Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Sunday, June 10, 2007

قول للزمان ....ارجع

عايزنا نرجع زى زمان ...قول للزمان...ارجع يا زماان

اييييييييييييييه

وتنهيدة طويلة...وانا قاعد بسمع الست وهى بتغنى ...اغنية فات الميعاد...
ونفتكر المواعيد اللى فاتت ...هنلاقيها كتير ...

وهنلاقى نفسى بتقول للزمان يرجع لورا عشان االحق اى ميعاد من اللى فاتوا
بس وتفيد بايه يا ندم...:(

مش هيفيد الندم بتاعى بحاجه...بالعكس هتتعك اكتر ما هى معكوكة ....
بس هفضل ااغنى واقول ارجع يا زمن

بس انا نسيت الابتسامة..زى ما نسيت الالم...والزمن نسى فرحى وحزنى ياااما
نسيتها طبعا ...والزمن بينسى فعلا ...الواحد الحاجات الحلوة او الوحشة....

بس سبحان الله الواحد بقى ينسى الحلو...ويفتكر الوحش...مع ان ده ضد الطبيعة
ان المفروض نفتكر الحلو...وننسى الوحش ...بس هنعمل ايه

ونرجع نقول قول للزمان ارجع يا زماان
بس عمره ما هيرجع...وعمرنا ما هنعرف نصلح اللى باظ

راكب المترو النهاردة...وست دخلت ...واقفه جمبى شايلة نونو زى العسل...بنوتة تقريبا...
بتبصلى فى ازبهلال بتاع الاطفال الجميل ده...

ايه النخلة اللى واقفه...ومنعكشه شعرها ودقن طويلة...وفاتحة بقها بطريقة عسل جدا...مامتها تلاعبها...ولا هى هنا..
اهى البنوتة دى ...خلتنى اافتكر الاغنية اكتر....

ان الواحد يفكر لو يرجع زمان...ويجيب مجموع حلو...او يقعد عالكتاب اربع سنين يتخرج..
ويشتغل ...ويتجوز بنوتة زى القمر كده ...ويبتدى حياته

لكن يبقى قاعد يلاقى حياته بتجرى من حواليه ومش عارف يعمل حاجه...وغيره اتخرج او هيتخرج
لازم يقول ارجع يا زمن

بس ميزة...عشان الواحد يبص لقدام اكتر...ويحاول يحقق ذاته المختفية ...تحت اكوام من التراب
وطموحه اللى مات من زمان...

بس اهى محاولة يائسة ...وخلاص ...بس اكيد هتتعمل...
او جارى عملها

بس هنفضل برضه نقول

عاوزنا نرجع زى زمان...قول للزمان ارجع يا زمان



33 comments:

frozen love said...

heya eh el7kaya..klna 7asen eny elzmn beytsr2 m3 enna lsa sghyren 3la kda

sebak..mt7awlsh tnsa..msh htnsa..el2gmal enk tftkr kl l7za 7lwa we w7sha we kl 7aga...heya de 7yatk..lkn elmhm t3rf tftkrha as a memory..nothing more..mt3mlsh zye..lol

wa7shny gdan

Anonymous said...

السلام عليكم

اولا مفيش زمان بيرجع
للأسف

وبالتالي
أسلم امري لربنا

وماقدر أن يكون سيكون

عارف المقولة اللي بتقولك- تقريبا احمد رجب قالها..مش فاكرة

"ماذا لو اننا خلقنا في الحياة كبروفة اولا ثم ننتقي منها مانشاء"

مينفعش

تحياتي ليك
مستر سفاح

semsem said...

لو الزمان رجع بردو هنعمل اللى اللى هملناه قبل كده

Dalia said...

ايه التشاؤم ده ... خلاص اللى فات مات
الست .. لا مش ام كلثوم اقصد الست فيروز بتقول

ناسيا ما قد مضى

انسي اللى فات بكل الحاجات الوحشه اللى فيه ... بص لبكره مليان امل

احنا بنقصر فى حياتنا كتير و بنرجع نندم
آه و يفيد بأيه يا ندم

بص لبكره بعين مليانه امل و ادعى ربنا

micheal said...

