انتى ماشية بشعرك ليه؟؟!

س: انتى عارفه لو اتحجبتى كمية الحسنات اللى هتاخديها ؟
ص: عارفة ...بس مش لازم اتحجب وانا مقتنعه بكده...ولا ايه الفايدة انى االبسه وانا مش مقتنعه بيه
س: بطلى كلام فارغ ...والكلام اللى الشيطان بيقولهولك ده ....اتحجبى الاول ...بعدين عندك حياتك كلها اقعدى اقنعى نفسك ...المهم اتحجبى الاول
ص: !!!!!!!!!!!!!!!!!!!!!!!!!!!!!!!!!!

ده حوار شفته بيحصل من اول ما دخلت الجامعه من 4 سنين

كل مرة ااعدى على تجمع للاخوان مثلا ...وبنات عموما ...بشوف العجب ...بجد

يعنى قبل كده واحده من الاخوات دخلت وبتسلم...وواحده معاهم بس مش اخوان ...مسلمتش عليها ...سبحان الله

مش الرسول عليه الصلاة والسلام اوصانا بافشاء السلام ...سواء كبير او صغير

طب ايه ده ؟؟؟؟

مش فاهم ....

بنت مش محجبة تدخل الجامع...تلاقى نظرات الاستنكار والغضب ظهرت على وشوش البنات

زى ما شفنا ...تتحجب ...بعدين تقتنع...
طب مش كده هتاخد ذنوب...لانها اكيد هتقلعه ...فى اوقات معينة ....

طب ما تسيبيها وادعيلها بالهداية مثلا

او هى هيجى عليها يوم ومرة واحده هتلاقى نفسها بتلبس الحجاب ....

حصل كده مع اختى

مرة واحده حبت تتحجب ...وعجبها منظرها فيه ...واقتنعت الحمد الله بيه

المغزى اللى عاوز ااوصله ...اننا بقينا لنبص لبعض على اننا فئات

ملتزمون وغير ملتزمون

اخوان ومش اخوان

سنيين ...وسلفيين

الخ من الاحزاب اللى اتنشرت الايام دى

مش عارف ...تقريبا الاسلام غيرووه ...ولا بقينا فى عالم تانى

الله اعلم

ربنا يهدى الجميع

جمبرى بالصلصة الحارة

يفخر السفاح بتقديم الذ واشهى الوصفات ...

التى قام باخذها

من الزوجات والازواج الذين ذهبوا للعالم الاخر

هى هى هى

-----------------------------

المقادير:

كيلو جمبرى متوسط الحجم متقشر ومتنضف ومغسول كماان

ربع كوب كرفس متقطع

جزرة متوسطة الحجم متقشرة ومتقطعه مكعبات متوسطة

بصلة صغننه مقطعه الى شرائح صغيرة

ملعقه صغيرة فلفل اسود

2 ملعقه كبيرة صلصة حارة

2 ملعقة كبيرة زيت

بقدونس للتجميل

ملح ...حسب الرغبة

طريقة الطبخ :

ضع الجمبرى والجزر فى حلة واضف 3 اكواب ماء ساخن ...وضعهم على النار ....ويترك 15 دقيقة يغلى ....ثم ضعووه على جمب

فى حلة اخرى سخن الزيت واضف شرائح البصل وقلبووها حتى يصفر لونها قليلا

ثم بعد ذلك ضيفوا الجمبرى المسلووق والجزر وتبلوهم بالملح والفلفل الاسود

اتركوه على نار هادئة لمدة 10 دقائق .....ثم ضعوه فى طبق وزينووه بالبقدونس وقدموة ساخنا مع الارز الابيض

انـــــــا شـــــــــاذ!

