Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Friday, January 30, 2009

واحد اتنين احباط







جربت قبل كده الشعور بالاحباط ؟؟

طيب عارف قد ايه هوا بيوجع ؟؟

طب جربت قبل كده انك تنقل لحد الشعور بالاحباط ده قبل كده ؟؟

طب عرفت انك لما تنقله الشعور هتحس انك مبسوط ومبقتش لوحدك فى الاحباط؟؟

انا هعلمكم ان شاء الله ازاى تحبطوا اكتر واحد يكون عنده ثقة وتفاؤل وهبل فى الجبل حتى

^_^

طبعا الخطوات عاوزه حبة تركيز وحبة احباط هيعملوااجمد شغل

نبتدى برقم واحد :

لو رايح شغل جديد انترفيو لسه يعنى...وعاوز تتأكد انك الوحيد اللى هتقبل فيه ...لو مكان الانتظار مفتوح وممكن تتمشى فيه ...تقدر تميل على كل متقدم وتتعرف عليه وتشاركه همومه ...وفى لحظة ما يطمنلك هوب بحقنة الاحباط فى قلبه وقوله اصلهم اختاروا الموظف وعاملين الاعلان بس عشان يقولوا فيه شفافية فى البلد

روح عالتانى وقوله اصل انت شكلك مش قد المستوى ...متزعلش منى اصلى انا بس بقولك كده عشان هما ممكن يقولولك جوا انقح من كده

اصل الشغلانة دى لازم تشتغل بواسطة....انا معايا واسطة وكل اصحابى اشتغلوا هنا بواسطة

وبخ كده وادى دقنى لو الناس دى مبقتش محبطة اخر واول حاجه فى الحياة ^_^

رقم اتنين :

اتعود وانت فى اى مكان اى حد فرحان لازم تكئبه ...لو حب وخطب بنت جديدة والعكس احبط امه وقوله انت كده زنقت نفسك وسبت الحرية وبكرة تلعن سنسفيل اليوم اللى شفتوا بعض من الطلبات اللى هتسمعها منهم

لو حد اشتغل جديد قوله فى ازمة اقتصادية فى البلد وانت معرض فى اى وقت تتفصل من الشركة ولا البنك ...فانت لازم تاكل بايدك وسنانك اى حد حواليك وتمصلح عليهم

تالت حاجه واخر واهم حاجه فى الاحباط :

متسمعش نفسك لانك لو سمعت نفسك انت ذات نفسك هيجلك احباط من اللى بتعمله ..

وبالهنا والشفا يا جماعه فى طرق كيف تحبط مواطنا غلبانا سعيدا

ونظرا لان الجنون عادى عندى

فاللى انا قولته ده شفت العن منه يوم الاربعاء وكنت بقدم فى مكان ما وجمبى شعلة احباط مركزة

بس مش عالسفاح خالص

هوا يقولى يمين وانا ااقوله شمال

يقولى عندنا ازمة بطالة وانا ااقوله انه كسلان

يقولى الناس بقت كئيبة وانا ااقوله انه عنده ضحكة غريبة

وتقريبا لما ياس انه يحبطنى

تحول لمواطن غلبان اخر

وللاسف نجح انه يحبطه

فأنا من موقعى هنا على السرير ومعايا لابتوبى المتقلب من مواطن اخر لذيذ

ان الحكومة تنزلنا كورسات احباط اكتر واكتر عشان نعرف نحبط باقى ال 80 مليون مواطن الفاضلين فى البلد

وكل عام وانت محبطين

^_^

مع تحيات عبدو احباط!!!!!!

33 comments:

koukawy said...

يا ساتر ده ايه السواد كل اللي انت بتقوله ده عايز كميه من الطاقه السلبيه الغير معقوله

وومن said...

اقولك ايه بس

هو ده الإحباط وإلا فلا

بص يا سفاح انت طرطش إحباط علي أي حد بس ابعد عن خطيبي اصل انت عارف ان في ازمة عنوسة في البلد واللي بيتحوز بيطلق بعد سنة ومعادش في حب ولا رومانسية
والحياة الطاحنة اللي

انا شكلي احبط ولا ايه ؟

safa7_karmooz said...

koukawy:

هههههههههههههههههههههههههههههههههه

مش بقولك

بوست احباط مركز انما ايه ..

هيحبط اجدعها متفائل ^_^

safa7_karmooz said...

وومن:

ههههههههههههههههه

طالما انا معرفوش وهو مبيقراش عندى يبقى اطمنى

هههههههههههههههههههههههههههههههههههه

To paradise said...

