Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Wednesday, July 11, 2007

هنستحمى...هيييييييييييييه


فى يوم من الايام...قمت من نومى ...الدنيا حرررررررررررررر بغبااء...وقلت لما اعمل تغيير ...وادخل اخد دش....يفوق الواحد ونظبط الاداء..عشان ااعرف ااقضى اليوم يعنى ....فقمت وسبت السرير ...وابتديت اطلعلى هدوم بقى ...ماهو مش هستحمى بنفس هدومى يا ذكوكو

المهم ...لقيت اختى الكبيرة واقفه على باب الاوضة ...ومتنحه...وبتقولى : ايه اللى انت بتعمله ده؟؟
قولتلها بكل بساطة...داخل اخد دش...

نهارك اسوح...هتستحمى ازاى ...انت اكييد اتجننت ..استنى كده...وحطت ايدها على راسى تشوف سخن ولا حاجه...تقولى لا لا ...الامر مش طبيعى ...لازم ااقول لماما

واسمعلكم صويته من هنا لغاية القناطر ...يالهوتىىىىىىىىىىىىىىىىىىىىىىىىىىىىىىىىىىىىىىىىىىىىى ابنى داخل يستحمى...انت اكيد اتجننت...امشى من هنا ودخل هدومك دى جوا عشان ابوك لو صحى وشافك كده ...هيصور قتيل او ممكن يروح فيها....

وانا واقف مبلم مش فاهم فيه ايه ...ومش عارف زعلانيين ليه ....المهم زقونى عالاوضة ...وفى الطريق ...بابا كان صحى عالدوشة والزعيق ...وبيزعق فيه ايه ....طبعا قالوله انى كنت داخل استحمى....لقيت الراجل برق...ووشه جاب الوان ...وعرق ...واغمن عليه

طبعا فوقنااه وكده ...وبصلى....ومسك ايدى جامد....سفاح...اوعدنى يابنى انك مش هتعمل كده...اوعدنى والا هحرمك من الميراث ....
انا لغاية دلوقتى مش مجمع اللى بيحصل ...فيه ايه يا جدعااان ...ده حمووم...يعنى ميه وصابون وشاور جيل وشامبو ...وطبعا حمبى ...اللوووووووووووووووووووووووووووووووووفة

المهم...زقيتهم على جمب ...ومصمم برضه عاللى فى دماغى ....وفجأة...الموبايل رن...ترن ترن ترن ...الو...لو استحميت يا سفاح...هنقطع عنك الميه....ونخنق لوفتك حبيبتك...تراك...السكة اترزعت يعنى

انا الفار ابتدى يلعب فى الفانلة الحملات اللى لابسها ...لاء الموضوع فيه ان .....بس برضه
لازم ااعمل اللى فى راسى واستحمى...وفى النص جاتلى مسج من شيخ من شيوخ مصر الكبار ...بيقولى : ولا تلقوا بايديكم للتهلكة...ولكن ان كنت مؤمن وتريد خوض المعركة...فتوكل على الله ...واستحم...!!!

ههههههههههههههههههههههههههههههههههههههههههههههههههههههههههههههههههههههههههههههه

صبااح البتنجان بجد ...ايه اللى انا فيه...يعنى كل ده عشان ميه وصابون وشاور جيل وشامبووو وحمبى اللووووووووووووفة؟؟
اشك فيه أن بجد....

قلقت وكنت هغير رأيى ....بس سمعت الاخبار عالجزيرة بتقول : وقد افادنا مراسلنا من امام شقة السفاح انه عازم كل العزم على خوض هذه التجربة والمضى قدما ....فى خطوة كبرى نحو تحقيق الحرية للمواطنين والشعب المصرى بأكمله ...وندعو الله ان يوفق الشعب المصرى عامة والسفاح خاصة...

