خذوا الحكمة من

افواه سائقى الاتوبيس

******************

بقالى فترة بفتح البلوج هنا وببقى عاوز اكتب اى بوست والبوست يبقى فى راسى بس بلاقى نفسى اوتوماتيك بقفل الصفحة ومش بكتب

بقالى فترة معنديش الرغبة اعمل اى حاجه حتى فى حياتى ، كسل ...ولا حالة ومش هتعدى مش عارف مش متعود على كده ابداااا

*****************

كلنا بنعك وكلنا بنغلط ...بس الفرق من اللى شايف وعارف انه غلط غير التانى اللى بيبقى شايفك انت بس الغلطان ...وده شىء فى حد ذاته مستفززز

****************

عاوز اعمل حاجه جديدة...مش عارف ايه هى ...حاجه حلوة يا حاجه وحشة مش فارقة...كله عند العرب صابون زيست

***************

العمر بيجرى يا ولدى ...بيجرى بيجرى يعنى ...ومينفعش نفضل واقفين ..

**************

وبس يا سيدى راحت معيطة

وطبطبت عليها

واخدتها فى حضنى وقالتلى بحبك يا غضنفر

وظل يفكر

لحد اما لزق فى مكانه

متفرجين الى الابد

جربت يوم تروح استاد وتقعد تتفرج على ماتش؟؟

بلاش دى ...شعورك ايه وانت قاعد بتتفرج عالتلفزيون بتشجع اى حاجه او اى حد

مبتحسش من جواك انك عاوز تعمل حاجه فى يوم وتبطل تبقى مشجع ؟؟؟

مش كل الناس للاسف ...فيه ناس بتستمتع بالتشجيع ...واللى بيشجع اغلبهم فى حياتهم بيشجعوا بردوا...مبيحبوش يطلعوا فى الصورة ولا حتى ابطال مساعدين

انا بس امبارح لما ركزت اوى اكتشفت اننا كعرب عالطول بنشجع

ااه مشجعين فى المدرجات عالطول ...ولما تجيلنا فرصة ننزل تحت فى الملعب مش بنرضى

فى المدرجات بقى تلاقى الهلس على اصله ...والضحك والهزار

لكن اللى فى الملعب بيتكلموا جد...انت اتجننت يابنى...جد ايه اللى عاوز تعمله

حتى فى الافلام احنا مشجعين ودرجة تالتة كمان

شوف اى فيلم اجنبى

هاتلى بس كام فيلم كنا فيه قوة

مافيش الا كام فيلم يتعدوا عالصوابع

والباقى بنقعد ندعى ربنا قدام الجامع او الكنيسة

ومستنين الخطر يمشى

دى فكرة الغرب عننا ...والصراحة عداهم العيب وازح

اننا متفرجين...وهنفضل متفرجين

نشجع ونهيص

لكن وقت لما تجيلنا فرصة ويفتحولنا باب الملعب هنرفض

ليه ؟؟؟

عشان احنا وهمنا نفسنا اننا اتخلقنا عشان نشجع وبس

مع اننا الملعب الرئيسى اصلا

يا خسارة بجد

!

The Simpsons

We need something like that in Egypt :D

حداد على خالد سعيد

مشكلة العصر

القضية دلوقتى اننا نرفع قضية على عماد متعب عشان شبهة تطبيع او نكفر خالد النبوى عشان الفيلم كان فيه يهود او اى بتنجان

بالظبط عاملين زى واحد بيشترى بطيخة ولقى نملتين واقفين عالبطيخة راح مقروف منها ورماها...مقصدش ابدا انى اشبه الاتنين دول بحاجه

بس احنا فعلا كده بنمسك فى الصغيرة ونسيب الكبيرة

وبقت مصر مش بتطبع مع اسرائيل ...وجم الاتنين اللى خرجوا برا النص ولازم يتشنقوا فى ميدان عام...ااه ميدان عام ما احنا بقينا المدينة الفاضلة وكل حاجه حلوة ومش بنصدر غاز ولا اتفاقية كويز ولا سينا بيبرطعوا فيها ولا اى حاجه

يلا اما الحق اعمل جروب عالفيس اجمع مليون مصرى عشان نشنقهم فى الميدان العام

وقرفى !!

عذراً

البلوج فى التلييييين

شعب كلامنجى

ويوم بعد يوم

بيثبتلى الشعب بتاعنا بدءا من اللى قاعدين فوق لحد اللى ادفنوا تحت

اننا شعب كلامنجى بجد

!

??

هوا حد ليه نفس يكتب ولا يسمع؟

يوم الخمييييييس

كل واحد يدخل يختار اغنية ...كليب عاليوتيوب حتى

صورة فيلم

ويحطلى اللنك بتاعها هنا

يعنى كل واحد على حسب الموود بتاعه ايه ...او بيحب ايه اكتر

بالنسبالى دى الاغنية اللى فى بالى الاسبوع ده











يلا مستنى ابداعاتكم

اريدوووو حلاً

طبعا اللى هيشوف العنوان هيقولك بس صباح التعليم المجانى وكده...بس اللى فيا مكفينى ...خلانى اكتبه كده :D

المهم انا مش جاى اتكلم عن فيلم فاتن حمامة لما رشدى اباظة شعلقها ولا طلقها ولا قعد معاها ...بس هى حاجه متعلقة بالسينما عموما ...تقريبا بقالى كتير قوى مشفتش فيلم بيجيب حلول،،كل الافلام ان لم تكن معظمها عشان مظلمش ناس كتير فى النص جايبة المشكلة..زى افلام خالد يوسف مثلا كمثال ...سواء حين ميسرة او حاجه تانية ...انا بتكلم عن الافلام اللى بتعرض مشاكل كله بيتكلم عن المشكلة لكن معتقدش ان حد فكر يجيب حل

حاجه بتضحكنى اوى بردوا فى فيلم عندليب الدقى لما هنيدى قعد مع ممثلى العرب فى الاخر وقالهم كلمتين فوقوهم وبس كله فى الاخر حط ايده فى ايد التانى ...الاطفال لما يتفرجوا عالحاجات دى ويكبروا بيفتكروا ان العملية سهلة وبتخلص فى بقين بس ..بردوا فين الحل يا جماعه...مش كفاية انك تتكلم عن المشكلة ...ما كلنا شايفين المشكلة...محاولش حد يوجع راسه ويفكر...ولو حصل فيلمه بيقع او مبيطلعش للنور كمان

حاجه تالته ...امريكا دخلت فيتنام...عملت كم افلام مهولة عنها...افغانستان كذلك العراق لحد يومنا هذا وبيتعمل افلام ومسلسلات وكل حاجه ممكن تتصوروها

واحنا اخر فيلم عملناه عن اكتوبر كان بعد الحرب بفترة...ليه محدش يصرف من اللى بيتصرف ويعمل فيلم كبير عنها...او عن اى بتنجان مخابراتى...بدل المسلسل العبيط بتاع حرب الجواسيس اللى كان ساذج اوى فى ادائه...بيتهيقلى محدش هيعمل حاجه زى رأفت الهجان او جمعه الشوان كده تانى ...او حتى السقوط فى بئر السبع ...احنا لو بنفكر صح ممكن نكسب دهب من اللى عندنا ...بس عشان احنا بقينا نكبر مخنا ونقول انا مالى ...فبينكتفى بالكرسى فى البلكون وناكل فيشار ونتفرج

