Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Friday, November 06, 2009

تاج من بعييييييييد نادانى

تاج جالى من هاجر زعبل صاحبة مدونة مشاعر صنعت كلمات

اسمك؟؟

سفاح كرموز او مشمش زى ما اصحابى بينادونى

سنك؟؟

23 الا شهرين ^_^

اسم مدونتك؟؟

طرطشة افكار

مجال دراستك؟؟

القانون

هل فكرت فى اغلاق مدونتك ؟؟ والسبب؟؟

مرة فكرت ولا اتنين عشان ناس اصحابى كانوا بيزعلوا لما بكتب وكل واحد كان عاوز كلام يكون تفصيل ليه...بعد كده اخدت بالى ان دى مساحتى بتاعتى ومحدش منهم ليه حاجه فيها ...بس وغيرت رايى

ايه رد فعلك لو حد قل ادبه عليك فى المدونة؟؟

بضايق وبعدين برجع اخد بالى انه زى الفرخة بيشتم ويجرى وللاسف حصلت كتير عشان كده بقيت احط موديراشن للبوستس بعد 5 ايام عشان لو حد رد فى القديم اعرف

اسوأ مدونة دخلتها؟؟

مش فاكر الاسم بس كانت عاملة زى مقلب الزبالة...خرابة يعنى...وكلنا عارفين من هما اهل الخرابات

هيحصل ايه لايميلك بعد ما تموت؟؟

هيفضل مركون او هبيعه والورثة يتخانقوا على الربح:D

اديت الباسوورد لحد قبل كده؟؟

ااه لحدوود..وندمت بعد كده >_<

السفر بالنسبة لك؟؟

تغيير جلد وجو وجسد وحاجات كتير...بطلع من القمقم اللى عايش فيه وبحس انى بتنفس بكل حرية ....بحب السفر اوى على فكرة

الموود بتاعك ايه؟؟

3 اوض وصالة وتكييف 6 سلندر

بتعمل ايه فى وقت فراغك؟؟

يا بنام يا بخرج مع نفسى فى اى مكان

الاكلات المفضلة؟؟

الكوسة بكل انواعها محشى صينية شوربة بشاميل بعشقها ("v")
الملوخية ...اى حاجه خلقها ربنا بحبها

الصفات اللى اخدتها عن والدك؟؟

العصبية
التسرع احيانا
الراس الناشفة ساعات كتير او العند يعنى


الصفات اللى اخدتها عن والدتك؟؟

الطيبة
الصفاء النفسى
ازاى اعرف ااقرا اللى قدامى
ازاى اسامح
حاجات تانية من جوا
وواخد منها حاجه فى الشكل :D اخواتى بيتغاظوا منها ^_^


اكتر 6 حاجات بتحبهم؟؟

حاليا الاولوية لـ

نهى وياسمين
هيثم وسلامة
والباقى من هنا



اكتر 6 حاجات بتكرههم ؟؟

الكدب
الظلم
العته
الراجل لما بيعيل
البنت لما بتعييل برضه
الهبل
الجنون بزيادة
اسرائيل باليهود
الشارع لما يبقى زحمة وقت لما اكون متأخر ومستعجل
سواق تاكسى زى الزلحوفة وانا مستعجل
محبش حد يحكم عليا من غير ما يعرفنى
الفشل

بس كفاية عليكوا كده

شخصيتك نوعها ايه؟؟

الناس اللى بتدخل هنا هسيبهم يخمنوا ^_^

لماذا دخلت عالم التدوين من الاساس؟؟

حبيت اتكلم محدش يسمعنى ولا يعرفنى

اهمية التعليقات بالنسبة ليك؟؟

الترمومتر اتللى بيقولى انى لسه عايش على الارض ولسه فيه ناس بتسأل وبتهتم بغيرها
رغم ساعات مش بعرف ارد عليهم واحد واحد بس بيبقى غصب عنى..:)

احلى بوست كتبته مع ذكر السبب؟؟

مش عارف...كل بوست ليه ذكرى وكل ذكرى ليها معنى او مغزى...شوفوا انتوا احلى بوست قريتوه هنا كان ايه
وهعمل تحديث واحط اللنكات هنا مع اسم كل واحد اختار

بتكلم جد على فكرة

افضل مدونة قريتها؟؟

كل اللى عاليمين من الريدر او الطرطشات الصديقة

اهمية الانترنت بالنسبالك؟؟

زى الجسر اللى بيوصلنى باصحابى اللى عايشين برا ...او اللى جوا وقت ما بكون مفلس ومش معايا اشحن الموبايل!!


اهداء التاج :

just beauty

عقل مهوى

حكايات من القلب

The lost princess

مفروسة

اميرة على كوكب مهجور

My lost world

فضفضة

واللى عاوز ياخده مش ممانع

^_^



10 comments:

تــسنيـم said...

ان أن أن
تششششش


أنا جاوبت ع التاج ده زمان يا مشمش

:))

أميرة علي كوكب مهجور said...

بقا كده ماشي بدبسني هي دي برضه الاخوة:)
ماشي تاج مقبول وكل تاج وانت طيب:)

Anonymous said...

انا عايزاك تفضل مغير رأيك علي طوووول ومتفكرش تفقلها نوهائي :)

عجبني اوي تشبيهك بتاع " الفرخه "
هههههههههههههه

والمووود بتاعك جامد اوي :))))))
بس خد بالك لا يخيلك برد :)))))))))))


عاجباني اوي الحاجات اللي بتحبها واللي بتكرهها ..:)

وعاجباني اكتر المفاجأه .. هستني مناسبة كل بوست .. حساها فكره جديده وهتبقي جميله اوي :)

Tamer Nabil Moussa said...

كل تاج وانت طيب

اجابات سليمة

مع خالص تحياتى

محمد حويحي said...


مشمش
مساء الخير يا جميل
شوف اولا وثانيا وثالثا مش عارف اوصفلك قد ايه انا فرحان اني علي بالك وانا من المدبسين في التاج ده
قصدي من المتيجين يعني
:)

رابعا
"الراجل لما يعيل" موافقك جدا
جدا

خامسا
وعد اني ان شاء الله هاحله وقت ما هاحل كل اللي عليا
ووعد الحر دين

سادسا
تسلم يارب ودايما فاكرنا
:)

safa7_karmooz said...

تسنيم :

حلوة الموسيقى التصويرية دى...

طب عيديه حتى عزومة مراكبية :p

safa7_karmooz said...

اميرة على كوكب مجهول :

ايون لازم ندبس بعضنا البعض ^_^

وانتى طيبة

safa7_karmooz said...

hager za3bal:

ادعى انتى بس الظروف تبقى احسن..:)

دوونت وورى ...ماهو 6 سلندر بس :p :p


شوفتى ...مظبطكم اهوة ...مافيش سفاح طيب زىى كده :D

نورتينى زى كل مرة

^_^

safa7_karmooz said...

tamer nabil:

وانت طيب يا باشا

نورت الطرطشة

safa7_karmooz said...

عقل مهوى:

رابعا وخامسا مش محتاجه شكر والله

بس مكنتش اعرف انك من هواة قتل التاجات :D

بس اوع بس تنساه ;)