ازاى تبدأ حياتك من اول وجديد؟؟؟
عمرك فكرت فى كده
حصلتلك مشكلة ما فى شغلك ...حياتك..زواجك
علاقتك حتى بأهلك اصحابك ...دراستك لو كنت طالب
عمرك فكرت فى الخطة "ب"؟؟
قليل مننا اللى بيعمل كده
ولو حد صرح للناس انه بيعمل كده بيتهم بالجنون او التشاؤم او حتى انها هربانة منه او ممكن يطلع غبى فى الاخر
بس فى الاصل انه ذكى انه جاهز
بالظبط كده لو طبقنا المثل ده فى الدين لما حد يكون غلطان ويتوب لربنا ويرجع تانى ...الله ماهو بيبتدى من اول وجديد اهوة ..طب اشمعنى
المشكلة بس فى العقلية
سواء بتاعتك او بتاعت المحيط اللى انت عايش فيه
انهم يتقبلوا الحقيقة او اللى انت بتعمله
ممكن حد يتهمنى فعلا بالجنون ...عادى انا اصلا مجنون مجبتوش جديد
بس ليه وسط الساقية او الطاحونة اللى انت فيها مبتعملش اللى انت بتحبه
انت عارف بقى ظروف الحياة والشغل والعيال ولازم يطلع ميتين اهالينا عشان نجيب الفلوس ونأكل العيال ونعرف نجوزهم بعدين ونسافر بورتو نصيف هناك ويبقوا مرتاحين وميتعبوش فى حياتهم ...الخ من الكلام اللى ترقيبا حفظته مع اختلاف المستويات والجمل اللى بتتقال وقتها
المهم نوصل بس للى عاوز اقوله
جربت فعلا تبتدى من اول وجديد ...تتعب وتبنى
انت بنيت اول مرة ...بس ممكن يكون جزء من اللى بنيته غلط ...معوج شوية ...مش سليم
بس دلوقتى قدامك فرصة تانية انك تبنى
متقولش صعب
ومتقولش مستحيل لان مفيش حاجه مستحيلة
فيه حاجه اسمها انت ارادتك فين
وارادتك دى هتوصلك لايه
واللى انت هتوصله ده ...كام واحد هيستفيد منه
والكام واحد دول هل فعلا هيوصلوا اللى هما اتعلموه منك صح ولا لاء
اصل انت مش لوحدك فى الدنيا دى
زى العمارة مينفعش تبنيها بطوبة واحده او حتى عمود واحد
احنا سلسلة ...كلنا معتمدين على بعض
بننقل لبعض كل حاجه
انا بنقل لخطيبتى وخطيبتى تنقل لقريبتها وقريبتها تنقل لاصحابها واصحابها ينقولا لغيرهم وهكذا
ممكن تقولوا متفائل حبة
بس انا بقول كده عن ثقة واقتناع لان انا جاتلى فرصتين
فرصة اولى واستغليتها بشكل قليل صح ...ونسبة كبيرة من الغلط
والفرصة التانية نسبة الغلط تكاد تختفى
بس الصح اكبر
والسلسلة بتكبر يوم بعد يوم
جربت فعلا تحط خطة تبين انت فين كمان 5 سنين ؟؟؟
قليل لما سألت السؤال ده ولقيت اجابة او حتى اجابة مقنعه
محدش يهرب من السؤال ويسالنى انا فين بعد 5 سنوات
عشان ده فى بوست تانى :D
المهم اللى عاوزك تجاوبوه دلوقتى ...بس فكروا الاول
جربت تعمل خطة بديلة؟؟؟ واذا كنت اتعرضت لموقف خلاك تبتدى من اول وجديد شاركنا بيه
وتانى سؤال انت فين كمان خمس سنين
لو ده صعب
يبقى خليه انت فين فى الدنيا كمان سنتين
مستنيكم
:)
9 comments:
:huh:
البوست دا عملّى صدمه
تصدق معرفش انا فين ولا ايه ولا رايحه فين
بس ميمنعش انى بحاول اكوّن ولو شئ ايجابى
اعوّض بيه شطحات عقلى الايام اللى فاتت دى
مهما كانت محاولاتى عمرى ما حسبتها حتى ولو لاسبوع قدام
خير ان شاء الله :D
لا بجد إنت متـفآئل عالآخر ..