اوبس...الفيشار اتحرق

:D

TagzzzzzzzzZzzzzzzzzzzzzzz

Special Tagz i received Recently , & I'm already missing these lovely tags by the way :D

O.K the first one from My Lovely friends blog..Spare Time


انت مين بقى ؟

سفاح كرموز..حلو كده

عندك كام سنة

23 وحبة

هل انت متزوج ؟

لع...محصليش الشرف :p

دراستك ايه

حقوق القاهرة..اسانس يعنى

كم طولك وما لون بشرتك

انا اقدر ااقول انى ولا قصير اوى ولا طويل اوى
رحم الله امرىء عرف قدر نفسه

هل تمارس عملا بشهادتك او عمل حر وما هو

ومين بس بيشتغل بالشهادة...صلى عالنبى بس...اغلبها حاجات وقتية

ماذا تفعل بوقت فراغك

بنام...بخرج..بقرا

هل لديك هوايات وهل تمارسها

الكتابة...وكرة اليد...والتأمل..ومش لاقى لوقت الا التأمل فى مخاليق ربنا

هل تشعر برضا ربنا عنك

بص...على حسب اليوم ماشى ازاى

عندما تكون فى موقف اتخاذ القرار..تخالف الجماعه.. ام تشرك معك الاخرين

على حسب الموقف او المكان...لو انا قائد وشايف بحكم الخبرة ان القرار ده صح همشى فيه اكيد

ماهو الشىء الذى فعلته وندمت عليه طول عمرك

حاجه عملتها من كذا سنة وكان نفسى معملهاش بس اتعملت وغيرت حاجات دلوقتى وتاثيرها لسه شغال

هل تصارح غيرك بالحقيقة ام تقول له ما يحب سماعه

بصارحه بس بطريقة كويسة مش تجرحه...وساعات بديها زى ماهى

متى يقسو قلبك

لما اقفل من الشخص اللى قدامى او وقت الانتقام...معنديش غالى فى الحتة دى

من هو اول من قلت له احبك

اكيد ابويا وامى :D

هل يمكن ان تحب احد من المدونين

كل شىء جايز..ممكن اقابل سفاحه فى مهمة اخرى ووقتها الفاس يقع فى راس الضحية ويحصل حاجه :p

ماذا تعنى لك المرأة والرجل

المرأة الحنية...الاهتمام...القلب الكبير يعنى...الراجل ..الحيطة اللى بتتسند عليه فى كل حاجه عامة

فى زمن البحث عن المادة ماذا تبحث انت

الستر والرضا

متى تعرف انك تحب

لما اعرف قبلها انى معجب ولهان..ههههههههههههههههههههه

الشخصية التى اثرت بحياتك

مممم..مش حد معين عامة...ناس كتير...سواء اهلى او اصدقائى...كل حد بيعدى بيسيب بصمة وناس معندهمش صوابع يسيبوا بصمات حلوة ..:)

هل يوجد من تراه سعيدا فى الدنيا ولماذا

اى حد ربنا بيكرمه وهوا بيطيع ربنا كويس ومراعى حق ربنا فى كل حاجه...ده اسعد الناس

ماهى درجة صراحتك

depend

ماهى المواقف التى يمكن ان تكذب فيها

depend also

بس ساعات عشان اطلع من مأزق ما وبتقلب على دماغى بعدين...بس الحمد الله بطلت

هل يتغير الحب بعد الزواج

مسألة نسبية..يا بيعلى اوى واكتر...يا بيقل على حسب اللى اتجوزوا دول بيطيقوا بعض ولا لاء

فيما تفكر الان

بفكر افطر ايه ولا اقعد فى البيت بدل ما انزل فى الحر..ههههههههههههههههههه

لو لم تعش بمدينتك ..فأى مدينة تفضل ان تعيش بها

اسكندرية او روما

من اول من يأتى ببالك لتحكى له اسرارك

ناس كتير بس المهم يكونوا فاضيين او فاتحين موبايلهم

من هو الد اعدائك

اى حد حقود عليا ..وكتير الحمد الله :D

من هو صديقك

وسام اولهم ^_^


ماذا تكره فى الحياة

القرف ودماغ الناس اللى مالهاش لازمة وبيفكروا ازاى يعقدوا الواحد فى حياته

ماذا تحب

بحب اتنين سوا ..هههههههههههههههههه

كيف تواجه ما يضايقك وكيف تتصرف فى المفاجأت

لما بضايق بنزل اتمشى فى الهوا كده وبحاول اركز ...عشان متهورش واعمل تصرفات بندم عليها بعدين

بالنسبة للمفاجأت ...ممم بتفاجىء زى زى غيرى بس مش بيغمن عليا :p

بصوا هوا التاج طويل بافترا :D

انا تعبت الصراحة..فكفاية دول مؤقتا وباقى الاسئلة هعملهم فى تاج تانى ^_^

التاج ده هديه لـ:

Silver eyes

Self meaning

عمرو فكرى

عصر الجنون

Fact

Waiting sucks ..

الخير فى بلدنا

اليوم المفتوح

اولا اللون الاسود بقى يعميى عينى وانا اصلا بقعد بالليل مطفى نور الشقة فمش بشوف انا بكتب ايه..فده مؤقتا لحد لما الاقى شكل يعجبنى

المهم النهاردة اوبن داى...اللى عاوز يقول حاجه يقولها..يسال يحكى..يغنى يرقص..براحتكم يعنى

وهفتح التعليقات المجهولة عشان لو حد كركر يشاركنا

كركر الحناوى

:D

Smile

"lel" Life "t" Smile "Leek"

حبة طراطيش

اخر بوست عجبنى انا شخصيا لانى كنت داخل اكتب حاجه...وكان فيه حد بيقاطعنى زى الست اللى فى البوست فطلع كده..هههههههههههههه

*************

ساعات عشان الناس تحس بوجودك لازم تختفى حبة او حبتين

هيعدى يوم او اتنين اربعة ممكن وتلاقى الناس بتكلمك وتشوفك انت فين

عدى اسبوعين وتلاتة ومحدش اتكلم...ههههههههههه

مش فارقين معايا الناس دول عامة

مرة واحد اعرفه قرر يعمل نفس الفكرة بالظبط ...بس الفرق ان الناس لما افتكرته كان توفاه الله قبلها باسبوعين

يعنى عدى بتاع شهر تقريبا

!!

