Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Tuesday, January 03, 2012

فضفضة من النوع الطويييييييل اوى


الصورة دى لوحدها عاوزالها بوست عشان كده جبت دى عشان محدش يسبقنى ويخدها 
مع انها فى الكوفر بتاع الفيس ...ما علينا 

 
********

Very Long post , Watch out !
 
بوست طويل يا جدعان ...فضفضة طويلة ...ادينى قولت من اولها اهوة 

*****************
السنة اللى فاتت كان اولها مش لذيذ ...كان عيد ميلادى ممل ...قررت وقتها احتفل مع اصحابى نخرج نقعد على قهوة نلعب بى اس اى بتنجان ...كان عندى امتحان يومها اصلا 
خلصت وقابلت اللول الكبير ومشمش ووزة جه بردوا بس ثومة كسل 
مع انى ملحقتش احتفل اوى بس يعنى كان يوم حلو سورت اوف ! 

بعدين الثورة قامت واتنفخنا فى الاجازة لجان شعبية 

رمضان ده كان احلى رمضان عدى عليا ..عمرى ما قربت اوى كده لربنا فى الشهر ده 

شهر 9 كان حلو لحد يوم 17 ...بقى كئيب فحت من بعدها 

اتظلمت ظلم بين واتصدمت بعدين قلت اكيد ربنا عمل كده عشان ااقرب اكتر واكتر بقيت ليل نهار ادعى وادعى وادعى 

لحد ما سلمت يوم وقلت خلاص ربنا كاتبلى كده ورستقت نفسى على الحال ده لحد يوم 3 اكتوبر مش هنساه ولا هنسى المكالمة من امى واعرف ان حقى رجعلى 

الحمد الله الحمد الله الحمد الله بجد 

من يوم 4 اكتوبر لحد اخر يوم فى الشهر اللى فات اتفشخت فى افكارى ومبقتش اشوف اى حد اعرفه الا نادرا 

وحياتى بيت وجامعة بيت وجامعة وبيت وجامعة 

شفت اصحابى تقريبا 10 مرات بس ...واتش از اوبجيكشن اوووول زا طايم ! 

من شهر نوفمبر كده الدنيا ابتدت تتعدل 

ناس ندلت معايا 

بس هوا سبحان الله 

موقف عملته فى حد فى شهر اغسطس او سبتمبر 2010 

اتردلى بعدها بسنة بالظبط ...بنفس الحذافير وتقريبا نفس السيناريو 

انا زعلت واضايقت بعدين فكرت ...وافتكرت انا عملت ايه وسكت بعدها

ماليش حق ازعل ولا اشتكى ...انا عملت كده 
فعلا كما تدين تدان 

كل واحد حر يسامح او ميسامحش ...بس اعتقد ربنا جابلها حقها فى اللى حصلى وقتها

المهم شهر نوفمبر وديسمبر من احلى الشهور اللى عدوا عليا 
عرفت معنى العيلة اللى بجد

ناس تقعد معاك وتعرض مساعدتها ليك بأى طريقة عشان تكون ناجح ومبسوط فى حياتك وبس 

ياااااااااااااه بس متأخر اوى الخطوة دى :) 

المهم 

جت السنة الجديدة ومعاها امل واحد او اتنين او تلاتة 

******************

اول قرار عبييين ابو اى حد حاططنى عالرف فى حياته

مبدأ المعاملة بالمثل ابتديت اطبقه من زمان 

اللى بيخرج وعاوز يرجع لازم يبذل جهده عشان يحسسنى انه يستحق 

حد واحد بس اتخدعت اكتر فيه 

مع ان حد تانى قالى لاء وهيفضل زى ماهو 

بس كنت بكابر وبعند ااقول لاء هيطلع عند مامته دم وميكسفنيش 

وكل يوم بيكسفنى اكتر واكتر 

اخرهم النهاردة

لذا اذهب غير مأسوف عليك :)
 
**************
هوا الواحد لما يجى يتجوز 

بيختار على اساس القلب 
يعنى لو بيحب واحدة يروح يتقدملها 

ولا بيختار بالعقل ؟؟؟ 

سؤال بجد اى حد خاطب مخطوبة متجوز متجوزة هيتجوزوا يرد عليا لو سمحتم 

شكراا =)

