تحذير...البوست ده طوييييييييييييييييييييل
الموضوع ده متردد بقالى كتير انى اكتبه ...بس قلت لازم اكتبه واطلع اللى جوايا عشان اابقى مرتاح
الانسان طول ماهو فى الحياة...كل يوم بيعدى فى اختبار ...والاختبار ده ليه حلين...يا تنجح فيه يا تسقط فيه....وكل يوم الواحد بيكبر عن اليوم اللى قبله وتفكيره بيكبر برضه عن الوقت اللى فات ...ويعرف ازاى يتصرف...بس ساعات الواحد ممكن يعمل غلطة صغيرة ...ممكن يقعد 3 سنين عقبال ما يعرف يحلها من تانى ....
بداية حياتى كانت لذيذة...وكنت انسان مميز من وانا صغير...مش هقول كانت طفولة سعيدة او اى افتكاسات من اللى بنقراها ...بس الميزة عشان طفولتى كانت كلها مستشفيات وادوية...ومش شايف انها حاجه وحضة...المؤمن مبتلى ...وانا كنت زى الابتلاء بتاعهم وانا صغير ...الحمد الله على كل شىء ...فيه حاجات حصلت وانا صغير شكلت تكوينى الحالى ونظرتى لحاجات كتير...الحاجات اللى مريت بيها وانا صغير تخلينى لو شفت حاجه تانية دلوقتى ااقول عادى وقليلة ...مش هطول بس ابسط مثال ان والدتى قالتلى مرة كنت خلاص جبت لون الازرق ده ...وجسمى بقى بارد ومش بتنفس ومافيش نبض...فتخيلوا لو ام كل يوم عايشه فى كابوس انها هتصحى الصبح هتلاقى ابنها عايش ولا لاء ...ده خلاها حتى لما كبرت لسه بتخاف عليا جدا ...ربنا يخليهالى
المقدمة دى مش هطول فيها ...بس بطبيعة العيشة عندى...الثقه منعدمة...دايما مش عارف مصلحتى ...وده حصل لما قررت ادخل علمى...والبيت كله قام ووقف وقال لاء انت هتدخل ادبى ...وبكل بساطة سكت ومتكلمتش لانى متعودتش ااقول رأيى...المدرس ده بيشرح حلو...ااه...بيشرح...مع انى مكنتش بفهم حاجه منه...بس لما بتكلم بيعتبروا لسه صغير ومش فاهم حاجه احنا ادرى منك ومالكش دعوة...بعدها النتيجة تطلع ليه مش قلت انك مش بتفهم منه ...هنعضك يعنى...هههههههههه سبحان الله ...عشان كده لغاية الجامعه مكنتش بتكلم وبريح دماغى...
افتكر فى تانية ثانوى جبت ملحق فى التفاضل وحساب المثلثات...حسسونى وقتها انى اغتصبت او سرقت او قتلت ...او حتى سرقت...كمية الذنب اللى شلتها ولسه شايلها لحد دلوقتى وكلام نودى وشنا فينا من ولاد عمك وخالك ومش عارف ايه من الفضيحة...والدتى وقتها كانت عاوزة تحولى لنظام منازل عشان اقعد واذاكر فى البيت بس تراجعت مش عشان مصلحتى...لاء عشان كانوا مخططين انى ادخل حربية او شرطة فلو قعدت منازل مش هينفع ااقدم...سبحان الله
عدى الملحق وكنت مقفل المادة وجايب الدرجة النهائية بالمعنى بس باخد النص للاسف ...بس فضل زى النقطة السودا فى حياتى
جت تالته ثانوى مجموعى كان 79.9% ...وده كان اخر المرحلة التانية...مش ربعها حتى
بصولى بقرف وقالوا طيب....
جهزوا نفسهم انى خلاص نجحت فى اختبارات الشرطة او الحربية ....ولما سقطت زى ما كنت متوقع اصابوا بخيبة امل ان خطتهم مش مشيت كويس....تصحى من نومك الساعه 3 تصلى الفجر فى السكة وتنزل تقف فى ام طابور عساكر تشتمك وتنطط على اللى جابوك...مش هكدب وهقول ان الواسطة رحمتنى من كل الطوابير...
جت الجامعه والزفت التنسيق...وطبعا مافيش قدامى غير حقوق بكل المحافظات من اول القاهرة حتى اسوان...وتجارة خارجية حلوان...اهلى متخرجين من تجارة اصلا ...وحبوا انى اكمل...ولقيت وقتها والدى بيكتب الرغبات...قولتله لاء...حقوق ...يومها اتخانق معايا واتنرفز وقعدت مش نكلم بعض اسبوع تقريبا ....انا كان نفسى ادخل تجارة...يمكن عشان كنت بحب المسائل اوى...بس عندت عشان ااقول لاء لو مرة واحده...
ادى طريق من الطرق اللى تختار يا تمشى شمال يا تكمل يمين ...مافيش اختيار تالت
دخلت حقوق ...وسقطت اول سنة...وحسيت بفرحة طاغية عند ناس معينة منهم اهلى...وقرروا انى احول لاحد المعاهد جمب البيت...اعترضت تانى ومردتش احول
تانى مرة تيجى عند مفترق الطرق....وبرضه مافيش اختيار تالت
هحتفظ بباقى التفاصيل لنفسى...بس الطريق مكنش حلو خالص....اسوء فترة بمر بيها بجد هى ال5 سنوات اللى فى الجامعه...من اول ما دخلت...نسيت ااقولكم ان والدى قاطعنى وقت ما سقطت 5 شهور كاملين مش بيكلمنى ولا بكلمه ولما بس جدتى والدة ماما ادخلت ...رضى يكلمنى لسبب واحد...منظر العيلة قدام قرايب ماما وبابا ...مش عشان انه يسامحنى...ما علينا
5 سنين بجد بمعنى الكلمة اسوء سنوات عمرى ...لاسباب كتيرة ....اولهم انى دخلت الكلية دى
وتانيهم ان فيه غلطة عملتها من 3 سنين مش عارف اتراجع عنها او اصلحها وكل يوم بتتعك اكتر واكتر لحد ما بقت كلكوعه كبيرة الحل بتاعها صعب جدا ...بس لازم اعمله ....بس بعترف انى معنديش الشجاعه عشان اعمله
اللى عاوز اوصله لحد دلوقتى انى اخترت ما بين اختيارين...حياة اجتماعية ...وحياة دراسية...
انا اخترت الاجتماعية...
من كام يوم كنت بفكر...لو كنت حولت معهد...مكنتش عرفت حاجات كتير جوايا...مكنتش اتعرفت عالناس اللى عارفهم وبفتخر بيهم ...مكنتش مريت بتجارب قاسية بس بتعلم الواحد وتخليه جامد ...مكنتش اكتشفت حاجات جوايا انا ذات نفسى كنت اشك انى عندى ربعها...
بس فى مصر انت ليك الشهادة وبسس...باقى الحاجات مش بيفرق معانا...مهارات ...كتابة اى بتنجان لاء...شهادتك وبس ...وده اللى بيخلى الواحد محبط دايما ان سقف طموحاتك مش ممكن يعلى لاسباب كتيييرة اوى فى مجتمعنا او حتى العائلة بتاعتك
نسيت اذكر ان اهلى حطوا الخطة انى اتعين فى النيابة وماما خلاص ظبطت فى راسها انى هبقى فى مجلس الدولة ان شاء الله
وكل ما اتكلم اسمع كلام لذيذ مفاده انى صغير ومعرفش مصلحتى
مصلحتى انى اعمل اللى انا عاوزه مش اللى هما عاوزينه...ومصلحتى انى معندش معاهم...عارف عاوزنى اابقى كويس ...والخ من الكلام اللى الناس كلها بتقولوا....بس فيه احتمال لكل حد .....