*************

واحد صاحبى زى اخويا ..هاشم.. اعرفه من 2004 تقريبا...والده كان مريض بقاله فترة

وكنت لسه بكلمه اول امبارح وبحاول اعمل اى حاجه اساعده بيها ...مبحبش احساس العجز ده خالص...وجربته كتير فى ناس اعرفها وبحبها وفى ناس معرفهاش

والده اتوفى امبارح العصر ...ربنا يرحمه ويغفر له ذنوبه ويصبر اهله

*********

كل واحد بيشوف المشكلة من منظاره الخاص بس!!ومش بيهتم بالباقى

********

الانسان كائن غير صبور بالمرة

********

اى اتنين لما بيتجوزوا ويخلفوا ويجيبوا عيل صغير ...بيكونوا لسه اول مرة اب وام...فالتجارب بتشتغل وكل واحد منهم رامى ودنه لحد تانى بيسمع التجارب السابقة وكل واحد بيبقاله فكرة عاوز يطبقها فى العيل الغلبان ده

فالنتيجة يا بتنجح يا بتفشل وبيطلع عيل معقد..المهم بيبجى التانى بيتعذب بردوا

والتالت بيكون اتقنوا تربية العيال فبيطلع كويس سليم مش معقد

نوصل لايه بقىىىىىىىىىىىى

معرفش
!
*********

الانسان كائن غير مش عارف بالمرة

*********

محدش بيصبر على حد ...كل واحد عاوز يحب او يتجوز حد جاهز فى المشاعر وفى كل حاجه...محدش بيحب يبنى من الاول...مهما قال على فكرة واولهم انا...بس بيبقى صعب اننا نكتئف ان احنا كده فنقعد نقول فكك انا مش كده خالص ..انت بيتهيقلك

********

واخر حاجه

Proud being MYSELF

الرجل...والسيدة

تزوجت وكانت اسعد الفتيات فى حييها...كانت قصة حب ملتهبة توجها الزواج..فى البداية وليس النهاية..لان كل قصة حب هى مجرد كلمات على سطور رواية لم تبدأ بعد...فما هى الا تلك المقدمة فقط والزواج جزء من البداية الحقيقية ...وباقى الفصول هى سنوات عمرهم والنهاية تكون بالموت ...اختلف البعضعلى هذا الموت..هل هو موت الحب ام موت الاحباء..او هو موت القلوب والضمائر..ممممم لا يهمنى البتة ما هو ..فاننى اتكلم عن البداية بحقكم

نعود لتك الفتاة السعيدة المسكينة..لماذا هى مسكينة وقد تزوجت لتوها ؟؟ الم تقل هذا..مم حسنا ولكن كانت هناك بعض المنغصات من ام حبيبها وزوجها وبعض الاشياء المعتادة الصغيرة الاخرى...فانت تعرفين حال كل الزيجات..ممم حسناً فلتكمل

اين توقفت؟ اها تذكرت ..كان يوم زفافها يوم اسطورى ...كان منذ الصباح حتى المساء...حضره كل الافراد فى قريتها الصغيرة...الكل يهنىء والكل يبارك لها ولزوجها ...الكل يدعو ان يتمم الله لهم السعادة والخير دائما...ولكن....لماذا قلت لكن ...لقد كنت تسير جيدا

سيدتى ان قمت بمقاطعتى دقيقة تلو الاخرى لن استطيع اكمال ما اود ان اكتبه ..لذا عليك بالتروى قليلا وتركى اكمل ما اود ان اكمله ...ممم حسنا سأحاول ...اللعنة اين توقفت تلك المرة...لقد كنت تقول لكن

:@

لقد نسيت ...لن اكمل هذه القصة ...وهاهى الورقة - صوت الورقة وهى تلقى على الارض بعدما قطعت الى الف ..ليس الف بالتحديد ولكن عدد كثير من الاجزاء المتناهية الصغر- ولن اكتب هذه القصة السعيدة كى ترتاحى

حسنا....فى يوم كان القمر بدرا...والسماء صافية والنجوم تتلألأ كما وانـ...لماذا تكتب عن الليل ويمكنك ان تكتب عن الشمس والعصافير المغردة والنساء المغنية السعيدة...هؤلاء النساء سأقتلهم امام عينيكى واحدة تلو الاخرى ان لم تصمتى وتتركينى انهى كلماتى

او تعرفى...سأكتب لك قصة ستقومى بمعرفة نهايتها فى عقلك المحدود هذا ..لنبدأ

فى يوم من الايام الغابرة ...كان هناك رجل وسيدة تعطل بهم المصعد داخل احدى البنايات الكبرى...وكعادة الرجل الذى هو كاتب مشهور ...ان يقضى على الخوف من الاماكن المغلقة وقلقه وهو معلق بين السماء والارض فى الطابق الخامس والثلاثون...فأخرج ورقة وقلم وحاول ان يقوم بتأليف اى شىء يساعده على التركيز...فهاهو صاعد الى الاعلى لكى يقدم كتابه الجديد لبعض النقاد ...وبالطبع نحن نعرف كيف هم

ولكن هيهات ان يستطيع المرء فى هذه البلاد تاليف شىء دون ان يقاطعه صوت غراب او حمار او حتى سيدة لا تفقه شيئا ولا تصمت لبرهة ولا حتى تريد ان تصبر وتعلم ماذا يحدث....وبدلا من التركيز ...جعلت اعصابه مثل الهلام الذى يتراقص يمينا ويسارا

حتى قرر انه سيضع حداً لهذا الامر...فالان هو يفكر كيف سيخرج مسدسه المحشو من داخل حقيبته السوداء الموضوعه بجواره..ومن ثم كيف سيصوب جيداً نحو تلك السيدة الحمقاء ويحاول اصابتها بسرعه قبل ان تقوم كالفأر وتتجول وتهرب وتزوم داخل علبة الكبريت التى نحن فيها...وكيف سأحاول الهروب من فتحة السقف وتسلق احبال المصعد كى اهرب من تلك الجريمة التى لو علم القاضى والمحلفين لما فعلتها لباركونى ولقاموا بتشييد تمثال لى وجعلوا لى ميدانا داخل هذا المبانى يزوره القاصى والدانى

احم...ما اسم هذه القصة ..الـ الـ الـمرعبة تلك؟! هل تتكلم جدياً ام انها مجرد قصة ؟؟؟

مجرد ابتسامة ارتسمت على شفتيه ونظر اليها...ثم نظر الى حقيبته السوداء...فنظرت اليه مرتعبة فهم بفتح الحقيبة...فصرخت السيدة صراخا يخيل لك ان ولدها قد مات امامها ...ولكنه لم يخرج الا مسدسه الصغير المعروف بالقلم الرصاص ...وقام باكمال اخر سطرين حيث كتب :

ولكننى لن افعل ذلك واجعلها تنول الراحة من تلك الدنيا...كلا سأتركها تتعذب معى ومن بعدى ...ومع غيرى...نعم لن اكون انا السبب فى انها سترتاح وتذهب الى مكان اخر ...وانا اتعب فى الذهاب الى ساحات القضاء والسجن وربما حجرة الغاز...كلا ايها السادة...هنا يأتى دور العقل ...والحكمة والتفكير الصحيح

وانتهت القصة

وسند راسه الى حائط المصعد منتظراً ان يقوموا باصلاحه...وصمتت السيدة وكأن هناك من ابتلع لسانها

وابتسم فى النهاية

:)

فى حياتك يا ولدى امراة عيناها سبحان المعبود

فمها مرسوم كالعنقود

ضحكتها انهارا وورود

والشعر المجرى المجنون يسااااافر فى كل الدنيا

طب تاخده؟؟

تاخده فين

طب تاخد امراة يا ولدى يهواها القلب هى الدنيا

طب تاخده؟؟

تاخده فين

يا ولدى قد مات شهيدا من مات فداءا للمحبوب

طب تاخده؟؟

تاخده فين

اصلح بوابير الجاز ...اصلح ومعايا كباس

طب تاخده؟؟

تاخده فين

جلست والخوف بعينيها تتأمل فنجان المقلوب

قالت يا ولدى لا تحزن فالحب عليك هو المكتوب

Secret Friday

Welcome to the first installment of this series, a chance to anonymously share some secrets and/or fantasies you've been keeping to yourself. Some are uplifting, some are heartbreaking and some are just plain naughty.

