Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Monday, December 21, 2009

طراطيش مبعثرة



بنتغير كل دقيقة ...كل ثانية...كل لحظة فى اليوم
بس المهم اننا نتغير للأحسن...مش للوحش
ونعرف نستغل التغيير ده

**************************

ساعات كتير بحن للماضى وارجع افتكر الذكريات واعتاب نفسى واعاتب ناس تانية
بس برجع وافتكر ان الذكريات اتعملت عشان نفتكر الحلو وبس

**************************

ذنب اهالينا الوحيد انهم جاوبنا للدنيا
باقى الحدوتة احنا بنتحمل الذنب سواء فى المعاملة او فى التعامل مع اى نفسنا حتى مش مع الناس
الذنب ذنبنا احنا ...مش ذنبهم

*************************

انت مجنون

اتقالتلى وبتتقالى كل يوم ...بفرح لما بسمعها...بحس انى لسه شباب وفيه طاقة وحيوية لسه جوا ...وساعات بضايق لما بسمعها ...بحس ان الطاقة انطفت ...والموتور عاوز يريح ...قولتلى عندك كام سنة؟!!

**************************

كل يوم بيثبتلى المسئول فى مصر انه موجود عشان يعذب اللى تحتيه او اللى بيتعامل معاهم

وكل يوم الروتين بيثبتلى قد ايه الموظفين بياخدوا شتايم ودعوات عليهم من العك اللى هما فيهم...ونسأل نفسنا هوا احنا ليه مش بنتقدم لقدام وبنرجع لورا ؟؟
**************************

لو حد بيحب حد بجد ...مهما كان بينهم حدود ...اى حاجه عاوز يقولهاله او يسأله عنها ...هيروح ويسأله...مش هيتكسف...مهما كان

**************************

لما ايدى توجعنى فى الشتا او ابقى تعبان ومكسل اعمل اى حاجه واحس انى اشقى واحد فى الكرة الارضية ...ابص حواليا الاقى ناس بتتعب اكتر منى وظروفها اوحش منى...بس بيحفروا فى الصخر بمعنى الكلمة

هبة من ضمن الناس دى ..:)

زوروها

http://hebahopes.blogspot.com/

***************************

كل يوم بتأكد اننا زى العيلة الصغيرة ...مع بعض فى الحلوة والمرة بجد

ربنا يخليكوا ليا ااقرب اتنين ليا

نونى ونونا

***************************

كل يوم قبل ما انام اصلى وادعى ربنا يكرمنا سوا

ويخليكى ليا

بجد حتى الان

احلى حاجه حصلت فى حياتى الجديدة

بحبك


17 comments:

Eman.H.H. said...

كل يوم بيثبتلى المسئول فى مصر انه موجود عشان يعذب اللى تحتيه او اللى بيتعامل معاهم


أي نعم :)
...........................

ساعات كتير بحن للماضى وارجع افتكر الذكريات واعتاب نفسى واعاتب ناس تانية

في كلا الحالتين بعاتب نفسي سواء أنا اللي غلط أو الناس هما اللي غلط .. طالاما في حد غلط فيا .. أكيد أنا غلط في حاجة سمحت للناس دي تغلط فيا
:)

بس اعتقد ان الذكريات اتعملت علشان نفتكر الحلو والوحش كمان .. علشان
نتعلم من اخطاءنا


عموما طراطيش لذيذة بجد

perlina said...

ساعات كتير بحن للماضى وارجع افتكر الذكريات واعتاب نفسى واعاتب ناس تانية
بس برجع وافتكر ان الذكريات اتعملت عشان نفتكر الحلو وبس

mesh dayman .. momken kaman nftker el w7esh 3alshan natfadah f el future

وكل يوم الروتين بيثبتلى قد ايه الموظفين بياخدوا شتايم ودعوات عليهم من العك اللى هما فيهم...ونسأل نفسنا هوا احنا ليه مش بنتقدم لقدام وبنرجع لورا ؟؟
:D 3alshan e7na f egypt ...


لما ايدى توجعنى فى الشتا او ابقى تعبان ومكسل اعمل اى حاجه واحس انى اشقى واحد فى الكرة الارضية ...ابص حواليا الاقى ناس بتتعب اكتر منى وظروفها اوحش منى...بس بيحفروا فى الصخر بمعنى الكلمة
:).. lazem n7med rabena 3ala elly e7na feh ayan kan el zrof de .. e7na a7san men nas tanya kteer ..


