عمو عمو ممكن بق ميه ؟!!
امشى ياض انجر من هنا ...انت عارف لتر الميه بكام ..ب60 جنييييييييه ..قال بق قال
:(
على فكرة النيل ده عندنا من زمان ...وكان ليه فرع بيعدى قدام الهرم زمان ايام الفراعنة وكده
لكن دلوقتى بقم اتنين
على فكرة النيل ده عندنا من زمان ...بس بنتصرف فيه ولا اكننا فى مبولة عمومية
النيل ده عندنا من زمان ...ااه ما هوا بتاع مصر لوحدها
النيل مش هيبقى عندنا قدام زى ما كان عندنا زمان
لسبب اننا دايما بنحل الازمة بعد ما بتقع ...مش بنتنبا بيها
مع ان كل اللى حوالينا شايفين اللى احنا مش شايفينه
او سورى...اللى مش عاوزين نشوفه دلوقتى
وبنرجع نزعل بعد كده من اللى بيحصل
تفتكروا هيغلوا القعدة على ترعة المريوطية بدل النيل قدام ؟؟
5 comments:
كل شئ ممكن .. ليه لأ
:D :D
بس ساعتها بق المايه مش هيبقي بـ 60 جنيه بس .. دا الناس هتبقي عامله زي المدمن اللي عنده استعداد يسرق .. ينهب .. يرتكب جنايه عشان يجيب فلوس اللي بيدمنه .. تخيل بقي حاجه متقدرش اصلا تعيش من غيرها ..
:(
...
اقولك حاجه
خلينا ورا حملات التوعيه اللي بتتطلع علي القناه الاولي بس واحنا بإذن الله هنحافظ ع الميه يا ولدي !!!
ربنا يستررررر
امممم
تفتكر ساعتها لما الواحد يبقي عايز ياخد شاور بقي هيغرم كام ؟؟
طب تخيل بقي واحد مش لاقي اصلا يشرب
يبقي اكيد مش هيستحمي !!
:D :D :D
- مهيسه انا حبتين -
:)))))))))))
والله موضوع كبير اوى
كل ما اقراه يرتسم على وجهى
(ايموشن متنح)
حاجه تجمع بين
:huh:
:(
:S
بالاضافه الى كلمه_ مافيش فايده
ليه بقا
عشان التطنيش
والتكبير والتنفيض
وانتظار البلاء
وعدم توقع وقوعه
حاجه كده زى عالبركه
وبعد كده هيجى الطفل البرئ دا يقول لعمه عايز بق ميه
يقوله روح يا حبيبى اشرب من البحر
طب هما ليه دايما الصغيرين اللى شايلين الهم والكبار لا
الله اعلم
hager za3bal :
هوا اكيد هيبقى ممكن طول ما احنا بنغسل العربية بميه تكفى قرية لمدة شهر !!!
مدمن...داحنا هنلف الميه فى ورق بفرة...ههههههههههههههه ونضرب حقن ميه
بس يا خوفى للحكومة وقتها تعمل زى ما عملوا فى الحشيش دلوقتى
وماله خلينا وراها...حاسبى بس تتكعبلى
لعلمك فيه ناس تستحمى ولا تشرب ...تموت من العطش ولا تنام معفنة..هههههههههههههههههههههههه
حلو المثل ده
:D
Mona:
حقك عليا بس
اهدى يا عم حسين
هدى اعضائك
وادى راس جدك اهيه ..:D
بصى متقرفيش نفسك ...الا لما يجى يوم تقفى فى طابور الميه وتطلبى بأدب من اول واحد فى الطابور بق ميه عشان عطشتى...وهيزعق فيكى ويقولك..هأو كان غيرك اعطش :D
Post a Comment