الاحباط معظمه بيجي من انك تدي اللي قدامك افكار سلبية بطريقة مكثفة...
لو عايز ترفع معنويات حد اديله افكار ايجابية ..
وده المفروض تعمله علشان متبقاش من ال 80 مليون المحبطين

الفراشة الصغيرة said...

تصدق شويه احاط كمان وكنت هسيب الشغل اللى انا فيه
هههههههههه

ايه يا عمنا فى ايه
مش للدرجه دى
بس انا هقولك على حاجة طول صغير اتعلمتها من الدكتور ابراهيم الفقى

طول ما انت حاطط هدف قدامك للحاجة اللى بتعملها مش هيجيلك احباط وحتى لو جالك ارجه للاهداف اللى خلتك تبدا الحاجة دى وصدقنى ان شاء الله هتلاقى عندك الطاقه اللى تخليك تكمل مشوارك
دومت بكل خير
وبلاش احباااااااااااااط

Selfmeaning said...

مش حاسة بأى احباط
يمكن عشان هو عندى اصلا
:(

Ana keda said...

hahahaaa

allah 3la el agza ya basha manwer law htbtedha keda yab2a msh 3awzeen

feenk ya beny??

tany 7ga el a7bat da wela yakol
ma3ya l2en el garo3a dy baseeta

asmod ya beny

lyssandra said...

ههههههههههههههههه

طيب ليه الأذيّه دي بس يابني ؟؟

.......

وبعدين شفت صاحبك المُحبط ؟؟

من حفر حفرة لأخيه

أهو وقع فيها

.........

بس مايضُرش برده الواحد يبقي عنده خلفية عن كيفية إحباط الآخرين

لأن في ناس في الحقيقة يستاهلو جدااا

:)

شكراً لنصائحك العبقريه

كل التحية

Lyssandra

انا حره said...

يابنى نضف قلبك شوووويه

احبطتنى

Semsema28 said...

يعنى يوم ما ربنا يكرمك وتقول نصيحه

تعمل فينا كده

هههههههههههه

متشكرين برده ع الاحباط

catroz said...

حقيقى ..
كان ناقص كلمتين و يجيلى احباط ..:D

بس اوعى
محدش قدك
مين دا اللى يحبطك;)

MaNoOoSh said...

لالالالالا دي أنانية بقى اسمحلى
تدينا كورس فى الاحباط وتقاوم انت الجدع اللى بيجيب احباط لوحدك
انا اشجب وأعترض وأطالب بكورس مقاومة احباط
يللا بقى انا هتدرب عليهم فى البيت وانفذ الكلام اللى انت قلتة
وللا اقولك هستنى الكورس المضاد لحسن انا اللى يجيلى احباط
سلام

fashkool said...

ازيك يا عم عبده احباط
الا ليه احنا فاتحين وعاملين مدونات
مش دا تضييع وقت
يعنى لو فاضى اعمل لك حاجه نافعه
عمال تروح وتعمل زيارات للناس وتتعب نفسك وهما يتعبوا نفسهم .. خليك يا عم فى حالك
انا حاقوم اقفل المدونه والغيها كمان عشان هيه تضييع وقت وكلام فاضى
حصل لنا الاحباط

سارة نجاتى said...

يخرب بيتك

أحبتطنى يا شيخ هما يخلوك أنت اللى تدى الكورسات دى

ايه االلى مزعلك كده بس ؟

بس أنا لما ببقى محبطة مش برتاح لما بنقلها لغيرى لكن برتاح عموما لما بتكلم

روق يا باشا

انا حرة said...

فكرتنى بمحمود عبد العزيز فى اول حلقة من رافت الهجان
بس اللى بيفرق فعلا هو مدى قابليتك انك تتاثر بكلام الناس..اللى عنده قناعات شخصية قوية ولا مليون محبط ممكن ياثروا فيه

خطي تائهة said...

شكل شوية الاحباط دول مش من اختراعك وربنا رزقك بحد بخهم في وشك :(

Unique Gurl said...

مهما تحاول مش حتقدر معايا
انا لسه واخدة اجازة و فرحانة ومتفائله اخر حاجة
ابعد بقي انت و احباطك بعيد شويه عني :P
انا مش ناقصة كفايه احباط الامتحانات

سمكه واحده said...