هي أصلها عادتنا و مش حنشتريها
الندب دائما علي الماضي و مصمصه الشفاه
عليس فكره أنا اخر بوست عندي علي موضوع مشابه جدا
:)
تحياتي لك

سكوت هنصوت said...

ياااااااااااه فكرتني بالذي مضى...الزمن سرقني فعلا..امبارح بس كنت بتشعلق في الأوتوبيس عشان الحق السكشن..امبارح بس كان ممكن اهد الدنيا بحماسي...كنت متخيل ان الجامعة قيد ضخم مانعني من اني ابرطع في الدنيا بإيدي و رجلي..وان الأرض مش مقدرة الهنا الي هي فيه بإن سكوت هنصوت ماشية عليها...فقط لتكبر و تكتشف انك مجرد ترس حقير في ماكينة عملاقة...ان سقط سهوا..ظلت الماكينة تعمل بملايين الترووس الاخرى التي تتمنى ان تأخذ مكانك تحت الشمس...ساعتها تلاقي كل واحد كان عارفك زمان سابك شوية و رجع لقاك يقولك يااااااااه...فين فلان بتاع زمان...!!! تقوم تقول عايزنا نرجع زي زمان...قول للزمان ارجع يا زمان...بوست جامد قوي..تحياتي

§a§a said...

عاوز ترجع زى زمان

ادخل مدونه حكايات زمان

هههههههه

امزح

The Alien said...

كويس إنك شايف الموضوع كدا
يعني ألحق عيش دلوقتي وأعمل اللي المفروض تعمله
عشان متغنيش الغنوة دي طول عمرك

تحياتي

Noony said...

طييييييييييييب
يا صبر طيب

:)
نوني

Anonymous said...

أنا مش عايزة الزمان يرجع .. خلااااااااااص اللى انتهى انتهى ... خلصت الحكاية ... المهم انى افكر بقى فى اللى جاى واخليه احسن بدل مااقعد اغنى ارجع يازامان


بس المشكلة انه مش بالساهل كده زى مانتى بتقولى ياريرى ....دايما بتناقضى نفسك ... الواحد بيقعد فترة طويلة اوى يفكر فى الماضى ويبقى لاما عايز يرجعه لاما ندمان على اللى حصل وكارهه وبرده عايز يرجعه عشان يغيره... بس ادينى بحاول انسى ومرجعش لورا

Ana keda said...

انت عارف والله كنت لسه بتكلم مع واحدة صاحبتى وقلت نفس الكلمة الحكاية اننا اثحاب او كنا اثحاب فوق ال 9 سنين وفجاة لما دخلنا الكلية هى مبقتش تسال فقولت فاتت سنة او اتنين ومفيش غير 4 تليفونات تقريبا وكلها منى وفعلا كلمتها بس قولت الزمن مبيرجعش لو نفتكر اوقاتنا الحلوة وبجد المهم يعنى انت حيت عالوجع بجد بس زى ما قلت يا ريت نتعلمم

همس الليل said...

للمره التالته انهارده الاقى فى مدونات نفس الحنين للرجوع للماضى

معلش بئا اصلى افقعت اوى يعنى هو الماضى بتاع كل واحد كان فى ايه يعنى عشان يرجعلو
محسسنى ان كل واحد كان رئيس وزاره مثلا

خلينا فى اللى جاى اكثر خيبه من ما قبل
هههههههههههه معلش متاخزنيش يا ابنى اصلى اتهريت حنين للماضى هههههههههههههه

ضـوء الـقـمر said...

رغم اننا دايما نحس ان الماضي احسن بكتير من الحاضر بس غالبا بيكون العكس واحنا مش حاسين يمكن بنشتاق لطفولتنا لناس خرجو من حياتنا عشان كده دايما بنحس ان في حنين للماضي انما جايز يكون حاضرنا احسن بكتير :)
تحياتي يا سفاح :)

أسوور said...

يا ريت تقدر تلاقى آلة الزمن عشان نرجع
اصل انا برضه محتاجة لها قوى
تحياتى

FloNa said...