انا اشتهرت ....خلااااص كفاية لت وعجن ....دخلت الحمام ...قفلت الباب ....علقت هدومى....طششششششششششششششششششششششششششش

واخدت الدش يا جدعااااااااااااااااااااااااااااااان


كانت فرحة عامرة ....البشر مصدقتش ...بصيت من الشباك لقيت الاهالى فرحانيين وبيرقصوا ....وبدل هنروح المولد الشهيرة...هنروح البانيو...والنهاردة هستحمى يا جدعان ...عاوز كله يبقى تمام ...

وانا برضه مش مستوعب ...يمكن فقت شوية لما جالى لفلفوون من المحافظ يقولى انه تم اختيارى لنيل وسام المحافظة من الدرجة الاولى مع لوفة الشرف ....

طيب ...وقال ايه ...الريس هيكرمنى...وسيراميكا كليوباترا هتبعتلى حمام مخصووووووووووووووص هدية خاصة من مجلس ادارة الشركة ليا ...وكان موولد...

وفى الاخر ...اعلنت محافظة الجيزة...انه فى يوم الاربعاء الموافق 11 يوليو من عام 2007 قد اصبح عيدا للحموم ...يستحم فيه كل مواطن بالمحافظة...اجباريا ...عند نصب سيدى ابو السفاح بمنطقة التعاون ...ودمتم


44 comments:

fad-fadat nour said...

ههههههههه

بقي اخدت دوش يوم 11 يوليو؟
انت من الاحرار يا بني

انا يشرفني و يسعدني و يبهجني معرفة بطل من ابطال مصر زيك.. حائز علي اللوفة الذهبية من مهرجان كان

ده يوم سعيد جدا ..و نهنيء انفسنا بهذا النصر العظيم .. عشت زخرا للوطن

keda-sponser said...

يااااااااااه

علشان كده كان في قلبان عندنا في الإسكندريه ... واحد أستحمى يا رجاله

صحيح ... هوه أنت صاحب ثوره 11 يوليو
بس أنا أكتر حاجه عجبتني موضوع الفار إللي لعب في الفنله الحمالات ده

يلاااا ... تعيش يا بطل و تملى البلد أعياد

catroz said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

يا دماااغك الرايقه يا مشمش
تعرف انا مدحكتش كده من 7000 سنه
جامد بجد
الا اختك دى هى اللى رهيبه
و يا عينى عمو الحاج كان هيحصله حاجه
يلا كله بيطلع فى الغسيل
المهم بس حبيبتك اللوووووووووووفه بخير لسه
و كل سنه و انت طيب
:D

semsema28 said...

هههههههههههههههههههههههه

جامد يا مشمش

ههههههههههههههههههههه

واضح انك بتستحمى ف الاعياد بس

هههههههههههههههههه

الله يكون ف عون اختك وباباك ومصر كلها

هى اللوووووووووووووفة جرالها حاجه ولا لسه بخير؟؟؟

loza said...

هههههههههههههه

:Dنعيما

فكرتنى بمره كانوا طالبين ريبورت عن LOOFAH
دخلت اعمل سيرش طلع لى ان اللوفه ب 6 دولار وفى ب 7 ونص :D

ولما لقيت المعلومات الى كنت عايزاها
كنت مصممه ابعت جزء من اللوفه مع الريبورت للدكتوره
بس الى مشتركين معايا موافقوش:(

زى الهوا said...

وش محول

The Alien said...

أحيي فيك شجاعتك وإصرارك
إنت دافعت عن حقك وتحديت الدنيا كلها عشانه
وأنا بالمناسبة دي بأطالب بدش ولوفة لكا مواطن

نعيما

ضـوء الـقـمر said...

ههههههههههههههههههههههههههههههههه
ليه يبني كل ده
تعرف يا سفاح
مكنتش اعرف انك اول واحد يستحمى في مصر ههههههههههههههههههههههه
حققت اكبر حرية للشعب
احييك يا ولدي

بتأخر بس انت عارف اللي فيها
الواحد بيقعد عالنت في الدراسه اكتر من الاجازة هههههههههههههههه

خمسة فضفضة said...