All are valid.


The main Idea i took it from Barry ...

Here's how it works:

1) This is open to anyone who wants to participate, from regular follower to casual visitor.

2) Post a secret or fantasy anonymously, no names please. It can be anything from mild to wild, anything goes. All I ask is that it's true. You can post as many as you're comfortable with.

3) I don't plan to censor content or language. However I do reserve the right to remove anything which appears to be posted with the sole intent of offending. I also reserve the right not to remove content that may be considered controversial. It's a fine line sometimes.

4) If you're someone who is easily offended by swearing or sexual content you may not want to read through the comments. I have no idea where this will go and won't be reviewing comments until after they are posted.

5) Feedback about this feature is welcome, anonymously or otherwise.

6) As always I'd like everyone to please refrain from commenting on what someone else has written; what may seem trivial to you can be very personal to someone else. Everyone has feelings and I want to see them respected, therefore inappropriate remarks will be removed. Fortunately this hasn't been an issue and I'd like to thank all of you for that.

And now to it...

نفق الظلام

جربت مرة تنزل وتمشى فى الشارع لوحدك؟؟

تبص للناس حواليك ...تفكر ..تتأمل

جربت تمشى وسط الضلمة لوحدك؟؟

من غير ما تمسك شمعة واحده فى ايدك

جربت تمشى على الحبل من غير ما تمسك عصاية تظبط اتزانك؟؟

ولا حتى تمرجح ايدك عشان متقعش

جربت تعيش لوحدك بمعنى الكلمة ؟؟

ولا حتى تبات مع حد بتحبه

جربت تجرى غصب عنك؟؟

او حتى تهرب من حاجه

اعتقد اننا كلنا بنعمل كده

بنهرب من الدنيا جوا النفق الضلمة ده

بنجرى منها ساعات

ونجرى وراها بردوا ساعات

وساعات بنجرى معاها

يا اما لوحدنا

يا اما معانا ناس

ناس بنكرههم وبنحبهم

ومهما عملنا مش هنعرف ننقى الدنيا ونخلى فيها اللى بنحبهم بس

ومهما عملنا بردوا النفق ده مش هينور لوحده واحنا واقفين فيه

جربت تخاف ؟؟

تخاف من اى حاجه ...مستقبل ...ماضى...او حاضر عايشه

جربت مرة واحده متهربش وتقف وتواجه ؟؟

وتقول لاء ...انا اقدر ...وانت متقدرشى

النفق هيفضل ضلمة

واحنا هنفضل نجرى

وهنفضل نخاف

وهنفضل نستنى

ومش هنبادر اننا نواجه الخوف

ونخليه يجرى مننا

واحنا ماسكين شمعه كبيرة عشان تنور النفق ده كله

كل انسان فينا مهما كان شخصيته ازاى ...فيه جانب مظلم محدش بيقرب منه ...الجانب ده محتاج حبة نور ..محتاج النفق يرجع تانى لطبيعته

بس كل واحد وسيلته مختلفة عن غيره

وفيه ناس بترضى بالواقع وتسيبه زى ماهو

منطقة ممنوع الاقتراب او التصوير

انا عاوزك بس تراجع

بفكر بصوت عالى

بقالى فترة عندى اكتئاب تدوينى حاد ...ماليش مزاج اكتب هنا ولا حتى كومنت مش عارف ليه :( :( :(

*****************

هوا ليه فيه ناس بتصر انها تحرج نفسها وتقلل من شكلها قدام ناس تاينة

جت فترة كده مسحت ناس كتير من حياتى ومش شايف لهم فايدة او اى بتنجان فى حياتى وانا حر طبعا

تلاقى ناس مصرة انها تبقى عندى وتتكلم ...مش بالعافية يا بابا

سلكوا ودانكم بلييييييز

*****************

اغلب اللاعيبة فى مصر مش بيحبوا كرسى الاحتياطى ولازم يلعبوا اساسين

الحياة زى الملعب بالظبط...فيه احتياطى وفيه اساسى

جت عليا فترة كنت مبسوط انى احتياطى ...ومرتاح...بس اتضح انى كنت غلط

اللعب اساسى هو شرطى فى اى حاجه اعملها

مش هرضى انى اكون صف ثانى :)

******************

انا فعلا سفاح على فكرة

ومش شرط السفاح يكون بيقتل بجد

لاء فيه انواع كتير للقتل دون اراقة نقطة دم واحده

واظن اننا كلنا نعرف ايه هما

:)

******************

ساعات كتير بفكر انى متجوزش عشان مجبش عيال اطلع فيهم العقد اللى طلعت علينا

بس برجع وبفكر ان اكيد فيه حكمة لكده..

اننا نحاول نصلح العقد دى ونغيرها واحنا بنربيهم

يمكن انا شفت حاجه بتتغير فى عيلة ما فى الابن الرابع والاخير..

غيروا طريقة التربية تماما مقارنة بالتلاتة اللى قبله

يمكن

*****************

لما كنت بروح لجدى الله يرحمه

كنت بستغرب ليه محدش من ولاد اعمامى بيروح يزوره زيى؟؟

بعدين لما بروح لجدتى...وبستغرب ان اللى بيهتم بيها قلة...ومن احفادها وميكملوش 3 بس

وابنائها بنتين بس اكتر اللى بيروحوا وولد..والباقى فى الطناش

يمكن مش من حقى اتكلم واقول

كل واحد عنده ظروف

لكن بقت سمة الدنيا اننا نكبر وننسى اهالينا

زى كل يوم نقرا وفاة عجوز منذ اسبوع والجيران يبلغوا الشرطة عشان الريحة كريهة...ويكتشف ان عياله مش بيسألوا عليه الا فين وفين

يااااه هيجى يوم وولادى يعملوا فيا كده؟؟؟

*******************

حريتى تنتهى عند حرية الاخرين...ياريت تفكروا فى الكلمة دى كويس

:)

النهاردة الخمييييييييييييييييييييييييس

ما مفهوم يوم الخميس عندكم

او بصورة اسهل

ما مفهوم الويك اند

نهاية الاسبوع

عند حضراتكم؟؟

سؤال حيوى على فكرة

يا كلب يا نونو

يا كلب يا لولو .. يا صغير على العُدوان
إن مُت ماليكش ديّه .. ودمك علينا هان
ولا خدت دهب ولا لولى .. حقك فى الإعلان
وبقيت ياعينى ضحية .. والكل كرهك كمان
طب كنت إعتذر يالولو .. أو قولهم تعبان
وكان أهون ليك يا لولو .. يقولوا عليك عيّان
ولو حتى الدليل قالولو .. برضو عليا صعبان
وبقيت فى نظرهم يويو .. وما أخدتش حتى نيشان


زجل / سامى سلامة .. !

