Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Thursday, March 11, 2010

حقائق لازم نقر بيها

من امبارح وانا بحاول افتكر عاوز اقول ايه ونسيت ...بس افتكرت حاجات تانية يعنى

حاجات يعنى مسلمات فى حياتنا زى الميه والهوا والشمس

اولها يعنى ان حياتك دى مش هينفع تكررها تانى ...بمعنى لما نموت قدام مش هنرجع نعيش ونصلح الاخطاء

فلازم نستفيد منها فى حاجات كتيرة

بمعنى بردوا الوقت اللى بنعيط فيه عالفاضى ممكن نستغله فى حاجات احسن واننا نضحك

لما حد بيسبنا بنفضل نبكى ونبكى ونبكى ...لحد لما نتعود على شعور الحزن ...ويوم لما نيجى نفرح ...نفرح اكن الفرح ده اوبشن مش حاجه اساسية فى حياتنا

مش بقول للناس مش تعيط بس نفكر حبة ...التفكير بيجيب حاجات حلوة ومفيدة لينا

بردوا اهالينا دول امر مسلم بيه ...ولا هنعرف نغيرهم ولا هيعرفوا يبدلونا من هايبر

يعنى نحاول نوصل لحل وسط لو حد عنده خلاف مع احد الاوبين ...يكلمهم او يتناقش يعاملهم بما يرضى الله

عشان رضى الوالدين حاجه مهمة بجد يعنى وعن تجربة

حاجه تانية ...اللى عنده حساسية فى عينيه من الشمس مينساش او ميكسلش ياخد نضارة الشمس فى اليومين دول زى مانا بعمل :D

واللى عنده اصحاب زى العسل مش ياضايق انهم مش عارفين بتقابلوا هماا كلهم بقالهم اكتر من شهرين ...هيجى يوم اكيد ...بس اللى بيصبر بينول

ساعات الواحد بيحتاج يعمل ستوب فى حياته ويراجع ...حاولوا تعملوها من فترة للتانية ...بجد هتكتشفوا حاجات كتير

وساعات الواحد بيجى على نفسه عشان حاجات تعدى ...بس بنكتشف بعدها ان احنا بيجى علينا من زمان اوى ومحدش فكر يدينا الفرصة اننا ناخد حقنا حتى

اهم حاجه فى ده كله ...انك تبقى واثق فى نفسك وانت بتعمل اى حاجه

وتكون متأكد ان اللى بتعمله ده صح

عشان اوبشن الرجوع للخلف مش موجود فى حياتنا

بس كده



10 comments:

abdelsalam said...

إزيك يا كابتن عمرو؟ أردت أن أطمئن عليك وعلي نشاطك في التدوين ، والحمد لله وجت كل شئ علي مايرام.إلا أني تضايقت جدا عندما دخلت إلي المدونة لأجدها تستقبلني بالحظر الذى تفرضه علي دخول "الكلاب والخنازير والجزائريين" ولم أكن أتخيل إن واحد زيك يتجرجر إلي المشاركة في إشعال الفتنة بين شعبين عربيين شقيقين ، تأثرا ببعض البرامج والفضائيات الفاشلة ، التي تسعي إلي تخريب الوجدان والقيم والمبادئ وكل ما هو جميل في حياتنا ، وأنا أعرف أنك شاب رياضي مخلص وأمين ، ولا ينبغي لك أن تنزلق إلي هذا المستوى ..أرجو سرعة إزالة هذه اللوحة من مدونتك الجميلة ، ومرسل لك ما نشرته في إحدى مدوناتي عن هذا الموضوع
من المستفيد ومن الخاسر من إثارة الفتنة بين الشعبين المصرى والجزائرى!؟
http://onewordandahalf.blogspot.com/2009/08/blog-post_9728.html

safa7_karmooz said...

النمرة غلط على فكرة

اخر الطرقة شمال

حَـبآيـۃْ.بـטּـدۉڷ said...

كلآمك كله صـح فعلا .. بس للأسف مش من السهل إنك تكون واثق في نفسك .. مش من السهل إنك تيجي على نفسك أو كده ..

لو حبيت تكون واثق وتنتهز الفرصه وتعمل حاجه من غير تردد .. اكيد هتفتكر طب لو عملت كذا مين هيزعل ؟ طب اجيب ده ولا ده ؟

واسئله كتييير ..

يمكن بالتدريب تقدر يكون عندك ثقه فيك وفـ اللي حواليك ..

بس انا بعتقد إنهـا مجرد مهاره او فطره بتبقى موجوده في الإنسـان

Cute Kitty **sookra said...

بما ان كلامك عاجبنى وبما انى موش عاوزه اقول يجنن ورائع وكده
فهقول كل سنه وانت طيب وياريت تنسى اللى عاوز تكتبه وتفتكر حاجات تانيه زى دى وتكتبها

بس انا بتمنى يبقى عندى اوبشن الرجوع للخلف

Silver Eyes said...

مساء الخير

متحاولش تفتكر يمكن تجيلك فكرة جديدة احلى كتير من الحاجة اللى كنت ناسيها ..

كلنا مؤمنين باننا بنعيش حياة واحدة بس نظريا لكن فعليا لاء.. متصورين اننا ممكن نعيش حياة تانية بس هنعيشها صح

ساعات الواحد بيحتاج يعمل ستوب فى حياته ويراجع ...حاولوا تعملوها من فترة للتانية ...بجد هتكتشفوا حاجات كتير
هوا دا بالظبط اللى بحاول اعمله الايام دى .. ميرسى ع النصيحة

فيه نصايح وحاجات كتير ما بين السطور جميلة بجد .. بس اللى يفهم

متنساش النضارة تانى .. ها ؟
تحياتى :)

catroz said...

هو انا كل ما افتح هنا الاقى سبعتلاف بوست جديد ..
اجيبلك وقت منين يا عم انا بس :@

safa7_karmooz said...

حباية :

الاول ميرسى على كومنتك الاول فى طرطشتى المتواضعه -_-

بصى هى بالتعود...زى ما فى ناس بتعود نفسها انها تبقى باردة ومش بتحس...دى بردوا بالتعود

بصى انا كنت زمان بفكر مين هيزعل مين مش عارف ايه ...بعدين لقيت هما مش بيفكروا كده فيا يعنى ...فاشمعنى انا اللى اهتم..بس ميمنعش ان فيه ناس اسبيشيال ^_^

safa7_karmooz said...

cutie :

نورتى الطرطشة المتواضعه بردوا ^_^

والكومنت بتاعك اول ما قريته ضحكت عليه ضحك جامد يعنى :D ربنا يكرمك ومتقطعيش الزيارة البوست الجاى ^_^

safa7_karmooz said...

Silver eyes:

تصدقى بالله ...والله ما فاكر لسه كنت عاوز اقول ايه :D

يارب بس النصيحة تنفعك وتقدرى تعمليها بجد

ومش تقلقى هاخد النضارة ..الاقيها بس الاول :D

نورتينى زى كل مرة ^_^

دهاء سياسي said...

تدوينة جميلة يا محمد ما شاء الله فعلا :)

تسلم ايديك يا فندم :)