انا شاذ جنسيا ...واعشق حبيبى ورفيق عمرى

كلمات رايتها على مدونة ما ...لرجل ...او مشروع رجل وقد فشل

يفتخر بانه شاذ

ويصف كل من يدعو له بالهداية ...بانهم قمامة ...او مجرد كلاب تعوى

انا لا اعرف ماذا اطلق عليهم

هؤلاء الرجال

او النساء اللواتى هن فخورات

بانهن شواذ

ما المتعه فى هذا

ما المتعه فى ان نخالف شرع الله

وجميع الاديان السماوية

البعض يقول انها حرية شخصية ...

حسنا

ولكن الا يعرفوا اذا بليتم فاستتروا

وحرية شخصية فى الدنيا الفانية

ولكن فى يوم القيامة ...عندما ياتى الحساب
هل سيقولون حريتى الشخصية

الا تعلمون ان عرش الرحمن يهتز وبشدة

ويثقل على حملة العرش

عندما يطء الرجل رجلا اخر

او تطء المرأة مرأة اخرى مثلها

الا يعلمون عقاب اللواط او السحاق

الا يعلمون مصيرهم فى الاخرة

فما الفائدة من متعه وقتية ستزول بزوال الدنيا

ويأتى بعدها عذاب لا نهاية له

ايها السادة الشواذ ...

او كما تحبوا ان تطلقوا على انفسكم

استتروا قليلا

فلقد اتعبتم عيوننا ...وعقولنا

وجعلتم بطوننا تشمئز عندما تقرأ صدفة ما تكتبونه

استتروا قليلا ...

حتى نستطيع ان نحيا فى هذه الدنيا الغريبة

وليحفظنا الله من كل سوء

طرطشة عاجلة الى الزوار الكرام

فى ليلة من الليالى الحمراء(يعنى كنت بدبح حد )

فكر عمو السفاح ...انه يبيض الشقة ويظبطها

عشان تقريبا اخر حد قتله ...طرطش جامد عالحيطان وترك اثار لا يمحوها الا الزمن

او عم عرفة النقاش ..ممكن برضه

لذا فقد تقرر اطلاق الطرطشة فى شكل جديد ...

ومن اهم الطراطيش اللى هتشفوها قريب ان شاء الله

حلم ام كابوس....قصة جميلة عن اتنين بيحبوا بعض ....

وشكل السفاح هيجز اعناقهم فى الاخر ...ربنا يستر

والحاجه التانية ..

عمو السفاح هيحكى مغامراته مع اتحاد السفاحين العرب والاجانب ...

وقصة الفيلم اللى طلبوا منه انه يمثل فيه

عشان كده

لو فتحتم يوم صفحة الحوادث

او جرنال الحوادث

وقريتم احصائية توضح ان عدد الناس اللى بتموت مقتولة قلوا

اعرفوا ان السفاح مشغول فى المفاجأت ليكم

طش

البلوج بتاعتى بتستعبط

هحط صورتين ...وانتوا بقى احكموا على البلوج الهطلة اللى شغال بيها

اللى عنده الدوا يقول...وانا هظبطه

واعمله ديسكونت عالراس فى القتل

العودة.....

ها قد عدت اليكم

عدت من بعد غياب

عدت وكلى اشواق

عدت وبى لهفة الاشتياق

ولكن

ااه من تلك الكلمة

تأتى دائما فى اوقات لا احبذها

لكن

اختفت الفرحه

واغتيلت البسمة

عندما علمت

بالنبأ الحزين

هو

انكى ذهبتى

ولن تعودى

ذهبتى قبل ان اودعكى

ذهبتى قبل ان اراكى

ذهبتى قبل ان اقبلك

يا حسرتاه على هذا الزمان

لا تأمن على شىء ابدا

لا تحذر منه ابدا

لا تطمئن نفسك اليه يوما

تظل مفتح العينين

تنتظر اى حركة خادعه

لكى تتفاداها

ولكن

هناك الشىء الوحيد الذى لا تستطيع تفاديه

لا تستطيع الهرب منه

لا تستطيع ان تفلت منه

اذا جاء ميعادك

انتهى الامر

تذهب كما ذهب الاخرون

تذهب كما سبقك الاولون

تذهب وتتركهم خلفك

ولعلهم سيفعلون ما تفعل انت الان

الدعـــــــــــــــــــــاء لك بالرحمة والمغفرة



هذه الطرطشة مهداة الى كل من

مات صديق له او اخ او اخت

او اب او ام او جد او جده

الى كل من يشعر بالوحده

الى كل من تركه شخص عزيز عليه

الى كل من مات له حبيب

اقول لك

الله معك فى محنتك

وشكرا

تانى تاااااج

لولولىىىىىىىىىىىىىىىىىىىىىىىىىىى

هانت وقربنا نحلص منها ...