حـاسب لتتحسد بقى ..
المهـم :: بالنسبه لموضوع جربت .. جربت اني أبتدي من الأول ..
بصـرآحه جربت .. بس للأسف محصلش حاجه ..الحال لسه على ماهو عليه ..اصلا ملقتش حد يشجعني .. ملقتش حد يحس فيا انا إبتديت اتغير بجد .وللأحسن كمـان
ملقتش حد يقولي .. الخاصله الوحشه اللي كانت فيكي مبقتش موجوده
مجرد الشعور بس إن حد حاسس إنك ابتديت من جديد وبقيت انسان احسن بتدي دفعه لقدآم برده
كمـان خمس سنين بقى .. نمممنممنمنم . مش عارفه هكون فين
بس اعتقد هكون فـ مرحله جديده من تعليمي (الكلية) .. وهكون زي مانا مش هتغير لا للأحسن أو الأسوء
يا بوستاتك
انا عن نفسي عاملة خطة طويلة المدي بس الظروف ديماُ معكساني
والحمد لله علي كل شئ نجت في حاجات وفشلت في حاجات
بس بحاول وكل فترة بحاول اتعلم حاجة جديدة
اوجرب في ناحية تانية
بعد خمس سنين إن شاء الله
نفسي احقق اهم حلم وأبقي أم
نفسي ربنا يوفقني واقدر ادخل تمهيدي ماجستير مش هاطمع واقول اخده في الخمس سنين
بس ع الأقل اخد التمهيدي
في الشغل بقي لأما ابقي قدرت ادخل شركة مالتي ناشيونال وعملت كاريير كويس أو اكون ابتديت شغل خاص بيا
أدعيلي بقي علشان انا بحبط كتير وفي ظروف كتير واقفة قصادي
بجد بوست حسسنى اد ايه انا مبفكرش فى حياتى اللى جايه
بس تفتكر هيكون حل حاجه لو فكرت انا ايه كمان سنتين بس انا حاولت كتير قبل كده انى ابتدى من اول وجديد سواء فى علاقاتى بالناس او بأهلى حتى فى شخصيتى بس لقيت انى بتعب اوى عشان اقدر اغير وفى الاخر برجع اقول انا كده كويسه هتعب ليه بقى مش عارفه ده صح ولا غلط بس بجد انا هحاول تانى لان زى ما انت قولت مفيش حاجه اسمها مستحيل
تقبل مرورى
ومتقولش مستحيل لان مفيش حاجه مستحيلة
انا دايما بقول كده
Mona :
صدمة ليه بس ...معلش اقعدى كده وفكرى حبة :D
بصراحة بوست في الجون
وحسسنى انى بعمل حاجة مفيدة في حياتى
لانى فعلا مخطط لحياتى الجاية
وعامل بدائل كمان لو الخطة الاساسية منفعتش
وعلى فكرة
غالبا بستخدم البديل التانى او التالت لان الاول مش بينفع
وعلى طول التخطيط بيبوظ
لكن الواحد لازم يلعب مع الحياة شطرنج
يفكر ويتامل ويحط جميع الاحتمالات للخطوة اللى جاية ويعرف هو ناوى على ايه بالظبط
وبعدين ينقل القطعة بذكاء
شكرا ليك على البوست الرائع ده
وتقبل مرورى
بس يا ترى انت بتعمل كده فعلا؟؟
كل التحية لك
من يوم ماقريت البوست دا
وانا بجد مش قادرة ارد عليه
ولا على نفسى
:(
هحاول تانى
Post a Comment