******************

فيه ناس بتضايق انى مش برد على الكومنتات 

انا زمان كنت برد على كومنت كومنت كومنت يعنى :D 

بس بعدين بطلت 

غير انه كسل ...بس مبعرفش ارد بكل اسطمبة ...شكرا ...عفوا...ميرسى ...يسلموووو

انا اصلا لما بعمل كومنت عند حد مبكتبش تحياتى اللى امة لا اله الا الله بتكتبها فى كومنتاتها :D 

مبحبش الروتين 

انا بطفش الزباين كده ممكن ...بس انا بقرأ كل كومنت بيتكتب 

الريدر اللى على اليمين بقعد اقرا فى كل البوستات كل يوم وساعات بقرأهم اكتر من مرة 

بس حاليا بحاول احارب مرحلة الخرس التدوينى 

مببقاش عارف اعمل كومنت على ايه واقول ايه فأغلب الوقت بكتفى بابتسامة تثبت مرورى :) 

محدش يزعل بقى ;)

*****************

الاغنية بتاعتك شغالة على نجوم اف ام دلوقتى 
بتاعت كارول سماحة 

***************

انا لقيت نفسى مدمن نت بجد 

عاوز ابطل ام العادة دى 

السنة دى ممكن ان شاء الله 

عاوز اكتب قرارات السنة الجديدة

بس خايف اعمل زى كل سنة ااقول ومعملش 

فهخليها فى مخى 

وكل ما اعمل حاجه او ابتدى فيها هاجى واكتب 

****************

بكره اوى الحالة لما اكون تعبان ومن كتر التعب معرفش انام 

:S

******************

أغنية تامر حسنى اجمل هدية حلوة ...مع انى مبطيقهوش اصلا 

واغنية Paradise for Coldplay awesome also 

Try to watch The Video , Brilliant  Idea by the way 

=D 

*****************

أول قرار اخدته فى 2012 انى مش ههتم لرأى اى حد عالرف 

وابتديت انفذه من اول يوم الحمد الله جايب نتايج خرافية 

********
انا بكتب البوست ده من الساعة 3 ونص والساعة دلوقتى اربعة وعشرة ...كفاية كده بقى 

بـــســـــا 

=)




13 comments:

بنت مهيسة اخر حاجة said...

حلو بجد الاسلوب
جميل ان الواحد يقدر يعبر عن اللي جواه من غير تكلف وببساطة يخرجه بكلمات

ـــــــــــــــــــــــ

اممممم
بالنسبة للجواز
انا شايفة انه الاتنين مطلوبين
يعني لازم يكون في حب بين الزوج والزوجة طبعا
مش زي بتوع زمان اللي بيقولوا مش شرط حب اسمها عشرة وهي بتيجي مع الوقت .. الخ الخ

لكن كمان مهم العقل .. لان بعد الجواز مش بيكون زي ايام الخطوبة او قبل الجواز
لو مخترتش الشخصية الصح مش هتستمر الحياة ولا هتكون مستقرة حتى لو كان في حب .. في حاجات تانية كتير لازم تكون موجودة

يعني انا عن نفسي شايفة ان اول حاجة بختار الشخص المناسب ليا واقتنع بيه بعقلي .. ويكون ف نفس الوقت فيه قبول
وبعد كده حب

ـــــــــــــــــــــــ

بالنسبة لحتة المعاملة بالمثل
اسمحلي اقول رأيي
انا مش مع الرأي ده
أنا يكون ليا مبادئ بطبقها ف حياتي كلها مع كل الناس
مش الشخص اللي قدامي هو اللي يفرض عليا اسلوبي
كده هفضل ف نظر نفسي كبيرة
لكن لو اللي قدامي عاملني بحقارة وانا عاملته بالمثل هكون ف نظر نفسي حقيرة!
لو الاخر بمعاملته واسلوبه اثبت حماقته انا برد فعلي هثبت كرم اخلاقي

بس كده :)

ميرا ( وومن ) said...