هل تسعد عندما يمرر لك احدهم تاج؟

اكيييد...لانها لسه اول مرة حد يمررلهالى...وكمان انا مبزهقش من الاسئلة....المهم انها تكونفى الصميم..:)

هل مقدار سعادتك أو شعورك ايا كان- عند تمرير التاج لك يختلف حسب المدون الذي يمرر لك التاج؟

هناك وجهة نظر تقول كل البشر سواء....بس لما يكون مدون لسه بيقول تاتا...مش زى مدون قاعد على البلاطة وبيقزقز الشيكولاته...

هتقولوا ايه العلاقة ...هقول مش عارف بس ...فيه قدر بسيط زيادة من السعادة ...
رغم انه مبعوت قهرا وقسرا

هل تستمتع عند إجابتك عن أسئلة التاج؟

جداااااااااااااااااااااااااااااااااااااااااااااااااااااااا

هل ترى للتاج أهمية حقيقية؟

اكييد...لانه بيبين لزوار المدونة اراء وتوجهات المدون المفعوص فى التاج...وبرضه بتبقى فرصة لظيظة للمدون انه ينشط عقله باسئلة ممكن تكون فى شكل الغاز ...او معلومات عامة ...

هل فكرت في عمل تاج خاص لك من قبل؟

ايون....اول ما اابتديت اانتشر وعرفت ايه هوا التاج...وعملت واحد ومكتوب عندى عالجهاز....بس مستنى الوقت المناسب عشان اازحلقه

هل تفضل قراءة اجوبة التاج عند المدونين الاخرين؟ أم لا تهتم سوى بالتدوينات الأخرى فقط؟

بهتم لسببين...1 بعرف اكتر عن المدون اللى بزوره...وابقى عارف بيفكر ازاى وايه رأيه
2 فى اغلب الاحيان الردود تفطس من الضحك

عندما ترد على التاج ما الذي تراعيه اكثر؟

الصراحة...والردود الدبلوماسية فى الاسئلة اللولبية

هل تحرص على قراءة اجابات من تمرر لهم التاج ؟ و هل تغير إجابتهم للتاج شيئا في ادراكك لهم؟

طبعا ...امال هعذبهم ببلاش ...هههههههههه
واه بيتغير كتير ...لان ممكن اكون مكون فكرة معينه عندى....وتطلع غلط بعد ما يتفعص فى التاج

هل تلتزم حرفيا بأسئلة التاج ؟
وىىىىىىى مسيو

ما هي نوعية التاجات التي تفضلها؟

التاجات الشخصية ...والسياسية

إلى من تحرص على تمرير التاج؟

كل انسان مهتم بيه...وعاوز ااعرفه اكتر...واستفيد منه اكتر ...

تمرر التاج ده لمين؟

مسافرين ومعاهم شنطة


Flona & whisper

تخاريف شيماء

التاج الاول...طش

سمراء النيل ربنا يخليها ...عملت اغراق محلى لسوق المدونين بتاجات من النوع المحرم تدوينيا ....

وقالت للبشر لازم تعمله

فانا هعمله واحده واحده

وهمرره للبشر دفعه واحده

استعدوووووووووووووا

هل كنت طالب شاطر فى المدرسة ؟
مممم...مش دايما....نقدر نقول كنت متفوق حتى 3 اعدادى ...ومن وقتها الفشل ابتدى ...