انا بقولها كتير اوي بالذات اول ما دخلت في عمر العشرين


بقيت كأني عاوزة امسك نفسي واقول لا اوقفي اوقفي كفاية كدة


مش بحب بقى سن العقل وحاسب على حركاتك وانت بقيت مسؤول والحوارات الفكسانة دي

بس برضه كل سن ليه متعته خلينا عايشين سننا ومستمتعين بيه

هيه الدنيا كدة تجري من حوليك وانت بتحاول تمسكها بس على مين :)

NeRmeeN said...

فعلا قول يا زمان ارجع يا زمان
على فكرة بقى انت بتقلدنى:)
انا 20 سنة
برج الجدى
كمان حقوق انجليش

مش ممكن بقى التقليد ده:p

تحياتى

smraa alnil said...

بايدك تعمل اللي انت عايزه
بايدك تحق حلمك حتي لو فات مليون سنة

مش في حاجة اسمها مستحيل

بس اوعي تنسي ان ليك حلم وعايز تحققه
مش شرط تحقهه بنسبة مية في المية
المهم انك تتمسك بالحلم
اقولك تعالي اقري البوست الاخير اللي عندي عشان يمكن تطلع منه بنتيجة تفيدك
بس مش تدعي عليا

catroz said...

بص ..عمر ما الزمان هيرجع..بس خليك مؤمن بحاجه اوى كده..اى حاجه بتحصل لك..ربنا هى

اللى مقدرها لك..ربنا عايز ده يحصل..طب ليه..ربنا بيحبك
طب دا انا سنين ضاعت من عمرى..تؤ متفكرش كده..قول الحمدلله
ربنا هيعوضك خير..امممم افرض مثلا اتخرجت بالظبط فى 4 سنين..ممكن تتخرج و تقعد

سنتين تدور على شغل:D
طب افرض اتخرجت بعد 6 سنين...و لما اتخرجت اشتغلت على طول..فاهم قصدى..يا ترى لو

ده هى اللى كان هيحصل..هل هتقول "يا زماان ارجع يا زماان"..اكييد تؤ
و ايه نسيت الابتسامه دى..كل الناس ممكن تقول كده الا انت على فكره..:)..فكر شويه و

هتلاقى اسباب كتيره.:)
و مش تقول الواحد بينسى الحلو و يفتكر الوحش...لو عايز تفتكر الحلو اقعد دقيقتين مع

نفسك و هتفتكر حاجات كتيره اوى حلوه تبسطك...خليك متفائل يا عمو السفاح يعنى مش

كده...و حاول تبص لقدام زى ما قلت و حاول تحقق ذاتك المختفيه..و ربنا يكرمك يارب كده و تتجوز واحده كده زى القمر.و تجيبوا بنت عسوله كده زى اللى شفتها فى المترو ..و تبقى تبص لك و تقول"هو بابا ده على طول شعره منعكش كده"..ربنا يكرمك يارب يا عمو السفااح..

تخاريف خاصه! said...

عايز ترجع زى زمان ...قول للزمان ارجع يا زمان...
هتلاقى بيرد ويقولك...سورى ماقدرش ارجع..بس لسه العمر قدامك..
ممكن انت اللى تبقى احسن مما كنت زمان...
ربنا معاك..
:)

Rivendell** said...

مش لازم ترجع بالزمن .. ممكن تخلق بكرة جديد

البص لورا مش حلو هيجيبك ورا بس

حط الطاقة دي في بكرة احسن

كلبوزة لكن سمباتيك said...

تخلف بنوتة صغيرة تطير النوم من عينك و تشحتفك كل ليلة على الكنبة شوية و عند الدكتور شوية
لا يا سيدي انت كده ميت فل


ربنا يسعدك

تحياتي

koukawy said...

طرطشه مختلطه بالطراطيش و الارتباك و التشويوش
ده الشعور اللي وصلي
و انت عامل بقي ؟؟؟
بعد الطرطشه دي ؟؟
ههه

خليك فى البيت said...

ندعوكم لزيارة مدونة خليك فى البيت والمشاركة فى الحملة

المجاهدة said...

:)
بقالي فترة للاسف مش بدخل المدونة هنا...

