ازويكم الاول ...وحشتنى الطرطشة ...بس برد بقى ...
بس انتوا ايه رايكم ...مش لازم كل واحد يلم نفسه ويبقى ماشى محترم ولا ايه ...
سبب الطرطشة دى انى بشوف ولاد وبنات ونااس كتيرة مش بتحترم نفسها او سنها ..او حتى لبسها
يعنى ست رجلها للقبر ولابسه جينز محزق وبادى
وضاربه شعرها اصفر ...والخبيزة على جفونها
طب يعنى واحده عندها 70 سنة...طب اتحجبى واقعدى فى بيتكم...االبسى لبس عدل شوية ...مافييش
مثال تانى ...بنت منقبة ...وقاعده وسط شلة ولاد ...وهزار بالايد والرجل ...وهىهىىىىىىىى
وعادى لما تسالها ...تقولك مانا منقبة ولابسه جوانتى كمان ...عشان لو سلمت ما يبقاش زنا !!!!!!!!!!!!!!!!!!!!!!!!!!!!!!
انا بقى يجيلى شلل بجد من الحاجات دى ....يعنى بنت لابسه حجاب ...تحترم شوية اللى لابساه ....ومتنزلش بجيبة مينى او ميكرو ....وبتحصل كتير
احنا بنشوف اختراعات عجيبة فى الجامعه والشارع وكل مكان....وتيجوا بعد كده تقولوا البنات بتتعاكس ليه
ونيجى للرجالة برضه ...واحد ملتحى ...وماسك السبحه فى ايد ...ولابس جلباب ابيض نااصع ...والموبايل فى الايد التانية ...وبيقول : والنبى يا حسين اابقى عدى عالمخزن وخد التونة الـexpire ووديها المصنع عشان يغيروا الغلاف
والله كان نفسى ااقتله وانا معدى من جمبه ....
وواحد تانى ...نفس النظام ....خارج من الجامع ....لقى ناس سانده على عربيته ...قام قايلهم : قوموا يا ولاد الـ*****
يعنى يا اتقى ربك...لسه خارج من بيت ربنا....وواخد حسنات
طالع ضيعتهم عالبقين اللى مالهمش لازمة ...
مش فاهم انا ...ما ينفعش نعمل اى حاجه بذوق...
ليه الاحترام ميرجعش زى زمان ...
ليه الناس مترجعش تحترم كل حاجه ...سواء نفسها او اللى بتلبسه ...او القيم اللى ملتزمة بيها ..
او الامانة اللى هتتسأل عليها يوم القيامة
مش عارف...
بس تقريبا لازم اطرطش عشان يسمعوا ...ويحترموا نفسهم ...ممكن !!
بس انتوا ايه رايكم ...مش لازم كل واحد يلم نفسه ويبقى ماشى محترم ولا ايه ...
سبب الطرطشة دى انى بشوف ولاد وبنات ونااس كتيرة مش بتحترم نفسها او سنها ..او حتى لبسها
يعنى ست رجلها للقبر ولابسه جينز محزق وبادى
وضاربه شعرها اصفر ...والخبيزة على جفونها
طب يعنى واحده عندها 70 سنة...طب اتحجبى واقعدى فى بيتكم...االبسى لبس عدل شوية ...مافييش
مثال تانى ...بنت منقبة ...وقاعده وسط شلة ولاد ...وهزار بالايد والرجل ...وهىهىىىىىىىى
وعادى لما تسالها ...تقولك مانا منقبة ولابسه جوانتى كمان ...عشان لو سلمت ما يبقاش زنا !!!!!!!!!!!!!!!!!!!!!!!!!!!!!!
انا بقى يجيلى شلل بجد من الحاجات دى ....يعنى بنت لابسه حجاب ...تحترم شوية اللى لابساه ....ومتنزلش بجيبة مينى او ميكرو ....وبتحصل كتير
احنا بنشوف اختراعات عجيبة فى الجامعه والشارع وكل مكان....وتيجوا بعد كده تقولوا البنات بتتعاكس ليه
ونيجى للرجالة برضه ...واحد ملتحى ...وماسك السبحه فى ايد ...ولابس جلباب ابيض نااصع ...والموبايل فى الايد التانية ...وبيقول : والنبى يا حسين اابقى عدى عالمخزن وخد التونة الـexpire ووديها المصنع عشان يغيروا الغلاف
والله كان نفسى ااقتله وانا معدى من جمبه ....