ايه ياعم ده
ياساتر يارب
ليه كده هو اصلا اساسا لعلمك يعني كل العالم دي محبطين خلقه اللي اتجوز بيلعن اليوم اللي اتجوز فيه واللي خطب كذالك واللي متجوزش لاوي بوزه زي عم حمبوزو
واللي اشتغل المهيه مش بتكافي واللي عطلان مش لاقي ياكل
واللي لسه مخلصش دراسه محبط من المذاكره والدكاتره والهم اللي عنده
واللي خلص مش لاقي حاجه يعملها
اسكت اسكت بلا احبط بئي
والعيان اديله حقنه والجعان ياكل لقمه وكده بقي
يعني هتحبط في المتحبط يصبح ناسي

عاتشي يعني

دعاء على said...

احباط ؟؟!!!
ايه الكلمه الغريبه دى ؟؟ !!!
(:
اوعى تسيب حد يحبطك
سلامات

اسماء عوني said...

لا لا لا ماتحبطنيش انا مش ناقصه
اقولك يا سيدي الحل للاحباط

حاول تعيش حياتك لنفسك
يعني ماتحسسش نفسك انك وراء مسؤليات او فيه ناس لازم قدامهم يبان انك ناجح
صدقني هو ده السبب الرئيسي للاحباط

دهاء سياسي said...

السلام عليكم و رحمة الله و بركاته

ازيك يا محمد ؟؟ يا رب تكون بكل خير

انا افتركتك حتتكلم عن الاحباط الى اصابك من اسعار الكتب فى معرض الكتاب مثلا .. او من وقوفك لمده 7 ساعات فى طابور لا ينتهى علشان تصلى ولا تاكل هناك

او مثلا من معامله الامن فى تفتيشك و انت داخل ولا اما تكون داخل اسرائيل نفسها !!

بس عمرى الصراحه ما تخيلت ان فى ناس بتعمل الى انت بتقول عليه ده بالقصد !!! :$

لما حد بيعمل كده معايا بيصعب عليا و افتكره محبط و اقعد اواسيه :D

عامة ربنا يبعد عنك كل المحبطين و ييسرلك كل صعب و يرزقك الأمل و التفاؤل دايما :)

safa7_karmooz said...

To pardise:

صح ازاى انك تنشرى فكرة ايجابية حولك والناس تتقبلها زى لو طلعتى فى عز البرد والمطر جوا اتوبيس وقعدتى تشتكى ان الدنيا حر ومقرفة فيه ناس هتقتنع معاكى ان الجو مقرف جدا ...بغض النظر عن طبيعته الاصلية ...

نورتينى ^_^

safa7_karmooz said...

الفراشة الصغيرة:

ههههههههههه لا مش تسيبى الشغل امال مين هيسلفنى مرتبه :p

هوا كلامك صح وبمشى بيه بس انا كنت بوريكم ان ازاى الاحباط سهل ليس الا ...بعدين لو كنت محبط مكنتش كتبتب البوست وكان هيجيلى احباط افتح بلوجر ^_^

safa7_karmooz said...

self meaning:

منورة باحباطك ^_^

safa7_karmooz said...

ana keda:

ههههههههههههههه عيب عليكى ...احباط السفاح مش زى اى احباط ...ههههههههههه

انا موجود وحاولت اكلمك بس شكلك غضبانة على موبايلك ^_^

ربنا يبعد عننا كل احباط فى الاجازة اللى خلصت ان شاء الله

safa7_karmooz said...

lyssandra :

هههههههههههههههههههههه

لازم نطلع اللى بيحصل فينا على عيون الشعوب المتحفزة o_O

العفو سعادتك...احنا فى الخدمة ولازم نحبط كل ما هو متفائل ...

والله ولى التوفيق

نورتى ^_^

safa7_karmooz said...

انا حرة:

والله لسه مسيق قلبى بكلو الوان كمان وحطيت معطر جو

^_^

safa7_karmooz said...

semsema28:

هههه على فكرة النصايح دى بجد هتفيدك يوم من الايام وهتيجى تقولى السفاح قال ^_^

safa7_karmooz said...

catroz:

طب تعالى يوم كده ولا حاجه هزودلك الكلمتين ويجيلك احباط

^_^

3abratalsabeel said...

بجد عندك حق
يعنى الواحد لما بيبقى زهقان ويروح يطلع زهقه فى حد تانى ويبقى ما حدش احشن من حد بيحس انه خلاص بقى فريش وممكن يعيش حياته
شكرا على الدرس والى الامام دائما بس خد بالك من المطبات

lonely girl said...

يا ساتر ايه كل الاحباط ده ..
هى الناس ناقصه احباط ..
بس بغض النظر على ان المفروض اى حد يقرى البوست يرفض يكمله خوفا ان يصاب بالاحباط الا ان الاسلوب بصراحه رائع ويجبرنا اننا نكمله لاخره ..

kiki said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情