حبيت الاقى عنوان يبقى احسن...ملقيتش احسن واعبر من كده
فيه نصيحة واجعه زورى ونفسى ااقولها ...هى صلاة الجمعه...ناس كتير هتقولى خليك فى حالك وانصح نفسك...وانا فعلا كده...ممكن اكون ساعات حاجات بتقع منى فى النص...بس فى صلاة الجمعه مواظب عليها دايما...بس تقريبا اللى اغلب المصريين نسيوه...ان الصلاة من غير خطبة متنفعش...يعنى من الاخر كده اللى بيبقى مأنتخ فى بيته فوق ونايم ومستنى الشيخ يخلص الخطبة...ويقولك بلا وجع دماغ...منا سماعها اهوة...ولما يقيم هنزل اصلى...طب وجاى على نفسك ليه متكملها فوق وتقف فى البلكونة وتصلى جماعه ...اصل مش هنتفضل على ربنا استغفر الله العظيم...
ده فرض ولازم نؤديه صح....وحاجه تانية...تلاقى ناس قاعده والشيخ بيقول الخطبة شغالين رغى..طب اصبر وخلص الصلاة وارغى....اخر جمعه اللى فاتت دى...الشيخ مطاقش نفسه واحرج اتنين كانوا بيلكوا كتييير ....فى الاول والاخر دى عبادة ولازم نهتم بيها اكتر من كده عشان ربنا يكرمنا...
*************************************************************************************************
فيه حاجه عندنا فى المجتمع المصرى اسمها الاصول...وساعات الاصول دى بتخالف شرع ربنا...بس احنا لاء...احنا نخالف شرع ربنا ...ومنخالفش الاصول...ااه انتوا عاوزين اللى يسوى واللى ميسواش يتكلم علينا ؟؟؟
*************************************************************************************************
نفسى اللى ميفهمش فى مجال ميتكلمش فيه ....الكومبيوتر المكسين فى البيت ميت ...وكل ما اجيب حد يصلحه والدى يتهمنى انى انا اللى مبوظه...وايه السبب ...عباقرة تصليح -الشبكات- بيفتوا بالعبييييييييييييييييييييط...واحد يقولك اسطوانة الويندوز بايظة...والتانى يقولك اصل الهارد مهزووز..والراع النهاردة قالى اصلك مبتعرفش...متفهموش غلط...مبعرفش اسطب وندوز....فاستكمالا للفتى ...هبعت الهارد بكرة لكبير الفتايين ...وكل ده عشان والدى مستيخل حبة انه يجيب هارد جديد ومش مقتنع ان الحاجه تبوظ بدون خطأ بشرى...او سفاحى حتى
************************************************************************************************
سبحان الله فى دى بلد ...وعلى دى بشر....
لما واحد يخون مراته او حبيبته ...ويتكلم مع بنت تبقى الجريمة الكبرى وانه اذنب ...ومش من حقه يطلب السماح منها ...ولو طلب لازم يجى ورجله فوق رقبته ويبوس تراب رجلها عشان ترضى انها بس تفكر انهم يرجعوا لبعض ولا لاء
ولكن لما البنت هى اللى تبقى غلطانه وغلطها اكبر من غلط الولد...يبقى مش من حق الولد ان يسبها لانه كده هيظلمها ومش عارف ايه ...
عالم غريبة بجد...واحد صاحبى قالى فكك ياعم وقضيها...لكن لو هنمشى فى حياتنا بمبدا قضيها مش هنروح فى حتة وكل حاجه هتبقى فكك
*************************************************************************************************
الفشل امر غير طبيعى فى حياة الانسان...لكن النجاح هو الاساس ...ولاو فشلت يوم فأنت عار على المجتمع ومتستحقش اى مميزات اضافية....
اوقات كنت بتمنى انى اتولدت برا ...او ابويا كان ميت..عالاقل كنت هعرف احقق المعادلة الصعبة وافشل وانجح فى نفس الوقت ...من غير ما يعلقلى حبل المشنقة المعتاد
انجح...ويبتسم ابتسامة فى وشى ويبعتلى 50 جنيه رصيد...اسقط ميكلمنيش سنين ويقولى انى خيبت امله...ااه امله عشان ممشتش عالخطة اللى هوا رسمها لحياتى...
السنة دى هسقط عند ان شاء الله لعيونك والدى العزيز
***************************************************************************************************
تدوينة جديدة كتبتها فى الفرع المهجور للطرطشة...