لو كان والدى بيؤمن بالحوار وانه يتناقش بهدوء...كنت قعدت معاه وكلمته ....
لو كانت والدتى ترضى برأى حد تانى كنت اقنعتها برأيى
لو كان الناس يردوا يبصولك كشخصك...مش كشهادتك...كانت حاجات كتيرة هتتغير
مفاد الكلام...ان الانسان مسير ومخير ...بس اللى بنختاره مش بينفع نرجع عنه...واى حاجه زى ما ليها مميزات...ليها عيوب
كان نفسى ان سفاح كرموز يفضل مجهول ومافيش اى حد يعرفنى...لسبب واحد...انى اكتب الموضوع ده بقلب جامد واخد رأى الناس...
لكن شاء القدر انى ابقى معروف ل90% من قراء وزوار المدونة
لذا بطلب من اى انسان يعرفنى على ارض الواقع وبيكلمنى...انه لما يقرا البوست ده يرد هنا ...لكن يكلمنى عنه فى التلفون عالنت مسنجر او حتى وجها لوجه...اسف مش هفيده خالص...وبتكلم جد واللى اقصدهم عارفين نفسهم
هستأذنكم...انى مش هرد عالبوست ده الا للضرورة لو فيه حاجه مش واضحه....
لانى انا اللى محتاج مساعده...ومحتاج اسمع رأى كل واحد...بس قبل ما تعمل كومنت...خليك فاكر اللى ايده فى الميه ...غير اللى ايده فى البطانية
الموضوع ده متردد بقالى كتير انى اكتبه ...بس قلت لازم اكتبه واطلع اللى جوايا عشان اابقى مرتاح
الانسان طول ماهو فى الحياة...كل يوم بيعدى فى اختبار ...والاختبار ده ليه حلين...يا تنجح فيه يا تسقط فيه....وكل يوم الواحد بيكبر عن اليوم اللى قبله وتفكيره بيكبر برضه عن الوقت اللى فات ...ويعرف ازاى يتصرف...بس ساعات الواحد ممكن يعمل غلطة صغيرة ...ممكن يقعد 3 سنين عقبال ما يعرف يحلها من تانى ....
بداية حياتى كانت لذيذة...وكنت انسان مميز من وانا صغير...مش هقول كانت طفولة سعيدة او اى افتكاسات من اللى بنقراها ...بس الميزة عشان طفولتى كانت كلها مستشفيات وادوية...ومش شايف انها حاجه وحضة...المؤمن مبتلى ...وانا كنت زى الابتلاء بتاعهم وانا صغير ...الحمد الله على كل شىء ...فيه حاجات حصلت وانا صغير شكلت تكوينى الحالى ونظرتى لحاجات كتير...الحاجات اللى مريت بيها وانا صغير تخلينى لو شفت حاجه تانية دلوقتى ااقول عادى وقليلة ...مش هطول بس ابسط مثال ان والدتى قالتلى مرة كنت خلاص جبت لون الازرق ده ...وجسمى بقى بارد ومش بتنفس ومافيش نبض...فتخيلوا لو ام كل يوم عايشه فى كابوس انها هتصحى الصبح هتلاقى ابنها عايش ولا لاء ...ده خلاها حتى لما كبرت لسه بتخاف عليا جدا ...ربنا يخليهالى
المقدمة دى مش هطول فيها ...بس بطبيعة العيشة عندى...الثقه منعدمة...دايما مش عارف مصلحتى ...وده حصل لما قررت ادخل علمى...والبيت كله قام ووقف وقال لاء انت هتدخل ادبى ...وبكل بساطة سكت ومتكلمتش لانى متعودتش ااقول رأيى...المدرس ده بيشرح حلو...ااه...بيشرح...مع انى مكنتش بفهم حاجه منه...بس لما بتكلم بيعتبروا لسه صغير ومش فاهم حاجه احنا ادرى منك ومالكش دعوة...بعدها النتيجة تطلع ليه مش قلت انك مش بتفهم منه ...هنعضك يعنى...هههههههههه سبحان الله ...عشان كده لغاية الجامعه مكنتش بتكلم وبريح دماغى...
افتكر فى تانية ثانوى جبت ملحق فى التفاضل وحساب المثلثات...حسسونى وقتها انى اغتصبت او سرقت او قتلت ...او حتى سرقت...كمية الذنب اللى شلتها ولسه شايلها لحد دلوقتى وكلام نودى وشنا فينا من ولاد عمك وخالك ومش عارف ايه من الفضيحة...والدتى وقتها كانت عاوزة تحولى لنظام منازل عشان اقعد واذاكر فى البيت بس تراجعت مش عشان مصلحتى...لاء عشان كانوا مخططين انى ادخل حربية او شرطة فلو قعدت منازل مش هينفع ااقدم...سبحان الله
عدى الملحق وكنت مقفل المادة وجايب الدرجة النهائية بالمعنى بس باخد النص للاسف ...بس فضل زى النقطة السودا فى حياتى
جت تالته ثانوى مجموعى كان 79.9% ...وده كان اخر المرحلة التانية...مش ربعها حتى
بصولى بقرف وقالوا طيب....
جهزوا نفسهم انى خلاص نجحت فى اختبارات الشرطة او الحربية ....ولما سقطت زى ما كنت متوقع اصابوا بخيبة امل ان خطتهم مش مشيت كويس....تصحى من نومك الساعه 3 تصلى الفجر فى السكة وتنزل تقف فى ام طابور عساكر تشتمك وتنطط على اللى جابوك...مش هكدب وهقول ان الواسطة رحمتنى من كل الطوابير...
جت الجامعه والزفت التنسيق...وطبعا مافيش قدامى غير حقوق بكل المحافظات من اول القاهرة حتى اسوان...وتجارة خارجية حلوان...اهلى متخرجين من تجارة اصلا ...وحبوا انى اكمل...ولقيت وقتها والدى بيكتب الرغبات...قولتله لاء...حقوق ...يومها اتخانق معايا واتنرفز وقعدت مش نكلم بعض اسبوع تقريبا ....انا كان نفسى ادخل تجارة...يمكن عشان كنت بحب المسائل اوى...بس عندت عشان ااقول لاء لو مرة واحده...
ادى طريق من الطرق اللى تختار يا تمشى شمال يا تكمل يمين ...مافيش اختيار تالت
دخلت حقوق ...وسقطت اول سنة...وحسيت بفرحة طاغية عند ناس معينة منهم اهلى...وقرروا انى احول لاحد المعاهد جمب البيت...اعترضت تانى ومردتش احول
تانى مرة تيجى عند مفترق الطرق....وبرضه مافيش اختيار تالت
هحتفظ بباقى التفاصيل لنفسى...بس الطريق مكنش حلو خالص....اسوء فترة بمر بيها بجد هى ال5 سنوات اللى فى الجامعه...من اول ما دخلت...نسيت ااقولكم ان والدى قاطعنى وقت ما سقطت 5 شهور كاملين مش بيكلمنى ولا بكلمه ولما بس جدتى والدة ماما ادخلت ...رضى يكلمنى لسبب واحد...منظر العيلة قدام قرايب ماما وبابا ...مش عشان انه يسامحنى...ما علينا
5 سنين بجد بمعنى الكلمة اسوء سنوات عمرى ...لاسباب كتيرة ....اولهم انى دخلت الكلية دى
وتانيهم ان فيه غلطة عملتها من 3 سنين مش عارف اتراجع عنها او اصلحها وكل يوم بتتعك اكتر واكتر لحد ما بقت كلكوعه كبيرة الحل بتاعها صعب جدا ...بس لازم اعمله ....بس بعترف انى معنديش الشجاعه عشان اعمله
اللى عاوز اوصله لحد دلوقتى انى اخترت ما بين اختيارين...حياة اجتماعية ...وحياة دراسية...