Happiness :)

Listen to this awesome song :)

عيش ندل...تموت ابن ناس

الندالة جزء لا يتجزأ من الذات المصرية والانسانية

زماااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان

كنت بحب اساعد اى حد بمعنى اى حد...اديله وقت او اى مجهود

اسأل على فلان واطمن على علان

اضايق لده وافرح لده

لكن لما انا ابقى مكانهم

حد بيسأل...لاء

حد بيهتم...لاء

حد بيتعب نفسه ويكلمنى ...اكيد لاء هوا انت بنت؟؟

ااه ما الولاد بيسألوا عالبنات اكتر ما بيسألوا على ابوهم

ههههههههههههههههه

مرة كنت فى المترو مع زميلة ليا ...بيننا حد مشترك يعنى...المهم اليوم ده كلمها عالموبايل بيسلم عليها وبيجر ناعم :D

مش القضية بس يومها قابلته فى الشارع بالليل ..قلتله مش بتسأل يا معفن قالى والله يابنى موبايلى مفيهوش رصيد ومش عارف ايه وبقالى بتاع اسبوع ببعت كلمنى شكرا بس

^_^
بعدين القرايب ذات نفسهم ما بيسألوش يبقى الاصحاب هيسألوا ...ماعلينا مش القضية اللى بتكلم فيها ناو

بس هى كل الفكرة انى زمان كنت عبيط حبتين وغبى

ودلوقتى الحمد الله احسن من زمان بكتير

فبقى اللى يسالنى مبتتصلش ليه ...فبقوله عادى قال يعنى انت فكرت تطلع احسن وتتصل ؟؟؟

صراحة قاتلة ...ناس بتسميها قلة ذوق...بس مبقتش احب اللف والدوران والطرق دى

عشان الواحد اكتشف ان اغلبنا بقى كائن طفيلى ...يقتات على قفا الاخرين

ومحبش انى اكون اعرف طفيليات فى الدنيا دى

لذا نصيحتى واعتقد ان كله بيشتغل وماشى بيها

عيش ندل...تبقى ابن ناس

وكل عيد عمال وانتوا فى بيوتكم مستريحين

^_^

سؤالووز

What's the most thing Annoying you or make you so angry ?

عمو..ممكن بق ميه؟

عمو عمو ممكن بق ميه ؟!!

امشى ياض انجر من هنا ...انت عارف لتر الميه بكام ..ب60 جنييييييييه ..قال بق قال

:(

على فكرة النيل ده عندنا من زمان ...وكان ليه فرع بيعدى قدام الهرم زمان ايام الفراعنة وكده

لكن دلوقتى بقم اتنين

على فكرة النيل ده عندنا من زمان ...بس بنتصرف فيه ولا اكننا فى مبولة عمومية

النيل ده عندنا من زمان ...ااه ما هوا بتاع مصر لوحدها

النيل مش هيبقى عندنا قدام زى ما كان عندنا زمان

لسبب اننا دايما بنحل الازمة بعد ما بتقع ...مش بنتنبا بيها

مع ان كل اللى حوالينا شايفين اللى احنا مش شايفينه

او سورى...اللى مش عاوزين نشوفه دلوقتى

وبنرجع نزعل بعد كده من اللى بيحصل

تفتكروا هيغلوا القعدة على ترعة المريوطية بدل النيل قدام ؟؟

STOP

This life Only One way !

اعلانات مدفوعة الاجر ومستوفاة الشروط السفاحية

يا جماااااااااااااااااعة

فيه مدونة جامدة قوى اسمها

ايام وبنعيشها

ناس جامدة بتكتب فيها يعنى

المهم هما هيدفعولى فلوس قدام الدعاية دى :D

بس انا هطلع متواضع وارفض ااقل من 5 جنيه وسندوتش طعمية سخنة

المهم

اللنك اهوة

وعاوزكم تزوروهم

انا هاخد على كل زائر 10 جنيه وكوباية شاى نحبس بيها سندوتش الطعمية

^_^

ايــــــــــــــــــــــــامـ و بنـــعـــــيـــــشـــــــهــــــــــــــــــــــــــــا

عنجليزى ده؟؟

اوووول اينجلش...اووووول زا طايم

!!

كنت ناوى اكتب بوست جديد من ايام كتيرة اوى

بس حصل كام ظرف كده
جالى دور برد مش لذيذ يعنى ...واصابة من اسبوع ونص فى رجلى رحت للدكتور اخيرا اول امبارح قالى تمزق فى الاربطة..بس هى بسيطة بس الفكرة انى انتخت فلما انتخت ...مدة العلاج هتطول اضافة انه معرفش يجبسها عشان انا كسلت والجبس معاده فات :$

وده نتعلم منه ايه يا ولاد ويا بنات..

حاجتين

اول حاجه وانت بتنط جوا بلكونة حد هتقتله او حد بتحبه ..خلى بالك من اصابات الرجل

تانى حاجه لما تتعب روح لدكتور ^_^

مدمن انترنت وافتخر

ازاى تعرف انك مدمن انترنت

لما حد من اصحابك يقولك كلمة او موقف حصل فترفع حاجبك بالظبط زى الاموشن اللى عالمسنجر

لما تعمل حركة الـ"..." لما تيجى تدلل على حاجه هلامية

لما تسافر مصيف او تروح عزا او اى مكان وتلاقى نفسك اوتوماتيك بتفتح النت من عالموبايل او موبايل واحد صاحبك

لما تفضل تدفع فاتورة النت وانت مش لاقى تاكل

لما تبعت لاصحابك كل يوم مسجات مصحوبة باسماء اسمايلز موجودة على احد المواقع

لما تكلم اصحابك بحرية اكتر وانت عالنت عكس لما بتشوفهم فى وشك ومش بتقول ولا كلمة واحدة

لما تبقى واقف فى المكييف وتلاقى اتنين بيتكلموا عن احدث اخبار الرياضة وتصححلهم معلوماتهم مستعين بانك لسه راشق فى فيلجوول من حبة

واخيرا لما تواظب على دخول طرطشتى العزيزة عشان تقرا البوستات

اذن انت مدمن نت وتفتخر :D

How does it feel ?!!

How does it feel?
To be left alone
To be on your own

How does it feel?

يا عم ما تسبش الدين بقولك!!

ياعم تيت اهلك

انت بتشتمنى؟؟ يابن التيييييييييت وتيت ابو اللى جابوا تيت وتيت ترابتتتتيييت

دى مظاهر الحياة اليومية دلوقتى فى مصر

شتيمة فى الفاضى والمليان

هزار جد مش جد كه بيشتم ...لدرجة تحسسك ان العادى هوا اننا نشتم ومش العادى اننا نتكلم بذوق

سواق تاكسى كسر على واحد تانى تلاقيه طلع ايديه ورجله من الشباك وهاتك يا اشارات وشتايم

الناس اللى بتسوق من زمان عارفه السيم بتاع الشتيمة بالاشارات والكلاكسات كمان !!

