2010 Advices

1- خصص من وقتك 10 إلى 30 دقيقه للمشــي . . و أنت مبتسم.

---

2- اجلس صامتاُ لــمدة 10 دقائـــق يـــومياُ

---

3- خصص لنومك 7 ساعات يوميًا

---

4- عش حياتك بــثلاث أشياء : (( الطاقة + التفائل + العاطفة ))

---

5- العب ألعاب مسلية يوميًا

---

6- اقرأ كتب أكثر من التي قرأتها سنة 2009

---

7- خصص وقتًا للغذاء الروحي : (( صـــلاة ,, تسبيــح , , تلاوة , , ))

---

8- اقض بعض الوقت مع أشخاص أعمارهم تجاوزت الـ 70 سبعين عام ,, و آخرين أعمارهم أقل من 6 أعوام

---

9- احلم أكثر خــلال يقظتك

---

10- أكــــثر من تناول الأغذية الطبيعية ,, و اقتصد من الأغذية المعلبة

---

11- اشرب كميات كبيرة من الماء

---

12- حاول أن تجعل 3 أشخاص يبتسمون يوميا

---

13- لا تضيع وقتك الثمين في الثرثرة

---

14- انس المواضيع ,, ولا تذكر شريكة حياتك بأخطاء قد مضت لأنها سوف تسيء للحظات الحالية

---

15- لا تجعل الأفكار السلبية تسيـــطر عليك .. و وفر طاقتك للأمور الإيجابية

---

16- اعلم بأن الحياة مدرســـة .. و أنت طالب فيــها .. والمشاكل عبارة عن مسائل رياضية يمكن حــلـــها

---

17- كل إفطارك كــالـملـك .. و غداءك كـالأميـــــر .. و عشـــاءك كـالفقيــــــر ..

---

18- ابتسم .. واضحك أكــــثــــر

---

19- الحياة قصيرة جــــدا .. فـــلا تقضـــها في كـــــره الآخرين

---

20- لا تأخذ (( جـمـيـع )) الأمور بجــديــة .. { كــن سـلـسـا و عـقـلانـيـا }

---

21- ليــس من الضروري الفوز بجميع المناقشات والمجادلات ...

---

22- انس الماضي بسلبياته ,, حتى لا يفسد مـــســـتــقــبــلك

---

23- لا تقارن حيــاتك بغـــيرك .. ولا شريكة حياتك بالأخريـــــات ..

---

24- الوحيـــــد المســـؤول عن سعـــادتك (( هو أنــــــت !! ))

---

25- سامح الجميع بدون استثناء

---

26- ما يعتقده الآخرون عنـــك .. لا عــــلاقة لك بـــه

---

27- أحــســن الــظــن بالله .

---

28- مهما كانت الأحوال .. (( جيــدة أو سـيـئـة )) ثق بأنها ستتغـــــير

---

29- عملك لن يعتني بك في وقت مرضك .. بل أصدقاؤك .. لذلك اعتـــن بــهــم

---

30- تخلص من جميع الأشياء التي ليس لها متعة أو منفعة أو جمـــال

---

31- الحســد هو مضيعة للوقت (( أنت تملك جميــــع احتياجاتك ))

---

32- الأفـــضــــل قادم لا محالــــة بإذن الله .

---

33- مهما كان شعورك .. فلا تضعف .. بل استيقظ .. و انطلق ..

---

34- حاول أن تعمل الشيء الــصحيح دائماٌ

---

35- اتصل بوالديك ... وعائلتك دائـــماُ

---

36- كن متفائــــلاٌ .. وســـعـــيدا ..

---

37- أعط كل يوم .. شيئا مميزاٌ وجيـــدًا للآخرين ..

---

38- احــــــفـــــظ حــــــدودك ..

---

39- عندمـــا تستيــــقظ في الصبــــاح .. و أنت على قــيد الحياة .. فاحمد الله على ذلك ..

---

40- ابعث هذه الرسالة إلى كل من تحبهم ..

حمد الله بسا

يظهر ان الصورة لما اتغيرت مكنتش متعرف عالطرطشة كويس

بتكلم جد

ويلكم باك ماى سيلف اجيييين

^_^

مين رايح فين بقى ؟؟ :D

الست فكرة ...جاتلها فكرة

جاءت لى الفكرة يوما ما وانا اجلس فى مكانى

طلبت ان تخرج من راسى قليلا لتستنشق بعض من الهواء النقى

ولكننى رفضت كى لا يسرقها احد منى

فاحتجبت واضربت داخل عقلى

ترفض ان تخرج الان

تريد ان تكون حرة

تصووا...فكرة ...تريد ان تكون حرة

ولكننى اخاف ان يغريها احد اخر

فتصبح ملكا له

وعندما اهاتفها مجددا ...سترفض لقائى

وستقول من انت ايها الضعيف

جاءت لى فكرة وانا امشى

ان ادع الفكرة بأن تذهب

لربما تعود لى مرة اخرى ومعها فكرة اخرى

فتركت الفكرة لتذهب بعيداً

وانا مازلت فى انتظارها

الفكرة قالت انها ستذهب وتعود بفكرة

ولكن ربما الفكرة رفضت ان تكون نتاج فكرة اخرى

لا ادرى

هل ستعودى ايتها الفكرة

ام انها كانت فكرة خاطئة

ان ادع الفكرة تذهب

مش عارف

فى الاخر كانت مجرد فكرة

!!!

Friends 4 ever

we will stay together for ever...

that what i hope =)

لا مؤاخذة يا اوبرا

اول امبارح اوبرا عملت حلقة تتكلم فيها عن الزواج والستات حول العالم ...وطبعا مصر اخدت لها من الاهتمام نصيب

بس تيجى للاستفزاز اللى حصل ان اللى بتقود او اللى عملت الجولة فى مصر واحده من الدنمارك اسمها نانا ...وجابت 3 نساء

واحده اسمه هبة شنبو مصممة معرفش مصممة ايه ...والصحفية انجى الكاشف والدكتورة هبة قطب

لحد هنا كويس...

بس بعد كده الكلام اللى دار عن الاسلام والحجاب والكبت الجنسى اللى فى مصر والست واخده حقوقها ولا لاء ...الخ من الكلام ده

اى حد يشوف الحلقة يحس فيه تحامل كبير على مصر وفيه حاجات مش بتحصل اتقالت اكنها حصلت ...وكعادة اى برنامج اعلامى لازم يبقى فيه مونتاج
امبارح الاربعاء محمود سعد فى البيت بيتك استضاف الدكتورة هبة قطب والصراحة اللى كانت احسن واحده فى موضوع اوبرا ...قالت ان كان ليها كلام كتير بس اتمنتج ومطلعش...
وكل اللى طلع من اللى اسمها هبة ان مفيش حرية للستات فى مصر ...فيه كبت للستات وقمع فكرى ومجتمعى ...وان الطلاق بالنسبة للراجل سهل جدا لكن الست صعب عليها وتتشحطط فى المحاكم وكلام كتير عن الحجاب والعلاقات الحميمية قبل الجواز

بس اللى يفرس اكتر فى اخر الحلقة اوبرا قالت الحمد الله انهم فى امريكا !!!!!!!!!!!!!!!!!!!!!!!!!!!!!!!

المطلوب انها عاوزة توصل ان امريكا حلوة ودول العالم التالت كخة كخة

بس دى تعتبر السقطة التانية للاعلامية الامريكية الكبيرة انها حكمت على دولة او شعب او فئة معينة من كلام واحده مش عارف جابوها منين...منزلتش سألت اصلا فى البلد...وازاى تاخد برأى واحده مش من البلد ...

يعنى اروح مصر واجيب حد من الدنمارك يشرحلى طبيعة البلد ازاى والكلام ده كله؟؟ الكيد ده اسمه عبط فى عبط

غير كده ان الحلقة او الفقرة تحولت بين المقارنة بين الاسلام والمسيحية
والعدل فى الاسلام وعك كتير كتير يعنى فى النص ...ومحدش علق الا اليوم السابع ومحمود سعد ومشفتش اى حد كتب عن الموضوع

تقريبا مش مهم ...رأى واتقال او اتعرف عننا او حاجه واتقالت عن الحجاب وعدت زيها زى غيرها

لا مؤاخذة يا اوبرا انتى غلطتى ...وغلطك كبير

ومعتقدش ان حتى زيارتك لما تيجى مصر هتمسح اللى حصل

لان اكيد هتيجى تشوفى مصر من عين الزوار ...او الناس اللى فوق

عمرك ما هتشوفيها من نظرة الناس اللى تحت

اللى عاوز لينكات :

اليوم السابع

http://www.youm7.com/News.asp?NewsID=182169

موقع اوبرا ...واللى الناس الصراحة عاملين عمل حلو فى الكومنتات

http://www.oprah.com/oprahshow/What-Marriage-Means-Around-the-World/2

وفى الاخر اللى ميعرفش

يقول اوبرا
!