---------
post lazez .. 5alany aftker tany eny 3andy account 3ala el blog :D:D

عمرو فكرى said...

^_^

دهاء سياسي said...

فقط ابتسامه .. و شكرا جزيلا على لينك مدونة هبه

يا رب تكون بخير يا محمد :)

Selfmeaning said...

اول ما بدات اقرا البوست لقيت الدموع

بتنزل لوحدها خصوصا فى الجزء بتاع

الذكريات اللى اعتقد انها بقت

موجودة مش عشان نفتكر منها الحلو بس

و لكن ممكن برده عشان نتعلم منها و

نكتسب الخبرة

شوية شوية نزلت تحت لقيت كلمة

العيلة الصغيرة

اتبسط شوية لما لقيت نونى و نونا

كنت مزقططة من الفرحة

و بقول يااااااااااا

احنا لسه اهو

ربنا يخلينا لبعض طول العمر

أميرة علي كوكب مهجور said...

حافظ ع احلي حاجه حصلتلك
خليك متفاءل وواثق في ربنا
ربنا يسعدك دايما

Ana keda said...

هههههههههههههه
انت عارف انك غالى عندى اوى واى حرف حضرتك بتكتبه بيسبب ابتسامة بلهاء جدا عليا ولا تسالنى ما السبب؟؟
حلو اوى الفضفضة دى من وقت للتانى يمكن انا حابة جدا الفترة الى انت فيها دى حساساك بتتغير والدماغ بجد بتختلف وده فى حد ذاته حاجة تحفة انك قدرت تعملها العقل زايد يافندى مش الجنان
اما بالنسبة لاحلى حاجة حصلت ربنا يستتجيب دعاؤك كده ويخليكوا لبعض ويجعل كل خير بينكم يبنى دانت غلبان وططيب والنعمة
:)

safa7_karmooz said...

Eman .H.H :

":)

بس اعتقد ان الذكريات اتعملت علشان نفتكر الحلو والوحش كمان .. علشان

" نتعلم من اخطاءنا

اكيد ده سبب رئيسى...بس مبحبش افتكر الماضى كتير -_-

نورتينى بجد

^_^

safa7_karmooz said...

Perlina:

thx 3la commentk :D

w aho tel3 lya fayda ^_^

safa7_karmooz said...

عمرو فكرى:

-_-

safa7_karmooz said...

دهاء سياسى :

ابتسامة تسعدنى :)

انا بخير طول ما حضرتك بخير :)

I'm The CraZy One said...

hiiiiiiii

nice post kalamak sa7 :D


ta7eyatii :D :D

Sometimes said...

ساعات كتير بحن للماضى وارجع افتكر الذكريات واعتاب نفسى واعاتب ناس تانية
بس برجع وافتكر ان الذكريات اتعملت عشان نفتكر الحلو وبس
---
صح كده



انت مجنون

اتقالتلى وبتتقالى كل يوم ...بفرح لما بسمعها...بحس انى لسه شباب وفيه طاقة وحيوية لسه جوا ...وساعات بضايق لما بسمعها ...بحس ان الطاقة انطفت ...والموتور عاوز يريح ...قولتلى عندك كام سنة؟!!
-----
24
:D
على فكره انا بفرح جدا لما حد بيقولى كده



عجبانى الطراطيش
وحشتنى الحاجات دى

safa7_karmooz said...

اميرة على كوكب مهجور:

اكيد ان شاء الله

دى الحاجات اللى بتخلينى نتمسك بالحياة اكتر واكتر

نورتى الطرطشة كعادتك

safa7_karmooz said...

Ana keda:

والله انا اللى بتبسط جدا لما بشوفلك كومنت او حتى زيارة هنا ...بتنورينى دايما

بصى الجنان لسه موجود والله ^_^ ...بس مش بقى يطلع عالطول..بخزنه عشان لما اتجوزها ان شاء الله اوريهولها..ههههههههههههههههههههههههههههه

هتولع فيا لما تقرا الكومنت ده...ما علينا ^_^

ام هند يعنى

حاولى بس تركزى وانتى ماشية وتعرفى راسك من رجلك بس اهم حاجه...:)

safa7_karmooz said...

Crazy one:

surezz...klamy kolo 7ekm ^_^ :D

nawrty el Tratashaaaaaaaaaa

safa7_karmooz said...

sometimes:

يااااااااااااااااه بقالك كتير مش جيتى ونورتينى ^_^

انا 23 قريب جدا وافتخر ^_^