انا اخترت الاجتماعية...
من كام يوم كنت بفكر...لو كنت حولت معهد...مكنتش عرفت حاجات كتير جوايا...مكنتش اتعرفت عالناس اللى عارفهم وبفتخر بيهم ...مكنتش مريت بتجارب قاسية بس بتعلم الواحد وتخليه جامد ...مكنتش اكتشفت حاجات جوايا انا ذات نفسى كنت اشك انى عندى ربعها...
بس فى مصر انت ليك الشهادة وبسس...باقى الحاجات مش بيفرق معانا...مهارات ...كتابة اى بتنجان لاء...شهادتك وبس ...وده اللى بيخلى الواحد محبط دايما ان سقف طموحاتك مش ممكن يعلى لاسباب كتيييرة اوى فى مجتمعنا او حتى العائلة بتاعتك
نسيت اذكر ان اهلى حطوا الخطة انى اتعين فى النيابة وماما خلاص ظبطت فى راسها انى هبقى فى مجلس الدولة ان شاء الله
وكل ما اتكلم اسمع كلام لذيذ مفاده انى صغير ومعرفش مصلحتى
مصلحتى انى اعمل اللى انا عاوزه مش اللى هما عاوزينه...ومصلحتى انى معندش معاهم...عارف عاوزنى اابقى كويس ...والخ من الكلام اللى الناس كلها بتقولوا....بس فيه احتمال لكل حد .....
لو كان والدى بيؤمن بالحوار وانه يتناقش بهدوء...كنت قعدت معاه وكلمته ....
لو كانت والدتى ترضى برأى حد تانى كنت اقنعتها برأيى
لو كان الناس يردوا يبصولك كشخصك...مش كشهادتك...كانت حاجات كتيرة هتتغير
مفاد الكلام...ان الانسان مسير ومخير ...بس اللى بنختاره مش بينفع نرجع عنه...واى حاجه زى ما ليها مميزات...ليها عيوب
كان نفسى ان سفاح كرموز يفضل مجهول ومافيش اى حد يعرفنى...لسبب واحد...انى اكتب الموضوع ده بقلب جامد واخد رأى الناس...
لكن شاء القدر انى ابقى معروف ل90% من قراء وزوار المدونة
لذا بطلب من اى انسان يعرفنى على ارض الواقع وبيكلمنى...انه لما يقرا البوست ده يرد هنا ...لكن يكلمنى عنه فى التلفون عالنت مسنجر او حتى وجها لوجه...اسف مش هفيده خالص...وبتكلم جد واللى اقصدهم عارفين نفسهم
هستأذنكم...انى مش هرد عالبوست ده الا للضرورة لو فيه حاجه مش واضحه....
لانى انا اللى محتاج مساعده...ومحتاج اسمع رأى كل واحد...بس قبل ما تعمل كومنت...خليك فاكر اللى ايده فى الميه ...غير اللى ايده فى البطانية
19 comments:
اخيرا اول كومنت اقرا الموضوع بقي
وارجع اعلق عليه
ههههههههههههههههههههههههههههه
مينفعش اسيبك من غير ما ارد عليكى
مبرووووووووووووووووووووووووووووووووك
بس هتلمى الخيمة بتاعتك وتسيبى الكومنتس..:'(
اقرى براحتك...انا مو مستعجل..:)
مش عارفه اقول ايه بتمني الارض تنشق وتبلعني علي الكومنت الاول
مش عرفه بس
بصراحه كلامك زعلني
بس معنديش كلام اقدر اقولو حاليا
غير ان ده مقدر ومكتوب ورغم كده
الانسان بيقدر يصنع قدره بنفسه
انت قاسيت كتير بس احب اقولك
ان رحمه ربنا بعباده كبيره متنساش ده
يمكن سماالاحلام بتاعت الشغل ف مصر
واطيه لكن حاول تحقق اللي انت
شااااااايفه كمل طريقك بطريقتك
انت وتسبش المظاهر تخنوقك اعمل
الصح وبس .... الصح وبس يا مشمش
وربنا معاك
صدقني رحمتو بعباده واسعه وحط ديما
فبالك انو مبيعملش حاجه ليك الا كل خير
حتي لو كنت انت شايفها شر
مش هفكرك
ربنا ديما مع عباده طول ما همه فاكرين ربهم
هههههههههههههههه مرسي
(وش زعلان ومكسوف من نفسه )
وبالنسبه للخيمه مش هلمها يمكن يجي
يوم اكون اول رد فبوست بتتكلم فيه
عن فرحه ايامك اللي ان شاء الله
هتعيشها ف الايام الجايه مع حبيبه
القلب بقي وربنا يجمعكم علي خير :)
ومش تنسي اول بيبي تورينا صورو
هههههههه
الله بوست حلو اوى
بص اللى انت فيه الى حدا ما طبيعى .. بس أنت الموضوع أفور معاك شوية .. أى بيت مصرى اصلا بيبقى كده .. بس عشان انت من النوع اللى مبتحبش حد يمشيك ومستقل بذاتك معرفتش تتأقلم مع الموضوع.. على عكس ناس كتير.. من كتر مادوا ودانهم للى حواليهم .. خلاص أتاقلموا وبعد كده.. معرفوش طريقهم لوحديهم لما استقلوا بحياتهم وكبروا
فى ناس اصلا بتخاف تغير من حياتها أو انها تاخد قرار لوحدها ... بس هم غلط وأنت صح
لازم تحط النقطة ديه فى دماغك.. متخليش حد يمشيك على هواه.. اه هم فعلا عايزين مصلحتك .. بس أنت من حقك تسمع الكلام لكن مش مطالب أنك تنفذه.. لازم كل واحد يعيش تجربته الانسانية الخاصه به.. ممكن باباك عارف ان ده مش هيبقى صح او الكلية ديه مش مناسبة.. بس هو عرف ده من تجربته الخاصة به.. وأنت من حقك كمان انك تمربيها
من ناحية انهم شايفينك صغير.. فده العادى ..