ممكن تحضنى؟؟

يوم 21 يناير كان اليوم العالمى للاحضان

ايون

انا قررت ان يوم 25 يبقى العيد المحلى لمصر ومدونة طرطشة افكار
هقتبس كلام حد اعرفه فى الموضوع ده:

اسمح لي أسألك وأكتم على نفسك : آخر مرة حضنت فيها أمك امتى ؟؟ آخر مرة اترميت في حضن أبوك كان من كام شهر ؟؟ إحنا بنقول أننا ما بنحضنش أهلنا عشان عندنا مشاكل معاهم.. لكن العكس هو الصحيح : إحنا عندنا مشاكل معاهم عشان ما بنحضنهمش..

كام واحد بياخد أخته الصغيرة في حضنه وينصحها بدل ما ينكد عليها عيشتها ويشغلها خدامة لحسابه..؟؟ كام شاب ارتمى في حضن أمه أو أخته الكبيرة وبكى وهو بيحكيلها على مشاكله ومعاناته..؟؟

أما عن السؤال الأكثر مأساوية فهو : كام واحد متجوز بيحضن زوجته حضن خالص كده لله في لله..؟! من الإحصائيات المؤسفة استبيان عن العلاقة بين الأزواج كان معمول على أحد المواقع الشهيرة وكانت نتيجة الاستبيان أن 20% فقط من المتزوجين اللي مر على زواجهم أكتر من سنتين هم اللي لسة بيبادلوا بعض مشاعر الحب المجردة بعيداً عن العلاقة الجسدية..

إحنا بقى عندنا حالة غريبة من الجفاء تجاه بعضنا البعض .. يمكن عشان المعاناة والحالة الصعبة اللي احنا عايشين فيها.. أو يمكن عشان الجمود اللي أصاب العلاقات البشرية في عصرنا الحالي وسيطرة المادة على كل شيء.. لكن المشكلة أن الجفاء ده بيزود الطينة بلة وبيخلينا مخنوقين أكتر من العيشة واللي عايشينها..

إيه رأيكم لو نبدأ من النهاردة كل واحد يحضن 3 أشخاص مثلاً كل يوم من أهله أو قرايبه أو أصحابه .. حضن عميق كده وخالص لوجه الله.. وننشر الفكرة دي وسط الناس واكيد هنحس بالفرق..

فيه فيديو واحد عمله وهو جون مان .. الشاب اللي كان مسافر بره بلده ، وفي صالة الوصول كان كل الركاب ليهم قرايب وأصحاب مستينهم إلا هو محدش اهتم بيه ولا عبّره.. شعر جون مان بمدى الغربة اللي أصبحت بين البشر لمجرد أنهم ما يعرفوش بعض ، وقرر يكرس وقته لإعادة الحياة إلى لعلاقات البشرية النبيلة.. وكان الفيديو ده هو بداية انتشارهذه الحملة الفريدة

الفيديو اهوة

ماذا تفعل لو كنت مكانى

تعملوا ايه لو حد قريب منكم

اكتشفتم انه كدب كدبة كبير ة حتين

وسعت منه قوى

سواء كان الحد ده

ابنك اخوك اختك جوزك مراتك خطيبك خطيبتك

؟؟

Wake Up !!!!!!

No Time to Waste again !!

Happy 23 To Meeeeeeeeeeee

Today officially I'm 23 years old ...

كل سنة وانا طيب ...سورى شرير وسفاح طول العمر

وياااااااااااااااااااااااااااااااااااااااااااااااااااااااااااااااااااااااااااااااارب

تبقى سنة حلوة عليا

وعلى نونا ونونى ...ونفضل دايما مع بعض

ومع حبيبة القلب ....ويارب تكون السنة دى بداية حلوة ليا وليكى ...ونهايتها تكون حلوة كده...ادعوا انتوا بس

^_^

مش عارف...فرحة + خوف من اللى جاى...اينعم لسه صغير مكملتش كتير

بس كل لما بنكبر سنة او يوم مسئولية بتزيد

حاجات بتتغير ...وحاجات بتروح...حاجات كتير يعنى

ما علينا

مهما كانت الظروف حواليا

مهما كان الجو برضه

هقضى اليوم ده بالطول والعرض

^_^

مفيش خير فى مصر

فعلا مبقاش فيه خير فى مصر خالص

واكبر دليل ان اى حاجه حلوة حد بيعملها

لازم نطلع فيه وفيها القطط الفطسانة ...ويبقى ده انجاز بالنسبة لينا

لكن اننا نعمل واحنا ساكتين...لاء مينفعش

اتى حد بيطلع بفكرة شايف ان فيها خير لازم نكسر من مجاديفه ونحبطه

بعدين نسأل هوا ليه مافيش خير فى مصر

ليه الناس بقت عدوانية كده

؟؟؟

والاجابة قدام عيوننا بس احنا بنبص لقدام ...ورافعين راسنا

لحد ما لبسنا فى عمود النور اللى على اول الشارع

رحتى فين يا خالتو

فكرة تايهة يا ولاد الحلال

محدش لاقاها عنده؟؟

بقالى اسبوعين كل ما اجى اكتب حاجه يا انسى يا نفسى تنسد

يا حد ربنا يباركله يحرقلى دمى ويضيعها من راسى

بقالى كام سنة صحيح لاحظت ان نشاطى التدوينى بيقل سنة بعد سنة

شهر بعد شهر

محتاج حاجه تنشط الموضوع

فيه كلام ...فيه افكار

بس مش عارف

بقعد وببقى زى الصورة ...بيضاااااااااااا

ما علينا هنلاقيها...عندى مشوار هقتل حد كده عالسريع وراجع تانى

بسا

2010...New Era

To Be or Not To Be

that's the question Right Now ...

هابى ييو يييير ياعم سعيد :D

السنة الجديدة فاضل عليها يومين تلاتة بالكتير قوى

يعنى 365 يوم جداد ان شاء الله

ناوين تعملوا ايه

توقعاتكم لنفسكم

لاصحابكم

لاهلكم

بلا ش جيرانكم

هتحققوا اللى نفسكم فيه ولو جزء منه السنة دى ولا تؤ

Facts !!

حقائق مضحكة اكتشفها كل يوم من حولى عن اشياء عدة وعن اناس عديدون ...والمضحك ان اغلبها ان لم يكن جميعها تدعو للضحك او الشفقة الممزوجة بالضحك ايضا!!

عندما يطلب منك شخصاً ما مغادرة منزله...ربما تمتثل لكلامه...ولكن فى الاغلب سوف تقول لك كرامتك الوجوعه كيف واين وماذا وحتى ولا النافية ان يطردك من منزله بتلك السهولة...فلتبقى هنا ولتحارب هذا الشرر الذى يريد طردك من مكانك...مع ان فى الاصل هذا ليس منزلك...ولكنك تقاتل بشراسة..للاس 90% من المصريين هم كذلك...يكون الشىء لا يخصهم فى اى شىء...ولكنهم يقاتلون ويحاربون لاجله ...ولاجل البقاء...وفى نهاية الامر سينصرفون عنه لاجل شىء اخر !!