وبعدين تلاقى فى وسط خناقة والناس سايباهم يشتموا عادى ...يجى حد يجيب سيرة الدين تلاقى كله اتحمق وهاتك يا ضرب فى اللى بيشتم

على اساس ان اللى قبل كده كان قصيدة هجاء عادية

يلا ...هى جت على دى كمان

تييييييييييت يعنى

هابى شم فسيخ ورنجة يا عيال

طبعا الصورة دى مش غريبة على اى حد فيكم

انا مبقتش الاقى النجمة ولا الشمعه

ما علينا

هابى شم نسيم ...نسيم ايه بقى

شم رنجة وسردين وفسيخ وبصل اخضر لحد ما الناس تتعمى

عندى بتاع فسيخ ورنجة قدام العمارة...شامم الريحة من على بعد 4 شوارع عن بيتنا

يعنى الناس مش مضيعة وقتها

ده غير ان اللحمة غليت والفراخ كذلك ...فكلوا بيدور عالفسفور

:D

يارب يكون داى سعيد عليكم وتخرجوا تنشروا روائح الاسماك فى الحدائق العامة لحد ما مصر كلها ما تبقى علبة رنجة واحدة

:D

والريحة توصل لاوروبا ويقطعوا عننا التكييف والكهربا والنت كمان

الا صحيح

محدش معاه وصفة كيف تصنع فطيرة بالرنجة؟؟

تضامنا مع احمد مهنى

تم القبض عليه فجر اليوم ...السبت الثالث من ابريل

والتهمة ناشر

كتاب الثورة الخضراء للبرادعى

للمؤلف كمال غبريال

مش لاقى تعليق

تحديث

تم الافراج عنه بحمد الله امس

درس جديد

مصلحتك

ثم مصلحتك

ثم مصلحتك

ثم مصلحتك

ثم مصلحة اهلك

ثم اى حد تانى يجى بعدين

هوا بس الواحد بيتخدع فى الدنيا باللى فيها يوم بعد يوم

تشكر يا ذوق
!!!

How To Start Over?!! -1-

ازاى تبدأ حياتك من اول وجديد؟؟؟

عمرك فكرت فى كده

حصلتلك مشكلة ما فى شغلك ...حياتك..زواجك

علاقتك حتى بأهلك اصحابك ...دراستك لو كنت طالب

عمرك فكرت فى الخطة "ب"؟؟

قليل مننا اللى بيعمل كده

ولو حد صرح للناس انه بيعمل كده بيتهم بالجنون او التشاؤم او حتى انها هربانة منه او ممكن يطلع غبى فى الاخر

بس فى الاصل انه ذكى انه جاهز

بالظبط كده لو طبقنا المثل ده فى الدين لما حد يكون غلطان ويتوب لربنا ويرجع تانى ...الله ماهو بيبتدى من اول وجديد اهوة ..طب اشمعنى

المشكلة بس فى العقلية

سواء بتاعتك او بتاعت المحيط اللى انت عايش فيه

انهم يتقبلوا الحقيقة او اللى انت بتعمله

ممكن حد يتهمنى فعلا بالجنون ...عادى انا اصلا مجنون مجبتوش جديد

بس ليه وسط الساقية او الطاحونة اللى انت فيها مبتعملش اللى انت بتحبه

انت عارف بقى ظروف الحياة والشغل والعيال ولازم يطلع ميتين اهالينا عشان نجيب الفلوس ونأكل العيال ونعرف نجوزهم بعدين ونسافر بورتو نصيف هناك ويبقوا مرتاحين وميتعبوش فى حياتهم ...الخ من الكلام اللى ترقيبا حفظته مع اختلاف المستويات والجمل اللى بتتقال وقتها

المهم نوصل بس للى عاوز اقوله

جربت فعلا تبتدى من اول وجديد ...تتعب وتبنى

انت بنيت اول مرة ...بس ممكن يكون جزء من اللى بنيته غلط ...معوج شوية ...مش سليم

بس دلوقتى قدامك فرصة تانية انك تبنى

متقولش صعب

ومتقولش مستحيل لان مفيش حاجه مستحيلة

فيه حاجه اسمها انت ارادتك فين

وارادتك دى هتوصلك لايه

واللى انت هتوصله ده ...كام واحد هيستفيد منه

والكام واحد دول هل فعلا هيوصلوا اللى هما اتعلموه منك صح ولا لاء

اصل انت مش لوحدك فى الدنيا دى

زى العمارة مينفعش تبنيها بطوبة واحده او حتى عمود واحد

احنا سلسلة ...كلنا معتمدين على بعض

بننقل لبعض كل حاجه

انا بنقل لخطيبتى وخطيبتى تنقل لقريبتها وقريبتها تنقل لاصحابها واصحابها ينقولا لغيرهم وهكذا

ممكن تقولوا متفائل حبة

بس انا بقول كده عن ثقة واقتناع لان انا جاتلى فرصتين

فرصة اولى واستغليتها بشكل قليل صح ...ونسبة كبيرة من الغلط

والفرصة التانية نسبة الغلط تكاد تختفى

بس الصح اكبر

والسلسلة بتكبر يوم بعد يوم

جربت فعلا تحط خطة تبين انت فين كمان 5 سنين ؟؟؟

قليل لما سألت السؤال ده ولقيت اجابة او حتى اجابة مقنعه

محدش يهرب من السؤال ويسالنى انا فين بعد 5 سنوات

عشان ده فى بوست تانى :D

المهم اللى عاوزك تجاوبوه دلوقتى ...بس فكروا الاول

جربت تعمل خطة بديلة؟؟؟ واذا كنت اتعرضت لموقف خلاك تبتدى من اول وجديد شاركنا بيه

وتانى سؤال انت فين كمان خمس سنين

لو ده صعب

يبقى خليه انت فين فى الدنيا كمان سنتين

مستنيكم

:)

عيد أم سعيد

My lovely Song ..

please watch it :)

Just Feeling ..

Everyday, seven takes of the same old scene
Seems we're bound by the laws of the same routine
Gotta talk to you now 'fore we go to sleep
But will we sleep once I tell you what's hurting me?

The world slows down
But my heart beats fast right now
I know this is the part
Where the end starts

I can't take it any longer
Thought that we were stronger
All we do is linger
Slipping through our fingers

I don't wanna try now
All that's left's goodbye to
Find a way that I can tell you

I hate this part right here
I hate this part right here
I just can't take your tears
I hate this part right here

شهر مارسسسسسسسسسسس

شيخ الازهر توفاه الله

مبارك بيعمل عمليات برا

الاقصى يحاصر ...والتهديد بهدمه

السولار غلى عالفاضى

الحشيش خلص من اسكندرية

تدهور البورصة المصرية تانى

المرور من سىء لاسوأ

غيروا اسم البيت بيتك لمصر النهاردة

ضابط المرور اللى دخل غلط سلك المرور :D

مظاهرات بلا اى هدف

ونوصل للنتيجة الكبيرة

ان اللامركزية بتاعتنا كمصريين وكعرب لسه زى ما هى

وان وضحت اكتر فى الجروبات بتاعت غلق جروب الملحد عالفيسبوك

كل واحد يريد الفضل

فضل شخصى

وليس جماعى

حتى فى الدين

وشللللى !!

