Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Monday, September 01, 2008

Ramdan...


رمضاااان كريم ...عليكم وعلى اسركم كلكم ان شاء الله

معلش جت متأخرة لظروف ما

على غير العادة امبارح متسحرتش اول سحور فى بيتى...نزلت الحسين مع اصحابى اتسحرنا هناك

كسلنا نمشى للسيدة زينب نظرا لان كلهم بقوا ايدى عاملة...انا اللى لسه العاطل اللى فيهم :D

بس كان يوم جامد جدااا

ورمضان يارب السنة دى يبقى وشه حلو على كل اللى اعرفهم من البلوجراتيه وغيرهم كمان

فى ناس كتير رمضان بيستنوه من السنة للسنة...وانا منهم برضه

حد اشترى فانوس؟؟؟

انا لسه ...مش اشتريته...اللى عندنا فى الهرم نصابين وكده...هنزل تانى ان شاء الله السيدة زينب اظبط الاداء من هناك

مش هطول عليكوا

المغرب فاضل عليه 3 ساعات وحبة :D

يادوب الحق استعد للمعركة الطاحنة اللى هتحصل

هههههههههههههههههههههههههههههه

مش للدرجة متقلقوش ...يلا ...دعواتكم بقى فى التراويح


19 comments:

ShimaaMahdy said...

ربنا معك فى المعركه D:

موضوع الفانوس دا مضايقينى السنه دى لانى مش جبت )):

بس يلا لسه رمضان فى اوله وان شاء الله هاجيب فانوس برضه (:

كل سنه وانت طيب

صيامًا مقبولًا وإفطارًا شهيًا

تحياتى (:

shirry said...

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم



كل سنة وانت طيب انا كمان عايزة حد يجيب ليا فانوس
ولا اقولك نفسي في دبدوب منعكش احسن

Selfmeaning said...

كل سنة و انت طيب

و ربنا يتقبل منا و منكم

Unique Gurl said...

كل سنة وانت طيب و بخير
رمضان كريم عليك و علينا و علي كل المسلمين ان شاء الله
لما تجيب فانوس هاتلي واحد معاك بس عايزة اللي بنحطله شمعة
عشان مشوفتوش قبل كدة و ماما كمان عايزة :D

دعاء على said...

كل سنه و انت طيب يا سفاح (:
غريبه الجمله اللى فوق دى شويه اصلى مهنتش سفاحين برمضان قبل كده ... ابسط يا سيدى حضرتك أول سفاح (:

لسه مجبتش فانوس و حياتك لأسباب تتعلق بالرخامه اللى عند الناس بتوع الفوانيس فى المنطقه
تخيل كل اما اسأل على فانوس يطلع بيغنى يا ايهاب توفيق يا نانسى عجرم
حتى مفيش هيفاء (:
بس بجد نفسى فى واحد من بتوع زمان اللى بشمعه دول ... أصل مشفتوش فى حياتى
المهم لسه بنبحث فى الموضوع ده بس انا قلت أصبر نفسى و أحط فانوس فى المدونه
و جوجل عامل تخفيضات على الفوانيس بقه و حاجه تمام ... اجيبلك نسخه لو عايز (:
ربنا معاك فى ال 29 معركه الجايين (:
سلام

Semsema28 said...

كل سنة وانت طيب يا مشمش

ويارب يبقي بدايه خير عليك

انا بقي مشترتش فانوس

انا جالي فوانيس كتير من كل فرد ف الاسره

هههههههههههههههههه

الحمد لله وفرت

وومن said...

كل سنة وانت طيب يا سفاح

انا بطلت اجيب فانوس من زمان دلوقتي بجيبة للجيل الجديد اللي في العيلة

جامدة فكرة السحور في الحسين دي انشاء الله اجربها

تحياتي

ريهام العربي said...

كل سنه وانت طيب :)


وصوما مقبولا ومن الفايزين
ان شاااء الله


بس ياريت تجبلي معاك لما تروح تلاته اربعه خامسه كده احطياتي للسنين الجايه:D اصلهم مبيبعوش فوانيس هنا فالسعوديها :(

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

safa7_karmooz said...

shimaamahdy:

يااارب...لسه اهو مخلص من حبة :D

معرفتش برضه اشترى فانووس....

وانتى طيبة يااارب

ونورتى الطرطشة

safa7_karmooz said...

shiry:

كل سنة وانتى طيبة...وميرسى بجد على كلامك ده

لو كده هاتى عنوانك وابعتلك عيلة دباديب منعكشة فورا :D

نورتى الطرطشة

safa7_karmooz said...

self meaning:

وانتى طيبة ياارب

:)

safa7_karmooz said...

unique girl:

وانتى طيبة

كفاية مائدة الرحمن اللى عندك دى...ههههههههه

على فكرة اشتريت واحد بشق الانفس امبارح ...وانتى لاء :p

safa7_karmooz said...

دعاء على :

ههههههههههههه

يلا اهو التغيير مطلوب برضه ^_^

معلش...انا برضه قابلت نفس الحظ التعس...

وربنا معانا فى باقى المعارك

نورتينى وكل سنة وانتى طيبة

safa7_karmooz said...

semsema:

وانتى طيبة يا سمسمة

يارب تكونى فى احسن حال


لاء انا فى حال شح فوانيسى السنة دى :D

متغيبيش عننا تانى

safa7_karmooz said...

وومن:

وانتى طيبة ...

معلش لو جرنا نرجع اى حاجه بنعملها زمان هنلاقى طعم تانى للحاجه

وجربى برضه السحور فى السيدة زينب...

الاماكن القديمة دى بتدى للسحور طعم تانى

نورتينى

دهاء سياسي said...

كل سنة و انت طيب و بكل خير يا رب يا محمد

:)

safa7_karmooz said...

ريهام العربى:

وانتى طيبة...رمضاااان كريييييييييييم

مش تقلقى...هجبلك وهشيلهملك احتياطى

ارجعيلنا بالسلامة بس :D

وكمان يا بختك...جو رمضان هيبقى مختلف عندك

safa7_karmooz said...

دهاء سياسى:

والله العظيم لسه على بالى وقلت اخلص كومنتات واعدى عندك...لقيت ردك بالصدفة فى وسط غابة من السفاحين

هههههههههههههههههه

وحضرتك طيبة...ويارب يكون رمضان حتى الان لحقتى حاجه مكنه..:)