الجزء التانى من مغامرات يوم الاستقلال قريب لما الجهاز يرجع
11 comments:
:(
شكلك حتسقط بجد
كنت ماشى كويس لغاية الآخر معرفش جرالك ايه؟؟؟؟؟؟؟؟؟؟؟؟؟؟؟؟
عارف ده من اثار المذاكرة و الامتحنات بتعمل فى المخ كده
حد يتمنى ان ابوه ما يكنش موجود ...هوه عاوزك احسن منه.....
شكلك كده حلملك كل البلوجريه اصحابى و نيجو نربطوك تذاكر
ازيك يا جميل
هو فعلا وامصيبتاة دة احسن عنوان يليق بحالنا
لكن هاقولك حاجة واحدة بس
والدك مش خسران حاجة لو انت سقطت الخسران هو انت ولو عندت فانت هاتعند فى نفسك مش فى والدك زى ما انت متخيل
ربنا يرفع عن البلاء ان شاء الله
تحياتى
يا نهار اسود على السواد
ايه يا بنى
دول مش كلمتين محشورين فى ذورك
دى زى ما تكون حنفيه واتفتحت
عموما
الرساله وصلت
بس ملحوظة صغيرة على صلاه الجمعه
تعمل ايه بقى لو انت فى خطبه الجمعه وتلاقى الخطيب بيقول
كفايه كده بقى علشان منطولش عليكم
ويقيم الصلاه
صحيح إسأل مجرب ولا تسألش طبيب
أنا كنت في نفس حالتك دي
بس الموضوع كان أعمق من إن الكمبيوتر بتاعي باظ
بس صدقني لما قررت العند كنت أنا أول الخسرانين ويمكن أكون الخسران الوحيد
أنا أجلت سنه عشان العند بس جت علي دماغي أنا
بعد كده قررت أني أبقي ريلاكس خالص
ومبقاتش تفرق سينا من سونيا
و فكر بدل المره ميه عشان متخسرش وبعدين تندم
وتقبلني صديق جديد
أو مطرطشاتى جديد
وكبر الجمجمه
سفاح بيه
ولا سفاح افندى اول حاجة انا بحب البوستات الملخبطة دى
اهالينا مش هقولك العيب فيهم بس فى طريقة التعامل معانا بتختلف يعنى حد يقول باباك مبيحبكش اكيد لا بس طريقته فى تعبيره عن الحب ده بتختلف بيخنقوا عليك عشان انك تعمل الى هم عاوزينه
عند يبقى مش بتعند معاه بتعند معاك تفتكر سفاح ميستاهلش انك تعمل عشانه حاجة انا عن نفسى اراهن ان انت حد محصلش بس مفيش فرصة
طلعت فيها انت بدليل البوستات الى قبل كده وسياسة واقتصاد ونشاطاتك الى انت كنت فيها حقوق بقى ولا تجارة مش موضوعنا
جواك طافة بلاش تعند مع سفاح اصلا انت الى هتنضر
والدك العزيز مش هقولك امله وبتاع حس سفاح واعمل عشانه
اختك الى خايفة عليك
selfmeaning:
:( :p :@
------------------------
واحده مفروسة:
ههههههههههههههههههههههههههه
بصى...هى مسألة نسبية...واللى ايده فى البنايو غير اللى ايده فى الحوض...هوا اللى كتبته نصه صح ونصه مش صح...بس هسيبكم انتوا تشوفوا انهى اللى بجد..:)
نبض اسكندرية:
الحمد الله بخيره وانجوى ...هههه
هوا بالفعل انا اللى هخسر كتير ...وهو مش هيستفيد حاجه خاللص...
ميرسى ليكى يا جميل
-----------------
الفراشة الصغيرة:
ههههههههههههههههههههههههههههه
ده انا معرفتش اتكلم حتى ..:(
هوا ساعات بتبقى مقبولة من منطلق حديث الرسول عليه الصلاة والسلام فيما معناه ميطولش اوى عشان يراعى لو فيه ناس كبار...لكن فيه ناس بتسلق الخطبة اسرع من سلق البيض
cold air:
يا باشا انت مطرطشاتى من ساعة مدخلت...منورنى يعنى
بعدين بلوجتك كلها ريلاكساشن وانا كده هنام منك...
لا تقلق هوا بس ساعات بعند لاسباب ما ومبتجبش نتيجة...وعندك حق فعلا ...:)
-------------------
Ana keda:
بصى الطاقة شىء والواقع شىء تانى...
يعنى اللى هيحصل قريب هيخلى كل الطاقة دى تختفى وده هيبقى غصب عنى...انا بتكلم بعيد عن البوست...
بس كلام رفع الحالة الخشبية حبة..:)
الاخ اللى قال فكك دا.. لو عرفته هرتكب فيه جريمه قتل :D
..............
البوست دا كل مااقراه ركبى تسيب
بسبب كذا حاجه فى النص كده:S
Post a Comment