ايه كانت احب مادة و اكره مادة ليك فى المدرسة و الكلية؟
الريااااااااااااااااضة....اى حاجه متعلقه بالحساب ومسائل وعك ونظريات بكرهها موووووووووت

انا دخلت حقوق عشان ااهرب من تجارة طلعلى الاقتصاد والاحصاء والبورصة....يكشى يولعوا بالدكاترة

كنت عايز تتطلع ايه وأنت صغير ؟

حلم كل طفل فى بطن امه...ظاااابط عشان ااقبض على الحرامية ....واطلع عين ابوهم....دلوقتى لو بقيت عاطل حتى بشهادة يبقى نعمه من عند ربنا

وانتهى اول تااج بنجااح

مبحبش القهوة..

مبحبش القهوة ...

واى عريس بيروح يتجوز .

لازم يشرب قهوة

طب ده قانون طلعوه فى الاحوال الشخصية من غير ما نعرف ولا ايه

واحد يقولى طب انت هتتجوز بكرة

تؤ يا غتت

بس ببص لقدام

يعنى اابتدى اخد دروس ليلية فى شرب القهوة ...

ولا ااكتفى بكده ...وهى تاخدنى ببلوتى دى

ولا ااخليهم يعملولى بيبسى ونسميه قهوة وخلاص

مسألة محيرة جدا

مممممممممممم

لازم الاقى حل

مدوروا معايا

---------------

اضافة 1:

نظرا لان سمراء النيل العزيزة ...ربنا بعتلها تاج دوبل كريم وحسنين...ونظرا لانها ...ربنا يطول عمرها ...وطولها ممكن..ههههههه
مررته ...لى ..ولباقى الـ137 اللى فى اللستة عندها

ففى فى ذمتى 3 تاجات ...هعملهم على يوم الاثلاثاء ان شاء الله ...:)

يا ستى مش هينفع

ايوة قولت بحبك قبل كده

وكنت ااقصدها

بس لما قعدت مع نفسى

لقيت الحوار مالووش لازمة اصلا

سنا ...واهلا ...وكل حاجه صعب

فبلاش تنشفى راسك


وشوفى حياتك

ااه ...انا مستسلم وانانى و...الخ

انتى مالك بقى

اتخنقنت بجد من الحوار اللى طول

قولتى نرجع اصحاب ونسيتى كل حاجه

طلع كله كلام فى الهوا ومنستيش

بالعكس اتعلقتى اكتر

طلبتى نتقابل ...ما ينفعش

فى جروب اووك..

لكن انا وانتى لوحدنا ...انسى

لان الحوار منتهى اصلا

اعقلى كده وفكرى ....

مش كل حاجه نزنقها فى عقلنا يبقى لازم نعملها

عشان لو اتعملت بنندم عليها فى الاخر

..................

بوست فضفضه ...

حلم ...ام كابوس 1

رايتها فى احدى الحفلات التى كنت اواظب على حضورها ...
كانت تستمع بشغف الى هذا المبدع وهو يعزف على العود...وكيف يشدو بترانيمه الرائعه
كنت اانظر اليها واسترق النظر حتى لا تشعر بى ...وكنت اشعر ايضا ان بها شىء رائع ...قلما نجده اليوم

نعم...انه الحس الفنى الرائع...انه الذوق ...والاحساس بالفن
شعرت بهذا ...ولم اكن مخطىء...
وانتهى العرض ...وقد عقدت العزم على ان ااعرف مواعيد هذا الشاب ...فقط كى استمتع برؤياها مجددا امام عينى

وجاء موعد الحفلة مجددا ...وجلست فى مقعدى المفضل ...ولكن ...بالقرب من مقعدها قليلا ...
كى اجعل عيناى تستمتع وهى تنظر الى تلك التحفة الجالسة امامى
عصفور من عصافير الجنة جالس امامى ...يستمع برهف ...ويدندن مع الموسيقى الخلابة