السلام عليكم ورحمة الله وبركاته


هههههههههه

الف الف مبروك

اتاري المجاري كانت طافحه في كل حته يوم 11 يوليو

عاوزينك بقي توصفلنا احساسك ايه بعد الحمام

وهل فعلا كان انتعاش زيف....اقصد زيست موجود ولا دي اوشاعات

عقبالنا يارب عقبالنا ...هههههه

وشوشني said...

مبرووووووووووووووك يا عم
بس هو ده حصل فعلا ولا انت بتهزر يعني مامتك وباباك مش كانوا عايزين يخلوك تتدخل ولا يعني ايه بالظبط

يلا بقا

البنت الشلبية said...

مبروووووووووك..اخييييرا ههههههههه

كل ده بسبب اللوفة...يلا مش مشكل

سلام

~ Bato0ot ~ said...
This comment has been removed by the author.
~ Bato0ot ~ said...

loooooooooool da eh el khatwa el garee2a el fazee3a de?
alf alf mabroook w e7teflan b hazehe el khatwa el 3abqrya ha2om ana kman akhod dosh :D w allah el mowafeq

kahramana said...

ههههههههههههههههههههه
حلو اوى اوى

بس انت مش شفتنى و اناواقفة مع الشعب و بشاورلك و اقوللك مبروووووووووووك عقبال المرة الجاية كده

إنـســانـة said...

ههههههههههههههههههه

منطقة التعاون !!! تبقى جمبنا

عرفتككككككككك انت اللى قطعت الماية يوم 11 يوليو ومن ساعتها كل شوية تقطع
:@

يسامحك ربناااااااااا

يلا ألف مبروووووووووك وكل دش وانت طيب وعقبال الواد كاميكااااااااااااز .. بس لو عملها المجارى حتضرب فى البلوج سبوت كلها
:D

تحياتى

تخاريف said...

هههههههه

اتارى الطريق كان واقف..!!!!
ع العموم نعيماااا
وكل عيد حموم وانت طيب...

Ana keda said...

أول حاجة بس انا عارفة انى نحس نحس نحس البوست بتاع الصدفة الى استنيته فى احلامى لما تكتبه تكون الظروف النتية زفت ومفصولة ويبعدوا بينى وبين الصدفى
اهىء اهىء

سيبك انت استحميت يا برعى
يا بركة يا بركة والنبى لو اعرف المنطقة كنت دبحت فرخخة برجل وعملت حاجة للفقرا
الهم انت بخير ياباشاوبجدد عضويتى
ههههههههههه
فى نادى التعاون

Islamist Bloke said...

ما شاء الله
مبرووووووووووووووووووووووووووووك على الحدث العظيم ده

نتمنى لك كل خير وسعادة والى الامام دائما


انت معانا فى لعبة اميرة البلطجية واللا لا؟

سلام

BaTresYa said...

هههههههههههههههههههههه
تعيش وتاخد غيرها ...مبروووك فرحت لك من كل قلبي عقبال الشعب المصري كله :))

ahmEd_H said...

أتصدق بالله

انا صدقت فى الاول

هو اللى بنعمله فى الناس حيطلع علينا ولا ايه

الف مبروك يا سفاح يا خويا

Nouran said...

ايه يا بني مبروووووووووك
لولولوللولولللي عقبال ما نفرحلك بالشهادة كده هههههههه
ايه ده يا بني حرام عليك ده انت كده من المشاهير ربنا ياخد بايدك يا بني :)

MestKA said...

انت بطل حقيقي وتستحق التكريم مفيش حد يقدر يستحمل اللي انت استحملته
ههههههههههه
تقريبا شباب مصر تحولوا لابطال حمى وبس

تحياتي

وشوشني said...

ياريت تييجي بكره يا استاذ بكره الساعه 6 في حفله عشان تخرج وينكي في الاوبرا زي اللقاء اللي فات ياريت تييجي

EMALMADA said...