فى حاجات كتير من الى قلتها عشتها.. وانا صغيرة برده .. اول مااتولدت دخلت الانعاش عشان مش بعرف اخد نفسى كويس... ومكن ساعتها لحد مابقى عندى 20 سنة ماما كانت بتخاف عليا بغباء.. وكل شوية ادام الناس تقولهم ديه طفلة محدش ليه دعوة بيها وأنا عندى 20 سنة .. لك ان تتخيل يعنى منظرى كان عهامل ازاى.. كنت اتضايق اوى .. وساعات كتير لحد دلوقتى نبقى بنتعرف على ناس.. ويجى الدور عليا أعرف نفسى.. يردوا أخواتى بدالى ...اللى هو انتى عيلة ومش هترعفى
.. تقولى حتى اسمك... بس أنا برده بعمل اللى فى دماغى عشان كده العيلة كلها شايفين ريهام ديه حاجة لوحديها ومطرقعة ومعتبرنى عيلة ومدلعة ومش فاهمة حاجة.. حتى فى اللبس.. عمرى ماجبت حاجة واقتنعوا بيها.. مش عشان المبدأ ..بس عشان شكله غريب .. قصته جديدة.. بس فعلا مينفعش الواحد يعمل حاجة مش داخلة دماغه
خلاصة الكلام يعنى.. متزعلش على اللى فات من عمرك... بالعكس انت استفدت منه .. انك متعملش حاجة دماغك مش موافقة عليها ..بس برده لازم تسمع للى حواليك.. لانهم بيحبوك .. مش بيعملوا كده عندا فيك مثلا يعنى
وبالنسبة لموضوع والدك ...انا شايفة ان اللى عمله ده من كتر حبه فيك.. انت ابنه الوحيد اللى هتشيل المسؤولية معاه ومن بعده بعد عمر طويل .. فعايز يشوفك فى احسن صورة .. وبيشد عليك جامد لأنه عارف أن الدنيا ادام هتيجى عليك جامد لما تكبر أوى وتشيل المسؤولية لوحدك
لكن استحالة يعنى بيكون كده معاك لأنه بيكرهك أو اى حاجة تانية غير انه بيحبك .. محدش هيحبك او يخاف عليك زى مامتك وباباك
أنا رغيت كتير.. .معلش بس بجد الموضوع ده حلو اوى
رغم ان البوست طويل اوي
بس مزهقتش وانا بقراه
هاقولك علي حاجه زي ماالي قبلي قال
ان كل بيت بجد بيبقي فيه حاجات مشابهه
رغم اختلاف كل مشكله علي التانيه
واكيد كل اب وام
بيشوفوا مصلحه ولادهم من وجهه نظرهم هما اسالني انا :D
وسيبك من كل اللي فات
واعتبر نفسك بتبدي مرحله جديده
في حياتك بعد البوست ده
خلاص اتكلمت وطلعت اللي في قلبك :D
انسي بقي وفكر في بكره جديد
سبحان الله
انا عندى بوست جديد فيه كلام يفيدك قوى يا سفاح
اختصاره ان كل قدر الله جميل
ومهما كان ومهما حصل مافيش حاجة بتحصل الا بارادة الله
ومهما الناس بتعاملك ،هيجى يوم وتتغير المعاملة دى او على الاقل هتلاقى ناس تعاملك بطريقة مختلفة ،تسمعك وتفهمك وتطلب منك النصيحة
انا على فكرة دايما بواجه المشكلة دى فى البيت
كل ما اقول حاجة بحس انهم معترضين عليها
وبعد فترة لما اثبت عليها يقتنعوا بيها
وانا بقرا البوست بتاعك اوله كانى انا اللى كتباه
لانى كليتى كانو معترضين عليها برضه ،بس هى غيرتنى كتير قوى وخلتنى افهم حاجات كتير ما كنتش هعرفها الا بدخولى لكليتى
ورغم انهم لغاية دلوقتى بيقولولى ايه معنى كليتك ؟لكن انا بحبها وهفضل احبها وهفضل مقتنعة انها من افضل الكليات
روق يا سفاح
عايزين طرطشة جامدة جدا
ورغم ان البوست كبير زى ما بتقول بس ما فتوش فيه ولا سطر واحد
احييك
الكلام اللى من القلب ما حدش بيقدر ما يقراهوش
اتكلم من القلب
;)
اول حاجة ليه بتقول ان البوست بتاعك مش هيعجبنى يبنى مفيش احسن من الفضفضة وصدقنى الحركة الى انت عملتها دى انا نفسى اعملها ويمكن فعلا عشان بقيت شخصية معروفة بقى صعب انك تكتب لان فعلا بقى فى ناس انت بتهمهم بشكل او باخر انا البلوج عندى الكلام بالمحسوس كده ولما بفتح انا عارفة الناس كلها هتقلق
على كل حال هقولك انا على حاجة لانك فكرتنى باخويا فى حجات كتير هو كمان كانن شايل رياضة فى سنة تانية وبابا فعلا كان بيمارس نفس السياسة بتاعة باباك دى وخصوصا انه هو الولد الوحيد فعارف بقى كل شوية انت الامل وانت وانت وهو زهق واتخنق من الضغط ده وفعلا بقى يزوغ من دروس ومش عارف ايه والسكة دى انت عارفها ان مكنتش مشيت فيها وده بسبب الخنقة والتحكم بس بجدسنة تانية بابا كان جايبله مدير المدرسة يديله درس تخيل عشان هو كان دماغه زفت على حسب الكلام وقبلها فعلا باباا كان عاوز يدخله حاجة حربية او عسكرية وهو حاول فى ثانوى يدخله طيران وفشل لانه سقط برضه
كل ده يعدى مفيهوش مشكلة انا عارفة الى انت بتتكلم فيه وعاوزة اقولك ان اخويا اكبر منى ب3 سنين وحاليا انا اكبر منه دراسيا بسنتين لانه جالته حاجة خنقاه اصلا وهو دلوقتى فى اكاديمية بحرية لانه مقتنع انه كان عاوزاها من زمان وبتاع فدخلناهله وماشى فيها الحمد لله
فبقولك انا عارفة انت بيتقالك ايه لانه نفس الوضع فعلا شوية هنا عندى وخصوصا انى اكبر منه فى التعليم وماشى حالى نوعا ما كل الى بقولهولك حاجتين
1 انك ميهمكش حاجة اهالنا كده يا سفاح والاهل مش بيغفروا لولادهم حجات كتير وخصوصاا ان فى معتقدهم انهم عاوزين يتباهوا بيك وخلاص الحنتة دى انا بكرها بجد اوى ومبحبش اتعامل كده ليك حق تتخنق
2 انت ناقصك ايه شوية دافع شوية حد يبقى جنبك ومعاك صدقنى كل واحد فينا جواه شرخ ابن لذين ومش عارف يعمل ايه ومحتاج بس اليد الى تطبطب وتقول معلش كله هيبقى كويس وكمممكن انت مقتنع انه كله زفت بس هتعدى
وبعدين شهادة ماشى عاك الدنيا كده بس انت تظبط نفسك فى كورسات انت عندك خبرة دوقت الفشل ودوقت النجاح والتعامل وانا مهما قلت مش ممكن ابدا اتكسف انى اعرف سفاح لانك بجد سبب بيبسطنى وبيهون عليا حاجات
اختك برضه الى بتحبك وخايفة عليك وخلى بالك منك بالله عليك
دا حب ايه دا اللى من غير اى حرية
افتكرت كلمة منير لما قريت البوست يمكن لانها بتعبر عن وجة نظرك و ازاى انت شايف اهلك بس بيتهيالى برده فى نفس الوقت انك لو كنت مكان والدتك او ماماتك كنت هتعمل اكتر من كده
عارف انا عديت بالتجربة ديه لما اخويا شرف للدنيا عارف احساس جميل جدا لما تمسك طفل فى ايديك و تحس فى ببراءة الدنيا و تفضل تحلم له دايما بانه ينجح و انه يبقى الناس دايما بتحسدك على وجوده فى حياتك عارف لما جه عبدالرحمن بابا زعل جدا لانه بيحب البنات جدا جدا بس انا من خلال جدى حسيت يعنى ايه الواحد يبقى عنده ابن مش حكاية هيشيل اسمه بس او هيخلى اسمه مستمر فى الدنيا لكن بيحس انه فى اى وقت بيسيب الدنيا ديه بيعرف دايما انه حد هيشيل مسئولية اهله بعد كده