*********************************

عندما تلتقى فتاة جميلة...رقيقة ...وتبدأ فى الحديث معها...اول شىء سيجول بحاطرك...حسناً يبدو انها ستكون زوجة صالحة...وتبدأ قى رسم الحلم كما تريد...وتنتهى الى انكم اصبحتم فى الستون خريفاً ولكم من الاحفاد اكثر مما كان لكم من الابناء...واصبحتم من اغنى اغنياء المنطقة والحى والكوكب كله...وترتسم السعادة على وجهيكما...ثم..زاحم انك مازلت تحلم....عوضاً عن الحلم يا صديقى بلا اى طائل...فلتسألها ان وافقت...فلتحلم على ارض الواقع ابسط من الحلم الخزعبلى الخيالى الذى لن تفيق الا وانت مجروح فى مكانك مردداً انها رفضتك رغم كل مميزاتك وعيوبك التى تخجل ان تكشفها...انقل الحلم لارض الواقع وابدأ فى العمل عليه

********************************

قالها احد اصدقائى....هناك فرق شاسع بين الحب والعلاقة والزواج ...وليس شرطاً انك تحب انسان ما انه سيحبك وليس شرط انه يحبك انك ستحبه وليس شرطاً ايضاً ان تتزوج من تحبه او من يحبك تجده امامك فى التو واللحظة التى تبحث عنه فى حين انه لن يجدك ايضا فى الوقت الذى يحتاجك فيه...ربما ستأتى متأخرابضع دقائق كعادتك

******************************

اكتشف يوما بعد يوم ان العقول فى راحة...وربما تتضائل ايضا...وتنحصر اهتمامتنا اليومية ما بين ابو تريكة هل سيلحق بركب المنتخب...وهل سيتركنا متعب مجدداً ...وهل سيستجيب اتحاد البطيخ لطلبات الزمالك...ام سينتى بالبرادعى مقتولاً فى نهاية الامر على ايدى حركة تحرير الامة المصرية من الخواجات؟؟؟

*******************************

بمناسبة ذكر البرادعى ...هناك عدة حقائق سياسية وعلمية لا يجب اغفالها...لن يترشح للرئاسة مطلقا حتى ولو كان القانون يجيز ذلك...لانه يريد ان يضمن وظيفة او عيشة هانئة فى مصر بعد خروجه على المعاش...كعمرو موسى الذى اذا كانن رشح نفسه للرئاسة وقتها...كان سيخسر امانة جامعة الدول العربية ...واى منصب اخر يود اللحاق به ...لذا وفروا اصواتكم واقلامكم واجهزتكم المحمولة ...ولتركزوا فى شىء اخر حبا بالله ...شىء يفيد البلد...بدلاً من الوقوف على ناصية باب مصر والنداء المعتاد: واحد رئاسة لوحدووووووووووووو

*****************************


مجموعة من شباب مصر قادتهم الفكرة التى اوجدتها المدونة النشطة اسر ياسر فى صنع اكبر علم مصرى والدخول به موسوعة جينيس ...وتم تسجيل الفكرة وجارى اعدادها...الكثير اعترضوا على الفكرة...والكثير أيدها...وانا منهم...اذا كنت تود الانضمام او الاستفسار عن كيفية التطوع يرجى زيارة الرابط التالى

http://www.facebook.com/home.php#/group.php?gid=214492725324

****************************

كل يوم اتيقن اننا فعلا نتغير ...واتيقن اكثر اننا علينا توجيه دفة حياتنا ...كى نتغير الى الافضل ...ولا نترك حياتنا تسير بلا هدى...فعلا هناك اشياء كثيرة قد نندم عليها...ولكن الشىء الذى ستندم عليه اكثر عمرك الضائع بلا اى ائدة او طائل

طراطيش مبعثرة

بنتغير كل دقيقة ...كل ثانية...كل لحظة فى اليوم
بس المهم اننا نتغير للأحسن...مش للوحش
ونعرف نستغل التغيير ده

**************************

ساعات كتير بحن للماضى وارجع افتكر الذكريات واعتاب نفسى واعاتب ناس تانية
بس برجع وافتكر ان الذكريات اتعملت عشان نفتكر الحلو وبس

**************************

ذنب اهالينا الوحيد انهم جاوبنا للدنيا
باقى الحدوتة احنا بنتحمل الذنب سواء فى المعاملة او فى التعامل مع اى نفسنا حتى مش مع الناس
الذنب ذنبنا احنا ...مش ذنبهم

*************************

انت مجنون

اتقالتلى وبتتقالى كل يوم ...بفرح لما بسمعها...بحس انى لسه شباب وفيه طاقة وحيوية لسه جوا ...وساعات بضايق لما بسمعها ...بحس ان الطاقة انطفت ...والموتور عاوز يريح ...قولتلى عندك كام سنة؟!!

**************************

كل يوم بيثبتلى المسئول فى مصر انه موجود عشان يعذب اللى تحتيه او اللى بيتعامل معاهم

وكل يوم الروتين بيثبتلى قد ايه الموظفين بياخدوا شتايم ودعوات عليهم من العك اللى هما فيهم...ونسأل نفسنا هوا احنا ليه مش بنتقدم لقدام وبنرجع لورا ؟؟
**************************

لو حد بيحب حد بجد ...مهما كان بينهم حدود ...اى حاجه عاوز يقولهاله او يسأله عنها ...هيروح ويسأله...مش هيتكسف...مهما كان

**************************

لما ايدى توجعنى فى الشتا او ابقى تعبان ومكسل اعمل اى حاجه واحس انى اشقى واحد فى الكرة الارضية ...ابص حواليا الاقى ناس بتتعب اكتر منى وظروفها اوحش منى...بس بيحفروا فى الصخر بمعنى الكلمة

هبة من ضمن الناس دى ..:)

زوروها

http://hebahopes.blogspot.com/

***************************

كل يوم بتأكد اننا زى العيلة الصغيرة ...مع بعض فى الحلوة والمرة بجد

ربنا يخليكوا ليا ااقرب اتنين ليا

نونى ونونا

***************************

كل يوم قبل ما انام اصلى وادعى ربنا يكرمنا سوا

ويخليكى ليا

بجد حتى الان

احلى حاجه حصلت فى حياتى الجديدة

بحبك

السنة الهجرية الجديدة

كل عام وانتم بخير

وكل عام وانتم الى الله اقرب

سنة هجرية سعيدة علينا كلنا ان شاء الله

Love was made for me and you

L is for the way you look at me
O is for the only one I see
V is very, very extraordinary
E is even more than anyone that you adore can

waiting ...

سيجارة وكوباية شاى ساعة عصرية

وهفضل مستنى

عيد اضحى سعيد

Mistake

This time is the end ...

because it's Fatal Mistake !

Congratulations...

الحمد الله

حرقوا دمنا وهنلعب الماتش الفاصل


مبروووووك لمصر




وعاوز ابارك لاتنين من المدونين

اصحاب مدونة اوقات فراغ

The Rock

&

Barbie girl

كتب كتابهم بكرة يا جماعه ان شاء الله

والفرح التلات

Algeria Merda

كل الناس بتقول يارب

تعمل ايه لو ابنك تعب...تروح تدفنه طبعاً!!!!!

عندك عيل صغير ؟؟؟؟

طب هوا اكيد كويس؟؟

طب مفكرتش يوم لما يتعب او تحصله حادثة - لا قدر الله - ومحتاج تنفس صناعى عارف هتروح بيه فين؟؟

لو مش عارف انا اقولك

خدها من قصيرها ورتب الدفن بتاعه وترتيبات العزا والصلاة عليه اسهل بكتير من انك تستنى فى مستشفى او مع عربية الاسعاف وتشوف ابنك بيموت قدامك عشان مش لاقيين جهاز بتاع التنفس الصناعى ...او لقيته فى مستشفى بس مديرها مش راضى يدخله رغم انك واقف بتبوس رجله ...وكل اللى انت طالبه منه تنفس صناعى لحد الصبح بس ...مجرد نفس...مش نفس سيجارة حشيش ولا سيجارة بانجو او حتى كليوباترا...نفس هوا ...عشان يعيش على امل

بس لاء ...لازم نقول لاء ...عشان سمعة مستشفى ...ممكن

عشان احنا مبنهتمش غير بابناء الناس المهمة...ممكن

عشان اللى مالوش واسطة مالوش ضهر ...ممكن برضه

امبارح الساعه 9 بالليل وقع طفل صغير عنده سنتين الا شهرين من شباك شقته من الدور السادس على الرصيف تحت ...اتنقل مستشفى الهرم وقتها عالطول كان هناك الساعه 9 وربع تقريبا واتشخصت حالته ...كسر فى الجمجمة ، ارتشاح فى المخ ونزيف فى المخ ...طب ايه المطلوب دلوقتى يا جماعه ؟؟؟

جهاز تنفس صناعى للاطفال الصغيرين ...طب ده مش عندكم...لاء ماعندناش ...بس عربيات الاسعاف الطائر فيها..بس مش هينفع تقعدوه فيها لحد الصبح ...شوفوا مستشفى يكون فيها الجهاز...

القصر العينى الفرنساوى فيها بس مافيش مكان وفيه ناس عالانتظار كمان
سوزان مبارك التخصصى للاطفال للاسف مفيهاش ومعرفشى ازاى ...مين اللى عنده؟؟؟

مستشفى كيدز فى المهندسين ...بنتحايل عالراجل ساعه الا ربع مدير المستشفى يعنى

عربية الاسعاف واقفة معانا فى مستشفى الهرم اكتر من ساعه ونص ...والمفروض تمشى فيه حالات تانية ...