Hello from Almada Portugal
have a nice day

ياسمين said...

مافهمناش برضه الناس ماكانتش موافقة ليه انك تستحمى؟
تقصد يعنى ان الشعب المصرى قذر ومش بيحب يستحمى؟
:)))))))))

safa7_karmooz said...

فضفضة نور:

طبعا طبعا ...

انا بحييكى على روحك دى ...وبمناسبة اليوم المشهود..هحجزلك فى حمياة السنة الجاية قدام النصب :D

-----------------

keda-sponser:

يابنى هوا انا اى حاجه ...السفااااااااح يا معلمى ...

اتقل بس البوست الجاى هيكسر الدنيا

دى الثورة اللى هتبقى من ضمن اعياد وطننا المبجل ان شاء الله

والفار لعب فى الحملات نظرا للحر فى الوقت ده ...وعلى المقيمين خارج التعاون مراعاة فروق التوقيت

safa7_karmooz said...

catroz:

ههههههههههه
طب كويس انى عرفت اخليكى تضحكى فى الايام دى ...;)

اللوفة حمبى انا الحمد الله عايشه ومرة هبقى انزلكم صورتها ...

----------------------------

semsema28:

اعياد؟!!!!

بتتريقى حضرتك

ماشى ...بس عشان خاطر سيدى بو السفاح مش هعملك حاجه

اصله كان عيد بقى كل دش وانتى طيبة

اللوفة بخير وفى امان تام

ومنجلكمش فى حمام تانى

safa7_karmooz said...

loza:

انعم الله على حضرتك :D

ههههههههههههههههههههههههههههه

طب ليه بس سمعتى كلامهم...كانت ممكن تزودلك الدرجات اكتر ...

عموما ملحوقه...ابعتلك واحده؟؟؟

----------------

زى الهوا:

وش مزبهل من الوش المحول

safa7_karmooz said...

The alien:

انا بحييك اخى المواطن ...

وبمناسبة العيد ده...هصرفلك بانيو او طشت نحاس عشان تستحمى انت كمان...ايهما اقرب

-------------------------

ضوء القمر:

خلاص بقى ...ما اللى استحمى استحمى ...وعدى بقى ...ولا طالما انتى استحميتى بدرى مش بقيتى تدخلى واخدوكى فووق...طويب...مردودالك :p

انا مش اول واحد...انا اول واحد فعليا تحدى الخوف والتهديدات الارهابية لمنعه من الاستحمام

ربنا يستر علينا فى الحمايه الجاية ..

safa7_karmooz said...

خمسة فضفضه:

وعليكم السلام ورحمة الله وبركاته

زيست يا مظبطنا

تؤ زيست مين...ده نابلسى شاهين كمان

هع هع هع هىء ...

متنسيش تاخدى هديتك ...

-----------------------

وشوشنى:

!!!!!!!!!!!!!!!!!!!!!!!!!!!!

وانتى من اهله

safa7_karmooz said...

البنت الشلبية:

لوفتى حمبى انا ...

طبعا طبعا...امال انتى فاكرة ايه

متنسيش تاخدى لوفة هدية معاكى :D

-------------------

Bato0ot:

الله يبارك فيكى ...وخلاص عقبالك ايه بقى ..مانتى قمتى ...

بس ماتنسيش السنة الجاية عند النصب التذكارى ...عاملين بانيو country size يعنى هيكفى وزيادة كمان

safa7_karmooz said...

كهرمانه:

الله يبارك فيكى

انا كنت بشبه عليكى ...ايوة افتكرتك

يلا عقبالك :D

منورة البانيو...سورى الطرطشة

-----------------------

انسانه:

ايونز...انا المقر الفاعل ادناهوووو

هوا بس عشان كنت بفنش وعاوز ميه تانى عشان اغسل شعرى ....فاستلفت حبة من خزان الرماية الجديد...

