Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Sunday, June 03, 2007

طرطشة عالحيطة

سكان الطرطشة الكرااام

وحشنى بجد بجد بجد

والامتحانات فحتتنى بالمعنى

حتى بقيت بطرطش عالحيطة من كتر الطحن

دى مش امتحانات

دى معركة حامية الوطيس

ممممممممممممممممم

طبعا اغلبكم من النص اللى خلص ...ومريح ومرتاح

مسيرنا نحصلكم :D

اما اللى بيمتحن ...

من موقعى هذا

عالكمبيوتر فى الصالون

ارسل له باقة ورود مليئة بالدماء

واعلن استعدادى لجز اعناق الدكاترة بتاعته كلهم

ولو فى مدارس ممكن الناظر ...

عشان اصلا فيه عجز فى عدد المدرسين

وكلية تربية بتطلع منهم الالف كل سنة

ما علينا

موقف من مواقف الامتحانات

بنت النهاردة قاعده فى القاعه

والراجل اللى ماسك القاعه

رئيسها يعنى

يزعقلها يقولها انتى مش هنا

وتقوله تؤ هنا واسمى مكتوب

يقولها يا انسه مافيش بنات عندى

وهى برضه مصممة انها هنا

المهم قامت وراحتله وتؤكد ان امتحانها السبت

المهم فى الاخر

طلع ان الانسه اتسطلت وجت يومين بدرى

اصلها اولى

هههههههههههههههههههههههههههههههههههههههههههههههههه

صباح السطل

عشان تعرفوا حقوق بتعمل اكتر من كده

كان نفسى ااديلها كوباية الموكا اللى كنت بشربها وقتها

كانت تفوقها ولا حاجه

بس قولت يلا ...ان ازر تايم

ايييه تانى حصل

ممممممممممممممممممممم

قابلت ناس اصحابى ...اللى بقالى شهرين مش شفتهم

بتوع الليسانس دوول ...ربنا معاهم

او يتولاهم

وشفت ناس برضه ...كان نفسى ااشوفهم

يعنى وحشونى وكده :D

بيدوا الواحد حبة امل شوية ان لسه فيه حاجه كويسة فى الحياة

وواحد صاحبى طلع خطب....والواطى ولا يعزمنى ولا يوقلى الا النهاردة

سحقا بالملبن

لاء وانا اللى كنت معرفه على خطيبته برضه لما كنا مع بعض اول ترم

واطى بقى ...هنقول ايه :D

واحد عزيز عليا جدا هيسافر كمان 5 ايام السعودية يشتغل هناك...

عشان يرجع يتجوز بقى ان شاء الله

ونفسى ااشوفه ومش عارف بسبب الزفت الامتحانات ..:(

طرطشت انا كتير النهاردة

بس عندى حاجات كتير عاوز ااكتبها واقولها

ممكن بكرة او بعده هاجى هنا اطرطش شوية

فى الاخر ...ااحطلكم كام صورة ...تضحكوا شوية ...:)


فلاش بس مش عارف مرضاش ينزل ليه

هحطلكم اللينك بتاعه

ومعلش تعالوا على نفسكم

وادخلوا الموقع وسيبوه يحمل

بس بجد تحفه

ده اول جزء

المصمم...والضحية
http://www.atomfilms.com/film/animator_vs_animation.jsp

تانى جزء ...

الانتقام الدامى

http://www.atomfilms.com/film/animator_vs_animation_2.jsp


البكلام ده كتبته بالليل ...قلت ااحطه

ممكن حد يعجبه

اراكى فى قلبى ...ترقصين على انغامه

اراكى فى عيونى ...تسبحين فى بحر دموعى

اراكى فى عقلى ...تشاهدين مكانك عندى

اراكى امامى ....تسحرينى بجمالك

اراكى فى حياتى ....ملاك وجدته امامى

اراكى حبيبتى ....فكونى لى يا ملاكى
wub.gif

20 comments:

The Alien said...

أنا حاسس إن بقالك سنة ونص بتمتحن
مش ناوي تخلص ياعم الحج

تحياتي

عاشقة الوطن said...

عم السفاح
ايه الطرطشة ديه
بس حلوة عاوز تقطع رقبة الدكاترة

ماعلينا يابنى

ربنا معاك
واوعى الدم يجى على هدومك


يالا روح ذاكر ياعم السفاح

وحلو اوى البيتين اللى انت كاتبهم دول
يالا بقي سلاااام

Ana keda said...