اتبسطت من اللي قريته ده :)
حضرتك فكرتني في مرة كنت من زهقي عمالة ابص من البلكونة من غير اي هدف

لاقيت اطفال تحت زي السكر...
و كنت مخنوقة اوى من كام حاجة
ف قعدت اقول فعلأً يا ريتني زيهم
يا ريتني ارجع طفلة تاني

اقسى مشكلة في حياتهم يوم ما يبقو مش لاقيين مامتهم حواليهم او عاوزين حاجة حلوة او لعبتهم اتكسرت
من غير هموم ولا تعب
و الناس كلها بتدلعهم و تاخد بالها منهم و عمر ما حد يزعلهم

:)

بس الحمد لله
بجد كل سن ليه الحاجات الحلوة بتاعته
:)

يعني انا عندي افضل دلوقتي في مشكلة بس فاهماها و عندي الدقرة اتصرف
بدل ما ابقى طفلة هبلة يا عيني مش فاهمة ايه الي بيحصل و مين دول و بيعملوا ايه هنا و كده
:d


خير الحمد لله

ربنا يكرمك يا اخي
:)

safa7_karmooz said...

frozen love:

اولاانت واحشنى اكتر من جدا...وياريت قريب نتقابل..:)

اييييييييييه...هو مش الزمن بيتسرق بس...المشكلة اننا شغلنا نفسنا وشيلنا الطاجن بدرى جدا ...واحنا لسه صغيرين..او لسه بنقول يا هادى ...

نفتكر الحلو والوحش...انا بقيت مفتكرش الا الوحش...وده بيتعبنى اكتر انى مش عاوز اافتكره لوحده بس ...

اهو مجرد محاولة ..:)

-------------------------

mesh2dra:

هوا ااه اكيد مش هيرجع ...بس دى مجرد امنية مستحيلة ...وبرضه لو كانت الحياة بروفة...ونختار...فى الغالب هيبقى اختيار غلط برضه ...


متقطعيش الزيارات بقى ..:)

---------------

semsem:

تفتكرى هنغلط نفس الغلطة...ولا غلطة غيرها ؟؟؟

منورانى ...:)

safa7_karmooz said...

Dalia:

اهلا وزهلا فى الطرطشة...زورنا تجدوا ما يبل شاشتكم :D

حبة اعلانات ...

انا مش متشاؤم خااااااااالص ...ده كده بس مجرد حنين للى عدى ورا

وكلهم ستات برضه...هههههه
بس المشكلة ان امبارح ممكن يكون حلو و وحش...بس فى نفس الوقت مقدرش اادى لنفسى امل ان بكرة احلى ويطلع ممطر رعدى ...الى اخره

هحاول اابص لقدام اكتر ...:)

----------------------------

مايكل:

ونحط ايدنا على خدنا ونقول ياريت اللى راح مكان...ونمصمص شفايفنا ...
انا قريت البوست بتاعك حلو يا جميل ..:)

------------------------

skoothansawet:

مش عارف ااعمل كومنت على كلماتك ...اللى هى بجد جزء من الحقيقة اللى احنا عايشنها للاسف ...بس برضه فيه ناس حاسه انها المكنة مش مجرد الترس اللى فيها

وبطل شعلقه فى اتوبيسات ...النشالين كتروا :D

safa7_karmooz said...

sasa:

يلا يابنى انت من هنا ...بتعمل اعلانات عندى...تبا لك...

فين كومنتك !!!!!!!!!!


-------------------------

The alien:

ممممممممممممممممم

حاسس ان مش هلحق يابيشوو

وخلاص بقت النشيد الوطنى بتاعنا

-----------------------

Noony:

ههههههههههههههه

طويبلك الخير ...

بس ايه :D

safa7_karmooz said...

Riri:

ااقولك ليه احنا او انتى بنعمل كده....
لان الماضى شايفينه احسن بكتير من الحاضر اللى عايشينه...فى حين لو بصينا للنهاردة...ممكن نلاقى احسن بس فى ظروف اخرى

الحمد الله ...ولا ماضى ولا حاضر شفته عدل...ههههههههههههههه...كل يوم بتتعك اكتر من اللى قبليه او اللى بعديه ..

