واقف والهوا بيلفح وشى ...دموعى بتنزل وسط الزحمة...حبة من كتر ما الهوا جامد...وحبة من كتر الهموم اللى جوايا
عجبتنى الوقفة جدا...كنت عاوز افضل واقف لغاية بكرة الصبح...والهوا ساقع...ويخليك تفكر مع نفسك فى حاجات كتييييييييييييييييييير
ياترى انت صح ولا غلط؟؟؟ ياترى لو كان فلان معاك وتعرف علان كنت هتبقى عامل ازاى؟؟؟...ياترى لو كنت انسان تانى اصلا كنت هتبقى فين ولا عامل ازاى؟؟
ناس كتيرة مضيقانى...وناس بتزعلنى كل يوم...بس مش بحب اتكلم فى المواضيع دى حتى مع ااقرب الناس ليا
عشان نفسى انسى شوية...مش عاوز افتكر لما اجى احكى حاجه ...عاوز افضل عايش اللحظة وما فيها...انا اابقى فرحان حبة
من يوم كده...واحد سألنى حلمك ايه ...تقريبا السؤال لو كان زمان كنت هجاوب وهصول وهجول فى الاجابة وسط السطور والحروف...لكن دلوقتى بقى مجرد فكرة...او ممكن نقول الاسهل رغبة...عاوزها تتحقق ...بس مش باينلها انها ناوية تتحقق او تيجى حتى تطل عليا
ده اللى قولته:
عارف يا عمرو...
زمان من سنة ولا سنتين ...
كنت بحلم بأحلام كتير ومخطط لحياتى ازاى ومش عارف ايه....
جت فترة كده ومازلت مستمرة خلتنى امسح كل اللى حلمت بيه ....كل حاجه ...
وبقى حلمى حاجه واحده بس ....انى اابقى مرتاح...ااقعد مرتاح وهادىء البال كده....ويعدى عليا اسبوع من غير ما اضايق ولا يتحرق دمى فى اى حاجه بقى ...شغل جامعه بيت ..اى حاجه
تفتكر ده حلم صعب؟؟؟
ناس كتير كالعادة هتقرا البوست ده وتبتدى تسأل عن حاجات كتير...ومن موقعى هذا امام الكمبيوتر ومن داخل الصالون اؤكد انى مش هتكلم مع حد اى انسان يعنى عشان كلمة حد بقت بتزعل ...عن الموضوع ده حتى ااقرب الناس ليا ...بحب انا من آن لأخر يبقى عندى سر صغنن يبقى بتاعى انا...واخترت الحاجات دى تبقى جوايا متطلعش لغاية لما امون بإذن واحد احد
بس يعنى....كل ده من النيل ....بس هعمل ايه...بقيت مغرم بيه ومدمن حبه كمان...يارتنى كنت سمكة فيه ...على الاقل كنت هفضل قاعد على ضفافه براحتى....ولا عسكرى يهشنى...ولا بنت تعاكسنى...ولا قطة حتى تبسبسلى
يلا...اهو كله بطيخ
دوشتكم...رمضان كريم...العيد جه خلاص..
كل سنة وانتم سعداء
22 comments:
السلام عليكم اولا كل سنة وانت طيب انا شايف انك تناقش كل كل مشاكلك مع الناس القريبين ومتكتمش حاجة لان كدة اصعب من انك تفتكر
احمد الشاعر
اه كل ده من النيل و أكتر كمان
عندنا ترعه فى طنطا بتؤدى نفس الغرض (:
هو كده منظر الميه و هى بتترقرق زى ما بيقولوا بياخد دماغ الواحد بعيييييد
و طراطيش تخبط فى طراطيش و قابل بقه (:
دوشتك حلوه أوى على فكره
كل سنه و انت طيب و سعيد جدا جدا
كان يوم جميل
و ليك عذرك بانك تفتكر دا كله
عشان كان منظر النيل جميل جدا
النيل والبحر دول بيقلبوا المواجع علينا بس بردو بنحبهم
نعمل ايه بقي غاويين وجع قلب =))
وبعدين كله بيعدي :)
كل سنة وانت طيب
أنت كدا وصلت
I know that baad mode
same here
el awlaweyat wel asaseyat be mror el wa2t m3a el mashakel el kteer beteb2a a7lam we tmo7at , fma balak be a7lamna nafsaha !?