عدى ساعة ...ونص...ساعتين ...ونص

البقاء لله يا جماعه...الولد اتوفى وبقى عند ربنا خلاص

فى خلال الساعتين ونص دول...بندور على مستشفى فيها الجهاز بتاع الاطفال ده

وبنتحايل على بتاع كيدز يقبل الولد...مجرد نفس مش عاوزين عمليات والصبح هننقله

لاء...اليوم واقف على 2500 ...معانا فلوس...طب لازم يكون معاه الاشعات ونفحصها بعدين نقرر...طب يكون معاه دكتور...لاء اصل احنا مش بنقبل حوادث ...طب انا ايه يضمنى انكم تعرفوا مدير مستشفى سوزان مبارك...انا هكلمه اتأكد منه ...طب مش عارف ايه تانى

حجج ورا حجج

طب اهله والاهمال ...وفاة الولد اعتقد عقاب من ربنا ليهم ...وابتلاء كمان ليهم ...وممكن يكون سبب انهم يدخلوا الجنة

طب الدكاترة دول؟؟؟؟

والمستشفيات دى؟؟؟؟

طب دلوقتى اللى عنده عيل صغير يروح فين لما يتعب او تحصله حادثة...نطلع عالمدافن احسن ...ولا نتفرج عليه وهوا جمنبنا بيموت؟؟؟

حسبى الله ونعم الوكيل


عارفين اللى يخنق ايه اكتر؟

اننا كان معانا وسايط امبارح

:S

تاج من بعييييييييد نادانى

تاج جالى من هاجر زعبل صاحبة مدونة مشاعر صنعت كلمات

اسمك؟؟

سفاح كرموز او مشمش زى ما اصحابى بينادونى

سنك؟؟

23 الا شهرين ^_^

اسم مدونتك؟؟

طرطشة افكار

مجال دراستك؟؟

القانون

هل فكرت فى اغلاق مدونتك ؟؟ والسبب؟؟

مرة فكرت ولا اتنين عشان ناس اصحابى كانوا بيزعلوا لما بكتب وكل واحد كان عاوز كلام يكون تفصيل ليه...بعد كده اخدت بالى ان دى مساحتى بتاعتى ومحدش منهم ليه حاجه فيها ...بس وغيرت رايى

ايه رد فعلك لو حد قل ادبه عليك فى المدونة؟؟

بضايق وبعدين برجع اخد بالى انه زى الفرخة بيشتم ويجرى وللاسف حصلت كتير عشان كده بقيت احط موديراشن للبوستس بعد 5 ايام عشان لو حد رد فى القديم اعرف

اسوأ مدونة دخلتها؟؟

مش فاكر الاسم بس كانت عاملة زى مقلب الزبالة...خرابة يعنى...وكلنا عارفين من هما اهل الخرابات

هيحصل ايه لايميلك بعد ما تموت؟؟

هيفضل مركون او هبيعه والورثة يتخانقوا على الربح:D

اديت الباسوورد لحد قبل كده؟؟

ااه لحدوود..وندمت بعد كده >_<

السفر بالنسبة لك؟؟

تغيير جلد وجو وجسد وحاجات كتير...بطلع من القمقم اللى عايش فيه وبحس انى بتنفس بكل حرية ....بحب السفر اوى على فكرة

الموود بتاعك ايه؟؟

3 اوض وصالة وتكييف 6 سلندر

بتعمل ايه فى وقت فراغك؟؟

يا بنام يا بخرج مع نفسى فى اى مكان

الاكلات المفضلة؟؟

الكوسة بكل انواعها محشى صينية شوربة بشاميل بعشقها ("v")
الملوخية ...اى حاجه خلقها ربنا بحبها

الصفات اللى اخدتها عن والدك؟؟

العصبية
التسرع احيانا
الراس الناشفة ساعات كتير او العند يعنى


الصفات اللى اخدتها عن والدتك؟؟

الطيبة
الصفاء النفسى
ازاى اعرف ااقرا اللى قدامى
ازاى اسامح
حاجات تانية من جوا
وواخد منها حاجه فى الشكل :D اخواتى بيتغاظوا منها ^_^


اكتر 6 حاجات بتحبهم؟؟

حاليا الاولوية لـ

نهى وياسمين
هيثم وسلامة
والباقى من هنا



اكتر 6 حاجات بتكرههم ؟؟

الكدب
الظلم
العته
الراجل لما بيعيل
البنت لما بتعييل برضه
الهبل
الجنون بزيادة
اسرائيل باليهود
الشارع لما يبقى زحمة وقت لما اكون متأخر ومستعجل
سواق تاكسى زى الزلحوفة وانا مستعجل
محبش حد يحكم عليا من غير ما يعرفنى
الفشل

بس كفاية عليكوا كده

شخصيتك نوعها ايه؟؟

الناس اللى بتدخل هنا هسيبهم يخمنوا ^_^

لماذا دخلت عالم التدوين من الاساس؟؟

حبيت اتكلم محدش يسمعنى ولا يعرفنى

اهمية التعليقات بالنسبة ليك؟؟

الترمومتر اتللى بيقولى انى لسه عايش على الارض ولسه فيه ناس بتسأل وبتهتم بغيرها
رغم ساعات مش بعرف ارد عليهم واحد واحد بس بيبقى غصب عنى..:)

احلى بوست كتبته مع ذكر السبب؟؟

مش عارف...كل بوست ليه ذكرى وكل ذكرى ليها معنى او مغزى...شوفوا انتوا احلى بوست قريتوه هنا كان ايه
وهعمل تحديث واحط اللنكات هنا مع اسم كل واحد اختار

بتكلم جد على فكرة

افضل مدونة قريتها؟؟

كل اللى عاليمين من الريدر او الطرطشات الصديقة

اهمية الانترنت بالنسبالك؟؟

زى الجسر اللى بيوصلنى باصحابى اللى عايشين برا ...او اللى جوا وقت ما بكون مفلس ومش معايا اشحن الموبايل!!


اهداء التاج :

just beauty

عقل مهوى

حكايات من القلب

The lost princess

مفروسة

اميرة على كوكب مهجور

My lost world

فضفضة

واللى عاوز ياخده مش ممانع

^_^

10 Things ....

عشرة اشياء ...فكرة جت فى راسى وقلت هنفذها

كل يوم بنقابل ناس انواع واشكال جديدة

جربت تصنفهم من واحد لعشرة ؟؟؟

طيب كل يوم لازم يحصلك موقف او تشوف حاجه فى الشارع ...جربت تصنف اللى بتشوفه من 1 لعشرة؟؟

على اعتبار واحد ااقل حاجه وعشرة الاقوى؟؟؟

طيب اصحابك بتوع الشغل او الدراسة او من زمان ...جربت تحط مين ااقرب عشرة ليك ؟؟؟؟

ممم معتقدش انكم جربتوا

طب جربتوا تحطوا عشر عيوب فيكم؟؟؟

للاسف لاء عشان احنا بنؤمن اننا ملايكة ومش بنشوف الا عيب واتنين ونخبى الـتمانية الفاضلين جوانا عشان منباش ضعفاء قدام عامة الشعب :D

مش هقولكم جربتوا تعدوا عشر مميزات عشان هلاقى معلقات ورسائل تدخل موسوعة جينس بسبب طولها ومدحها

طب حد عارف اول عشر رؤساء للولايات المتحدة؟؟؟ طب العشرة اللى فى الاخر؟؟؟

كنت هسأل عن مصر او دولة عربية بس نسيت الواقع فنفضت -_-

طيب جربت تشوف عشر حاجات فى البيت بيضايقوك او معجب بيهم

جربوا كده بس ولو مرة واحدة

خلوا اسبوعكم كله عد فى عد

عدوا العربيات اللى حروفها شبه بعض او الماركة الواحده ...عدوا فى بيتكم فى شغلكم فى المواصلات او عربيتكم حتى

جرب بس تعد عشر حاجات انت بتحبها

طب كام حاجه منهم انت لسه بتعملها ؟؟؟؟

جربوا ومش هتخسروا

عشر حاجات بس

Ask Me Answers

طيب انا سبت البوست بتاع 5 ايام على اساس حد ممكن يضيف اى حاجه بس محدش اضاف :D



فيه سؤال مشترك الاول ما بين كذا حد هوا سبب اختيارى لاسم سفاح كرموز

السؤال ده اللى ساله :

mimi & واحدة مفروسة

طيب هوا كل الموضوع بينقسم لنصين...اول نص انى زمان لقيت اسم مشمش محجوز فاكتفيت انه يكون فى اللينك بس بتاع البلوج...عشان انا عملتها زمان ونسيتها بتاع فترة طويلة لحد ما رجعتلها
السبب التانى ان كذا حد اعرفه قالى انت سفاح ..ههههههههههه او فيا حاجات من السفاحين ...من ضمنها الهدوء مثلا فى التعامل مع كذا حاجه او كذا شخص وطريقة التعامل معاهم...فقررت اسمى نفسى كده...فعشان الناس تيجى لحد عندى...لازم يكون اسم يشد الناس ...فاكيد مش هسمى نفسى سفاح اسكندرية ...فمافيش غير سفاح كرموز اللى شدنى + انى بمووووت فى اسكندرية

:)

Unique asked me about : what are the things you consider the most important for normal persons to shape their own image from the inside and the outside ?