اهلا بالامتحانات انا فعلا جبت اخررررررررررى منها والله حرام الى بيحصل المهم انا عجبانى موت المدونة دى بجد فانتستيك يعنى بحسها مننا وعلينا اصل حقوق تدى على تجارة انجليزى شوية المهم انت بتتريق على البنت انا بعمل اكتر من كده والله انا معرفش جدولى اصلا كل مادة بعرفها من اصحابى ولو حد سالنى بتخلصى امتى مش بعرف برضه دمااااااااغ فعذرا احترم السطلان ده فن يفقده الكثير

ضـوء الـقـمر said...

هههههههههههههههه
ياعيني يا سفاح
على فكرة ميرسي على باقة الورد اللي بالدم دي اصل انا لسه مش خلصت امتحانات ومطحونون مطحونون يا ولدي
الوضع صعب خالص ومزاكرة وحاجات كده يع مش بنحبها اللي هي اسمها الكتب باين
على فكرة الكلمات اللي انت كاتبها دي حلوة اوي هو ده بقة اللي اسمه وحي ايام الامتحانات عشان تهرب من المذاكرة هههههههههه
لا بس بجد كلمات جميلة طرطشة حلوة :D

Anonymous said...

To2 mesh 7elw el kalam:P

MONDAHESH said...

ربنا معاك

وان شاء الله تخلص وتيجي تقعد جنبي

انا حاجزلك مكان جنبي

بقولك صحيح

هو صاحبك اللي سافر ده كان حقوق زينا ؟؟

طيب واللي خطب؟؟


اكيد مش حقوق

وشوشني said...

والله مين ده اللي هيخلص انا عن نفسي مش هاخلص قبل 21 يعني كل اللي في الجامعات واللي في المدراس كلهم هيبقوا خلصوا وانا قاعده محبوسه انت عارف انت ممكن تيجي تقطع المراقبين انما المدرسين اللي عندنا في المدرسه غلابه يعيني مالهومش في حاجه انا هبقى ان شاء الله اكتب على اللي بيحصل مع المرقبين بس يعد اما اخلص عشان ابقا جبت اخبارهم كلهم ان شاء الله
................
حلو اوووي يا استاذ اليي انت كاتبه شوف الناس اللي بتكتب قبل ما تنام مش الناس الي بتعد سنتين عشان تفكر تكتب حاجه

وشوشني said...

هو ايه اللي بيحصل معاي ده يا عم السفاح ااجي ادخل عندك من غير ما اعمل sign in
الحمد لله المدونه عاديه مجرد ما اعملsign in
المدونه بتقلب هندي ولا مش عارفه بتقلب ايه يعني بس مش عارفه هو المفورض انا عندي مشكله ولا انت ولا انت مش عايزني هنا ولا ايه بالضبط

bastokka طهقانة said...

مبروك انتهاء الامتحانات و عقبال ما النتيجة تظهر و نطرطش الشربات

البنية جت بدري عايزة تخلص اية المشكلة


بتكتب شعر في حبيبتك؟!!بكرة نسمع شد الشعر


اوروفوار

david santos said...

Alive the people of Palestine, against the fascism of Israel and the terrorism of the North America

Peace for Palestine

koukawy said...

ربنا معاك و يا رب تنجح

reri said...

ربنا معاك
واضح إن الإمتحانات عامله عمايلها معاك
ومزوده الطرطشه علي الآخر

ربنا يوفقك
سلامااااااااااات

Reem said...

ربنا معاك ومعانا كلنا
انا حاسة ان الامتحانات طولت ومش راضية تخلص ربنا معانا

safa7_karmooz said...

the alien:

ههههههههههههههههههه

لا وحياتك
...رسميا شهر الا كام يوم ...هاانت اهيه


----------------

عاشقة الوطن :

منورانى والله فى الايام الضلمة...وهخلص قبلك برضو :p

انا شغال بقطع فى رقاب المراقبين ...

وبمناسبة الدم هنزل كليب كده بكرة ...زفيه رائحة الدماء برضه .... :D

-------------------

ana keda:

ههههههههههههههه
اولا كويس انها عجبتك...وهما فعلا تجارة وحقوق اخوات ويضموا فئات الشعب كله ...

