Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Saturday, May 08, 2010

بفكر بصوت عالى



بقالى فترة عندى اكتئاب تدوينى حاد ...ماليش مزاج اكتب هنا ولا حتى كومنت مش عارف ليه :( :( :(

*****************

هوا ليه فيه ناس بتصر انها تحرج نفسها وتقلل من شكلها قدام ناس تاينة

جت فترة كده مسحت ناس كتير من حياتى ومش شايف لهم فايدة او اى بتنجان فى حياتى وانا حر طبعا

تلاقى ناس مصرة انها تبقى عندى وتتكلم ...مش بالعافية يا بابا

سلكوا ودانكم بلييييييز

*****************

اغلب اللاعيبة فى مصر مش بيحبوا كرسى الاحتياطى ولازم يلعبوا اساسين

الحياة زى الملعب بالظبط...فيه احتياطى وفيه اساسى

جت عليا فترة كنت مبسوط انى احتياطى ...ومرتاح...بس اتضح انى كنت غلط

اللعب اساسى هو شرطى فى اى حاجه اعملها

مش هرضى انى اكون صف ثانى :)

******************

انا فعلا سفاح على فكرة

ومش شرط السفاح يكون بيقتل بجد

لاء فيه انواع كتير للقتل دون اراقة نقطة دم واحده

واظن اننا كلنا نعرف ايه هما

:)

******************

ساعات كتير بفكر انى متجوزش عشان مجبش عيال اطلع فيهم العقد اللى طلعت علينا

بس برجع وبفكر ان اكيد فيه حكمة لكده..

اننا نحاول نصلح العقد دى ونغيرها واحنا بنربيهم

يمكن انا شفت حاجه بتتغير فى عيلة ما فى الابن الرابع والاخير..

غيروا طريقة التربية تماما مقارنة بالتلاتة اللى قبله

يمكن

*****************

لما كنت بروح لجدى الله يرحمه

كنت بستغرب ليه محدش من ولاد اعمامى بيروح يزوره زيى؟؟

بعدين لما بروح لجدتى...وبستغرب ان اللى بيهتم بيها قلة...ومن احفادها وميكملوش 3 بس

وابنائها بنتين بس اكتر اللى بيروحوا وولد..والباقى فى الطناش

يمكن مش من حقى اتكلم واقول

كل واحد عنده ظروف

لكن بقت سمة الدنيا اننا نكبر وننسى اهالينا

زى كل يوم نقرا وفاة عجوز منذ اسبوع والجيران يبلغوا الشرطة عشان الريحة كريهة...ويكتشف ان عياله مش بيسألوا عليه الا فين وفين

يااااه هيجى يوم وولادى يعملوا فيا كده؟؟؟

*******************

حريتى تنتهى عند حرية الاخرين...ياريت تفكروا فى الكلمة دى كويس

:)

4 comments:

Mona said...

نظره اكتئابيه لا يعلم بها الا ربنا
***************
يمكن كانوا بيحاولوا محاوله بريئه لتصحيح
انهم مالهمش فايده ..على العموم كويس انك مسحتهم ^_^
*****************
دى كويسه دفعه الى الامام نظره اوضح للمستقبل
***************
السلام عليكم :s
(ايموشن ديلوه فى سنانه )
************
كويس جداا
*******************
اعوذ بالله
الراجل اللى مات لوحده دا يمكن يكون حب عياله بس معرفش يخليهم يحبوا بعض
عشان كده نسيوه والله اعلم
*******************
لا مع انه اه
بس لا

عمرو فكرى said...

((((بس برجع وبفكر ان اكيد فيه حكمة لكده..

اننا نحاول نصلح العقد دى ونغيرها واحنا بنربيهم))))

متئ

ђager ZaǮbal said...

انا كمان حاسه انني مبقتش نشيطه في الكتابه زي زمان رغم ان مليون فكره ومليون احساس بيتنططوا جوايا ..

..

عارف .. ممكن الناس دول يكونوا كل ده مش قادرين يستوعبوا انك مسحتهم من حياتك :)))))))

..

يوجع اوي موضوع الصف التاني ده .. بس للاسف كتير بنبقي مش راضيين وبنقف فيه غصب عننا برضو :(((((

..

كونك معترف انك سفاح دي حاجه ممكن تقلل من خطرك .. داري علي شمعتك :)))))))))))

..

لا..
بالعكس احنا مش هنطلع عقدنا عليهم ..
احنا من كتر ما احنا متعقدين وبنحبهم ممكن نبقي مخفقين في تربيتهم عشان بنحاول نبعد عنهم اي حاجه كانت بتجرحنا بس بزياده اوي ..

..

ولادنا هيعملوا فينا كده لو احنا بنعمل كده ..

..

عجباني الجمله اوي علي فكره ومأيداك فيها :)

safa7_karmooz said...

Mona:

Mnwarany :D

Amr : mesh fahem