هجاوب بالعربى بس عشان مش فاكر اغلب المفردات ..هههههههههههههههههههههههههههههههههههههههههههه
طيب اهم كذا حاجه اللى المفروض تكون الشخصية وتفيد الواحد من جوا ومن برا طريقة التفكير ...انسان عاقل بيفكر بعقله وبيوزن الامور ولا عاطفى بيجرى ورا احساسه فى اى حاجه شغل جواز خروجة ...وات ايفر ...طريقة التعامل مع الناس هى اللى بتحط الصورة بتاعتك الخارجية ازاى انت انسان مستهتر ولا بتقدر اللى قدامك وتحترمه ؟؟؟؟
الداخلية عندك بقى من احترام الذات وتقدير النفس واهم حاجه القناعه ...انك تكونى قنوعه باللى ربنا قسمهولك ...منبصش لغيرنا ومنحاولش نبقى حد تانى غير نفسنا ااه نطور منها لكن منقلدش غيرنا
يارب اكون افدتك..:)

Dr Dead حبيب قلبى

حاسك برغم اي حاجة بتعملها تبسطك انك من جواك حزين مش عارف ده صح ولا لا بس دايما احساسي كده عنك انك حزين وساخط علي حاجات كتير مش شايف انك لسه صغير يا مشمش عشان تبقي حزين من جواك كده ده لو انا اللي شايفه صح؟

بص لكل واحد مننا ظروف وكل واحد ليه حياته واللى بيحصل فيها ....من ناحية ساخط ...لا ابدا ممكن بزعل كتير بس ...بفتقد حاجات كانت فى حياتى ومشيت فيه منهم اصحاب توفاهم الله فى حادثة قدام عينى او اللى تابعته وهوا بيموت كل يوم بمرض ما او اللى تسيبه الصبح بالليل تصلى عليه ...دى يمكن اكتر حاجه ماثره فيا ومخليانى بزعل كتير ...مفتقد وجود ناس كتير فى حياتى اغلبهم سابونى ومشيوا ...ااه اينعم هيجى يوم وهحصلهم تحت :D
ومحدش مننا بيبقى راضى عن حاله 100% لازم بنبص لحاجات تانية...بس لعلمك فيه حاجات كتير بتفرحنى بس بيبقى ناقصها الكريز اللى فوق التورتة ...وانا بقعد ادور عليها مين اكلها ولا مين خباها منى ...يمكن هنا او عالمنتدى بس شفت منى وش واحد ...لكن لسه فيه اكتر منى :D

السؤال التاني مشمش مين هو وعاوز ايه؟

واحد من عباد الله بندور على رضى ربنا ورضى الوالدين فى الدنيا وبحاول امشى فى خط واحد ...مستقيم مش متعرج...عاوز ايه بالظبط دى ؟؟؟؟ عاوز اكون حد كويس وناجح فى شغله ...بس دى مش بالتمنى ...للاسف دى بالشغل ومشمش حاليا كائن كسول لاقصى درجة :$

يارب اكون جاوبتك صح :D

Eman H.H. :

السؤال اللى مقدرشى ارد عليه يا ايمان مواصفات البنت اللى عاوز تتجوزها او شايف نفسك بعد 10 سنين فين

يمكن زمان كنت برد وبكل ثقة ...لكن يوم بعد يوم بنشوف ان الدنيا لسه مخبيالنا كتييييييييييييييييييييييييييييييييييييييييير

Silver eyes رديت على الاسئلة نفسها مع ان كان نفسى اشوف منك سؤال

كرسى اعتراف نورتنى وانا عالكرسى ..هههههههههههههههههههههه بتسأل :

هل اتهمت من قبل بتسفيه أفكار الأخرين؟

بتاع 5 مرات كده ...منهم مرة صح كنت ااقصد اسفه رأيه والاربعه كان تجنى عشان بيهربوا من المناقشة ^_^

دهاء سياسى وعودة بعد غياب واهو انا مش عيان ...عشان مش تتعقدى بس...هههههههههههههههه

المهم :

ايه مواصفات الشخص الى لما تقابله تقول عليه " ده انسان فعلا " ؟؟

طيب....بيحترم الناس ....عنده ذوق واخلاق ودين ...بيعامل ربنا كويس مهما كانت ديانته ايه ...عارف الحق من الباطل ...جدع

تقريبا دى المقومات بتاعت الانسان ...اعرف حد كده على فكرة :D

من هو الانسان من وجهة نظرك؟

ههههههههههههههههههههههههههههههههههههه صباح اللف يعنى

ممممممممممممممممممممممممممممممممم
هوا هوا البنى ادم -_-


عمرو فكرى ...كنت مستنى سؤاله كل ده :D

لو قررت تغير شخصيتك مع حد .. تغيرها مع مين؟

طب لو هاتختار حد مننا ع المنتدى .. تختار مين؟

مش عارف والله ...ده ممكن ارد على ايمان واقولها اصعب سؤالين حتى الان ...بس ممكن اغيرها
مع نهى اخد منها شخصيتها واديها شخصيتى ...على الاقل هتكبر راسها اكتر منى :p

بس ممكن اضيف من عندى عليها حبة بهارات يعنى ^_^

بقالى ساعه الا ربع برد عالاسئلة ..ههههههههههه يا موسهل

نيجى للاوستاذة هاجر زعبل اللى سبتها للاخر اللى اتوصت بسم الله ما شاء الله يعنى

11 سؤال :p

يا تري نفسك تعيش في بلد تانيه غير مصر؟ لو اه .. فين وليه ، ولو لأ لأ ليه ؟؟


بلدين ...فرنسا ...اغلب اصحابى هناك من زمان عايشين ومتجوزين وبيشتغلوا هناك ، كان المفروض اهاجر معاهم زمان بس فى البيت رفضوا
او الامارات بحسها البلد العربية الوحيدة اللى بتحترم شعبها فعلا ومقدرااه

ايه المقوله اللي حاططها دايما قدام عينيك ومؤمن بيها ؟؟

اذا دعتك قدرتك على ظلم الناس فتذكر قدرة الله عليك
دايما قدامى ...ودايما عندى فرصة او وسيلة انتقم من اللى ظلمنى او داس لى على طرف...بس بهدى وبفتكرها فبسكت وبسامح او مسامحش ...بس مبديش للامر اهمية وبدعى ربنا اللهم عليك بمن ظلمنى

لو باءيدك تدي جايزه نوبل لحد هتديها لمين وليه ؟؟

هديها لكل ام فى الدنيا تعبت وشقيت وربت ولادها عشان يكبروا ويردولها جزء صغير من اللى عملته ...اكتر ناس بيتعبوا والله وبيستحملونا مهما عملنا ..:)
بس فيه امهات ما تستحقش على فكرة

السفاح ممكن يحب ولا بيعشق حياة السفاحين ؟؟

زمان ااه ...كان ممكن ...دلوقتى لاء...الوحدة افضل نوعا ما من ان الواحد يبقى مع شخص فى اى وقت ممكن يجرحه ...ونقعد نجرح بعض طول الطريق ونعند سوا ...ااه وجهة نظر قاصرة حبتين تلاته بس حاليا فى اجازة طويلة...وممكن نقول لسه مجتش اللى تقدر تخطف قلبى من مكانه :p

