بداية كده اللى بيحب المسلسل ده يقعد على جمب حبة عشان انا مبقوق منه بجد...مش عشان مدبلخ او غيران من الممثل التركى اللى مش عارف انطق اسمه او اى حاجه....بس عشان الكلام اللى سمعته من الناس اللى بيحبوه
سألت واحده صديقة...هى مخطوبة بالمناسبة...وخطيبها راجل راجل...وعنده شنب يقف عليه قبيلة صقور...مش صقر واحد...ما علينا...قالتلى بتحبه عشان طريقة مهند فى التعامل مع نور ...طريقة كلامه ...اللى بيقوله...واللى بيعمله...الخ....قولتلها يعنى لو جالك او عرفتيه...قالتلى طبعا هسيب فلان اللى هى مخطوباله....هههههههه...بالشفا ^_^
واحده تانية قالتلى عشان هوا قمووووور اوى....
تالته قالتلى عشان جان ...
طب معلش انا مقتنع انى غلط عشا شعب مصر كله بيحب المسلسل معرفش على ايه...ولا قصة ولا مضمون ولا حتى لغة...كانوا سابوه مترجم بالعربى احسن من الدبلجة...عالاقل كنا فهمنا
بس من كلام اللى سألتهم حسيت ان فيه نقص فى حاجات كتير هما مفتقدينها...
مشاعر معينة ...ممكن
كام واحد خاطب او متجوز جاب لمراته او خطيبته ورد او افتكرها بهدية لذيذة كده ترجع الحب اللى ما بينهم
كام واحد فضل متجوز 20 سنة ولسه بيعامل مراته بحب...مافييييييييييييش...هههههههههههه...تحت وطأة المصاريف والضغوط النفسية يتحول الزواج بقدرة قادر الى مجرد عبث او بالاصح اتنين اصحاب قاعدين مع بعض فى شقة واحده...وبعد كده بتقولوا ليه الناس بتتطلق او ليه سعاد خلعت عباس
الاسباب قدامنا...والحلول برضه...بس بنفضل نلف وندور...ومنتكلمش بصراحة...
لسه بكره مسلس نووور برضه...ومش هحبه ...حتى لو حبيبتى بتحبه....لاسباب كتيرة ذكرت منهم اتنين هنا
مستنى طرطشتكم
تحديث
MBC 4...
at 8 pm i think..
and at thursday the repeat all the series
or what came all da week in one day ...
at 1:00 am
28 comments:
السلام عليكم ورحمة الله وبركاته
ايه المسلسل ده ماسمعتش عنه قبل كده
شكلي كده زي ماكون جايه من كوكب تاني
اصلي اول ما بالاقي حاجه مدبلجة زي ما يكون بتجيلي حساسيه اقوم احول القناة علي طول
:))))))))))
بس كلامك الباقي كله صح الاهمال هو السبب الحقيقي في موت الحب
لازم كل فتره تحصل عملية انعاش للمشاعر بخروجه كويسه او هدية صغيره او حتي كلمة حلوه
سلام
و هو انت يعنى متضايق عشان مهند شاب امور و حليوة اكتر منك ..:P
أوعى تقتلوا بقى ..:D
كل ما اكلم حد من صاحباتى البنات ..لازززززم يحكولى نور عملت ايه و مهند عمل ايه
بجد دراما مليئه بالفرااااغ بلا حدود ..
و اللى ينرفز انوا بييجى كل يوم مرتين
و يوم الخميس بيعيدوا الحلقات بتاعه الاسبوع كلوا
بجد فراااغ عاطفى ..
لغتهم مش وحشه اوى يعنى ..لظيظه و الله هى ..
بس مش متخليه يعنى يكون مدبلج باللغه العاميه المصريه
كده تمام اوى
بتفرج عليه ساعات ..ليس اعجابا باللى بيحصل فيه ..لان بيحصل فيه حاجات كتيرة اوى غريبه ..