عجبني البوست علي فكرة :)

وبتعجبني تعلقياتك في المدونة عندي بقف عندها كتير ولو اني من فترة جيت قلبت هنا في المدونة ىقتك كاتب يوست هايل روحت اعلق لاقيتني معلقة عليه تعليق اقل ما يقال عنه انه تافه

ساعات كتير بحب أحط كل حاجة في مكانها الصح بس بخذلني وتلاقيني بنت تافهه وسطحية

بالنوسبة لسؤالك بقي احساسي كان ايه لما تميت 25

بصراحة ولا حاجة من بعد الـ 21 بقت كل السنين بالنسبة ليا رقم في البطاقة لأني لسه حاسة نفسي صغيرة السنين بتعدي وانا مش بكبر

بس بما اني هاتم التلاتين السنة دي إن شاء الله فبالنسبة ليه دي حاجة مهمة

بالنسبة لموضوع الجواز ده بالذات أفتكر انك لما هاتتجوز هاتتجوز علشان تقضي باقي حياتك مع الإنسانة دي

أوعي تربط بحد أنت مش شايف نفسك معاه يوم بيوم لحد ما تبقي عجوز وشعرك أبيض وهي بتديلك دوا الضغط وانت بتفكرها بدوا السكر :))))

رغيت كتير انا صح

Polka Dotted said...

enta 3id miladak awel el sana too?

well the new year's depression with birthday depression beye3melo a7la sho3'l :(

al7amdulellah

bel nesba l so2alak....
3la 7asab enta eh... emotional wala logical
y3nee for example ana emotional... bas ama e5tart I did with logic.... eventually it ended after a loooong time of struggling :)))

bel nesba lel kararat... ana bakteb el kararat ONLY to laugh at them at the next year :D

Sarah .. said...

اعمل بوستات طويلة زى ما تحب .. بس ارجوك كبر الخط شوية :)

......
* ‘ كما تدين .. تدان ‘

على قد ما الجملة دى اوقات كتير بتطمنى
بس بتخوفنى اوى

بخاف اعمل فى حد حاجة غصب عنى والاقيها بتتردلى .. زى ما حصلك
يمكن عشان كدا بقيت على قد ما بقدر بحافظ على تصرفاتى وكلامى .


* بالنسبة لسؤالك ..
ف أنا آوت .. مش هعرف افيدك اوى :))

* لو كتبت قراراتك وكل الحاجات اللى عاوز تعملها وخلتها قدامك كل شوية تشوفها
اعتقد هيبقى احسن من انها تكون بس فى دماغك وتتنسى وسط حاجات تانية


ودايما كل ما تحاول تحط قرار او طموح وتنفذه .. حط قرارات وحاجات تانية اكبر واشتغل عليها .. :)

Anonymous said...

أنا مش من الفئة الـ وجهتلهم السؤال بس إسمحلى أطلع عقدى عليك :D

العقل كويس
ولازم كل حاجة تكون محسوبة بالمسطرة
ويتعمل جدول تنظيم لكل حاجة هاتخلص إمتى وتتعمل إزاى بشكل يرضى جميع الأطراف

بس عشان مفيش حاجة مضمونة
لو مفيش حب .. مع أول مشكلة ماحدش هايستحمل للتانى كلمة

والحب برضو كويس
بس إنت بتحبها وهى بتحبك
مامتها مش مجبرة تحبك
ومش لازم مامتك تحب أهلها

وف الوقت الـ هى بتطلعلك فيه 100 عذر عشان غلطة مش مقصودة مامتها بتطلعلك 100 غلطة هى ماخدتش بالها منهم

الحب مش هاينظم الحياة ويخليها تمشى صح .. والعقل لازم يوصل ف مرة لحيطة سد

والـ بيحب حد بيقنع نفسه ويتظاهر إنه إختاره بعقله
والـ إختار حد بعقله بيقنع نفسه إن فيه الصفات الـ تخليه كمان يحبه

عشان بس يحسسوا نفسهم من جوا إنهم عاملين توازن .. بس مش ده الـ بيكون حاصل .. مجرد محاولة فاشلة لإقناع النفس :D

ف أفضل حاجة ف الموضوع إنه يتساب للقدر .. يعمل فيه الـ هو شايفه

والمشاكل زى ما بتحصل بتعدى والحياة عموماً مش بتعمل حاجة غير إنها بتمشى وتنسى الواحد حالته وتديله حاجة تانية يتشغل بيها :D

P.S: It's Antika

safa7_karmooz said...

