عاملين ايه ؟؟
الميعاد المعتاد بتاعنا
عندك سر مقلتوش لحد او فضفضة عابرة حتى
تعال وشاركنا بيها
بالاكاونت بتاعك او تحب تكون غير معروف
مقيش قيود
انت وبس
=)
عندما تجمع الموهبة مع الجنون...ينتج عنهما خليطا من الطرطشة الفكرية التى تؤدى فى النهاية لمجموعه من الكتابات ...فاقرأ على مسئوليتك...ولن اتحمل ان يشكو احد من الطرطشة التى بللت شاشته :)
Copyright !
7 comments:
انا لسه بحبك وانت ولا دارى بيا
أزيك يا عم
و اخبارك ايه
انا تمام الحمد لله
....................
صدقنى مش عارف اقولك ايه يا سفاح
انا بعافر علشان ارجع مش عارف
بس مش هستسلم بأذن الله
...............
ربنا يوفقك فى امتحاناتك
و حياتك كلها
خلاص تعبت م المحاولة والانتظار
كفاية كده
انا هنسحب
مبقتش مستحملة جرح اكتر من كده
ياااااااااااااااااااااااااااارب قدر لي الخير يااارب
مبقتش عارفة ايه الصح م الغلط
كل حاجة دخلت في بعضها بطريقة غريبة
زهقت من كتر دموع كل يوم
نفسي يوم يعدي من غير ما اعيط
هو انا ليه بدخل اقول اللي جوايا بالاكونت مش مجهول؟
يمكن علشان الاكونت نفسه بعتبره مجهول لان محدش يعرفني؟
ولا انا بقت عندي الجرأة اني اقول اللي جوايا من غير ما اهتم برد فعل اللي قدامي او انه يشوفني ضعيفة؟
اكتشفت اصلا ان مجرد ان الانسان يخرج اللي جواه زي ماهو دي ف حد ذاتها قوة مش ضعف
بس انا برده مازلت مبقولش اللي جوايا لحد
غير الورقة والقلم .. وهنا
هو ممكن ييجي ف يوم حد يفهمني واحكيله اللي جوايا ويحس بيه من غير ما اقول ؟
زهقت من كتر ما بسأل السؤال ده
بس مش عايزة افقد الامل
ياااااااااااااااااااااااااااااااااااااااااااااااااااااااااااااااااااااااارب
يلا بينا
لسة بدري اوي ع الخميس الجاي
مينفعش تعمل كل يوم يبقى يوم سري؟
مش عارفة استنى بقى للخميس هقول هنا وخلاص
عايزة
اقووول
اني
تــــــــــــــعــــــــــــــــــــــــــــــبـــــــت
اويييييييييييييييييييييييييييييييييييييييييييييييييييييييييييييييييييييييييييييي
رجعلي تاني شعور اني نفسي يجرالي حاجة علشان جسمي يشاركني تعبي
مبقتش قادرة استحمل اكتر من كده
هو انا ازاي اصلا مستحملة كل ده كل الفترة دي؟؟؟؟؟؟؟؟؟؟
مع الوقت بفقد احساسي باي حاجة وبكل حاجة
مش عايزة ابقى كده
مش عايزة ابقى باردة
الم الجرح اهون كتير من الم تجمد المشاعر
مش عايزة اوصل للمرحلة دي
بس للاسف انا فعلا وصلتلها
وصلت كمان لمرحلة اني مبقتش عارفة انا صح ولا غلط
ليا حق ف اللي بطلبه من الناس ولا كتير عليا؟ ولا مش من حقي؟
المفاهيم اللي عندي دي عن الحب والصداقة و و و... صح ولا انا اللي مأفورة؟
صعبة اوييييييييي المرحلة دي
لما توصل لانك خلاص مبقتش عارف حاجة ولا فاهم حاجة ولا حاسس بحاجة
تــــــــــــــــــــــــعـــــــــــــــــــبـــــــــــت
عايزة
افقد الذاكرة
مش عايزة
افتكر اي حاجة
مزعلاني او تعباني
كل حاجة
حلوة
بقت مجرد
ذكرى
تعبت
م الذكريات
تعبت
م الدموع
تعبت
م الاسئلة
تعبت
م العتاب
تعبت
م الانتظار
تعبت
من نفسي
تعبت
م البعاد
تعبت
م الفراق
تعبت
من كل البشر
بقيت بخاف
اقرب من حد
علشان مصيرنا ميكونش
الفراق
بقيت بخاف
اعاتب حد
علشان مكونش
باجي عليه
بقيت بخاف
افكر في حاجة
علشان مبقاش
بظلم الناس
بقيت بخاف
التمس اعذار
علشان مبقاش
بظلم نفسي
مبقتش عارفة
الحد اللي يوفرلي كل اللي محتاجاه
موجود ولا لا
هييجي ف يوم ولا لا
هييجي وقت
احس بدفا وامان؟
هييجي وقت
احس اني مش عايزة حاجة من الدنيا
علشان عندي اللي يغنيني عن كل الدنيا؟
هييجي وقت
اترمي ف حضن حد وافضل اعيط
وانسى ف حضنه كل حاجة تعباني؟
هييجي وقت
وحد يثبتلي اني صح مش غلط؟
واني من حقي اطلب الدفا من الناس؟
هييجي وقت
انام من غير ما اعيط؟
هييجي وقت
اعيش على واقع مش ذكريات؟
هييجي وقت
اضحك من قلبي؟
هييجي حد
يساعدني ف تحقيق احلامي؟
هقدر اصبر
لحد ما الاقي الحد ده؟
هقدر اصبر
لحد ما الاقي اللي يقف جنبي وقت ما احتاجله؟
هقدر اصبر
لحد ما الاقي اللي يحس بيا من غير ما اقول؟
هقدر اصبر
لحد ما الاقي اللي يحسسني اني اولوية ف حياته مش زائدة على حياته؟
عايزة
اصرخ
باعلى
صوتي
عايزة
اعيط
واعيط
واعيط
بصوت عالي
عايزة
اقول
اااااااااااااااااااه
اسمع كل العالم
عايزة
بعد ما اعمل كل ده
انام
وانا مرتاحة
علشان
هبقى
طلعت
كل اللي جوايا
مش عايزة
ابطل
كلام
تعبت
من كتر
الكتمان
لو الكلام خلص
مشاعري
ودموعي
وجراحي
مبيخلصوش
وبس
نفسي احس اوي انك لسه بتحبني زي الاول
Post a Comment