بالنسبة للسطلان فانا ملك السطلان بلا منازع ...انا زيك ...بعد 4 ايام وخامس يوم الامتحان ...واحده بتتصل بيا وتقولى عاوزة اشترى ملزمة كذا امتى ...فبقولها بعد يوم الاحد...تقولى سفااح...الامتحان يوم الاحد... :D

اتمنى ان نراكم فى زيارة اخرى

safa7_karmooz said...

ضوء القمر:

مطحووون يا بنتى مطحووون ..:(

وكمان انا جيت عندك لقيتك طابخة زبادى بالشوربة وكاتبه انك اتلسعتى منها وحاجات كده :D

ايوة والكتب ...هوا حد لسه بيذاكر منها ...يعععع :p

:$ ...والف شكر عالكلام الحلو ده ...

اهى حاجه تقضية وقت نخلى الواحد يضحك بدل عك الامتحانات ...

----------------

مايا :

انا شكلى هرجع ااكره الزمالكاوية تانى :p

-------------

مندهش:

اهم حاجه انت حاجز..؟؟

طب خلاص ااجى براحتى :D

صاحبى اللى خطب ؟؟؟

حقوق ااه...ولسه بيدرس ...وسنة تانية كمان..بيعيد تانية يعنى ... :D

واللى سافر متقلقش ...ده هاشم يابنى بتاع السيبر ..:)

ااحجز الكراسى اللى جمبك عدل ...

ههههههه

---------------

وشوشنى :

مشكلتك دى سببها معلش انى كنت مستورد بخور هندى باللى ماسكها ...عشان يبخر الطرطشة ...ههههههه

بالنسبة لامتحاناتك ربنا يكون فى عونك يا انسه ....احنا من اللى بنشوفه فى مصر من تعليم ...يدخلنا الجنة عدل

"حلو اوووي يا استاذ اليي انت كاتبه شوف الناس اللي بتكتب قبل ما تنام مش الناس الي بتعد سنتين عشان تفكر تكتب حاجه"

هههههههههههههه...ياساتر عالنق ..والحقد...

عينك جابت مفعول بقالى اسبوع مش عارف ااقول بخ حتى ...

safa7_karmooz said...

طهقانه:

منورة الطرطشة والله ...وبعدين متزعليش من الحرامية اللى بيسرقوا ...بس فى الاخر مش هنعرف نجيب حقنا اوى ...بس ممكن تفرحى ان البلوج ناجحه جدا لدرجة ان الناس بتنقل منها :d

طبعا ....عايزة تخلص بسرعه

وشعر ..ههههههههههه...ده شعر فى الملزمة...حبيبتى المستقبلية لسه مجتش ...مش عاوز ااقرع بدرى :D

-------------------

david santos :

i agree with u

waiting ur next visit

safa7_karmooz said...

koukawy:

يااارب ...ومعلش مش بسيب كومنتس عندك الا قليل ...بس كنت مزنووق حبة ...بس متابع المواضيع اول بأول

--------------

ريرى:

ده اللى مكتوب ميجيش 1% من اللى الامتحانات عملاه

يلا كلها يومين وتشوفوا فضايح الامتحانات

-------------------

ريييم :

يارب ان شاء الله

ومنورة المكان فى اول زيارة ...

وان شاء الله نخلص ..:)

تخاريف خاصه! said...

ربنا معاك..
شد حيلك..
هاااااااااااااانت
:)

Anonymous said...

وشوشني

يلا انا قلت بلاش اعد اعمل
sign in
عاجبك عاجبك مش عاجبك مش مهم وكمان بجد انا بدخل مش بعرف ااقرا حاجه وبلاش هزار شوف المدونه بتاعتك اللي خربت دي ده كله عشان سايبها ومتفرغ للامتحانات طب عبرها بكلمتين
اما حكايه الكتابه فاحنا الحمد لله انا وكل صحابي علينا عين ما شاء الله مرة بنقول للمدرس الموبايي ده حلو مافيش ثانيه والموبايل وقع مابقاش موجود ايه رايك بقا انق على ايه كمان؟؟؟

catroz said...

عمو السفااااااااح
:D
هاانت يا ابنى و تخلص من الامتحانات اهو..انا لسه باقيلى كتييير..دا انا هخلص بعد هندسه كمان......ههههههه
يلا ما علينا شد حيلك..و عجبونى اوى بيتين الشعر اللى انت كتبتهم دول اوى.:d