صدقى بابا لو مش بيحبك مكنش تعب نفسه من الاول خصوصا و انت فى مرحلة ضعف و لا كان عمره جرى فى نص الليل عشان يلحقك انا عارفة انه بعض الاحيان قاسى عليك و عارفة برده ان الولد بيحب لما يكبر يبقى له رايه لكن بابا او ماما بيفكروا كده مش من فراغ و لا حب تحكم و لا حب فى شيل مسئولية حضرتك ...فكر كويس كده هتلقيهم تعبوا جدا عشان تعيشوا فى المستوى دا و يمكن حبهم فى تخطيط مستقبلك دا عشان يضمنوا راحتك دايما و انت عارف احنا فى بلد كلها بتاعه وسطة يعنى من الاخر احمد ربنا انهم بيسهلو عليك بدل ما تتبهدل و تلف و دور انت على الوظيفة و تسمع كلام ملهوش لازمة او تحس بانك مش بنى ادم
من رايى تفكر كويس جدا فى وجودهم فى حياتك و اذا عرفت تستغنى عنهم يبقى كمل حياتك زى ما انت عايز لكن لو حبتهم بجد يبقى تنسى كل حصل زمان و تبدا بنجاح فى المجال اللى انت اختارته و اقبل منهم النصيحة لان عمرها ما بتخسر و اذا كانوا شايفين انك لسه صغير فانت هتفضل ف ى نظرهم مشمش اللى يوم ما اتولد كان طفل صغير كده مش باين فى كف الايد..ياريت فعلا تبقى سند لبابا و ساعتها هيعرف انه فعلا عنده ابن مفيش زى فى الدنيا زى ما انا بقول انى اخويا اللى مفيش زى فى الدنيا
إزيك يا عم السفاح
البوست حلو قوى ...كفايه إن كان عندك الشجاعه الكافيه لكتابته...و كونك انك كتبته ده معناه انك بتخرجه من صدرك بدل ما تتخنق و هوه جواك
أنا مش أعرف ظروف اخواتك بس إللي فهمته من التعليقات إنك ولد وحيد و ان كان كده فعلا ...فإليك الآتي
مامتك شايله هم المرض اللي عندك لو لسه عندك... وقلقانه و خايفه جدا علشان تبقى عارف و بتخبى خوفها و قلقها بالامنيه انها تلاقيك حاجه كبيره و فى مركز كبير...أما والدك ...فتأكد ان كل اب بيبقى عاوز ابنه يطلع أحسن منه حتى لو قسى عليه...و لعلمك هوه مش بيقسوا غير على نفسه... و يوم ما صمم انك تدخل حقوق على أساس ان تجاره اسهل حاجه للتلامذه اللى مش جايبين مجموع يقولك ادخل تجاره
باباك عاوزك حاجه كبيره بس يمكن مش بيعرف يبين ده... و تأكد انه يوم ما زعل منك لمدة 5 شهور هوه كان زعلان من نفسه و بيعاقب نفسه و لعلمك عمره ما حيقول الكلام ده صراحتاً..انت ممكن تسترجع التصرفات و انت تستشعره فى تصرفاته....وبعدين ياعم السفاح لو انت فعلا لسه بتحب التجاره و نفسك فيها و انك شاطر بس خيبت نفسك علشان مش بتعمل حاجه بتحبها ممكن تدخل تجاره انتساب جنب الحقوق عادى,,, وبكده تكون صالحت نفسك على نفسك و صالحت نفسك على اهلك
و لعلمك بقى انا حاسه اصلا انك محمل نفسك كمان زنب قلقهم عليك؟
صح كلامي و لا لأ
انا حتوقف لغاية هنا علشان تصلحلي أي اخطاء و ان كان كلامي فيه حاجه صح حكمل .. و ان كان فيه حاجه غلط حنغير فى التعليق
ما عنديش حاجة اقولها غير ان لو ما كانش دة حصل لك فى حياتك ما كنتش هتبقى انت كنت هتبقى واحد تانى اوحش او احسن مش مهم المهم انك واحد تانى عشان كدة لو انت بجد فخور بنفسك واختياراتك لازم تشكر القدر ان دة حصل لك....... استعد للمعركة اللى جاية بتاعة النيابة وبردو اعمل اللى دماغك تقول عليه....ربنا معاك
8 comments begad mosh 3aref a2olkom eah begad...
yesterday when i wrote it i was deeply down...but when i read all ur words..ur feelings ...what a big change happened to me..
really ur more such friends her visiting each one...ur more a family i in ..:)
Reham el araby...
Riri..
SelfMeaning
Ana keda
Enjy
3abret el sabeel
May...
Wahda mafrosa...
words mosh hatkfykom begad...:)
مممممممممممم
اعلق علي ايه بقي ولاايه
بس عامة هاقولك جمله انت قلتهالي من فترة كده
ان كل البيوت فيها مشاكل وفيها كده واكتر كمان
والله يا مشمش كل واحد ف حياته ملييييييييييان بالمشاكل والقرارات الغلط اللي اتخدت عنه او بارادته
عجبتى جمله ان لو كان الاب والام بيتفهموا ويتناقشوا مكنش ده هيبقي حالنا دلوقتى اللي هما بيعاتبونا عليه
عالعموم مش هايفيد اى كلام دلوقتى عناللي فاتت
بس اديك اكيد اتعلمت انك عمرك ما هتكون كده مع اولادك
واكيد بقي عندك نظرة جديده ف تربيتهم
دلوقتى حاول بجد تشوف حياتك ومستقبلك
خطط انت بقي بنفسك
حاول تلاقي نفسك ف حاجات بتحبها
حاول تنجح فيها واثبت لنفسك وليهم انت تقدر تحقق النجاح ده
واكيد ده مش صعب ع مشمش
ولااييييييييييييييه؟
ربنا كريم ورحيم بينا اوى
هتلاقي فجاه حاجه حصلت ف وسط الطريق
تخليك تنسي كل الحزن اللي فات وقادر تكمل حياتك صحح
انا جايه متاخر حبتين تلاته
بس و الله ظروف النت وحشه اوى عندى ..:(
.............
اولا
ربنا يخليلك ماما و يحفظها يارب ..
هقولك بقى ..من يومين تقريبا كنت بتكلم مع شخص معين عليك
ساعات مكنتش ببقى فاهماك
مش عارفه انت مين
انت انسان قوى من جوة ولا ضعيف
طيب ولا شرير
تفكيرك ممكن يوديك لفين
انت فعلا قوى زى ما بشوف ولا انت بترسم حاجه زى كده قدامى
ولا انت ضعيف و بتظهر فى مواقف قوى و محدش يقدر يصدك
عارف لما يكون موقف يجيبك و موقف يوديك
كلمه تتقال تخليك متعلق بفكرة و كلمه تانيه تتقال تخليك متعلق بفكرة تانيه
و كلمه تالته تتقال تلغى كل الاحتمالات اللى انت حطيتها
لما كنت بجد بتحسسنى بالتشتت يا اخى
ويا اما انا عبيط وانت عبقرى يا العكس
ومقصدش اغلط فيك
ساعات بقول انت شخصيه فعلا معقده و استحاله افهمها
و ساعات بقول انك شخصيه من كتر ما هى بسيطه ..مش قادرين ندركها
فى الاخر ..اعتقد ..انى يا قربت اوى افهم انت مين
يا انا بعدت اوووووووووى عن انى افهمك
متقولش انك مش عارف مصلحتك ..لا انت عارفها .. و عارفها حلو اوى
انت كبير يا محمد مش طفل ..بس للأسف ساعات بتبقى عارف ان مصلحتك يمين
وتمشى شمال و العكس بيحصل
مش عارف دا "عند" ولا ايه النظام
بس اعتقد بتحاول تثبت حاجه بس بطريقه غلط
بتقول فى احدى المواقف انك سكت و متكلمتش لانك متعودتش تقول رايك
عاوزة اقولك انك بتسكت و بيكون رايك نقط ..........بمزاجك
وبرضوا بتتكلم و تناقش و تقدرتقنع اللى قدامك برايك حتى لو كان غلط ..برضوا بمزاجك
مش عارف بس ساعات بحس انك بتتكلم و تقول رايك و تعترض او لاء على حسب المود اللى انت فيه
محدش يقدر يلومك..و هو مين فينا مش كده
بس متجيش تقول متعودتش تقول رايك ..
انت مكنتش عاوز وقتها تقول رايك
ولا قلت متفرقش يعنى سينا من سونيا
اصلك لو كنت عاوز تقنعهم بشىء .. فانا واثق من ان محمد كان هيعرف يقنعهم باللى هو عاوزه
بس تقريبا مكانش ليك نفس تتكلم ساعتها
اصل دا مستقبلك يا ابنى..بقى محمد اللى اعرفه هيخلى حد يتحكم فى مستقبله
معتقدش ..