كم كان الجو شاعرى ....ومثالى لاى عصفورين ...يجلسان سويا ...كى يشدو كل منهما للاخر بأغنية تعبر له عن حبه
ولكن لم يكن بداخلى الجرائة لكى ااذهب واعرف حتى ااسمها
لم يكن بداخلى الشجاعه لكى اطلب منها حتى معرفة كم تكون الساعه الان

"هل اجد معك منديلا سيدى ..؟"
انتشلنى هذا الصوت الملائكى من تخيلاتى وافكارى ...لاجدها هى ..امامى
نعم...هى بشحمها ولحمها وانوثتها المتفجرة من كل مكان فيها امامى

تطلب منى منديلا ...اااااااه ...الا يمكنك طلب قلبى فاعطيه لكى...
الا يمكنك طلب عيناى فالفهما فى ورقة بيضاء معطرة بأزهى عطور الحب لكى

ولكنها طلبت منديلا ...مع نظرة خلابة تجعل الانسان لا يرفض لها طلبا ...
صمت ...وادخلت يدى فى جيبى واخرجت لها العلبة بأكملها ...وعندما قالت انها لا تحتاج سوى واحد فقط...
اصررت على ان تأخذ العلبة بأكملها ..

وابتسمت ...ورحلت ...

الى اعضاء المحكمة الموقرة ...شكرا

على مدار خمسة ايام ...التقينا

تكلمنا

تحاورنا

واتفقنا

واختلفنا

ولكن

ما يوجد فى القلب

يظل دائما بالداخل

ولا يتم محوه بسهولة

ولا نسيانه

اقول لكم مجددا


الى اعضاء

محكمة العدل العربية

شكرا

شكرا على اروع ايام قضيتها فى حياتى

شكرا لانكم جعلتم حياتى ذو معنى حقيقى

شكرا لانكم جعلتمونى اادرك حقيقة غائبة عن ذهنى

شكرا لانكم اصبحتم اخوتى

لى عودة

مع بوست يحكى بالتفصيل ...وبالصور كمان ..

مــــات

مات ..

بكل بساطة كده

ومات من زمان جدا

من غير ما يدى اى تنبيه

مات

تبقى فى لحظة

عاوز تشاركه اجمل لحظة فى حياتك

بس للاسف هو مش جمبك

تبقى فى قمة مجدك

بس هوا مش جمبك

وده قدرى

وراضى بيه الحمد الله

بس بفضل اادعى ربنا

انه يوم يرزقنى بيه من تانى

عشان ااحس ان جزء منى رجعتله الحياة

عشان ااحس ان الروح رجعتله تانى

وياريت اللى المفروض يحسوا بيا يحسوا

لانهم للاسف رغم انهم حواليا مش حاسين بيا

هوا كده

مش بقولكوا

ماات ..:(

الف مبروك يا بو رامى

الف مبروك يا عم رامى

نجحت فى اول ترم ...

وان شاء الله تعدى صافى تانى ترم

شد حيلك انت بس ...تالته تجارة سهلة ...وهتعدى

بس ببارك حبيب قلبى رامى ...صديق الطفولة يعنى

عشان نتيجته طلعت توداى ..:)

الصحبجية

مش عارف ااتكلم واقول ايه ...

انا بس قريت الكلام المكتوب عنهم ...من frozen love

وقريت ازاى اتجمعوا ...وازاى ابتدوا المشوار

وممكن يكون مشوار طويل ..

بس قربوا اكتر من الهدف بتاعهم

يوم لما الناس شافتهم فى حديقة الازهر وهما بيعزفوا

مش هتكلم كتير عنهم ...

بس عاوزكم تعرفوا

انهم محتاجينكم

يوم الثلاثاء 13/3/2007

بساقية الصاوى

محتاجينكم تقفوا جمبهم

وتسمعوا احلى كلام من الصحبجية

مستنيكم تيجوا وتقفوا وتغنوا معاهم

دول مش اى ناس ...

