Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Wednesday, July 27, 2011

طرطشة متفرقة

امبارح الفجر الساعه 4 ونص كده
واحد جارنا فى العمارة اللى قدامى نزل كنس الشارع كله ...مسافة بتاع 400 متر كده لوحده وكوم الزبالة فى النص وحرقها 

المهم العبرة مش فى انه حرقها...جت عليه يعنى :D
بس اللى عجبنى انه نزل من بيته واتحرك ومستناش غيره يجى ينضف قدام بيته 

النهاردة وانا بكتب اهوة الساعه 3 الا ربع 
والشارع اوسخ من امبارح 
=/ 

********

ساعات كتير لما تكون مستقل الحياة بتكون اخف ...مش شايل مسئولية حد ولا شايل هم حاجه
انا كده...احب اكون خفيف...بس شكلى بقيت اخف من الريشة 
لانى فى وقت طويل اتنازلت عن مسئوليتى ذات نفسها
ورجعت اشيلها تانى
ويلكم باك ماى ريسبونسابيلتى ^^

*******

الناس العادية بتستغرب لما حد بيقتل بيسرق الحاجات دى
الحكاية كلها بتبتدى بمرة واحدة بس
مرة يا غصب عنه...ياهو فعلا سادى او عنده مشكلة 
بس طالما مرة حصلت...بتجر وراها مرة تانية وتالتة ورابعه
وكل مرة يقول اخر مرة ...بس مبتكونش اخر مرة 
كل مرة بقول مش هقتل حد تانى
ويجى الحد ده ااقتله فى الاخر
من غير ما شعرة تتهز او حتى اهتم
مش فارقة ...روح راحت مطرح ما تروح...وانا مالى 
امتى بقى هبطل اقتل فى الناس؟؟؟
تفتكروا هيجى اليوم ده ؟!! ماظنش 

***********

مرة قالتلى "انا مش عاوزة اكون زى اى حد قبل كده" 
الكلام ده من سنتين تقريبا ...بالتحديد فاضل كام شهر ويبقى سنتين
على اية حال
قلت اوك...موافق يعنى
بس بعدين اكتشفت ان كل حد تانى زى اى حد اولانى 
انا غلطان ...بعترف بكده...ويمكن اللى عملته بعدها كانت محاولة يائسة عشان اصلح حاجات كتير اتكسرت
بس كان حل مؤقت...زى البنج اللى اخدته عند دكتور السنان امبارح كده 
بيهدى حبة وبعدين اثره بيبان 
ومين مننا مش بيغلط..المهم نعترف اننا غلطنا
ويمكن تكون مش مرتاح باللى انا عملته وقتها فى شهر اغسطس تقريبا 
بس ده احسن الحلول اللى كنت شايفها كده
فانا احب ااقول للحد ده 

انا اسف 
انا اسف بجد 

!!!

**************

الا هوا احنا ايه بالظبط؟؟
اصحاب ...ولا حبايب ولا قرايب 
اصل كل مرة السؤال بيختلف ...ومبقتش عارف مين رايح فين 
اللى ليه نصيب فى حاجه هيجيله 

**********

"وانت من امتى كان بيهمك كلام الناس " 

اه صحيح انا من امتى بهتم ؟؟
انا بمتاز انى مجنون جنون اللحظة
بمعنى تطلع فى راسى اعمل كذا هعمله 
مش فارقة كذا ده يصح ولا ميصحش 
ساعات بعقل وبحاول اشيل اللى عكيته وقت الجنون
وساعات بسيبه مش فارقة 
وساعات او ايام يجى عليا حبة عقل ولاد ناس مصدقش نفسى فى كلامى ولا تصرفاتى 
وايام تانية البرج اللى لاسع يسيطر بقى 
بس انا بهتم بكلامهم على فكرة
بغض النظر انه مش دايما بيجيب نتيجة ...بس فعلا بهتم 