nice blog man
keep on the good work
regards
:)
اوقات كتير الواحد بيبقى عايز يبقى ليه خصوصيات
واوقات اكتر يحب يكون محور اهتمام اللى حواليه
ويسألو مالك وكده
بتريح اوى لما تتكلم وخصوصا مع الناس القريبين منك
ويعنى انت بتغيظنى انك بتقعد على النيل وقت مانت عايز
ماااااشى
ربنا مايحرمك منه
منظره اصلا تحفه
بجد سبحان الله
والحلم بتاعك ان شاء الله يتحقق بس سيبها على الله
ربنا جميل اوى وكريم اوى
ادعيييييه انت بس
زمان كان بيكون عندنا أمل أننا نحقق أحلامنا ، وبتبقي لسة كل أحلامنا وردية والدنيا جميلة و حاسين أن ما فيش أي حاجة في الدنياتقدر تمنعنا من تحقيقها ، بس مع مرور الأيام و مع الاصتدام بأرض الواقع ، والاصتدام بأنواع الناس ، بنبدأ نفكر في أبعاد كتيير للحلم ويبدأيتشعب منه حاجات وبننسي أصلا أحنا كنا عايزين ايه ونتوه مع الزحمة
بس حاول أنك تعيد حسباتك وتفكر تاني مع نفسك
تحياتي
:)
الواحد نفسه ف خروجه زى كده
elsha3er:
وعليكم السلام...وانت طيب يا باشا
مممم والله انت عندك حق...بس عارف فى اوقات الناس القريبين منك بيزودوا المشاكل اكتر ما بيحلوها...وبيفتكروا انهم كده بيساعدوك..:)
نورت الطرطشة بردك
دعاء على :
هههههههههههههههههههههههههههه
على فكرة شكلى مرة هنزلك طنطا مخصوص عشان اشوف الترعة اللى عندك دى وفيها الشفا كله ..ههههههههههه
وعندكم امواج فى الترعة برضه ولا ترعة بنت حلال وفى حالها؟؟؟؟
ياستى دوشتى بتبقى حلوة بدوشتك انتى...ودوشة غيرك عندى هنا
وانتى طيبة...وفرحانه
ورومانسية :D
self meaning:
انتى هتقوليلى....والهوا الساقع كمان...بررررررررررررررد
Unique girl:
على رايك...لازم نحبهم...امال هنستحمى ببلاش ازاى؟.؟؟هههههههههههههه
وانتى طيبة...ابقى استنى العيدية بقى
mohamed:
وصلت وخبطت فى السقف كمان
ياريت مش تحرمنى من زيارتك الحلوة دى
3ali:
el a7lam ba2et awham wa sarab..wa el asasyat wa el awlawyat ba2t a7lam like u said...
bs sure hygy wa2t feah 7ad or someone hy3'er el klam dah...
till he come..ana mestany
wa nawrt tartshty el motwad3a begad :)
sometimes:
عارفه...انا بقالى كتير معنديش خصوصيات اقعد اكلم نفسى بيها...اتعودت ان القريبين لازم يعرفوا...بس فيه وقت بيبقى الواحد لازم يكتم حبة جواه...عشان المركب تمشى وكمان عشان القريبين ميشلوش هم عالفاضى ..:)
بعدين انا ااه بغيظك...وبغيظ نفسى عشان انا بقيت بكسل انزل اروح لحد عنده :(
انا بدعى...ادعى معايا بس ..:)
كل سنة وانتى طيبة
eman:
قولتى على فكرة اللى كنت عاوز ااقوله من زمااااااااااااااااان
بحاول اعيد حساباتى الفترة دى
نورتى طرطشتى...وياريت مش تكون اخر مرة تزورينى فيها..:)
semsema:
تعالى اخرجك واحده زيها ^_^
لاء بس مش فاضى :p
اقولك انزلى لوحدك ...وعيشى اللحظة..:)
معلش هو انا عندي سؤال
انت زي البروفيل ما بيقول عندك 21 سنة
انا مرة كنت بأقول لدكتور عندنا انا خلاص يأست قاللي بطلي هبل
انتي عندك كام سنة عشان تقولي كده
بنتخبط كتير بس لازم نتعلم نقوم
ما ينفعش نقع
والحلم عمرك ماهتحس بطعمه الا اما يكون مشترك
ما ينفعش تحلم لوحدك
وفي الأخر طبعا بحب النيل واحساس الهوا البارد اللي بتحكي عنه
سلام
:)
برررررررررررررد ايه
يا عجوز
العنكبوت النونو:
اها...21 للاسف...
بس لو قدرنا عمر كل واحد باللى عاشوا...هنبقى بنظلم نفسنا وبنظلم باقى الناس...المفروض العمر يتقدر باللى بنشوفه ونمر بيه..:)
الحلم طبعا لازم يبقى مشترك...بس مش كل الاحلام صدقينى..فى احلام لازم تبقى نايمة لوحدها كده
نورتينى...ونورتى السطوح...سورى الطرطشة :D
self meaning:
اهو انتى :p :p
Post a Comment