Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Tuesday, November 25, 2008

سفاح القلوب




اسمه سفاح ...ربما تكون مجرد صفة..ولكنه بالفعل سفاح ...يقتل ويسفك الدماء ...اعتاد ان يحب اى امرأة...ويجعلها تقع فى حبه ويوهمها انه لا يوجد غيره فى الحياة وانها بدونه كالسمكة التى تعيش خارج المياه حتى يستولى على قلبها ويكون هو الاوحد فى حياتها

ويأتى فى يوم ما ...يمسك بسكينه ...يقتلع قلبها من مكانه...ويقول لها انها كانت قصة وانتهت واصبح الان هو الوداع...ويرحل تاركا ورائه احدى ضحاياه...من ينظر لها يجدها جسد بلا روح ولا حياة

ويذهب الى منزله هو...ويفتح هذا الدولاب الداخلى...ويضع قلبها وتحته الاسم والسن وتاريخ الحياة....ويضحك ضحكة شريرة جدا وهو يتأمل قلوب ضحاياه فى هذا المتحف الصغير داخل منزله الكبير ....ولما لا فهو فى الاصل سفاح

وبدأ يستعد لمرحلة جديدة...كى يخطف فتاة جديدة...ليضم قلبها المكسور بجوار اشقائه فى هذا الدولاب

واتاها...ورأها وتكلم لها وتكلمت له ...وصارح كل طرف بمشاعره للاخر...وبدأت قصة الحب حتى حان الميعاد لقتلها واخذ منها الحياة...وامسك سكينه المعتاد....الملىء بدماء ضحاياه...ورفع يديه وحاول ان يهوى بها لينتزع قلبها ....ولكن نظرتها له جعلته يتوقف ...وقالت فلتوقف هذا المزاح

توقفت يديه بالفعل ولم يدرى لما ....هذا السفاح ...قاتل قلوب النساء...رق قلبه لاول مرة...واعلن العصيان على هذا الطغيان وقرر انه سيحب هذه المرة...هذه المرة فقط سيتراجع ولن يقوم بما اعتاد

تغيرت حياته شيئا فشيئا...جدران منزله تحول لونها من الاسود المخضب بالدماء الى حوائط وردية وبيضاء ....سطعت شمس الحياة لديه...الابتسامة دائما على وجهه ...فرح وسعيدبما لديه من حب وعطف وحنان...وهى بجواره تذكره بحنانه وحبه الذى لا ينتهى

حتى اتى يوما كان للموت ميعاد...مع قلبها اخذه ورحل وتركه دون حتى نظرة وداع...وقف صامتا يبكى بداخله...وعينه ترفض ان تصدق ان الشمس قد غابت للابد ....وقلبه يرفض ان يصدق ان الحب انتهى للابد....ويديه ترفض ان تصدق ان الدفء انتهى للابد

عاد حزينا اكثر مما كان....وقف ينظر لقلوب ضحاياه...اقسم ان ينتقم من كل امرأة على وجه الحياة....اقسم ان يقتلع كل قلبا محبا انتقاما لموت قلب حبيبته والتى ذهبت بدون وداع

ختى تذكر نظرتها اليه...نظرة عيناها اليه....تذكر رجائها بالا يقتلها...تذكر صوت نحيب قلبها بالا يدفنها...تذكر وعده لها بالا يعود الى سابق ما كان

وقف والالم يعتصر قلبه ....شعر بما كانت ضحاياه تشعر به من الم ولوعة الفراق

هو...كان سفاح...اليوم اصبح ملىء بالجراح...جراح سببها له الماضى ...وتركت ندوب فى قلبه لن يمحوها افضل جراح

هو كان سفاح ...اليوم اصبح بلا جناح يرفض ان يطير بعد رحيلها فى صباح بلا انوار ولا اصداء

هو كان سفاح

.................

17 comments:

كراكيب عادل said...

تعرف ان السفاح دة صعب علي

بغض النظر عن القلوب الي في الدولاب

لو من البداية لقي الي يشكمة مكانش عمل كدة

(:

riri said...

حلو أووووووووووى يامشمش .. لما قريت العنوان قلت البوست عليك ... بس لما بدأت أقرى قلت مشمش مش شرير للدرجة ديه

عجبنى اوى تسلسل الحكاية . .قلت فى الاخر انه هيبقى سفاح وهيكمل انتقاما لحبيبته بس رجع شاف نظرة عينيها :)

فعلا ساعات كتير الحب الصح هو اللى بيغير الواحد ويخليه دايما قدام

فكرنى بفيلم شفته فى السينما من يومين بتاع ريتشارد جير..ابن البطل بيقول للبطلة:
u saved him
فقالتله:
no, we saved each other
وقالت برده البطلة لبنتها: فى حب بيحسن من الواحد وبيخليه دايما أدام

زى ماحصل مع عمو السفاح

ايه الرغى ده كله.. بس بقالك كتير مكتبتش فقلت أنتقم بقى وأعوض :)

انا حره said...

اممممممممم

ياترى مين السفاح دااااا؟

مين؟

ميييين؟

اوعى يكون سفاح كرموز بعدين ازعل منه واقوله كما تدين تدان وبرده ازعل على قلبه الحزين عشان هوا طيوب خالص وميستاهلش الجرح

esraa said...

اهئ اهئ اهئ

صعب عليا اوي بجد

أحمد عبد الفتاح said...

ياض مش هتبطل رومانسية بقى
:P

Selfmeaning said...

يستحق اكتر من كده

لان ملهوش امان

Amr Fekry said...

سفاح القلوب يا صغير


سفاح القلووووب

koukawy said...

ربنا ما بيسيبش
بس هل ليك علاقه بهذا السفاح؟؟؟
و لا مجرد تشابهه في الوظيفه؟؟؟؟؟؟

Semsema28 said...

جميله اوووووووى

بس شكل كده القصه دى مستخبي جواها معنى تانى يخصك ولاايه؟؟؟؟

بس تسلسلها جمييييل ونهايتها عجبتنى اوى

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

عاشقة الوطن said...

السلام عليكم

ازيك ياسفاح

ايه حكاية سفاح القلوب ده
ده طلع مفترى اوى
وكله الا القلوب وجرحها
لا وايه ده بيشيل القلب من مكانه يعنى بيقضي عليه نهائيا

ربنا يستر على باقي قلوب البشر

safa7_karmooz said...

كراكيب عادل :

شفت...اهو ده بقى حال السفاحين الغلابة...

نورتنى بردك والله

safa7_karmooz said...

riri:

تصدقى عجبنى ردك جدا جدا جدا من اول يوم رديتى فيه

بحس فيكى بتلقائيتك كده ...

بس انا كان نفسى اخلى السفاح شرير اكتر...بس للاسف منفعش

safa7_karmooz said...

انا حرة:

اكيد مش انا

لو انا هكتب انه انا من غير خوف ..:)

safa7_karmooz said...

esraa:

ميصعبش عليكى غالى :"(

safa7_karmooz said...

احمد عبد الفتاح :

لع

لو لم اكون رومانسيا

هبقى رومانسيا بقى

وكمان دى مش رومانسية

دى دراما تراجيدية ^_^

lonely girl said...

جميله اوووووووى واسلوبك ممتع ومميز ..