان الشتايم دى لو اترجمت للعربى...وسمعتها فى الشارع...بتقشعر وبتتضايق جدا

يمين شمال عاوز اوصل نقطة...ان دى شتيمة ودى شتيمة...لكن بلا فائدة...زى الكدب اللى يقولك ابيض واخضر واسود ومش عارف ايه...لما نشتم بالعربى هى هى لما نشتم بالانجلش...المعنى مختلفش...ده احنا كده بنضحك على نفسنا لو قولنا لاء اصلها تفرق لو غيرت اللغة

النهاردة وانا راجع البيت راكب ميكروباص فرمل على الكوبرى بسبب واحد مبفهمش وقف يرد عالموبايل فوق كوبرى اكتوبر...المهم واحد ورانا جه يشتم ويزعق ازاى يقف مرة واحده...مش يخلى باله...بالمنطق كده يعنى...هوا واقف بمزاج اهله ...ولا عشان اللى قدامه وقف...فيه حاجات منطقية برضه

بشترى حاجات للبيت...ووصونى اجيبها من مترو ماركت جمبنا...رحت وجبت الحاجه ...وشلت ودورت الى ما لا نهاية...وصلت البيت...لقيت سؤال فقعنى جداااااااااااااااااااااااا...انت جبت الحاجه منين؟؟؟؟؟
المنطق يعنى انكوا قولتوا روح كذا هروح كذا...ولا يعنى سوبر ماركت تانى بيقلد مترو فى شنطته ؟؟؟

فيه حاجات كتيرة بتعدى عليا باخدها بالمنطق...بس بلاقى اغلب اللى حواليا مش بياخدوها كده...بياخدوها من منطلق الفهلوة والشطارة...ومبدأ انا معنديش مخ...انا عندى دومة متركبة فوق اكتافى

وبالمنطق يعنى....هتقولوا اييييييييه

عاوز اسمع مواقفكم

^_^

7 comments:

Selfmeaning said...

كل واحد له المنطق بتاعه

مش شرط يبقى زى منطقك يعنى

Unique Gurl said...

احنا المصريين كل واحد ليه دماغه واسلوبه في التفكير المنطقي
ههههههههههههه

catroz said...

موضوع الشتيمه دى انا فعلا بحس على طول كده
عشان كده لما باجى اهزق حد كنت بتكلم انجلش
و جات على فترة بشتم صوحابى بالعبرى اصلا

بس اهى ايام و عدت ..
بس اصل لما تبقى عارف ان اللى قدامك دا مش هيفهمها بتبقى ليها معنى مختلف على فكرة ..
..:)

و يمكن يا اخى جبت حاجات من برا مترو و سرقت كيس مترو
خلى الشعب يعيش بقى


ما هو مش كلنا بنفكر بنفس منطق بعض
يعنى متحاولش تقنعنى مثلا ان انت انسان منطقى
هو ساعات ااه منطقى و ساعات تؤهو الموضوع كلوا اختلاف وجهات نظر ..

دهاء سياسي said...

:D :D

معك كل الحق

لا تعليق

:)

ميرا ( وومن ) said...

لا بصراحة عندك حق

انا عن نفسي كتير مبردش علي النوع ده من الأسئلة

مش طالبة فقع مرارة ومناهده

كل سنة وانت طيب مش ناوي تزورنا ولا ايه ؟

تحياتي

safa7_karmooz said...

self meaning:

akeed...bs lao by7boony lazem yeb2o like me :P :p

safa7_karmooz said...

Unique girl:

he3he3he3he3...

bs mosh 2olty eza konty 2ablk situation like that or nope??