Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Wednesday, November 11, 2009

تعمل ايه لو ابنك تعب...تروح تدفنه طبعاً!!!!!


عندك عيل صغير ؟؟؟؟

طب هوا اكيد كويس؟؟

طب مفكرتش يوم لما يتعب او تحصله حادثة - لا قدر الله - ومحتاج تنفس صناعى عارف هتروح بيه فين؟؟

لو مش عارف انا اقولك

خدها من قصيرها ورتب الدفن بتاعه وترتيبات العزا والصلاة عليه اسهل بكتير من انك تستنى فى مستشفى او مع عربية الاسعاف وتشوف ابنك بيموت قدامك عشان مش لاقيين جهاز بتاع التنفس الصناعى ...او لقيته فى مستشفى بس مديرها مش راضى يدخله رغم انك واقف بتبوس رجله ...وكل اللى انت طالبه منه تنفس صناعى لحد الصبح بس ...مجرد نفس...مش نفس سيجارة حشيش ولا سيجارة بانجو او حتى كليوباترا...نفس هوا ...عشان يعيش على امل

بس لاء ...لازم نقول لاء ...عشان سمعة مستشفى ...ممكن

عشان احنا مبنهتمش غير بابناء الناس المهمة...ممكن

عشان اللى مالوش واسطة مالوش ضهر ...ممكن برضه

امبارح الساعه 9 بالليل وقع طفل صغير عنده سنتين الا شهرين من شباك شقته من الدور السادس على الرصيف تحت ...اتنقل مستشفى الهرم وقتها عالطول كان هناك الساعه 9 وربع تقريبا واتشخصت حالته ...كسر فى الجمجمة ، ارتشاح فى المخ ونزيف فى المخ ...طب ايه المطلوب دلوقتى يا جماعه ؟؟؟

جهاز تنفس صناعى للاطفال الصغيرين ...طب ده مش عندكم...لاء ماعندناش ...بس عربيات الاسعاف الطائر فيها..بس مش هينفع تقعدوه فيها لحد الصبح ...شوفوا مستشفى يكون فيها الجهاز...

القصر العينى الفرنساوى فيها بس مافيش مكان وفيه ناس عالانتظار كمان
سوزان مبارك التخصصى للاطفال للاسف مفيهاش ومعرفشى ازاى ...مين اللى عنده؟؟؟

مستشفى كيدز فى المهندسين ...بنتحايل عالراجل ساعه الا ربع مدير المستشفى يعنى

عربية الاسعاف واقفة معانا فى مستشفى الهرم اكتر من ساعه ونص ...والمفروض تمشى فيه حالات تانية ...

عدى ساعة ...ونص...ساعتين ...ونص

البقاء لله يا جماعه...الولد اتوفى وبقى عند ربنا خلاص

فى خلال الساعتين ونص دول...بندور على مستشفى فيها الجهاز بتاع الاطفال ده

وبنتحايل على بتاع كيدز يقبل الولد...مجرد نفس مش عاوزين عمليات والصبح هننقله

لاء...اليوم واقف على 2500 ...معانا فلوس...طب لازم يكون معاه الاشعات ونفحصها بعدين نقرر...طب يكون معاه دكتور...لاء اصل احنا مش بنقبل حوادث ...طب انا ايه يضمنى انكم تعرفوا مدير مستشفى سوزان مبارك...انا هكلمه اتأكد منه ...طب مش عارف ايه تانى

حجج ورا حجج

طب اهله والاهمال ...وفاة الولد اعتقد عقاب من ربنا ليهم ...وابتلاء كمان ليهم ...وممكن يكون سبب انهم يدخلوا الجنة

طب الدكاترة دول؟؟؟؟

والمستشفيات دى؟؟؟؟

طب دلوقتى اللى عنده عيل صغير يروح فين لما يتعب او تحصله حادثة...نطلع عالمدافن احسن ...ولا نتفرج عليه وهوا جمنبنا بيموت؟؟؟

حسبى الله ونعم الوكيل


عارفين اللى يخنق ايه اكتر؟

اننا كان معانا وسايط امبارح

:S



6 comments:

riri said...

للاسف مفيش ضمير ولا احساس بالناس
واحنا بش بنملك غير كلمه حسبى الله ونعم الوكيل وربنا قادر يصحى قلبهم ويبقى الا عندهم ده دم بش ميه
بجد حاجه ماثره جدا وكل يوم بنسمع عن حاجات كتيرررر اووى توجع القلب بس للاسف معدتش ولا فى قلب ولا ضمير ولا حتى الاحساس بالناس
بس اكيد دلوقتى الطفل فى ايد اعظم وارحم من اى انسان فى ايد ربنا
ربنا يارب يصبر اهله
طولت عليك بس بجد انا دمى اتحرق

عصر الجنون said...

حسبى الله ونعم الوكيل
ماتت قلوب الناس
بلا عزاء
انا لله انا اليه راجعون

Maha said...

وأسأله السلامة من زمان .. بليت به نوائبه تشيب

***

حسبنا الله ونعم الوكيل .. الغابة بقت ارحم

كيكى عوووووو said...

ياالله

أميرة علي كوكب مهجور said...

ياربنا ده بجد مات بجد
طيب مدير المستشفي كان ايه ر فعله لما الطفل مات عادي كده يرفض ان يساعد طفل عادي كده طيب يعملها لوجه الله ايه ده ايه الناس دي ايه الارف ده ايه الحقارة دي هو مش احنا برضه بني ادمين ولا ايه

:(

انا بجد زعلانه اوي
:(

Sarah .. said...

بجد الكلام وجعنى اووى

معنديش رد غير كلمتين:

حسبى الله ونعم الوكيل


ارحمنا يااااااااارب ..