بس مللا ..:S:S
اهو على الاقل احسن من سنوات الضيعااع .. اللى فى كل حلقه لازم تلاقى نص الممثلين بيعيطوا معرفش على ايه
خليك انت فى ام بى سى ثرى بس .. يادوب على قدك -_-
هههههههههههه انا مش بطيقه المسلسل دا خااااااالص , وبعدين حتى مهند دا بحس إن جماله مش حلو خالص , مش بتلككله والله بس هوه فعلا الراجل مش مفروض يكون ابيض كدة وبشرته ناعمة بتتزحلق وشعره طويل وبيسبل بعنيه كدة , اومال التعب والخشونة بتوع مين ؟؟؟ , مش عارفة تركيبته اللى عاملها فى نفسه بتتعبلى نفسيتى , رقيق والمفروض الراجل مش كدة
كاترووووز انا باحب سنوات الضياع جدا , تحسى إن الرجالة فيها رجالة فعلا , مش الكتكوت مهند دا
زى الهوا ..
حراام عليكى يا بنتى .. دا مهند كميله خالص
حتى ابقى لبسيه طرحه :D
باكره المسلسل دة باكرههههههههههههه
الواد دة سمج سمج وملزق والمسلسل مدبلج ومش عارفة ليه دايما باحس ان المسلسلات المدبلجة دى اللى بيحصل حاجة واللى بيقولوه حاجة تانية خاااااااالص.... اما بالنسبة للجواز والحب فلو سالت اى حد متجوز متجوز هيقولك ببراءة هو يعنى ايه حب يا استاذ؟؟؟؟؟
المهم ان انا زعلانة عشان مش بتزورنى وشكلى هارتكب اول جريمة قتل فى حياتى
السلام عليكم
بص كدا انا اول مرة اسمع عن المسلسل دا ومش اعرف هو بيتعرض اساسا فين
واللى مستغرباه اكتر ان فى حد لسه بيتابع مسلسلات وكمان ايه مدبلجة دى حاجة غريبة بجد
بس بصراحة انا شايفة ان الواد دا اللى هيموتوا عليه مش اوى حاساه حاجة كدا مسستوردة اجنبية مالهاش معنى
احنا لولا الراجل يكون اسمرانى والشمس ضاربة فى وشه ومكان النضارة حافر فى وشه ما يعجبش:ي
طلب كدا اخواتى
هو المسلسل بيتعرض فين والساعة كام
عشان مش ناوية اتابعه :ي
انا باتفرج على المسلسل صحيح مش متابعاه اوي
لكن مامتي متابعاه و لو راحت حلقه تبقى متضايقه
المسلسل فيه مشاعر كتير
و الصراحه ديه تاني مره اشوف فيها مسلسل تركي مدبلج
بس انا بحبه لانه فيه كم من الأحاسيس المختلفه
واضح ان ثقافتي التليفزيونية في الضياااااااااااااااااااااااااااع
مين المسلسل ده يا جدعاااااااان
اصل انا بصراحة مقاطعة التليفزيون اليومين دول
مندمجة مع الراديو
هو بيجي علي قناة ايه؟
المسلسل ده على فكره انا مش اعرفه ولا حتى سمعت عنه
بس انت حطيت ايديك على المشكله هى ليييه البنات بتحب الولد ده مش شكله لالالالا علشان الرومانسيه ولد رومانسى وبيحب حببته قوى
والبنات بتموت فى الموضوع
لكن الشباب يا عينى من كتر المشاكل اللى بتعيشها كرهت حتى نفسها بجد الله يكون فى هنوهم
مبارك قتل الرومانسيه فى مصر
ربنا يطولنا فى عمره كمان وكمان ههههههههه
تحياتى ولاء
أنا أول مالقيت العنوان والصورة.. اتنرفزت جدااااااا
بحسبك هتشكر فيه
أنا مش بتابعه.. بس كل مااجيب ام بى سى الاقيه شغال.. فمرة كنت بحول كده.. فلقيته مزعلها وبيصالحها... قال ايه بقى.. اول ماشافها .. راح عيط
قعدت اضحك.. عمررررررررررره مايحصل.. حتى ولو كان فى شهر العسل ولسه متجوزين وبيحبها بغباااااء.... مش هيعيط... فلتت منه جامد المرة ديه يعنى
أنا اصلا معرفش قصة المسلسل ايه ...بس لما شفت اللقطة ديه .. احتقرته اوى... حسيت أنه مأفور والحب مقطع بعضه