Love

I don't mind spending everyday
Out on your corner in the pouring rain
Look for the girl with the broken smile
Ask her if she wants to stay awhile
And she will be loved

Maroon

حقائق لازم نقر بيها

من امبارح وانا بحاول افتكر عاوز اقول ايه ونسيت ...بس افتكرت حاجات تانية يعنى

حاجات يعنى مسلمات فى حياتنا زى الميه والهوا والشمس

اولها يعنى ان حياتك دى مش هينفع تكررها تانى ...بمعنى لما نموت قدام مش هنرجع نعيش ونصلح الاخطاء

فلازم نستفيد منها فى حاجات كتيرة

بمعنى بردوا الوقت اللى بنعيط فيه عالفاضى ممكن نستغله فى حاجات احسن واننا نضحك

لما حد بيسبنا بنفضل نبكى ونبكى ونبكى ...لحد لما نتعود على شعور الحزن ...ويوم لما نيجى نفرح ...نفرح اكن الفرح ده اوبشن مش حاجه اساسية فى حياتنا

مش بقول للناس مش تعيط بس نفكر حبة ...التفكير بيجيب حاجات حلوة ومفيدة لينا

بردوا اهالينا دول امر مسلم بيه ...ولا هنعرف نغيرهم ولا هيعرفوا يبدلونا من هايبر

يعنى نحاول نوصل لحل وسط لو حد عنده خلاف مع احد الاوبين ...يكلمهم او يتناقش يعاملهم بما يرضى الله

عشان رضى الوالدين حاجه مهمة بجد يعنى وعن تجربة

حاجه تانية ...اللى عنده حساسية فى عينيه من الشمس مينساش او ميكسلش ياخد نضارة الشمس فى اليومين دول زى مانا بعمل :D

واللى عنده اصحاب زى العسل مش ياضايق انهم مش عارفين بتقابلوا هماا كلهم بقالهم اكتر من شهرين ...هيجى يوم اكيد ...بس اللى بيصبر بينول

ساعات الواحد بيحتاج يعمل ستوب فى حياته ويراجع ...حاولوا تعملوها من فترة للتانية ...بجد هتكتشفوا حاجات كتير

وساعات الواحد بيجى على نفسه عشان حاجات تعدى ...بس بنكتشف بعدها ان احنا بيجى علينا من زمان اوى ومحدش فكر يدينا الفرصة اننا ناخد حقنا حتى

اهم حاجه فى ده كله ...انك تبقى واثق فى نفسك وانت بتعمل اى حاجه

وتكون متأكد ان اللى بتعمله ده صح

عشان اوبشن الرجوع للخلف مش موجود فى حياتنا

بس كده

حدش شاف بوقى؟؟؟

غريبة الناس ...غريبة الدنيا دى ...اعز الناس بيتغير عليا

مش شرط على فكرة يكونوا حبايب يعنى مرتبطين متجوزين مخطوبين عشان نقول كده

بتتقال عالاصحاب بردوا

وكل الناس بتتغير ...بس فيها ناس مقتنعه انها متغيرتش رغم انهم اتغيروا وللاسوأ كمان

فيه فئة من الاصحاب اعرفهم بيحبوا يدوك التفاصيل اللى هما عاوزنها بس....انا مش معترض ...بس متحسسنيش انى بسرق او اجرمت لو سألت عن حاجه واضحة وضوح الشمس للاعمى بس انت مش شايفها او عامل نفسك مش شايفها او مستعبط وبتقول للناس لاء مش موجودة

بالظبط زى اللى بيقنع الناس ان الشمس مش بتطلع الصبح لاء بتطلع بالليل

ما علينا

انا مش فاكر كنت جاى اكتب ايه

ااه

سلينترو ده اختراع هايل بجد

مذاكرة فرح حزن خطوبة جواز طلاق تلاقى من كل ده هناك

ههههههههههههههههه

بهزر بس انا اتعودت اذاكر هناك عالطول بغض النظر بتكلم عن انهى فرع ...بس المكان الوحيد اللى بحس بيه ان زى البيت ...الاختلاف انى لسه موصلتش اقعد هناك واربع واقلع الكوتشى وازكم انوف الجالسين...هع هع هع

فى يوم ممكن اعمل كده ...فكرة والله ^_^

مش فاكر بردوا كنت عاوز اقول ايه

:(

ما علينا يعنى

كان نفسى اروح اللقاء البورسعيدى للمدونين

بس انا يوم الجمعه كل الناس عاوزانى

هروح لواحد صاحبى وعندى انشطة مختلفة وناس عاوزنى اخرج معاهم وناس غيرهم

والمهم فاكر ومتأكد فيه حاجه فى البيت يومها بس مش فاكر ايه

ههههههههههههههههههههههههه

اكبر عيب فيا احط سبعتلاف معاد فى نفس اليوم وابقى متأكد انى هلحق بس مبلحقش حاجه

-_-

هيتعدل ان شاء الله

يا سفاح كنت عاوز تقول ايييه يا سفحفح

والله ما فاكر

:(

خلاص لما افتكر هاجى احطه فى بوست تانى

بسا

^_^

Life Tips - 2 -

Love, relationships, commitment, sacrifice, jealousy, caring about your partner’s feelings, trying to make things ideal ... Not a good thing all the time

Just put in your Mind that love include Tears as it include laughs
& that's not bad at all
It's Our life that we want to make it perfect every day

حبة طرطشة فكرية ^_^

بقالى فترة الحمد الله فى صفاء نفسى

على غير العادة

ناس شايفاه برود

وناس شايفاه تنفيض وانى مكبر دماغى

بس انا شايفه مكس من الاتنين

بس على طريقتى انا...السفاح

مش لازم عشان فى موقف معين ...والموقف يحرق الدم انى اتعصب جامد وافقد اعصابى والوش اللى قدامى

حصل موقف زى كده الاسبوع اللى فات ...راجل عجوز بعربيته وصمم انه هيعدى ...ولا اكنى واقف رايح اركب العربية اللى كانت معايا

بس لو مكنتش بعدت بسرعه كان زمان ساندوتش بشرى ...اتحرق دمى فخبطتله بايدى على سقف عربيته واتهمته بالهبل وقتها...المهم يعنى كلام اتقال منه وكلام اتقال منى ...لانى مش بيهمنى حد دائما ...ومش مبرر انه راجل عجوز انه يغلط...ماعلينا مش قضيتنا

بس الفكرة ان كان معايا ناس اول مرة يشوفوفنى كده...واخدوا فكرة حلوة عنى

ههههههههههههههههههههههههههههههههه

النقطة هنا فى ايه ...انك ازاى تبقى متنرفز وتمسك اعصابك...