بس اهى مجرد محاولة يائسة اننا نشوف النور فى اخر النفق...منورة ...:)

---------------------------

Ana keda:

ممممممممممممممممممممم

بتحصلنا كتير ...ويقال انها مشاغل الحياة بتاخدنا...رغم ان اللى بنشوفه فى الجامعه ميجيش واحد فى الميه من اللى هنشوفه فى الحياة العملية ....

المهم لسه اثحاب ولا تؤ؟؟؟

--------------------------

همس الليل:

يااااااااااااااااااااااه

وانا ااقول الطرطشة نورت ليه...اتارى همس الليل ذات نفسها هنا...منورة والله وليكى وحشة ..

متقطعيش الزيارات بقى ...:)

ههههههههههههههههههههههههههه
طب دى رابع واحده ...كونيص...على خط واحد...

فيه ايه فى الماضى ....ممم انا ااقولك...
كنت بضحك من جوا ...ومش زى دلوقتى بصطنع ابتسامة مزيفه عشان اارضى اللى حواليا ...

دى الوزارة اللى بدور عليها :d

safa7_karmooz said...

ضوء القمر:

وجهة نظر برضه ...وبحترمها...لانها ممكن تكون صح...بس المشكلة ان حياتى اغلبها الناس بخرج...قثليل لما حد يدخل ..ههههههههههه

ومبروووك الاجازة...اوعدنا يارب ..:(
-----------------------

ياسمين:

تأكدى انك اول واحده هيوصلها دعوة لاستخدام الة الزمن ...:)

-------------------------

Flona:

هههههههههههههههههههههههههههه
هوا فعلا تقريبا احنا كده...خايفين من المسئولية مثلا...افعالنا وحركاتنا هتتعد علينا ..ممممممممممممم

ممكن...بس انا بستمتع بالمسئولية ...وبحبها
....بس فيه حاجات تانية مش بحبها ..:(

المهم هحاول ااجيب خطاف واستناها على الناصية واحاول ااوقفها ...:)

safa7_karmooz said...

Nermeen:

احترس الزمان يعود للخلف...تيييت تيييت

بقلدك...
طب 20 سنة وممكن ااه بقلدك...حقوق...بس انا عربى :D
كمان برج الجدى ...
انتى جاية مقتبسه صفاتى ولا ايه

لاء وكمان اهلاوية :D

طويب...لازم اشوف حاجه تانية ااقلدك فيها :p

--------------------------

سمراء النيل:

حلم!!!

الله يرحمه...كان حلم طيب وجميل وكوكو كده ...بس هنعمل ايه...كلام الناس الغادر قتله دون رحمة ...:(

البوست بتاعك تحفففففففففففه قليلة عليه اصلا ...

وفيه حاجات كتيرة عشتها ...بحييكى انك لسه صامدة...غيرك اابتدى ينهار...:)

ومبروك تانى للخطوبة

---------------------------

تخاريف:

هوا الحل فى التلاجة زى ما قولتى ...هههههههههههههههههههه

بس تلاجة حجم قبيلة ...مش عائلى كمان

اهو ...بنحاول نخلى دلوقتى ااحسن منزمان...:)

safa7_karmooz said...

catroz:

....:)

مش لاقىكلام بجد...:)

----------------

What ever:

بكرة احسن بكرة احسن...بكرة نازل الجامعه عندى امتحان ...واااااااااااااااء

هحاول حااضر ...:)

-----------------------

سمباتيييك:

هههههههههههههههههههههههه

يوم عالكنبة ويوم عالارض...طيب....انتى ادرى ...وواحده جربت...خلاص...تحيا العزوبية...منورانى ..:)

safa7_karmooz said...

كوكو:

انا ارتحت حبة ...واتغميت حبتين ...وحلقت شعرى كمان :D

-----------------------

خليك فى البيت:

طيب...انا فى بيتنا اجبارى اهوة

اسكندراني اوي said...

عمر الزمن ما حيرجع احنا اللي بنتقدم بسرع 33 ماخ في الساعه يعني مش حيرجع
عموما الحلم حلو طب لو رجع بينا الزمن تاني دا لو يعني
نعمل ايه