زى ماقلت.. الاتنين لما بيتجوزوا مش بيبقى الحب زى زمان.. طبعا بيبقى باقى بينهم العشرة والاولاد وحاجات تانية كتير.. بس مش ليل ونهار هيقولها بحبك.. يمكن من المواقف لكن مش بالكلام
يعنى مرة كنت فى المترو ولقيت اتنين عواجيز بافترا.. اللى هو نص يوم وهيخلعوا.. لقيته مسك الشنطة عنها .. وابتسم لها وعداها الاول
ده اللى باقى.. العشرة والمعاملة الحلوة.. لكن طبعا مش زى اول مااتجوزوا
اللى ينرفز اكتر .. ان فى ناس مرتبة حياتها على المسلسل .. يعنى متنزلش الشغل أو تخرج غير لمات تخلص الحلقة
يمكن ده بسبب نقص العاطفة والرومانسية فى حياتنا.. فبقت الناس بتدور عليه فى المسلسل ده
لو سمحت ... لو سمحت
يعني ايه مسلسل ؟؟ :huh :
سفاح
تصدق أول مرة أسمع عن المسلسل ده من سياتك ... يمكن عشان حالياً بعيد عن الجميع مسافر ومعنديش تلفزيون ... على العموم لو مبقوق من المسلسل سهلة
ما تشفوش
ههههههههههههههههههههههههههههههههه
سلاموز بقي
امممممم
بصراحه انا بتفرج عليه مش عشان
مهند او نور او حتي القصه
يمكن عاوزه اعرف هل نور هتجيب نونو
ولا تؤ او الملل هو اللي مخليني اتفرج بصراحه
صحيح انه تمثيل بس انا ديما عندي ايمان
بحاجه ان كل قصه بتوصل حاجه او
بتوحيلي انا بحاجه جديده او افكار
جديده عادي يعني مش فارقه معايه
قوي اذا كنت اشوفو او تؤ الله الملل وحش
أحلى حاجة إني ماقريتش عنوان البوست في الأول ومعرفتش الصورة بتعبر عن إيه، وبقرا أول سطرين قلت ده أكيد مسلسل نور .. هههههههههههههههههههههههههههههههه
المسلسل ده بقى عامل لي تلاتة وعشرين (لأ متقلبش القناة دي) وستة وعشرين (إنت غلس قوي كنت عاوزة أتفرج على المسلسل ده) و تسعتاشر (ييييييييييه إنت كل شوية تييجي في المعاد ده) .. غير بقى عدد مش هقوله - علشان الإحراج - من الضربات اللي في كتفي والرمي بالفوطة في وشي وكام (مطوة كده في جنبي) ههههههههههههههههههههههههههههههههههه
المسلسل ده بالذات أول ما بشوفه - وأنا بكرهه كده من أول نظرة - أدخل أجري ورا أختي وهي متمسكة بالريموت علشان مغيرش المسلسل لغاية ما أنتزعه منها - الريموت مش المسلسل - وأقلب بكل هدوء وأمدد على السرير وأنا بقلب في القنوات وبتلقى كم غير معلوم من ردود الأفعال .. لغاية ما تلاقيني مش برد ولا بتحرك تروح هي تسكت وتقعد تتفرج معايا وهي بتختم بواحدة او اتنين من (إنت غلس قوي) أو (يارب ما تلاقي حاجة تتفرج عليها) والكلام ده
والمشكلة إن أغلب بنات العيلة متابعينه وبيكلموا بعض في التليفونات عليه .. وانا باخد برشامة مهدئ مع كباية شاي لما أسمع كده
أنا عاوز أقول لك بس إنك والحمد لله ريحتني وحسستني إن أنا مش غريب وفيه ناس كتير زيي مش بيحبوا المسلسل ده
الحمد لله أنسى المهدئ والشاي بقى للأبد
يعني ياربي اول زيارة للمدونة تكون عن المسلسل اللي ما يعلم بيه الا ربنا
البطل اصلا شاب مايص اووووي ومش اموووور (بطلي كدب )بس دمه بارد وبعدين الراجل مش بشكله الراجل برعايته لبيته واسرته
بامانة المسلسل مستفز بغباء
ومفيش حب علي ارض الواقع بالتمثييييييييييييل دا كله
قشطه عليك يا أبو السفاحين
ده مسلسل مقرف ... إخيييييي
أنا لو منك أقتل الأبطال
بجد ... مستحملتش أكمل حلقه واحده بس ... نفسي أعلاف بيتفرجوا عليه على إيه
لو معجبين بالأخ البطل ده