ليه دايما انا كمان بحس ان جواك حزن عميق بتحاول تداريه بضحكه عاليه لزمتها في لحظتها ؟؟ وياتري لو في حزن ليه محاولتش تكسره ؟؟ ولو مفيش تفتكر ليه احنا بنحس بكده ؟؟

:)

احسن سلاح لمواجهة اى حزن او ضيق...انك تضحكى...وبصوت عالى اوى...يعنى من حبة جالى خبر حرق دمى ونرفزنى بس ضحكت زى المجانين ...عجباً من اللى حصل يعنى ....ساعات بعرف اكسر الحزن ده...وساعات مش بعرف عشان الفاس اللى بيكسره مش بيكون معايا ...بيكون مع حد تانى...والحد التانى ده مبقاش موجود...فبيفضل الحزن ده جوا قاعد فى مكانه مستنى صاحب الفاس يرجع يكسره تانى
بنحس بكده عشان دايما بندور على اى حاجه ناقصانا...تعرفى فيه ناس اغنيا من كتر ما هما سعداء بيبكوا ...مفتقدين شعور الحزن او الاحتياج...اغلبنا كده ...فيه ناس بتحزن عشان تعوض حاجه ...او تستدر شفقة اللى قدامها

ايه اكتر موقف صدمك في حياتك ؟؟

غير انى سقطت فى الكلية اول ما دخلتها ...ممممممم

واحد صاحبى مات قدامى

ايه اللي محدش يعرفه عن السفاح ؟؟

حياتى عاملة ازاى ...او انا ايه بعمل ايه بدرس ولا لاء ...اصحابى ...حاجات كتييير يعنى :D

نفسك توصل لايه ؟؟ وايه اللي وصلتله من احلامك ؟؟

نفسى اوصل لفووووووووووووووووووووووق اوى كده ...نفسى ابقى ناجح فى حياتى من كل ناحية ...افيد الناس اكتر واكتر
وصلت لنسبة 30% انى غيرت شخصيتى بـ360 درجة وانى بحقق كل يوم جزء صغير من اللى انا بعمله

ايه رأيك في الاسئله اللي اتوجهت ليك في البوست ده ؟؟

اسئلة مرهقة اوى...هههههههههههههههههههه:D

لاء حلوة ...بس كنت مستنى اسئلة اكتر واكتر
بس الاسئلة دى طلعت حبة من اللى جوايا...ساعات كتير بنبقى عاوزين نتكلم وبس...حد يسمعنا ولو شوية الاسئلة دى حققت حتة من السمع

بتحب دراستك ولا لا ؟؟ وانت صغير كنت بتحلم تبقي ايه ؟؟

لاء ...بكره الحقوق واللى عملوها ...بس فى نفس الوقت مكنتش عاوز تجارة ..:S

كنت عاوز اكاديمية اخبار اليوم او سياسة واقتصاد بس ربنا ما ارادش بس المصلحة من حقوق انى عرفت بلاوى فى القانون بستغلها وبستخدمها كل يوم :D

على فكرة انا استمتعت جدا باسئلتك

وباسئلة كل اللى ردوا عليا

بشكركم جداااااااااااااااا ...ساعدتم حبة انى اطلع من الموود + بحب اوى انى اتسال معرفشى ليه ...لو كانوا عملوا النجاح فى الجامعات بالشفوى والله كنت اتخرجت فى سنتين مش اربعه :p

Ask Me

Open post ...

Just ask me any question in your mind & i will answer in another post after it ..

so this is your chance people..

ASK ME !

Nothing at all

مش عارف مضايق على فرحان على زعلان

مش قادر اخش هنا حتى

بس كل اللى فيه مركز مع الهوا الساقع اللى حواليا

ومعالصورة دى اللى صورتها فى العيد الفجر فى اسكندرية

وبس

Nothing at all

الكبير والصغير

وحشتونى وبقالى فترة طويلة مطرطشتش حاجه واصدعكم ...بس رمضان مكنش الواحد ملاحق على حاجه

كنت فى اسكندرية انا الوقفه والعيد ...كان الجو تحفة وكنت هنزل بيه بوست بس بعدين بقى عشان فيه حاجه شغلانى بقالها فترة

من زمان واول ما دخلت الجامعه احتكيت بناس اكبر منى بكتير ...انا كنت وقتها 16 سنة ودلوقتى 22 وفاضلى كام شهر والحق ال 23 سنة

المهم ناس عقولها نضيفة ...وانت طالع لفوق اى سن ...تتكلم معاه بذوق وادب حتى لو مختلفين وبينكم تار بايت ...لكن دلوقتى سبحان الله فيه مبدأ ماشى فى البلد ان الكبير يقل ادبه ويغلط فى الصغير لكن الصغير مش من حقه كده ...الصغير يسمع ويسكت عشان اللى قدامه كبير ...مش بتكلم على فرق 4 سنة من السن والخبرة الحياتية ...بتكلم على نموذج فى التلاتينات من عمره ...زياما قابلت ناس فى نفس الفئة العمرية دى مدونون وناس حتى فى اشد الخلاف الكلام ما بينا ذوق ....لكن للاسف فيه ناس بتاخدها ذريعه انها كبيرة ومن حقها تغلط فى اى حد ولما تعرف سن اللى قدامك لو اكبر منك بعشر سنوات مثلا هتلاقى نفسك تكلمه بادب رغم قبلها مكنتش بتكلمه كده ....طب ليه

ليه الذوق بقى مقرون بكبير وصغير ...مش المفروض فيه مساواة فى المعاملة والاخلاق؟؟؟
مش المفروض فيه دين اسمه الاسلام بيتك عالنقطة دى ....واكيد يوم القيامة مش هيبقى فيه فرق بين حد عنده 20 سنة وحد عنده 30 سنة !!!!

مش مبرر انك كبير وعندك 30 سنة وتقل ذوقك على اللى اصغر منك ويبقى مبررك الوحيد انك كبير والكبير يغلط فى الصغير لكن الغصير مينفعش يرد الاساءة لانه كبير

وده فى حد ذاته تخلف فى المجتمع وقصور فى التربية اللى المجتمع من زمان اتعود عليها ان الطرفين يحترموا بعضهم البعض مش طرف يحترم التانى لمجرد السن

ما ياما ناس عندها بتاع 50 سنة ولسانها متبرى منها ولا عنده ذوق لكبير ولا لصغير

وناس اصغر مننا من "مواليد التسعينات" بيحرجوا الواحد بذوقهم وادبهم لما يجوا يتكلموا معاك

لكن انك تحجر على رأى الناس لمجرد انهم بيقولوا الحق ولمجرد انك شايف ان ده بيتعدى عليك يبقى ده اسمه هبل

يبقى المفروض الحكومة تقبض على كل مواطن بيدعى عليها وعلى الريس او بيفكر فى كده من باب الحجر على الرأى

او نمشى نطاطى لكل اللى اكبر مننا ونقولهم دوسوا علينا وهزقونا واعملوا اللى انتوا عاوزينه والمبرر انكم اكبر مننا وكنتوا مش طايقين حياتكم وجيتوا بس تطلعوه فينا على اساس اننا صغار وزى عروسة الفضفضة بتاعت المسلسل القديم جيران الهنا !!!!!

ده مش منطق ده اسمه عك وتخلف لما ده يحصل

مش مبرر انك انسان كبير وتغلط فى الاصغر منك لسبب ما فى حياتك الشخصية ...انت لو فى شغل وعملت كده فى مديرك سورى فى اللفظ هيحطهولك وهتقفل بقك وهتسكت لانك ممكن تكون مسئول عن اسرة وعن عيال لازم تجيب القرش وتاكلهم الاكل فى اخر الشهر وتصرف مصاريف علاج ودراسة ومسئولية ...فمش هينفع انك تعترض بالطريقة دى...كون انك وجهت النرفزة دى او الفقع لمكان تانى مش مشكلتنا خالص !!!