ولا جايز لانى مكنتش اعرفك ساعتها
الله اعلم
بس بتقول
لغايه الجامعه مكنتش بتتكلم و بتريح دماغك
مش عارفه حاسس انك بتسال و بتجاوب نفسك
على فكرة بقى كل الاهالى بيقعدوا يقولوا نودى وشنا فين من الناس و بتاع
و اصلا قدام الناس داحنا مفيش احسن من عيالنا
امال بتقعدوا تكسروا جوانا ليه بكلامكم
بجد حاجه غريبه:S
فكرتنى بايام ثانوى و الله يا محمد
انا فاكرة كنت عاوزة ادخل ادبى و صليت استخاره و كنت مستريحه اوى للفكرة
بس اول ما جبت سيره ادبى
كلهم رفضوا ..ساعتها مستسلمتش
و حاولت تانى و تالت ..
بس فى الاخر برضوا دخلونى علمى
كنت عارفه انى مش هقدر اكمل لا كيميا ولا فيزيا
مليش انا فى البتنجان دا
متفهمش ايه اللى حصل بس دخلت علمى و كانت سنه "عند "بمعنى الكلمه
من لولها لاخرها
غير الدراسه ..لا كانت حصلت تفاصيل تانيه كتيرة اوى
مش هوجع دماغك بيها
بس مكنتش بفتح الكيميا دى اساسا
بضر نفسى .. اصل كان هيفرق ايه انا من العيال اللى بيذاكروها و يقفلوها
و كنت باخد مع مدرس عبقرى يعنى
كنت بفهم ايوة مليش حجه اساسا
بس كنت بس عاوزة اثبتلهم انى مش هنفع فى ادبى
المواد التانيه كانت كلها درجاتها حلوة
الا الكيميا ..فاكرة ساعتها ضيعت منى 14% من المجموع
الكيميا لوحدها
طبعا كانوا زى كل الاهالى زعلانين على النتيجه
الا ماما .. عشان كانت اصلا مستغربه انى نجحت فيها اساسا
وانا مفتحتهاش من اول السنه
و فى تالته الحمدلله اتحقت رغبتى و دخلت ادبى بقى
قفلت تاريخ و فلسفه
و قعدت اقولهم ما كان من الاول :(
دنيااا ..هنقول ايه يعنى
وبعدين مش فاهمه هو ليه كل الاهالى حاطين لولادهم يدخلوا شرطه يعنى
مفيش حد اعرفه تقريبا الا و اهله كان لازم ليهم دور فى انهم يحطوة فى المرحله الغريبه دى من حياته
و غصب عن الواحد ..يعنى مش هو مثلا العيل نفسه يطلع حاجه من الحاجات دى
عالم غريبه و الله
و دخلت حقوق .. يعنى يوم ما حبيت يكون ليك راى
اهى حاجه جاى تندم عليها دلوقتى
قول الحمدلله ..خليك عارف بس ان ده كان قرارك
وقرر مع نفسك من النهارده انك هتبقى قده
مهما سنين عدت و ضاعت
انا قد قرارى و هكمل مشوارى لحد الاخر ..:)
وسقطت اول سنه ..وحسيت بفرحه من ناس قريبين منك
لمجرد انهم حاسين انك ممكن تقول ياريتنى كنت سمعت كلامهم و مشيت على هواهم
ما انت لو كنت برضوا دخلت اللى اهلك عاوزينه فى البيت كان ممكن تسقط اول سنه
بس لما تيجى تانى بقى و تعترض تبقى عارف انك قد المسؤوليه اللى انت بتحط نفسك فيها دى
مش انا بتعرض و بعند فيهاو خلاص لمجرد انى امشى كلامى
صح ولا غلط مبيهمنيش حد
المهم اللى فى دماغى يمشى
اعتقد ساعتها لو كانوا قالولك يا ابنى كمل فى حقوق
كنت هتقولهم لاء انا هحول اى معهد جنب البيت ..
ما هى المساله بقت عند وخلاص ..:S
و اياك تانى مرة تقول ان اسوا 5 سنين مريت بيهم هما سنين الجامعه
بصلها بنظره تانيه
انت قابلت ناس لا يمكن كنت تقابلهم لو كنت فى مكان تانى
مريت على ظروف و احداث اعتقد انت مستعد تدفع عمرك كلوا بس تمر عليك تانى
اتغيرت فيك حاجات كتيرة اوى
فهمت حاجات كتيرة اوى حواليك
اتعلمت حاجات كتيرة اوى
مش هنتكلم على ان فى سنين ضاعوا منك ..بس انت فعلا كسبت حاجات كتيرة اوى لا تعد ولا تحصى .:)
و ان اونكل جمال يفضل 5 شهورمش يكلمك عشان سقطت
ويصالحك بس عشان الشكل العام قدام العائله الكريمه
بالظبط زى الموقف اللى بنكون فيه ساعه ما يهزقونا على حاجه عملناها تافهه
و يحسسونا اننا ارتكبنا جريمه قتل
وفى نفس الوقت برا ..من كلامهم الناس بتبقى بتحسدهم علينا ..
فى غلطه من 3 سنين عملتها و مش عارف تتراجع عنها
مش عارفه هى ايه بالظبط
انت بس مش عارف تتخلص منها لانك سمحت لها تسيطر عليك و تكون كلكوعه جواك و تبقى عقده
هقولك ايه
just let it go
الشىء دا مش هياثر فيك و لا ثانيه كمان
الحل بتاعها صعب ..بس لازم تعمله
هو صعب لانك شايفه صعب
متترددش فى الحل ده
لو انت "متاكد" مليون فى الميه ان هو دا الحل الوحيد
و هيقدر ينقلك للأحسن
يا حياه اجتماعيه يا حياه دراسيه
فاكر اوى انك اتكلمت معاى فى النقطه دى من سنه و شويه تقريبا
فاكرة الكلام اوى لحد دلوقتى
لانى ساعتها مكنتش مقتنعه بكلامك
بس دلوقتى بس بقيت فاهمه يعنى ايه يا بنختارحياه اجتماعيه يا دراسيه
فهمت دلوقتى انى السنه قبل اللى فاتت كانت بالنسبالى اجتماعيه
و السنادى دراسيه
كنت ببقى ماشيه فى الكليه يمكن كل خطوتين بسلم على تلاته او اربعه اعرفهم
دلوقتى فيييييين و فييييين على ما اقابل حد و اسلم عليه اصلا
مش عارفه ليه فى فتره الجامعه الحياه الاجتماعيه "ضد" الحياه الدراسيه
فى رايي ..لان احنا مبنعرفش نخلى الاتنين متوافقين مع بعض
بس الواحد بيتعلم
و واثقه انى بكرة هتبقى عندى حياه اجتماعيه و حياه دراسيه فى نفس الوقت
و لا دا هياخد من حق دا ولا العكس
لكن يا محمد المفروض لو الحياه الاجتماعيه بالنسبالك هتاخد من الحياه الدراسيه
يبقى تخلص دراسه الاول يا عم الحاج و الباقى بعدين
اعرف اولوياتك ايه وامشى عليها عشان متخسرش حاجات كتيرة
او على الاقل متخسرش حاجه تانى غير اللى خسرته قبل كده
واديك بتقول انك لو كنت حولت لمعهد مكنتش عرفت حاجات كتيرة جواك
ولا اتعرفت على ناس فعلا بتفتخر بيهم
اديك شايف اهو نص الكبايه المليان
امال ايه اللى كنت بتقوله فوق ده:D
وبعدين ما انت عارف ان مصر كوسه
بمناسبه الكوسه عشان عارفه انك بتحبها..ماما عملت لنا النهارده كوسه و سايبالك حبه ابقى تعالى خدهم..:D
نكمل موضوع مصر
يا سيدى تعالى خدنى يعنى على قد عقلى
انت مبتلى بانك عايش فى مصر
يبقى تحاول تتعايش معاها و فى نفس الوقت تنمى مهاراتك
حاول توازن بين انك عايش فى بلد حقيرة مبيهمهاش الا شهادات
و ساعات حتى الشهادات مبتنفعش
بتبقى محتاجه واسطه
و الناس اللى حواليك كلهم شايفين كدا
يعنى ممكن تكون عبقرى زمانك و عشان ممعكش شهاده تبقى متخلف زمانك فى نظرهم
مصر..هنقول ايه يعنى
وبعدين ابقى جهز لماما من دلوقتى انك ناوى تشتغل فى عمل خاص بيك
بيبقوا نفسهم يشوفونا باحسن صورة
بس ساعات بدون ان يدركوا بيقتلوا حاجات جوانا
وبعدين اللى ييجى يقولك بعد كدا انت صغير و متعرفش مصلحتك
ابقى وريهم تاريخ ميلادك فى البطاقه بس
ولا اقوله
صور البطاقه و علق الصوره على باب الاوضه
عرفهم انك عديت العشرين سنه
هما عارفين ..لكن مش مدركين
كنت كاتب فى البوست اللى قبل كدا
تقريبا يعنى عاوز شريكه حياتك تسمع كلامك بلا نقاش
لانها لازم تبقى عارفه انك عاوز مصلحتها و الخ ..