ما يعلقوا صورته في اوضهم و خلاص ... لازم يتفرجوا عليه في سبعتلاف حلقه من مسلسل مدبلج
دي حاجه تنفخ يا راجل
تصور انى ماعرفش المسلسل دة
مش عارفة دة غلط عليا ولا اية؟
انا لازم اخد بالى من صحتى شوية واتابع المسلسل
بس كنت عايزة اقولك انى بتنفخ بصراحة من المسلسسلات المدبلجة دى لانها فى رايى مش حلوة
ومتزعلش نفسك هو الواد قمور شوية
بس يلا بقة مجاملة انت احلى
دمت بخير ياباشا
تحياتى
و الله انا ما شفتش فيه ولا حلقة بس باسمع عنه
و من الواضح كده ان تلت اربع اللى بيشوفوه بنات
و ده طلعا لا يعنى انى ولد
بس محستش انى انجذبت لحكايات الناس عنه يعنى
و الواد مهند الوحش اوى ده :) .......هو اه حلو بس على رأى لوزا تحس و انت باصصله انك عايز تاكل حتة مخللة
عندك حق يا سفاح
طب ما تظبط نفسك كده و تقتله
اول مره اسمع عنه
بس انت قلت اللى فيها
المعجبين بيه بيدورا على الحنان والرومانسيه اللى مش لاقينها فى الحقيقه
واللى ممكن نسميها الود والرحمه زى ما ربنا قال
تحياتى
اتكلم انا بقى
ولا بلاش
لينا كلام بعدين يا سفاح
انا الى هبقى سفاحة اصلا
تصدق بجد
اول ما دخلت ولقيت الصورة بتاعت نور
قولت ييييييييييه هو انت كمان بتتفرج عليه
انا الحمد لله مش بحبه ومش هحاول اتفرج عليه علشان انا زهقت من اصحابى اللى بيتفرجوا عليه اصلا
وعلى فكرة مش البنات بس اللى بتتفرج عليه فى ناس تانيه بتموت فى نور:):)
انا باكره البتاع ده ... عمري ما شفته و لا هاشوف و لا عايزة اشوفه ....
و كل يوم لازم حد يكلمني عنه
بلا بتاع بقى !
el moslsl da t2ribn n f2t moslsalat "sm mat em oshahdon
gami3n " 3la r2y 3adl 2ma
:)
t2ribn bytza3 20 sa3a mn el 24
nfsi marra a7wl w ma 2la2ihosh
byt3rd !!!
mashi el wad momkn ydi 3la amor ana m3a moshg3in el moslsl bs bardo msh kda y3ni
el mohm ya rab y5las 3sjan ntra7m mno
kan malo bs el 25 el fazi3 bta3 grey's anatomy
ta7yati bgd
el post ra23
انا شفت حلقه واحده من المسلسل ده
بصراااااااااااااااحه بعيدا عن كل شيء حاجه واحده عجبتني فيه
وهي نور وبريق عيونها وطرقة اهتمامها وتصميمها على العمل لكن غير كده بتضايقني هي ومهند
انا بجد مش بشوف مسلسلات عربي اساسااللي هو 30 حلقه لما اتفرج على مدبلج
فوق الخمسين حلقه
المهم حاليا مدونه جميله جدا
تقبل زيارتي الاولي
ايه ده انت بتتكلم عن مسلسل نور:ي
طب اركن بقى انا زى ما انت قلت :ي
بص انا مش هتكلم عن مهند...الواحد لسه كان فى زيارة لبيت الله ..ولسه العمرة ما بردتش مش عايزة اخد ذنوب
المسلسل مش فظيع يعنى..وساعات احداثه بتشطح شوية
بس مانكرش انى بحب اتابعه..يمكن عشان هو لون جديد علينا...وكمان بصراحة تركيا تحفة..وبيجيبوا مناظر طبيعية جميلة...والممثلين معظمهم نضاف و شيك جدا...بحب اوى اتابع الممثلات لابسة ايه
وكمان احداثه فيها رقة كده وانت عارفنى رقيقة خالث خالث (هع هع ) واحسن حاجة فى المسلسل يعنى...انك لو قعدت 10 حلقات متشفوش...وجيت تتفرج هتعرف تجمع اللى حصل و تتابع عادى...اهو اى حاجة تملى فراغنا
بيس يا فندم
salam alikom
مسلسل خنيق ملوش لازمة
يلا ربنا يسهلهم
:D
تصدق حضرتك اني رديت هنا مرتين و مش فاكرة خالص ... كنت داخلة ارد تالت
: D
Post a Comment