حد يقنعنى بالعك اللى المجتمع بقى ماشى فيه الفترة اللى فاتت واللى جاية

انا مش مقتنع عشان انت كبير يبقى تغلط فى اللى اصغر منك ولو بكام...فيه حاجه اسمها ذوق وادب واحترام ...فيه حاجه اسمها انك تكون شجاع وتكلم اللى قدامك وتناقشه مش تهرب من المواجهة ...لان النموذج اللى بتكلم عنه ده للاسف طلع من النوع المحارب الجبار ماسك الماوس ومستخبى وراء شاشته الال سى دى ويخشى مواجهة الواقع

ويأتى السؤال فى الاخر

هل فارق السن ولو سنتين يدوا الحق للكبير انه يقل ادبه عالصغير ؟؟؟؟؟

Happy Feast

ده كحك مستورد

بس كل سنة وانتم طيبين

ويبقى عيد سعيد عليكم دايما ياااارب د

P.S

New post here :

What I love

ليلة القدر

حث النبي صلى الله عليه وسلم على قيام ليلة القدر إيماناً واحتساباً ، فعن أبي هريرة رضي الله عنه عن النبي صلى الله عليه وسلم أنه قال : ( من قام ليلة القدر إيماناً واحتساباً غفر له ما تقدم من ذنبه ) متفق عليه ، وهذا الحديث يدل على مشروعية إحيائها بالقيام .



من أفضل الأدعية التي تقال في ليلة القدر ما علمه النبي صلى الله عليه وسلم عائشة رضي الله عنها ، فروى الترمذي وصححه عن عائشة رضي الله عنها قالت : ( قلت يا رسول الله أرأيت إن علمت أي ليلة ليلة القدر ما أقول فيها ؟ ) قال: ( قولي : اللهم إنك عفو تحب العفو فاعف عني ) .

واخره عتق من النار

اللهم حرم اجسادنا على النار

اللهم ارحمنا برحمتك

يا غافر الذنب اغفر ذنوبنا

يا الله

ندعوك ونرجوك ان تحرم اجسادنا على النار

اللهم اغفر لنا ذنوبنا ...وتقبل صيامنا

وتقبل اللهم صلاتنا وقيامنا

يا حنان يا منان اغفر ذنوبنا وتقبل صيامنا

واعتقنا من النار

يارب ارزقنا بحج بيتك الحرام

وزيارة حبيبك ...ونبيك ومصطفانا عليه افضل الصلاة والسلام

ها أنا عبدك ...اعود اليك ...اطلب منك مغفرتك...ورحمتك

فلا تردنى خائبا وتقبل دعائى

يا الله

الله اكبر ...الله اكبر

حى على الصلاة

حى على الصلاة

اوسطه مغفرة

اللهم اغفر لنا ذنوبنا

اللهم ارحمنا برحمتك

اللهم حرم النار على اجسادنا

وارزقنا جنتك

امين

....................

Empty post

can't find little word describe what i feel right now

:'(

حالو يا حالو

انا عارف انى ندل حبة

ومنفض للبلوج والكومنتات

بس غصب عنى والله

مفحوت فى كذا حاجه ومش بشو الكمبيوتر الا الصبح وانا نازل او لما برجع نفسى انام

كل سنة وانتم طيبين ويارب يبقى رمضان مليان بالخير علينا كلنا

وكلنا نقرب لربنا اكتر

كل سنة وانتم طيبين

اليوم العالمى للسرقة

لو النهاردة اليوم العالمى للسرقة

تسرق منى ايه ؟؟؟؟؟

مجرد سفاح.....-2

حلماً هى ...يداعب رؤوس وعيون الشباب بالجامعه ...فهى جميلة الجميلات...بالتأكيد ليست فى جمال فيرجينيا بطلة فيلم الناصر صلاح الدين او حتى كليوباترا ...ولكنها تعتبر جميلة فى المكان او المرحلة العمرية التى لم تتعدى سنواتها التسعة عشر

وكان بطلنا الهمام يود ان يصادقها ...احبها من اول نظرة كما يقولون ...كان يتمنى فقط ان تشير اليه باصابعها او حتى تنظر اليه نظرة شفقة او حتى عطف وربما تجنح مخيلته ويراها توبخه ...عاملاً بمبدأ ضرب الحبيب كأكل الزبيب والياميش كله ...كان يهيم بها عشقاً

ولكنه لم يستطع ان يخفى هذا الحب اكثر من ذلك...فتناول حبوب الشجاعه وشرب كأس الجرأة وذهب ليصارحها ومتوقع اسوأ السيناريوهات انها ستقذفه بزجاجة المياه الغازية او لربما تصفعه قلماً يجعل عينيه اليمنى فى زيارة لشقيقتها اليسرى

ولكن !!!!! لم يحدث هذا قط

فعندما قال لها احبك ...قالت له ولما لا

اندهش وظن انه يحلم ولكنها كانت الحقيقة ...فهى تبادله مشاعر الحب ايضاً

ومرت الايام ...وفات اسبوع تلو الاخر وهم فى سعادة وهناء بغض النظر انه كان يعمل مثل خادمها الشخصى ...ولربما احقر من هذا ...فيذهب هنا ليحضرلها محاضرات وياتى من هناك بأكلها المخصوص حتى تحافظ على رشاقتها وان فكر ...مجرد التفكير فى الاعتراض كان نصيبه التهديد بتركه على قارعة الطريق وحيداً مكسوراً ليس له اى شىء يعينه فى هذه الحياة

ولكنها كانت تستمتع بهذا ...نعم تستمتع باذلاله يوماً بعد يوم ...فهاهى منذ لحظات تقول له كلاماً معسولاً ولحظات اخرى تصب جام غضبها عليه لانه تجرأ وسألها عن ملابسها

وهو صامت ...يسمع وهو صامت...يرى وهو صامت ...حتى انه يتكلم وهو صامت...بالطبع بطلنا ليس اخرس...ولكنه يتكلم بداخله فقط

حتى جاء يوم فى هذا النادى المشهور ....احدى صديقاتها تداعبها قائلة ...على اى باب جامع وجدتيه ...فردت قائلة انها امتلكته بعد ان وجدته فى كيس رقائق الذرة وانه يعشقها لدرجة انها جعلته خداماً لها ...واردفت انها لا تحبه ...ولكنها تحب اذلاله ليس الا

وفى هذه اللحظة...افاق هذا الشاب المخمور من حبها ...وخلع عن نفسه عباءة الخادم ...وقرر ان يكون السيد والآمر لمرة واحده فى هذه العلاقة

فكان نصيبه السباب والطرد من جنة جميلة الجميلات

ليعود ليجلس بمفرده على قارعة الطريق...ويلملم بعض شىء مما تبقى من كرامة ذهبت مع الريح

وكانت هى فى نظره ...مجرد سفاح

تأخذ القلوب حية ...وتعيدها ميتة

بلا شفقة ...او حتى محبة

ولم لا

فهى مجرد سفاح

who care !!!!

who cares ?!!!

******************************************************************************

Amr Fekry....

Please Come Back ....

Your "Family" Missing You !

ضد سياسة الاستخدام العادل

سياسة الإستخدام العادل خلاص نزل قرار بالفعل بتطبيق سياسه الاستخدام العادل للانترنت فى جميع شركات الانترنت فى مصر بلا استثناءليصبح الاستخدام بالشكل التالى:سرعه 512: 25 جيجا شهريا / سرعه 1024: 40 جيجا شهريا / سرعه 2048: 60 جيجا شهريا / سرعه 4098: 80 جيجا شهريا
تصحيح هام للمعلومه قرار من هيئه الاتصالات المصريه ntra وده قرار ملزم لجميع شركات الانترنت فى مصر مش بس لينك وتى اى داتا كل الشركات بما فيها اتصالات وفودافون وكل الشركات بلا استثناء وده قرار ملزم للجميع وبعد انتهاء الكوتا او الجيجا المخصصه لكل واحد بتنزل السرعه الى 128 كب بالاضافه الى ان الهيئه قررت الغاء كل العروض الى بتقدمها الشركاتاى عرض كانت عاملاه اى شركه زى الروتر المجانى مثلا فى شركه لينك قررت الهيئه الغاء كل العروض الزاميا للشركات ولسـا ياما هنشوف


2-

ADSL غير محدد الكميه

السرعه شهر 3 شهور 6 شهور 12 شهر سياسة الإستخدام العادل
512 ك ب / ث 95 280 555 1090 25 جيجابايت / شهريا
1024 ك ب / ث 140 415 820 1610 40 جيجابايت / شهريا
2048 ك ب / ث 220 650 1290 2530 60 جيجابايت / شهريا
4096 ك ب / ث 380 1125 2230 4380 80 جيجابايت / شهريا
8192 ك ب / ث 695 2055 4020 8000 120 جيجابايت / شهريا
16384 ك ب / ث 1355 4010 7845 15600 180 جيجابايت / شهريا
24576 ك ب / ث 1950 5770 11310 22500 250 جيجابايت / شهريا

3-

يا جماعه النهارده نزل قرار بالفعل بتطبيق سياسه الاستخدام العادل

للانترنت فى جميع شركات الانترنت فى مصر بلا استثناء

ليصبح الاستخدام بالشكل التالى:



سرعه 512: 25 جيجا شهريا

سرعه 1024: 40 جيجا شهريا

سرعه 2048: 60 جيجا شهريا

سرعه 4098: 80 جيجا شهريا

تصحيح هام للمعلومه

انا بشتغل فى احدى شركات الانترنت الكبرى الى اتعمل ده مش الشركات هى الى عملته ده قرار

من هيئه الاتصالات المصريه ntra وده قرار ملزم لجميع

شركات الانترنت فى مصر مش بس لينك وتى اى داتا كل الشركات

بما فيها اتصالات وفودافون وكل الشركات بلا استثناء وده قرار ملزم للجميع

وبعد انتهاء الكوتا او الجيجا المخصصه لكل واحد بتنزل السرعه الى 128 كب/س

سياسه الاستخدام العادل بالاضافه الى ان الهيئه قررت الغاء كل العروض الى بتقدمها الشركات

اى عرض كانت عاملاه اى شركه زى الروتر المجانى مثلا فى شركه لينك قررت الهيئه

الغاء كل العروض الزاميا للشركات يبقى يا جماعه ياريت مانقولش كلام على الشركات او الناس او اى حد

من غير ما نعرف الحقيقه ولا نعرف ايه الموضوع بالظبط

4-

الشكوي



نص الرساله



--------------------------------------------------------------------------------


السلام عليكم

إلي جميع الساده و المسئولين و المدافعين عن الحقوق في مصر , إلي كل قلم صحفي أو أعلامي أو مسئول يهمه إلا تحدث عمليه نصب واسعه علي أغلب الشباب المصري الذي يعتبر الأنترنت هو المتنفس الوحيد له , منذ أن تولي السيد أحمد نظيف رئيس الوزراء رئاسه وزاره الأتصالات من سنوات عده حدث تطورا ملموسا و واضحا و أستمر كل جاء من بعده علي نهجه , إلا أن الجميع فوجئ في الأيام العديده الماضيه بأحد أبتكارات الجهاز القومي لتنظيم الأتصالات و شركات الأنترنت المصريه المقيده للحريات و المخالفه للأتفاقيات الموقعه مع المشتركين و المخالفه لتوجهات الدوله بضروره أنتشار الأنترنت بمصر و هو ما يسمي بسياسه الأستخدام العادل لتقييد حجم التحميل للسرعات غير المحدوده كما هو منصوص في التعاقدات مع الشركات المختلفه مما يعني مخالفه هذه الشركات بنود هذه العقود و مما يعتبر أستهتار و أستهانه بوزاره الأتصالات و بتوجهات الدوله حيث أن الكميات التي حددتها الشركات لا تكفي لمجرد التصفح اليومي للأنترنت و عمليه التحديث المطلوبه لأغلب البرامج الحديثه و الكفيله بأنهاء هذه الكميه , فبعض أنظمه تشغيل الحاسب الحديثه تحتاج تقريبا لتحديثات تمثل نصف هذه الكميه المتاحه هذا بخلاف التصفح و التحميل الفعلي , نرجو من سيادتكم التدخل و بذل الجهد لأعاده الحق لأصحابه و عدم حرمان الشباب من المتنفس الوحيد لهم و مواجهه أستغلال شركات الأنترنت و مخالفتها لعقودها و من القوانين الغير مدروسه من الجهاز القومي لتنظيم الأتصالات الذي يبدوا أن القائمين عليه بعدين كل البعد عن توجهات الدوله أو حتي مجال عملهم في تقييم الأحتياجات المتوسطه لمستخدم الأنترنت .



--------------------------------------------------------------------------------


نرجو إرسال هذه الرساله مصحوبه بتوقيعك للجهات التاليه

ديه تحطها مره واحده في خانه العنوان

questions@cabinet.gov.eg; cccomplaints@tra.gov.eg; info@techdevfund.com; eltahrir@eltahrir.net; akhbarelyom@akhbarelyom.org; ahram@ahram.org.eg; ait@ahram.org.eg; baridelgomaa@ahram.org.eg; alkaheraalyoum@orbit.net; a_ragab@akhbarelyom.org; 7day@mbc.ae; al3ashera@dreams.tv; mostafabak@hotmail.com; 90min@elmehwar.tv



رئاسه مجلس الوزراء

questions@cabinet.gov.eg

الجهاز القومي لتنظيم الأتصالات

cccomplaints@tra.gov.eg

info@tra.gov.eg

وزاره الأتصالات

http://www.mcit.gov.eg/ar/Contactus.aspx?x=1

صندوق تنميه التكنولوجيا

info@techdevfund.com

جريدة الجمهورية
eltahrir@eltahrir.net
________________________
أخبار اليوم
akhbarelyom@akhbarelyom.org
________________________
جريدة الأهرام
ahram@ahram.org.eg
________________________
مجلة لغة العصر
ait@ahram.org.eg
________________________
بريد الجمعه:
baridelgomaa@ahram.org.eg
________________________
عمرو أديب
alkaheraalyoum@orbit.net
________________________

أحمد رجب
a_ragab@akhbarelyom.org
________________________
برنامج اليوم السابع
7day@mbc.ae
________________________
برنامج العاشرة مساء_قناة دريم
al3ashera@dreams.tv
________________________
مصطفى بكرى-جريدة الاسبوع
mostafabak@hotmail.com
________________________
برنامج 90 دقيقة
90min@elmehwar.tv

________________________


xskoot@almasry-alyoum.com
________________________

بلال فضل
belalfadl@hotmail.com
________________________
جريدة الشروق
contact@echoroukonline.com
________________________


جروب الفيس بوك

http://www.facebook.com/group.php?gid=239479795006

............
5-

ما هي الخدمات التي من شأنها أن تحتسب في تجميع السعة المخصصة لي؟

جميع الخدمات (التصفح، تحميل، P2P، تدفق... الخ) يتم حساب استهلاكهم من السعة المقررة.

ما هي الخدمات التي ستتأثر عندما تنخفض بسرعة؟

ستنخفض سرعة جميع الخدمات حتى نهاية الشهر في حالة تعدي السعة المقررة، ثم تعود بسرعة إلى وضعها الطبيعي في بداية الشهر الجديد.

6-

** *** يا مصر علي ** ** نيلك

:)

القضية فى الملوخية والسبب التقلية !!

بقالى فترة ملاحظ ان اغلب الشباب فيه اسئلة مهمة اوى بتيجى على بالهم وتقريباً هى دى اللى السبب فى ازمة فلسطين والجواز ولو اتحلت يبقى خلاص ايران هترجع اللى اخدته من امريكا والارجنتين هترجع تكسب كاس العالم تانى ومصر هتاخد المركز التانى فى 2020

ياترى تقبل تتجوز بنت بتدخل الانترنت والفيسبؤ؟؟؟

تتجوزى ولد بيكلم بنات والعكس تتجوز بنت بتكلم ولاد

هتتجوز او ترضى تكلم الولد اللى بيربى دقنه ...هتتحجبى ولا تنتقبى ولا هتمشى ملط فى الشارع ...هتلبسوا ايه فى المصيف انت وعيلتك لما تتجوزوا

يعنى هملط يا بكوكتى ولا هتمشى جلاليب ولا المصيف بدعة وكل بدعة ضلالة؟؟؟؟؟

ممكن ناس تختلف معايا ...بس انا شايف اننا بقينا نمسك فى قشرة البطيخة ونحلل ونسأل ليه هى خضرا...طب ليه مش اخضر برسيمى...طب ليه البطيخة مدورة...ومش بنبص اذا كانت اصلا قرعة ولا بشعر ولا مسكرة ولا هى اصلا مش بطيخة؟؟؟

مش عارف ...بس فعلا السر والله اعلم طلع فى الملوخية...والشهقة بتاعتها وقت التقلية متداخلة فى الموضوع

حد عنده رأى؟؟

New Branch released ....

ازيكم يا جماعه

يارب تكونوا بخير دايما

كل سنة وانتم طيبين رمضان قرب خلاص وشعبان جرى بقينا نص الشهر بسرعه

المهم

عملت فرع جديد للطرطشة هنا

حتى اللنك بتاعه اسمه شبه الطرطشة

هههههههههههههههههههه

بس هناك هحط حاجات بحبها وبحب اشوفها

صورة فيديو اغنية بوست...اى حاجه بحبها

بس ابقوا زورونى فيها

^_^

What I Love