انا هرد عليكم كلكم ...سورى للتأخير :)

الصبح بالكتير ان شاء الله ^_^

Ramy said...

اولا انا مش قادر اصدق انت شيلت حروووف التأكيد (((((:

.......

على فكرة البوست مش طويل متخوفش الناس ها

((:

.............

تعرف انى لما بيحصلى شيىء وحش او حاجة غلط بتحصل فى حياتى

يمكن بزعل فى وقتها بس بكون عارف انى اكيد عملت اللى استحق كده
............

تعرف انا مش عارف اقيم السنة اللى فاتت خاااالص

(:

بس الحمد لله

..............

بالنسبة للسؤال

انا مش هأعرف اديك اى جواب

لأنى حقيقى مش عارف

و ممكن اكون غلط اساساً

(:

بس انا بحاول مقيمش تجاربى بالأخريين

...........

بالنسبة للكومنتات و لا يهمك يا برنس

قصدى يا سفاح

(:

..........

safa7_karmooz said...

بنت مهيسة اخر حاجه :

شكرا ...البساطة البساطة...البوست ده لو حاولت انه يطلع كده تانى مش هيطلع خالص :D

بالنسبة للمعاملة بالمثل لما اللى قدامنى بيعاملنى بحقارة فى الغالب بدوس عليه برجلى وبكمل فى طريقى ...دى تعتبر معاملة بالمثل برضوا ^^

safa7_karmooz said...

ميرا :

اولا متقلليش من شأن ردودك ابدا ..كل رد عندى بيكون ليه معناه وطعمه الخاص بيه ..:)

انتى ليه جاية على نفسك اوى كده طيب ؟؟؟ عموما كلنا بنكون كده ساعات كتير اوى :D

any way ..

انا نفس الحال محستش بالاربع سنين اللى جريوا الا من كام يوم وانا واقف وبقوول ياااه ..كل ده حصل !

انا هقتبس اخر كلمة ليكى دى واحطها فى كتاب الاقتباسات ;)

ميرسىىىىىىى كتير على ردك :)

safa7_karmooz said...

Batabeet:

Yea, after 2 days isA =\ !!

enty hat2olely =D , bykon agd3ha Mixxxxxxx =D

about ur Answer, Ummm U Helped me a lot ;) Thx

I stopped laughing because every time i laugh a lot =D =D

Merci kteer

safa7_karmooz said...

Sarah:

انا قلت هيبقى طويل وكمان الخطب كبير ؟؟؟ عذاب بعذاب بقى :P


ايوة كده تعلمى من اخطاء الاخرين :) :(

انا كنت كاتب قرارات السنة اللى فاتت ومعملتش ولا واحد فيهم :(

السنة دى الحمد الله نفذت اول 3 قرارات كويس والباقى فى الطريق لتنفيذه ان شاء الله

كان نفسى تحاولى تجاوبى على السؤال طيب :D

safa7_karmooz said...

Antika:

وجهة نظر فعلا يعنى مش عارف ارد ااقول ايه ...بس كلامك كله صح لان ده اللى بيحصل وشفته بعينى وجوازات بتتفركش عشان كده :D :)

شكرااااااااااااااااا بجد على الرد

safa7_karmooz said...

My Dear Friend Ramy :

قلت اشيلها واعمل موديراشن بس نسيت ...الاسبوع الجاى هكحلها اكيد دوونت وورى ^_^

بعدين لو كنت كبرت الخط كان هيبقى طويل :D :D

مش دايما على فكرة ساعات بكابر واقول انا مستحقش كده...انا عقلت على كبر يا صديقى :)

بالنسبة للسؤال اللى مش جاوبته ...انا بس بستطلع الرأى العام ليس الا ...بشوف الناس دلوقتى بتفكر ازاى :)

وعموما دلوقتى اللى معاه فلوس اكتر بيكسب !!