احنا بنصرخ فى كل الأوقات
وقت الفرحة
الحزن
الضيق
الخ
بس أصدق صرخة وقت الألم او وقت الفرحة..بيطلعوا من القلب مرورا بالحنجرة والاحبال الصوتية
************
25 years old
انا تغيرت اوى فى الكام شهر اللى فاتوا دول ، او بالاصح فى السنة اللى فاتت دى ..بالتحديد من أكتوبر 2011 حتى يوليو 2012
عرفت وقتها مين اللى صاحبى بجد ومين بتاع المصلحة
مين اللى بيدور على حاجه لمجرد ان يبقى اسمه معاه الشىء ده ومين فعلا محتاج
عرفت اللى عرفته بقى وخلاص
********
لما حد والده او والدته بتتوفى مبعرفش اكلمهم اقولهم ايه ؟؟
ووقت ماعرفت اقول الموبايل فضل مقفول فترة
******
الكلام مبقاش بيفرق دلوقتى
بقى بيوجع اكتر ما بيريح
******
وتقف فوق عالمقطم وتصرخ بأعلى صوتك
وبس !
2 comments:
حاضر
.....
أوقات بيكون عندى حالات غضب رهيبة
بقول لو يبقى فية حتت تتأجر الواحد يدخل يكسرله كام حاجة و يهدى
او يقعد يصرخ من الغضب و يهدى
أصل لو عملناها فى الشارع الناس هيبصوا للواحد كأنه كائن فضائى
بالرغم ان كل واحد فيهم محتاج يعمل ده
...........
بالنسبة لحالات الوفاة عزى و خلاص مش قصدى تأدية واجب لكن حتى لو مقلتش اى حاجة غير شيد حيلك دة كفايه
على فكرة اللى بيكون عندة حالة وفاة مش بيكون مستحمل كلام كتير مجرد كلمة بسيطة شدة على ايدة هتحسسه بمشاعرك أتجاهه
..........
اخيراً بقى
يارب يكون التغير للاحسن و تكون راضى عنه
انا بحب قوى النوع ده من البوستات
البوست حقير بكل ما تحمله الكلمة من معانى
لما يتكرر موقف زى ده تانى - حاول تيجى ع نفسك قوى وتتصل وتعزى صاحبك او صاحبتك - عشان المواقف دى مش بتتنسى مهما طال الوقت
انا عارفة انه بيبقى صعب والواحد مش بيعرف يقول ايه - بس مجرد نبرة صوتك واحساسك بيوصل للى بتكلمه حتى لو ملقتش كلام تقوله
ومش كل الناس هتفهم وجهة نظرك دى - بس انا فاهماها لانى كده برده زيك - بتبقى عاملة زى الشوكة فى زورى - بيبقى اللى ادامى صعبان عليا قوى
Post a Comment