****************

عارف الاحساس لما تقف فى وسط الشارع ...ويجى حبة هوا ساقعيين اوى...او ساقعين بس 
والهوا يزقك كده معاه 
وكل حاجه من حواليك ماشية معاه
وتفتح ايدك وتبقى عاوز تحضن السما 
ويا سلام لو بتمطر وتعمل اللى انا بقوله ده 
وتكون فيه ابتسامة حلوة اوى على بقك وانت بتعمل كده
الاحساس ده محستهوش الا كذا مرة
والكذا مرة دول ميتحكوش ولا يتوصفوا خالص
ولحد ما الحلم يبقى حقيقة 
هفضل محتفظ بجمال اللحظة دى جوايا 

احساس الهوا ده اللى عنده بلكونة يجربه الوقت اللى قبل الفجر كده...وخلى بالك للتقلب فى الشارع 
^^

******

الماوس بايظ ...الكليك عنده بتلاته ...ومش هعرف اظبط الالوانات 
بكرة بقى واحط صورة حلوة كده 

=)



8 comments:

Ramy said...

طيب (:

عارف انا عمرى ماروحت لدكتور اسنان

عادى متمسكش الخشب

أصل مبتحسدش (:

عارف برضه

انا مليش نفس اعلق و لا اقرا عند حد

بس عند السفاح مينفعش (:

مش تثبيت (:

عارف برضه

عاوز اكتب من فترة مش عارف

او زى ما تقول كده مش حاسس

او مش شايف

(:

تصبح على خير (:

صحيح ألف سلامة للماوس

εïз Semsema εïз said...

ههههه

بوست جميل ^^

Bent Men ElZaman Da !! said...

احساس الهوا اللى انت بتقول عليه ده
جميل اوووى
نفسى احسه كتير

عاجبنى موقف الراجل اللى نزل ينضف الشارع
باختلاف يعنى انه بهدل اللى عمله فى الاخر بحرقه للزباله ده بس فعلا زى ما قولت احلى حاجه انه من نفسه فكر يعمل شئ كويس ومش مستنى لا تشجيع ولا كلمه من حد

riri said...

كنت هحبط قوى لو لقيتك مش فاتح الكومنتس .. لأانى فعلا عايزة اعلق

لما فتحت التعليق جيه فى بالى حاجات كتير قوووووووى .. بس للاسف انا اصلا مكتئبة جدا فمش فى المود انى اعمل اقتباس على كل جملة

بس البوست ده صادق قوى .. حسيتك صادق فى كل كلمة كتبتها وهى فعلا بتعبر عنك

كنت فى الفرح مختلف ... متضايق او مكتئب .. حسيتك متغير

عادى على فكرة اللى انت فيه ده ... انا لحد دلوقتى عمالة اخبط وكل اللى حواليا عمالين يخبطوا ويعكوا .. عادى

لو مشيت صح اصلا من اول وخطوة وحسيت ان كل حاجة بيرفكيت هيبقى برده فى حاجة ناقصة فى حياتك الا وهى الجنان والتلقائية فى الحياة وهتندم انك مجرتش الحاجات التانية المختلفة والجديدة اللى لو عملتها هتخليك تخسر برده حاجات

بس انا عندى انى اجرب احسن من انى اندم طول عمرى انى مشيت انسانة روتينية زى الناس المحترمة وولاد الناس :riri:

يمكن تفكيرى غلط .. ده اكيد تفكيرى غلط ..الطبيعى بتاعى يعنى .. بس يكفى انى انا مقتنعة بيه وموافقة عليه

ان شاء الله اللى جاى مصيره يبقى احسن

الحياة الطيبة said...

صحيح إنها طرطشة متفرقة لكن كل طرطشه فيهم جميلة وتحتاج لوقفة ، بوست في غاية الروعة ، تقبل مروري ، تحياتي .

safa7_karmooz said...

=) =) =) =) =) !

paix said...

كتير عاجبتني عشوائية المواضيع والكلمات الله يوفقك

أمنية said...

مقتنعة دايما بان كل حاجة ليها اول مرة ...لو حصلت يبقي هتحصل كتييييييير بعدها