وواحد تانى ...نفس النظام ....خارج من الجامع ....لقى ناس سانده على عربيته ...قام قايلهم : قوموا يا ولاد الـ*****
يعنى يا اتقى ربك...لسه خارج من بيت ربنا....وواخد حسنات
طالع ضيعتهم عالبقين اللى مالهمش لازمة ...
مش فاهم انا ...ما ينفعش نعمل اى حاجه بذوق...
ليه الاحترام ميرجعش زى زمان ...
ليه الناس مترجعش تحترم كل حاجه ...سواء نفسها او اللى بتلبسه ...او القيم اللى ملتزمة بيها ..
او الامانة اللى هتتسأل عليها يوم القيامة
مش عارف...
بس تقريبا لازم اطرطش عشان يسمعوا ...ويحترموا نفسهم ...ممكن !!
18 comments:
انت عارف انهم كدا بيشتغلوا نفسهم و دى فى حد ذاتها لما يكتشفوها بتكون شعور مرير لكن بيلحق نفسه لكن اللى خلص ايامه و هو بيخدع نفسه بيفوق على صدمه لما بيطلع فوق بتكون قاتله ربنا يرحم و يهدى الناس كلها
صباح الفل يا سفاح
كل واحد متعلق من عرقوبة يا سفاح و مفيش حد فينا كامل
ازيك يا سفاح
كل واحد متعلق من عرقوبة
معلش يا مشمش .. صحيح التناقض بقي مظهر من مظاهر المجتمع المصري .. بس في النهايه مينفعش نعاقبهم او حتي ندينهم لأن دي تعتبر حريه شخصيه .. شئ متعلق بتكوينهم الشخصي
ازيك يا سفاح
إيه الأخبار
أنا عبد الرحمن اللي كنت معاك في لقاء المدونين
الحقيقة كلامك مظبوط
بلدنا دي بقى فيها حاجات كتير تفرس
على العموم ربنا يكتر من طرطشاتك بس خللي بالك عشان ما تعملناش ماس
سلاااااااااااام
.......................
mesharef.blogspot.com
blank socrate:
ايوة فعلا يا سقراط...اللى بيفوق فى الاول ...بيلحق نفسه ...لكن اللى بيفوق بعد فوات الاوان ...كده ضاع خلاص ..
منور الطرطشة ..:)
nohaz:
صوباع النور يا افندم...الاول مجتيش النهاردة ليه ؟؟؟...عالعموم تتعوض ان شاء الله
بالنسبة لكلامك...عارف ان محدش فينا كامل ...وممكن انا ااكون بعك وانا مش واخد بالى ...بس مش معنى اننا مش كاملين ...ده مش يمنع اننا نحاول نتنلافى العيوب والاخطاء ونقترب ولو خطوة من الكمال
..:)
munshie:
ماهو يا مانشى لو مشينا بمبدأ الحرية الشخصية ...ونعتبر دى حتة من تكوينهم اللى فى المجتمع ...يبقى منعاقبش اللى بيخطىء ...على اعتبار ان الخطأ اصلا من تكوينه الشخصى وكده بنتعدى على حريته الشخصية ..:)
عبوووووووووود:
ازويك يا باشا ...حمد الله بسا ...
بالنسبة للتناقض ...ده طرطشة كبيييييرة لوحدها هنزلها كمان كام يوم ...لكن انا بتكلم عن سلوكيات معينة المفروض نبقى قد المسئولية ونحترم التقاليد اللى اصلا موجودة فى مجتمعنا او ديانتننا بغض النظر عنها مسيحية او اسلام...