منين بقى زعلان ان اونكل جمال مش بيقبل النقاش و الحوار و بتقول الكلام ده
بتناقض نفسك ولا ايه طيب
و متقولش اختلاف الظروف بيكون فيه نقاش ولا تؤ
كلوا يعتبر شىء واحد يقبل يكون فيه نقاش
يعنى ايوة هتبقى اكيد بتقولها على شىء معين عشان انت اكبر منها وفاهم اكتر منها وخبرتك اوسع
وبرضوا بتحبها و خايف عليها من نسمه هوا
بس لو مش مقتنعه بكلامك يعنى و مش هتنفذ اللى بتقول عليه
هتسيبها و تمشى ولا تتناقش معاها بهدوء
مش قضيتنا ..
لو هو مش مقتنع بالحوار و النقاش بهدوء
ابتدى انت معاه براحه و اكسر الحاجز اللى جواة دا
صعب اووووى تكسرة بعد السنين دى كلها
بس يوم بيوم هتحاول هتعرف
متستسلمش انت بس
و ماما برضوا .. حاول تتكلم معاها مرة و اتنين و تلاته
الاهل مش هيعضوا يعنى
اكبر حاجه هيعملوها هيتقالك كلمتين يزعلوك و تنام متنكد بسببهم
بس فى كل مرة هتتكلم معاهم و وتحاول تتناقش انت بتكسر طوبه من سد عالى
هييجى يوم من الايام و هيفهموا انت بتفكر ازاى و على الاقل
هيعرفوا ان مش كل حاجه تتقال لازم تتنفذ
لا ..انت ليك كيان و شخصيه و من النهارده مش ناوى تعمل حاجه الا لما تكون مقتنع بيها
لانك كبرت خلاص و مبقتش الطفل بتاع زمان
و ان الناس يبصولك لشخصك مش لشهادتك ..
دا ممكن يحصل فى حاله واحده بس
لو مكنتش مواطن مصرى
عشان كده حاول توفق بين الاتنين
الانسان مسير و مخير
بس اللى بتختاره لازم نكون قد المسؤوليه بتاعته
مش هنبقى بنختار شىء معين لمجرد فرض راينا و عند و خلاص
ما انت كدا بتضيع نفسك
هتختار شىء يبقى عشان عارف ان هو دا الصح
و مقتنع بيه
مش فرض راى
مش هتكلم فى الموضوع دا معاك على ارض الواقع
مش عارف او مش عارفه انت عرفت انا مين ولا تء ..
بس اعتبرنى انسانه او انسان مجهول
ولا اقولك خليها كائن مجهول الهويه
ميعرفكش ولا اتكلم معاك قبل كدا
نفسى بس اكون افدتك ولو بشىء بسيط
اخر حاجه هقولها بس
انت انسان غير عادى
انت بحر مالهوش نهايه من القدرات
وبقول كلامى بدون مبالغه
فيك حاجات كتيرة اوى مش موجوده فى اى شخص عرفته فى حياتى
ولا اى شخص حتى هعرفه مستقبلا
فيك حاجات حلوة بجد من جواك
ساعات ظاهره و ساعات لا .. لانك ركنتها على جنب
عليها شويه تراب
نفض التراب ده و خلى الحاجات الحلوة دى تظهر تانى
مش هقولك ارجع زى زمان
زمان عمرة ما بيرجع و لو عملنا ايه
بس انت الوحيد اللى ممكن تخلى بكرة ده يوم احسن
بكرة ييجى عليك و تكون حققت كل اللى نفسك فيه
متسمحش للحزن اللى جواك بسبب جرح قديم او ظروف مريت
بيها ياثر عليك تانى بكرة
كده هتخليه ياخد من عمرك امبارح والنهارده و من عمرك بكرة كمان
خلى الحياه بسيطه زى ما هى
ارمى الوحش على جنب
و خلى الحلو فى ايديك
خليك واثق من نفسك
واثق من انك ممكن تحقق اى شىء نفسك فيه
متضيعش الحاجات الحلوة اللى فيك
و الحاجات الحلوة اللى بين ايديك
لمجرد انك خايف
عيش حياتك زى ما بتحبها تكون
فى نفس الوقت ابنى لبكرة و متهدمش
اتعلم من اخطاءك
متكررهاش تانى لمجرد انك بتفرض رايك ولاحتى بتعند
وفق بين حياتك الاجتماعيه و الدراسيه فى نفس الوقت
لو معرفتش سيبك من الاجتماعيه دلوقتى
كلها سنه ان شاء الله و تخلص من كل الهم دا
و هتبقى انت و بس مسيطر على حياتك و محدش يقدر يقولك نص كلمه
كفايه تضييع وقت ثمين فى حاجات مالهاش لازمه
كبرنا خلاص و مفيش وقت عشان نضيعه
استمتع بكل ثانيه هتعيشها فى حياتك لسه
الايام دى مبتتكررش
مش عارفه اقول ايه تانى
بس هقول
theres no time to waste..theres so much to celebrate.. believe in what u feel inside ..and give ur dreams the wings to flyyyyy ..u have everything u need ..if u just believe
واخيرا
let's change..:)
ايه الرغى دا كلوا
مكنتش اعرف انى كده
ربنا معاك و انت بتقرا بجد بقى :P
mafesh 3'er 3 persons say My real name to me...& i know now who u are...
merci on ur loooooooooooooooooooong comment..:)
بجد انا حسيت وانا بقرا البوست دا انه منحوت من حياتى بس بالعكس انت قدرت تقول لا لااااااااااا بعلو صوتك مش همك غير اللى انت عاوزه بس انا عشان بنت رضيت اقول اه او مش ممكن عشان انا بنت يمكن عشان انا كنت ضعيفه فى الوقت دا وشخصيتى مش كانت نضجت بس انا عشان مش قلت لا دفعت من حياتى تلات سنين فى كلية لا انا بطيقها ولا بحبها وبحس باكتئاب كل ما ادخلها بس مش تخاف انا السنة دى قلت لهم فى البيت لا ااااااااااا بعلو صوتى و سديت ودانى لكل حد قالى ان كلية علوم دى كلية ليها مستقبل...انا بصيت للموضوع ان المستقبل بايد الله وكمان انا مش هقدر اكمل حياتى وانا مقهورة بشهادة كلية لا انا بحبها ولا فاهمة فيها حاجه
...................