الحمد الله زمان كنت وصلت للنقطة دى...بس فى فترة من حياتى استمرت كتير ...كان فيها ضغوط من كل اتجاه ...ادت ان الواحد بقى زى الفشار جوا الحلة...هترفع الغطا الفشار هينط فى وشك

ام هند يعنى

فبقالى فترة قررت اتغير

اغير كذا حاجه فيا يعنى

التغيير مش عيب ومطلوب بردوا

بس المهم اللى حواليك يكونوا مقدرين كده بردوا

لذا لأول مرة من زمان ااقول انى فعلا مبسوط ومرتاح

الحمد الله

******************************

كلمة اتقالتى قبل كده وبؤمن بيها ...اللى بيحب حد ...هيفهمه...ولو فهمه ...هيحبه اكتر...لكن لو فضل كل واحد قدام التانى لغز وواقف فى مكانه ومستنى كل واحد التانى يجى ويتعرف ويحاول يفهم...محدش منهم هينجح فى علاقته وهيكون مصيرها الفشل ...حتى لو بينهم توافق خزعبلى فى كل شخص ...قربوا من بعض اكتر ...وحاولوا تركزوا شوية فى بعض...وهتفهموا بعض

والا انتوا بتهزروا كل ده وبتضحكوا على نفسكم

******************************

مفهوم الانتخة متعدد عند كل واحد

عند صديقة انها يوم اجازتها تاخد النسكافيه فى مجها المفضل...وتأنتخ عالكنبة تتفرج على المسلسلات الاجنبى

حد تانى بيأنتخ فى حمام سباحة النادى الاهلى

وناس بتأنتخ فى المواعين ومسح الشقة رغم انها اتمسحت امبارح

بس انتخة لمجرد انك عاوز ترتاح غير انتخة لمجرد انك بتقتل الوقت اللى انت قاعد لوحدك...ومش عاوز تفكر فى حاجه

بالنسبالى لما بأنتخ بخرج برا بيتى ...اروح اى مكان...فى الغالب لوحدى لانى العاطل الوحيد فى شلة اصحابى ^_^

واروح سلينترو المساحة...مكانى المفضل من ساعة ما فتح هناك ...واقعد على ترابيزة معينة ...ومعايا الام بى ثرى وورقة وقلم
بس كده

انتوا بقى بتأنتخوا ازاى؟؟؟

Life Tips - 1 -

Always Put Small SMILE On Your Face

Life Will Smile To You .

TEEEEEEEEEEEEEEEEEEEEEEEEEEET

Gebt gaz 5las

عارفين احنا مشكلتنا ايه؟؟؟

مشكلتنا كمصريين فى المجتمع ايه ؟؟؟

مشاكل كتير الصراحة

اولها حب السلطة

فى اى مكان اى حد تديله منصب لمجرد بس انه هيدى اوامر

قمة الاستغلال...ويبقى مش عاوز يمشى

ويورث المنصب لاصحابه

سواء فى شغل او حتى نشاط طلابى فى جامعه

على مدار الكام سنة اللى الواحد احتك فيها مع ناس فى شغل

او فى النماذج بتاعت المحاكاة فى الجامعه

قليل جدا اللى تلاقيه فى مكان وبيشتغل عشان بيحب المكان ده

اغلبهم بيشتغلوا عشان نفسهم وبس

عشان فى يوم حد يقول بصوا فلان كان ماسك كذا

ومش عارف على ايه

وبنرجع نقول هى البلد بايظة ليه

غير كده بردوا لو حد اتعلم من حد حاجه بيمشى يقلده

والنقطة دى ااقصد فيها عالمحاضرين اللى بيتعلموا وبياخدوا الشهادة من د ابراهيم الفقى

مشوفتش بوستر لاى حد فيهم مش مقلد د ابراهيم

كله بنفس الوقفة

مع اختلاف انهى ايد المرفوعة وطريقة الكلام

ليه مش كل واحد منهم يعمل صورة لنفسه مختلفة

ليه يبقوا كلهم نمط واحد...

يعنى المعنيين ومبلوعه بيقلدوا بعض...سواء اللى بيقلد عمرو ولا اللى بيقلد منير

لكن حتى الناس دول؟؟؟

النمطية وحشة على فكرة وبتخلى الانسان يمل

لما اشوف صورة قدامى بتكرر سبعتلاف مرة ...هتشللللللللللللللللللللللللللللللللللللللللل

ومش بعيد اسحب السكينة من جرابها واغز اللى قدامى

حاجه اخيرة

امتى مصر هتعمل فيلم عدل عن حرب اكتوبر؟؟؟

امريكا دخلت العراق 2003

والبرجين وقعوا 2001

وكل يوم ان لم يكن كل ساعه بيطلع فيلم او مسلسل بيتكلم عنهم فى اى حاجه

CSI

The Unit

24

etc

الخ الخ يعنى

واحنا بس فالحين نعمل افلام هلس

وناس بتنام مع ناس وبس كده

وهى دى السينما يا عبلة

انا حاسس ان عبلة عدت مرحلة الهبلة ورمت الطبلة وماسكة بدالها درامز

تفتكروا الحال هيتعدل فى يوم من الايام؟؟؟

معتقدش

^_^

Happy Zalntean

Which is Fake !!

Thoughts

الخوف

اكبر مخاوف الانسان

انه يخاف

من الخوف

من الفشل

من الحب

من الناس

من نفسه

من اهله

مناى حاجه حواليه

بنخاف من الضعف

وفى نفس الوقت

بنخاف من القوة

بنخاف من الوحدة

بس

بنخاف من اللمة

بنخاف نفرح

عشان بعدها

بنخاف نزعل

بنخاف نقوى

عشان بعدها

بنخاف ننكسر

بنخاف من نفسنا

بنخاف من عقلنا

بنخاف من كل حاجه

بس عمرنا ما خفنا من الحاجه اللى بتقتل الخوف

يمكن عشان بنحب قوى الشعور بالامان

الشعور اللى بيتولد وقت ما تمسك السكينة

وتغرسها فى قلب الخوف

وقتها مش هتخاف انه يرجع تانى

مش هتخاف من اى حاجه

هتخاف بس ان الامان يزهق منك

ويدور على حد تانى

عشان كده مهما عملنا

مهما كنا اقوياء

مهما كنا فوق قوى

ومهما كنا فرحانين جدا

هنفضل نخاف

من الخوف

كتاب اليوم

كل اسبوع هجيب كتاب هنا

نتكلم عنه

نفتكر ذكرياته لو قديم

نقول راينا فيه لو جديد

كده يعنى

مش هرغى كتير

احد الكتاب اللى بحبهم

عبد الوهاب مطاوع الله يرحمه

سبب من الاسباب اللى خلتنى ااقرا جرايد اصلا

او اشترى كتب من المعرض

كان هو

فيه كتاب قريب منى

مش عارف ليه

يمكن بيمس حاجات عديت بيها

شفتها قدامى

اسمه

خاتم فى اصبع القلب

هسيبكم معاه

جربوا تقروه

وقولوا لو عجبكم

او لو حد عارفه

يشاركنا بايه احلى حاجه عجبته فيه

كلمة عجبته

انهى جزء

كده يعنى

http://www.4shared.com/file/218604862/ea2a2537/___-____.html