عشرة اشياء ...فكرة جت فى راسى وقلت هنفذها كل يوم بنقابل ناس انواع واشكال جديدة
جربت تصنفهم من واحد لعشرة ؟؟؟
طيب كل يوم لازم يحصلك موقف او تشوف حاجه فى الشارع ...جربت تصنف اللى بتشوفه من 1 لعشرة؟؟
على اعتبار واحد ااقل حاجه وعشرة الاقوى؟؟؟
طيب اصحابك بتوع الشغل او الدراسة او من زمان ...جربت تحط مين ااقرب عشرة ليك ؟؟؟؟
ممم معتقدش انكم جربتوا
طب جربتوا تحطوا عشر عيوب فيكم؟؟؟
للاسف لاء عشان احنا بنؤمن اننا ملايكة ومش بنشوف الا عيب واتنين ونخبى الـتمانية الفاضلين جوانا عشان منباش ضعفاء قدام عامة الشعب :D
مش هقولكم جربتوا تعدوا عشر مميزات عشان هلاقى معلقات ورسائل تدخل موسوعة جينس بسبب طولها ومدحها
طب حد عارف اول عشر رؤساء للولايات المتحدة؟؟؟ طب العشرة اللى فى الاخر؟؟؟
كنت هسأل عن مصر او دولة عربية بس نسيت الواقع فنفضت -_-
طيب جربت تشوف عشر حاجات فى البيت بيضايقوك او معجب بيهم
جربوا كده بس ولو مرة واحدة
خلوا اسبوعكم كله عد فى عد
عدوا العربيات اللى حروفها شبه بعض او الماركة الواحده ...عدوا فى بيتكم فى شغلكم فى المواصلات او عربيتكم حتى
جرب بس تعد عشر حاجات انت بتحبها
طب كام حاجه منهم انت لسه بتعملها ؟؟؟؟
جربوا ومش هتخسروا
عشر حاجات بس
18 comments:
bs 10 kteer :huh:
5leha 5 :)
حلوة الفكرة اوي عشر حاجات لسه بعاملها وعشر عيوب دول هفكر فيهم انما عشر اشخاص قربين ليه عشرة دول كتير شوية :) بجد فكرة لذيذه انا معاك
تدوينة حلوة .. لأنه غالبا الواحد في أيامنا دي معندهوش وقت يقف يفكر ويتأمل مع سرعة المجريات طول اليوم وعلى مدى الأيام
أنا متابعة على فكرة بصمت :)
سلام عليكم
انا بقى عديت لنفسى 20 عيب وحوالى 5 مزايا
ولما ببقى رايقة بقعد اعد التاكسيات عندنا لان لونها برتقانى مستفز وبحس لما بتكتر فى الشارع ان فى حاجة واجعة عنيا
وبعدين ما تخلى الطابق مستور ماكل واحد عارف عيوبه ومغطى عليها وبيقول انا احسن من غيرى
وبيتى مافيش احسن منه
ولا ايييييييييه؟
فكرة التدوينة دى جامدة آخر حاجه :)
100 100 :)
فى حاجات من دى انا عددتها فى حياتى بس ما عدتهاش :)
حجرب أعد و احتمال تبقى لي عودة هنا تانى اقولك ايه الأخبار :)
انا لقيت 15 عيب :huh:
10 مزايا بالعافيه
واربع نقط معرفتش اميز ان كانت عيب او
مطلعتش ملاك >>
اولا اهلا بحضرتك في المدونة بتاعتي
ثانيا فكرة التدوينة دي حلوة اوي علي فكرة بس انا بامانة هافكر في عشرة حاجات وهاقول انا وصلت لاية ان شاء الله
حلوة التدوينة علي فكرة وهاجرب فعلا الفكرة دي وهاقول عملت اية
طب هستفيد ايه لما هاعد كل ده؟؟؟
حلوة الفكرة دي تصدق حضرتك اني عمري ما فكرت اني اعمل كدة خالص او افكر في كدة بس هاجرب وهاشوف اية الهوصلة
حلوة التدوينة دي يا فندم بس فعلا عمري ما جربت اعمل كدة ولا جاء في فكري ابدا بس هاجرب واشوف
حلوه اوي الفكره دي يا مشمش ..
هتخلينا نبص لكل حاجه بعمق شويتين ، مش هنعدي كل حاجه كده ونبقي واقفين زي المتفرج الساذج اللي مش دريان بالدنيا ..
انا كمان هعد ، وهقعد الاسبوع ده كله عد في عد لحد ما اشوف كل حاجه حواليا كام من 10 ..
وانت كمان ابقي عد وقلنا :))
باشااا باشا
باشاااا
ليك تاج عندي :))
تدبيسه معتبره بقي .. مستنيه اجاباتك ايها الولد :)
Mona:
e3mlehom bs el awel :D
**************************
اميرة على كوكب مجهول :
هستنى لنك فيه العشر حاجات بتوعك ^_^
Maha:
ميرسى كتييير
بس كان نفسى تاخدى بريك وتعدى معانا :D
*********************
عابرة السبيل:
ههههههههههههههههههههههههههههه
طب مش انتى بتعدى معانا؟؟
خلاص كده كويس ^_^
دهاء سياسى :
ميرسى ليكى ومستنى انك تيجى تقولى انك عديتى العشر حاجات
*********************
Mona:
محدش ملاك :riri:
Tota2000:
هستنى منك انك تقولى انك عدتيهم
ونورتى طرطشتى..:)
*****************
bodoka:
عديهم وانتى تعفرى ;)
Hager za3bal:
ههههههههههههههههههههههه
اول العد بعتيلى تاج ...ينفع كده؟؟؟ :p
منورانى دايما بجد
Post a Comment