دول الصحبجية

كفاية الاسم بس ...يخليك تحس بحاجات كتيييييير اوى

ها ...هتيجوا ولا تؤ

هيستنوكم

الساعه 8 مساءا

يوم الثلاثاء

بساقية الصاوى

وانا كمان رغم عندى مؤتمر يومها والافتتاح ...هحاول بكل جهدى انى ااجى واحضر ممعاهم

اوك ..اتفاق ده خلااص...مستنينكم ..:)

http://m-rashed.blogspot.com/

لــــقــــاء الـــــعــــقــــول

عندما اتى اليوم المحدد ..

ودقت الساعه السادسة مساءا

تحركت كى اذهب الى الميعاد الذى تم تحديده منذ اسبوع تقريبا

ذهبت ...وانا فى راسى تدور تساؤلات عديدة

مالذى سأفعله

ومن هم هؤلاء المدونون

بعضهم حاولت ان اتخيله فى راسى

وارى كيف هم

اصحاب المدونات ...الذين يجلسون امام شاشاتهم ...ويتكتكون باصابعهم على ازرار لوحة المفاتيح

اسئلة عديدة دارت فى مخيلتى ....وشعور بالرهبة ...ممتزج بالخجل ..

وكنت اافكر فى الا اذهب ...ولكن وانا اغادر المكان

علمت اننى كنت سأندم

واعض اصابعى من شدة الندم اذا كنت فوت هذا اللقاء الممتع الشيق

وصلت ...وكان اول مدون اراه

كان رجلا كبيرا ...لا اعلم عمره ..

ولكنه جاوز عمرى بكثير

كنت رايت له صورة فى مدونة اخرى

ولقاء اخر

احسست بالسعادة من داخلى عندما رأيته

شعرت اننى فى طريقى الى وجبة دسمة من الافكار الرائعه

وعلمت اننى سأجد حقلا مثمرا من الافكار

والمناقشات....وتبادل الخبرات الحياتية والمدونية

ذهبت ....وتفوهنا بكلمة السر

وبدأت الحرب الفكرية

ودارت السيوف

وارتطمت الافكار ...وتشاجرت العقول

فكريا بالطبع

وجدت مكانا رائعا

يعج بالعقول الشابة ..

العقول التى ستجعل من هذا العالم شيئا اخر

فقط اذا اخذت زمام المبادرة

وجعلوها تأخذ الفرصة

اريد ان اتحدث كثيرا

وان اقول ما فى قلبى

ولكن اصابعى صمتت ...ولا تستطيع ان تترجم ما يشعر به قلبى

من امتنان لكل من قابلتهم اليوم

لكل من تحدثت معه

لكل من نال اعجابى واحترامى اليوم

لكل من جاء ليستفيد ...ويفيدنا معه

لكل مدون ...لديه القدرة على التغيير

اود ان اتحدث اكثر واكثر

ولكن الجفن قد ثقل

والعين قد غفلت

وحان وقت الذهاب

لكى اعود نشيطا مجددا لكم

واستطيع ان اعبر

واجعل قلبى يتحدث

عما راه اليوم من حب

واعجاب

بمدونين

وعقول

شباب

...:)

تحديث...

