جينا لميعادنا الاسبوعى من "الخميس السرى" اكتب اللى انت عاوزه
بالاكاونت بتاعك او لو عاوز تكون مجهول
ساعات لما بنفضفض لحد غريب او باسم محدش يعرفنا بيه بنرتاح ان عبء اتشال من علينا
عندما تجمع الموهبة مع الجنون...ينتج عنهما خليطا من الطرطشة الفكرية التى تؤدى فى النهاية لمجموعه من الكتابات ...فاقرأ على مسئوليتك...ولن اتحمل ان يشكو احد من الطرطشة التى بللت شاشته :)
Copyright !
11 comments:
هموت .. الإحساس المسيطر عليا في الآونه الأخيره
رغم اني مضيفتش حاجه جديده للحياه الروتينيه !
هو انا لـو مت فيه حد هيفتكرني ؟
هو انا لـيه دايماً حاسه اني مهما عملت
كل عمل ليا ناقص !
ليه معملتش حاجه وفرحتني الفرحه اللي تملاني عالآخر !
ليه معادش فيه حاجه بتشبع اوي ؟
كل اللي موجود دلوقت يسد
لكنه مش كفايه !
مفيش حلول ومفيش تساؤلات اصلاً
بس أنا مش عايزه افضل كده
لإني مبحبش نفسي كده
ومش شايفه انها تستاهل تبقى كده
//
الخميس السري من أجمل 5 حجات عملتها في المدونه دي يا عمو سفاح على فكره
:)
مكسوووور جداً من جوايا
مكسور لأبعد ما أى حد متخيل
أوعى تزعل انى مش بعلق بس متابع صدقنى
بس مش عارف اكتب ايه
لأى حد
مبقتش مصدقه حد كلو بقى عندى لون واحد وشكل واحد
اللي هيجنني انه مكنش فيه وبرضه خلص
كنت فاكرة نفسي حديدية وغير قابلة للكسر بس بس
بس بعده عني بيقتلني
@ Ramy :
انت اللى متزعلش منى انا معنديش نفس اكتب ...بس بدوس على نفسى ادخل هنا كل يوم وبكتب...ربنا يقومك بالسلامة وترجع ااقوى من الاول :)
المجهول الاولانى :
طب دى حاجه من خمس حاجات ...ممكن اعرف الاربعة التانيين؟!:)
عجباني فكره البوست ده قوي قوي قوي
^_^
سبايدر مان :
اتفضلوا ميغلاش عليك :D
اصعب حاجة لما تبقي فاقد الامل في ان شخص يحس بيك !
عجبانى الفكرة جدا عشان بتريح أوقات
بقيت متعودة كل ويك اند , اجى هنا
جييت حوالى 7 مرات والوقت بقى بيعدى بسرعة أوى
معقولة بقوا 12 بسرعة كدا !!:) :)
نفسى البلوجريين يرجعوا زى زمان تانى
والناس اللى بعدت ترجع تانى
:(
لسه شهرين بس
والمفروض انى انسى
عشان ابدأ حياة جديدة
!!!!!
بقالى كتير مش بدعى ربنا بحاجة معينة
لانى مش عارفة الخير فين
وامبارح لما صليت الفجر دعيت ربنا انه يكتبلى نصيب معاك لو لينا خير فى بعض
بعدها علطول لقيت الدنيا بتمطر اووووووى
طيب ربنا بيطمنى ؟!!
Post a Comment