معلش طولت عليك بس بصراحة مكانش ينفع اقرا البوست دا ومش ادى عليه كومنت رغم انك نزلت بوست جديد
..........
على فكرة دى مش اول مرة ادى فيها كومنت بس الفرق المرة دى انى هدى الكومنت باسم مدونتى الجديده اللى نفسى تبقى زى مدونتك او مدونة اى حد من الناس اللى انا بتابعهم
........
بااااااااااااااى
May I comment here..in English..?
yes?
thank you :D
aaaaaaaaaaaah that parents' story..will you believe it is absolutely NATURAL? even if you're the top of your class..and awel el gomhrya..they will still plan for you..and think that though you're 20 something..that "enta/enty msh 3rfa masl7tek...enta lesa so3'yr"
but we're not children... we're grown ups..have our needs.. ambitions.. requirements..and wanna do our own mistakes... but no..to them..we're still their kids..and they fear that their control over us will be gone..that we're growing up and getting independent..and thinking it's all for our benefits!
but you know what...? it's all because they do love you..they sincerely do..they just wish the best of the best..and even if they don't tell you that in the face..in their hearts they do..we don't hear them encouraging us.. because when they think when they're strict and tough..we'll be better and have their way.. but they do care..!
what you have passed through..yeah could be a chain of little misfortunes.. but you said it... you risked death..when you were a little boy..so now you are grateful and know any other think..is much milder than the real big dangers..or el za3la el kebeera ya3ni
my advice... just.. ray7hom..raya7 balhom..BUT still try to reach what you want... try to accomplish things and win your little wars..and when they see you achieving something.. they'll be happy for you..and rest their backs and say yeah.. he's really good.. go on your road..just be sure with what you want
go with firm steps
they'll have more confidence in you..
just ask yourself..what do i want?
where would i like to be in 10 or 20 years from now?
and what is needed to take me there now?
don't be scared..take firm steps..and start moving..the clock is ticking
don't be afraid to dream... make the best of the current situation
don't you like their dreams of your career? or you have other plans?
and it all starts by challenging them secretly (bs msh bi 3end ya3ni :D)..and forgiving..yes..forgiving them for the pressure they caused you..or their dominance and control over your life... just forgive..and find that peace.. and get going.. you're done will university insha Allah..and life has wide arms open for you.. to start carving your future..
you'll do great..Rabna 7ay3awdak 7'eir.. your family just expect the best from you..because you're the best to them..and special..that's why they do all of this.. Rabna yefra7hom dayman beek
you'll do it... :)
and sorry for my long comment..may be it did not add anything as your other friends here did.. i just wanted to chat with a nice "safa7" and dear blogger here..out of experience..and even passing through similar situations..that i quite know..and trying to handle myself.. :)
best of luck :)
انا جيت هنا قبل كده بس من زمان شويه او بمعني ادق من قرن قبل اما امتحاناتي تبتدي
بص يا سيدي
اولا مشكله الاب والام دي في اي بيت في الدنيا وساعات بتكون اقسي واعنف من الي عندك اكيد مش قصدي انك مش مريت بحاجه لا بس فعلا في ناس بيكون عندهم الدنيا اصعب من كده
يمكن ساعات الاب والام بيكونوا مرتبين وحطين خطه زي مانت قلت في دماغهم لاولادهم وده من وجه نظرهم الاحسن ليهم المشكله الي حصلت معاك انهم دايما كانوا حاسين انك صغير او مش جدير بالثقه بس متزعلش مني لو قلت يمكن انت بتصرفاتك الي حسستهم بكده انا اكيد معرفش انت ادري بس انا عن نفسي لفتره معينه في حياتي الناس الي حواليا كانو حاسين اني انانيه ومش بحب غير مصلحتي بس اكتشفت انهم بيفهموا تصرفاتي غلط وان تعليقاتي اما بقولها بيكون ليها معناين وده الي وصلهم المعني الغلط الي فهموا عني اما بالنسبه ليك انا اه مؤمنه ان الانسان مخير في حياته هوه الي يختار الي عايزه بس مؤمنه بردوا ان كل واحد ربنا عامل له قدر معين او طريق معين هيمشي فيه بس الي مطلوب منه انه يختار وربنا عارف في الاخر هوه هيتختار ايه بص يمكن انت مش قدرت تقول رايك في حالات كتير بس يمكن ده الي كان مطلوب عشان تمر بتجربه معينه تخليك اقوي واجمد شيلك للتفاضل في تانيه مش لانك غبي والدليل انك افلتها في تالته واعتراضك علي دخول تجاره رغم انك بتحبها كان مجرد عند مع والدك طبعا كل شي في الدنيا قدر ومكتوب وزي ماقلتلك في الاول انه ده نصيبك وانت بعد اما دخلت حقوق دلوقي مين كان قلك انك لو دخلت تجاره الي انت كنت بتحبها كنت هتفلح فيها
معلش يمكن كلامي مش مربوط ببعضه بس انا بكتب الي حسيته من كلامك في البوست
ثانيا انا حاسه وبدون تحير لاي حد ومن غير ماتزعل مني ان والدتك الي حد ما ربنا يباركلك فيها برده اختيارتها ليك كان بناء عن وجه نظرها ان ده الاحسن الي كان المفروض يتعمل ساعتها انك تثبت لها باسلوب هيه تتقبله انه لا مش ده الاحسن
انا مش بقول كده انك غلطان لا بس الانسان بتمر عليه تجارب في الحياه لازم يتعلم منها وانا من راي تجاربك دي كلها تتعلم منها حاجه مهمه اوي انك تثبت للناس انك جدير بالثقه وانك فعلا مش صغير وصدقني عن تجربه الاثبات ده مش بينفع بالعند لانك في الاخر هما مش هيخسروا حاجه لو عندت انما يمكن انت الي تخسر
طبعا بعد كل الي مريت بيه اقدر اقولك بص علي نفسك دلوقتي وبص علي شخصيتك وعلي الناس الي عرفتهم والناس الي معرفتهمش هتلاقيك اتغيرت كتير واظن بقيت اقوي وانت ادري بنفسك اكتر ايه الي اتغير فيك بس صدقني لازم تنصنف التغيرات دي علي انها مكاسب حتي لو بانت ليه انها خساره
اما بالسبه للمشكله الي انت واقع فيها من 3 سنين واكيد انا مش عارفها لانك مش قلتها انا هقولك حاجه
مش تخاف من الحل لانك لو مش حلتها هتكون الي حد ما مش قادر تواجه المشكله وزي ماقلت انها كل اما بتستني بتتكلكع وده معناه انه حلها لازم يكون سريع
شوف الحل الي يرضي ربنا والي يرضي ابوك وامك عنك والي يخيليهم يدعولك ربنا يسترها معاك يابني وصدقني هوه ده الحل الصح ومش هيبقي محتاج تاجيل
وايام كان ايه هوه وايام كان مدي صعوبته صدقني لو عملته دوقتي هيكون احسن كتير حتي لو من وجه نظرك انه صعب او هيتعبك او مش ينفع لظروف معينه بس دايما الي بيرضي ربنا هوه الي بيكون فيه خير ليا وهوه الي هيسعدنا بعد كده في حياتنا
اخر حاجه وانا اسفه اني طولت
انت لازم تحط خططتك لنفسك وتثبت وجدك فيها وتثبت للناس انك موجود بالصح مش بالعند وصدقني طول ما والد ووالدتك راضين عنك ربنا هيكون راضي عنك وهيرضيك في حياتك وهيسرلك الخير
اسفففففففففففففففففففه جددددددددددددددددددددددددددا اني طولت
ربنا يصلح لك حالك
منتظره زيارتك
Post a Comment