دى لنكات المدونات اللى كانت معانا فى اللقاء

anooojy.blogspot.com

ssalah.blogspot.com

whiteseagull.blogspot.com

moorgen.blogspot.com

tota-tota.blogspot.com

looly-looly.blogspot.com

amdonia.blogspot.com

bikya.blogspot.com

10fthepeople.blogsome.com

misr-hya-omi.blogspot.com

a7ad.blogspot.com

hwahwa3.blogspot.com

mesharef.blogspot.com

waghtnazr.blogspot.com

newmido26.blogspot.com

oredoky-ontha.blogspot.com

meshmesh5000.blogspot.com

hosny45.blogspot.com

ahmedhelmasry.blogspot.com

thealien.blogspot.com

shidwik.blogspot.com

ramyemil.blogspot.com

cesbmoi-nadine.blogspot.com

pinsywinsy.blogspot.com

astronomystar.blogspot.com

day-light.blogspot.com

anaweana.blogspot.com

yme1.blogspot.com

3yl-shaky.blogspot.com

yakooot.blogspot.com

ahmedabomosallem.blogspot.com

tona5000.blogspot.com

m-rashed.blogspot.com

dabbor.blogspot.com

mos3abof.blogspot.com

kelmetfagoumy.blogspot.com

lamiaamahmoad4810.blogspot.com

fromgrave.blogspot.com

shadytommy.blogspot.com

hadontamasrya.blogspot.com

hearttrainer.blogspot.com

bent-sa3d.blogspot.com

3mkelhyah.blogspot.com

amirahass.blogspot.com

ahmedfouadeldin.blogspot.com

bassama.blogspot.com

ayoubelmasry.blogspot.com

ihapology.blogspot.com

madarati.blogspot.com

just-amira.blogspot.com

strugglingmichealitoo.blogspot.com

tigress-diaries.blogspot.com

shokeir.blogspot.com

amyasser.blogspot.com

raspoutine1.blogspot.com

hoba28.blogspot.com

ما تحترموا نفسكم بقى

ازويكم الاول ...وحشتنى الطرطشة ...بس برد بقى ...

بس انتوا ايه رايكم ...مش لازم كل واحد يلم نفسه ويبقى ماشى محترم ولا ايه ...

سبب الطرطشة دى انى بشوف ولاد وبنات ونااس كتيرة مش بتحترم نفسها او سنها ..او حتى لبسها

يعنى ست رجلها للقبر ولابسه جينز محزق وبادى

وضاربه شعرها اصفر ...والخبيزة على جفونها

طب يعنى واحده عندها 70 سنة...طب اتحجبى واقعدى فى بيتكم...االبسى لبس عدل شوية ...مافييش

مثال تانى ...بنت منقبة ...وقاعده وسط شلة ولاد ...وهزار بالايد والرجل ...وهىهىىىىىىىى

وعادى لما تسالها ...تقولك مانا منقبة ولابسه جوانتى كمان ...عشان لو سلمت ما يبقاش زنا !!!!!!!!!!!!!!!!!!!!!!!!!!!!!!

انا بقى يجيلى شلل بجد من الحاجات دى ....يعنى بنت لابسه حجاب ...تحترم شوية اللى لابساه ....ومتنزلش بجيبة مينى او ميكرو ....وبتحصل كتير

احنا بنشوف اختراعات عجيبة فى الجامعه والشارع وكل مكان....وتيجوا بعد كده تقولوا البنات بتتعاكس ليه

ونيجى للرجالة برضه ...واحد ملتحى ...وماسك السبحه فى ايد ...ولابس جلباب ابيض نااصع ...والموبايل فى الايد التانية ...وبيقول : والنبى يا حسين اابقى عدى عالمخزن وخد التونة الـexpire ووديها المصنع عشان يغيروا الغلاف

والله كان نفسى ااقتله وانا معدى من جمبه ....

وواحد تانى ...نفس النظام ....خارج من الجامع ....لقى ناس سانده على عربيته ...قام قايلهم : قوموا يا ولاد الـ*****

يعنى يا اتقى ربك...لسه خارج من بيت ربنا....وواخد حسنات

طالع ضيعتهم عالبقين اللى مالهمش لازمة ...

مش فاهم انا ...ما ينفعش نعمل اى حاجه بذوق...

ليه الاحترام ميرجعش زى زمان ...

ليه الناس مترجعش تحترم كل حاجه ...سواء نفسها او اللى بتلبسه ...او القيم اللى ملتزمة بيها ..

او الامانة اللى هتتسأل عليها يوم القيامة

مش عارف...

بس تقريبا لازم اطرطش عشان يسمعوا ...ويحترموا نفسهم ...ممكن !!

عفوا

بعتذر لكل من عمل كومنت عندى وملحقتش اارد..