بس فيه ثوابت المفروض مش نعند ونمشى بعكسها ...ومنور الطرطوشة ..:)
اهلا يا سفاح يارب هو الحقيقه الناس بقى مظهرهم متناقض تماما ممكن دلوقتي تلاقي البنت المنقبه مش محترمه والبنت اللي ماشيه بشعرها ما شاء الله ممكن تلاقيها احسن ميت الف مره من البنت المنقبه عايزين يغيظونا
لالالا انا مقصدش كده يا مشمش انا قلت اني دي حريه شخصيه ولا يجب ان نلومهم علي اساس ان كل اللي انت سردته دي حاجات مفهاش تعدي علي حقوق الاخرين .. علي حد فهمي يعني
:)
ياه يا بني انا كتبت بوست عن موضوع المحجبات ده اسمه حاجات تفور الدم الجزء التالت ؛ فعلا انت كان لازم تطرطش دي حاجه قرف
جامدة البوست دي يا جيمي
انا مش بنتقض تناقض الناس
انا عندي استعداد اسامحهم لما يتناقض مظهرهم مع جوهرهم..ودي طبيعة البشر
لكن اللي مش قادرة اعديه بقي
ان الواحد يبقي بني ادم والغلط والذنب راكبه من ساسه لراسه ويعد يحط رجل على رجل ويحكم على خلق الله مين فيهم كويس ومين فيهم وحش
يعني واحد ربنا هاديه لحاجة كويسة بيعملها
وليه بلاوي تانية كتير
يقوم يشوف واحد تاني مبيعملش الحاجة الكويسة بتاعته
يقوم يسيب كل حاجة وحشة فيه وكل حاجة حلوة في التاني ويمسكله ع الغلطة دي
لمجرد ان شايف نفسه مبيعملهاش
holier than thou
اسمهم
ربنا يهدي
الاحترام دا انتهى من زمان
الاحترام انتهى من زمان
برده يا مشمش لسه بتحلم بتغير العالم
J.B.
:)
اسلوب حضرتك لسرد الكلام مميز ماشاء الله
:)
يشد القارئ لانه يكمل الموضوع لحد اخره:)
جزاك الله خيرأً على "الطرطشة" بتاعت حضرتك
:)
احنا للاسف اصبحخنا شعب - اغلبه إلا من رحم ربي- بيحب المنظرة
و لو مش بيحب المنظرة
بيحب يقلد و هوا مش فاهم حاجة في اي حاجة
جات في وقت الاسدال بقى موضة... و كنت بشوف حاجات غريبة اوى بتتلبس على الاسدال.. مع ان الي تلبس اسدال دي بحسها المفروض تكون وصلت لمستوى ايماني معين مخليها ماتقبلش اي لبس غير الاسدال لأنها شايفه فيه الشكل الوحيد للزي الاسلامي الصحيح
بس هوا بقى موضة.. ف اي حد بيلبسه عادي
تلبسه و تخرج مع صاحبها في الشارع..
بتسيئ للاسلام و الراية بتاعت الاسلام و الزي الشرعي للمرأة قبل ما بتكون بتسيئ لنفسها
الي بيخرج من الجامع و يشتم او يقول حاجة.. هوا مش فاهم معنى صلاته ولا محققها كاملة.. لأن الصلاة تنهى عن الفحشاء و المنكر.. و الملائكة بيبتعدو عن المسلم من نتن رائحة فمه إذا نطق بأي قبيح... و هوا كده ماقبلش اسائة بحسنه.. لا هوا كده بيدعي لله و الدين بالطريقة المثلي.. ولا هوا كده بيأمر بالمعروف و ينهي عن المنكر
احنا لو بقينا شعب فاهم بنعمل ايه و بنعمله ازاي.. حاجات كتيرة قوى من المظاهر دي هتتغير
اسفة عن الاطالة... و جزاك الله خيراً مرة اخرى على الطرطشة
:)
يا مشمش هي جت على كده و بس ؟؟؟؟
دحنا بني ادمين و الله العظيم .... !!! وللا اقولك بلاش اشتم خليني الكبيرة !!
بلاش اتكلم عشان يا قلب يا كتاكت يا ما انت شايل و ساكت !!!
سوسو كعب الغزال !!
Post a Comment