رمضاااان كريم ...عليكم وعلى اسركم كلكم ان شاء الله
معلش جت متأخرة لظروف ما
على غير العادة امبارح متسحرتش اول سحور فى بيتى...نزلت الحسين مع اصحابى اتسحرنا هناك
كسلنا نمشى للسيدة زينب نظرا لان كلهم بقوا ايدى عاملة...انا اللى لسه العاطل اللى فيهم :D
بس كان يوم جامد جدااا
ورمضان يارب السنة دى يبقى وشه حلو على كل اللى اعرفهم من البلوجراتيه وغيرهم كمان
فى ناس كتير رمضان بيستنوه من السنة للسنة...وانا منهم برضه
حد اشترى فانوس؟؟؟
انا لسه ...مش اشتريته...اللى عندنا فى الهرم نصابين وكده...هنزل تانى ان شاء الله السيدة زينب اظبط الاداء من هناك
مش هطول عليكوا
المغرب فاضل عليه 3 ساعات وحبة :D
يادوب الحق استعد للمعركة الطاحنة اللى هتحصل
هههههههههههههههههههههههههههههه
مش للدرجة متقلقوش ...يلا ...دعواتكم بقى فى التراويح
18 comments:
ربنا معك فى المعركه D:
موضوع الفانوس دا مضايقينى السنه دى لانى مش جبت )):
بس يلا لسه رمضان فى اوله وان شاء الله هاجيب فانوس برضه (:
كل سنه وانت طيب
صيامًا مقبولًا وإفطارًا شهيًا
تحياتى (:
كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل سنة وانت طيب انا كمان عايزة حد يجيب ليا فانوس
ولا اقولك نفسي في دبدوب منعكش احسن
كل سنة و انت طيب
و ربنا يتقبل منا و منكم
كل سنة وانت طيب و بخير
رمضان كريم عليك و علينا و علي كل المسلمين ان شاء الله
لما تجيب فانوس هاتلي واحد معاك بس عايزة اللي بنحطله شمعة
عشان مشوفتوش قبل كدة و ماما كمان عايزة :D
كل سنه و انت طيب يا سفاح (:
غريبه الجمله اللى فوق دى شويه اصلى مهنتش سفاحين برمضان قبل كده ... ابسط يا سيدى حضرتك أول سفاح (:
لسه مجبتش فانوس و حياتك لأسباب تتعلق بالرخامه اللى عند الناس بتوع الفوانيس فى المنطقه
تخيل كل اما اسأل على فانوس يطلع بيغنى يا ايهاب توفيق يا نانسى عجرم
حتى مفيش هيفاء (:
بس بجد نفسى فى واحد من بتوع زمان اللى بشمعه دول ... أصل مشفتوش فى حياتى
المهم لسه بنبحث فى الموضوع ده بس انا قلت أصبر نفسى و أحط فانوس فى المدونه
و جوجل عامل تخفيضات على الفوانيس بقه و حاجه تمام ... اجيبلك نسخه لو عايز (:
ربنا معاك فى ال 29 معركه الجايين (:
سلام
كل سنة وانت طيب يا مشمش
ويارب يبقي بدايه خير عليك
انا بقي مشترتش فانوس
انا جالي فوانيس كتير من كل فرد ف الاسره
هههههههههههههههههه
الحمد لله وفرت
كل سنة وانت طيب يا سفاح
انا بطلت اجيب فانوس من زمان دلوقتي بجيبة للجيل الجديد اللي في العيلة
جامدة فكرة السحور في الحسين دي انشاء الله اجربها
تحياتي
كل سنه وانت طيب :)
وصوما مقبولا ومن الفايزين
ان شاااء الله
بس ياريت تجبلي معاك لما تروح تلاته اربعه خامسه كده احطياتي للسنين الجايه:D اصلهم مبيبعوش فوانيس هنا فالسعوديها :(
shimaamahdy:
يااارب...لسه اهو مخلص من حبة :D
معرفتش برضه اشترى فانووس....
وانتى طيبة يااارب
ونورتى الطرطشة
shiry:
كل سنة وانتى طيبة...وميرسى بجد على كلامك ده
لو كده هاتى عنوانك وابعتلك عيلة دباديب منعكشة فورا :D
نورتى الطرطشة
self meaning:
وانتى طيبة ياارب
:)
unique girl:
وانتى طيبة
كفاية مائدة الرحمن اللى عندك دى...ههههههههه
على فكرة اشتريت واحد بشق الانفس امبارح ...وانتى لاء :p
دعاء على :
ههههههههههههه
يلا اهو التغيير مطلوب برضه ^_^
معلش...انا برضه قابلت نفس الحظ التعس...
وربنا معانا فى باقى المعارك
نورتينى وكل سنة وانتى طيبة
semsema:
وانتى طيبة يا سمسمة
يارب تكونى فى احسن حال
لاء انا فى حال شح فوانيسى السنة دى :D
متغيبيش عننا تانى
وومن:
وانتى طيبة ...
معلش لو جرنا نرجع اى حاجه بنعملها زمان هنلاقى طعم تانى للحاجه
وجربى برضه السحور فى السيدة زينب...
الاماكن القديمة دى بتدى للسحور طعم تانى
نورتينى
كل سنة و انت طيب و بكل خير يا رب يا محمد
:)
ريهام العربى:
وانتى طيبة...رمضاااان كريييييييييييم
مش تقلقى...هجبلك وهشيلهملك احتياطى
ارجعيلنا بالسلامة بس :D
وكمان يا بختك...جو رمضان هيبقى مختلف عندك
دهاء سياسى:
والله العظيم لسه على بالى وقلت اخلص كومنتات واعدى عندك...لقيت ردك بالصدفة فى وسط غابة من السفاحين
هههههههههههههههههه
وحضرتك طيبة...ويارب يكون رمضان حتى الان لحقتى حاجه مكنه..:)
Post a Comment