نظرا لاصابتى ببرد قاتل

يستلزم اخذ البنادول اكسترا ...وشرب السوائل المريعه

كى افيق

واحضر المؤتمر الثلاثاء القادم


لذا اعذرونى ..ان تغيبت عنكم بضعة ايام ..:)

ندالة ولا خيانة؟؟

ياترى اللى بيحصل ده يا جماعه نسميه ندالة ...ولا بقت خيانه

ولا ممكن الاتنين عاملين مكس فى بعض ...ندالة على كومة خيانه

الصورة بتتكلم عن نفسها زى مانتوا شايفين

وده موقف اتعرضتله الصراحه من سنة تقريبا

انى بحب واحده ...وبحسن النية عرفتها على صاحبى اللى معايا بقاله 8 سنين ...

وكان وقت ما ااكون صعب ااكلمها اابعت معاه رسالة ليها ..الخ من العبط ده

حصلت مشاكل بينا ...ورغم انه كان بيكرهها الا وقت المشاكل بان عليه انه غير رايه فيها

وطلعنى انا اللى ظالمها ومبهدلها ...الخ برضه من العك ده

المهم سبتها...مافيش اسبوعين جالى وقالى انه بيصلح غلط...المفروض كان يبقى صح من زمان

مفهمتش الا لما قالى انه ارتبط بيها

انا الصراحه قعدت فترة ااجمع ايه اللى بيحصل...

عارفين ...كنت هنفض..واقول ممكن يكون نصيب كده ...

وحبها ...بس ازاى وهما مش بيكلموا بعض

جه ربنا بعتلى واحد بن حلال كان عامل على انتيمى هااك...وورانى كل الهيستورى بتاعهم بتاع المسنجر

انا لبست صدمة وقتها غبية جدااااااااااااااا

قريت كلام ...اابسط من اللى اقدر ااقوله انه لعبه قذرة منهم هما الاتنين

والاقيها بتشتمنى وهوا بيأمن على كلامها ...

وفى الفترة دى كل واحد يحلفلى انه مبيكلمش التانى ولا بيطيقه

طبعا عارف طيبة وهبل منى من ناحية

انى اطمنت حبتين

وندالة على خيانه منهم هما الجووز

بس مش عارف بعد الموقف ده ...

بلاعة ندالة طفحت فى كل اللى اعرفهم ...ويجى 10 من اللى اعرفهم حصلهم ولسه بيحصلهم زى اللى حصلى

فياترى ده نسميه ايه

منثقش فى حد تانى

ولا نعيش لواحدنا ...معزولين عن العالم

طالما مبقاش فيه صداقة بجد

والصديق بيتخلى عن اخوه عشان حاجات مالهاش لازمة

مش عارف

بس اهو انا ماشى بمبدأ عيش وحيد...تفضل سعيد

اينعم مش دايما سعيد

بس مريح دماغى من المشاكل اللى ممكن تحصل

حد عنده اضافة ...ان دى ندالة ولا خيانه ؟؟؟

--------------------------
اضافة مهمة:

احب اشكر كوكو الكميل وشرم على رفعهم من روحى المعدنية قليلا ....وكتابة بوست بعد مكنت فاقد الامل انى ااطرطش النهاردة ..:)

Why?!!!

مش عارف ليه بقالى فترة كل ما تطلع فكرة بوست جديدة ااكتبها هنا

يطلعلى عفريت فى حياتى يخلينى مضايق وقرفان

ومش طايق اابص فى الشاة حتى ااكتب اى بتنجان

مضايق...وحاسس انى بقيت ااشحت السؤال

واحده زميلتى ..كانت عيانه وفى المستشفى ...

مش عارف حد من الجرووب سأل عليها ولا تؤ...

بس من حالتها ...بيدل ان فعلا الناس بتسأل

ومين يسأل عليا يا ولداه ..:(

يا حسرة اللى افتكرناه عدل ...طلع معوج وبستين نيلة

اييييييييييييييييه دنيا...

هنعيش لوحدنا

ونموت لوحدنا

معلش ضايقتكم بطرطشتى ..:(