عاتى عاتى

عقباله يارب...نفسى اعرف مين الاخ كاميكاز :D

وكمان مافيش مبروك...محرومة من اللوف 6 ايام متقطعين

safa7_karmooz said...

تخاريف:

انا قولتلك قبل كده مافيش تلاجه على مقاسى...مش صدقتينى :D

وكل دش وانتى طيبة

ادينى فتحت المحبس اهوة :p

----------------------------

Ana keda:

بس مش تفكرينى البوست ده ناس ضغطوا عليا انى مش اامسحه لانى اضايقت من كام حاجه حصلت بعد ما نزلته...فكرهته ...

المهم الف بسا على نتك وكوكى بتاعك ....

ايونززززززززز انا استحميت يا ددعاااااااااان...

وعضويتك تم تجدديدها ووضعك فى الجدول بتاع البانيو بتاع السنة الجاية ...

safa7_karmooz said...

islamist bloke:

الله يبارك فيك سعادتك...يلا شد حيلك كده وخد الخطوة الجريئة ...

ايونز معاكوا بس مش عارف الميل اتبعت ولا تؤ عشان اابقى معاككوا فى بلوج اللعبة

انا دورى رقم 18

------------------------

Batresya:

الله يبارك فيكى ...

شفتى اللى بيسافر بتفوته حاجات كتيششششششششششششيييير

:D

safa7_karmooz said...

ahmed_h :

ههههههههههههههههههههههههه

لازم السينس الخادع ده

متقلقش ربك بيسترها ... :D

الله يبارك فيك يا حمبى ...منورنى والله

----------------------------

نوران:

وحياتك يوم حمومك...ااه...يا سفاااح..تيرارار...يا سفاح تيرارا

طبعا طبعا...بكرة تقولى لاولادك عملت كومنت عند بطل ثورة 11 يوليو

safa7_karmooz said...

Mestka:

خلاص بقى ما عملولى نصب تذكارى فى المنطقة ...وبكرة يبقى فيه احتفال رسمى بتخريج اعضاء حماية ثورة 11 يوليو

-----------------------

وشوشنى:

تصدقى بالله انا عاوز اابطحك

لانى ظبطت نفسى عالنهاردة ...وبالصدفة البحته ادخل على بلوج وينكى ويطلع الميعاد يوم التلات والنهاردة يوم الاحد...

شكرنزززززززززززززززز

safa7_karmooz said...

EMALMADA :

another hello but this time from lovely egypt...i'm so glad that u visit me...please don't make it the last time...:)

----------------------

ياسمين:

الناس؟؟؟؟

رافضه التغيير ...ولو حبت تغيير يبقى تقول رايها على استحياء عشان كده لما لقت حد طلع من القافلة وابتدى يغير حاجه ...ثاروا وهاجوا وماجوا ...

شكرا بجد لانك فهمتى الكلام ...مش مجرد دعابة وبس ..:)

MoMo said...

نعيما يا سفاح :D

عجبتني انا بردو موضوع الفار اللى لعب فى الفانلة ده :D

بوست لذيذ اوى :D

MArMAr said...

بجد جمييييييييله اوي اوي .. وخصوصا اللفلوووووووفه دي ..

نعييييييييييييما

semsem said...

هههههههه
ليه يا ابنى عمات فى نفسك كده
انا اخويا عملها من تلات سنين
ومش قادرين نعالجه من ساعتها
خلى بالك دا ممكن يقلب لادمان

koukawy said...

ههههههههههههههههههههههههه
مش فاهمه حاجه

Sarah Daw said...

هههههههههههههههه

جامدة موووووووت

فعلآ الناس بتخاف من التغير

تسلم و يسلم قلمك

Hesa Hanem said...

hehehehehehehehe

na3eeman

عمرو فكرى said...

هههههههههههههههههههه


جامدة فحت هبد رزع على رأى واحد صاحبك