الميعاد الاسبوعى لسلسة الخميس السرى اللى ابتديتها اول السنة دى =)
القواعد سهلة
لو ليك سر محدش يعرفه تعال شاركنا بيه
او حتى تحب تفضفض مع ناس متعرفهاش
ممكن تكتبه بالاكاونت بتاعك او حتى ممكن تكون مجهول
Enjoy your weekend =)
عندما تجمع الموهبة مع الجنون...ينتج عنهما خليطا من الطرطشة الفكرية التى تؤدى فى النهاية لمجموعه من الكتابات ...فاقرأ على مسئوليتك...ولن اتحمل ان يشكو احد من الطرطشة التى بللت شاشته :)
Copyright !
8 comments:
هنفجر من كتر الخنقة
زهقت وتعبت اوي اوي اوي
عارفة ان مفيش حل غير اني اصبر
بس بجد مش قادرة استنى
تعبت اوي م الانتظار
مش عارفة اعمل ايه
حساني ف فضاء عمال بيوسع ويوسع علشان يحسسني اكتر بوحدتي
عايزة كل البراح يضييييق
عايزة انام مصحاش غير كمان 3 سنين
عايزة انط من فووووووووووووووق بس مموتش
عايزة احس بكل لحظة في السقوط ده
عايزة اي كائن حي معرفوش ولا يعرفني نفضل نرغي مع بعض وافضفضله بكل اللي
جوايا وبعد كده مشوفوش تاني
عايزة افضل اعيط كتييييييير بس دموعي مش مساعداني
نشفت من كتر ما عيطت
او عينيا نسيت الدموع من كتر ما بطلت اعيط !
تعالى ارغى هنا طيب انا غريب وانتى غريبة ومنعرفش بعض :)
ماانا باجي اقول اللي بقدر اقوله
لاني للاسف مش بعرف اقول اللي جوايا
بس انت المهم متبقاش تنسى الخميس السري تاني او تطنشه
مش كل شوية هنقول كده بقى
:)
تحياتي ليك
وفكرة تحفة بجد الخميس السري
انا عاجبانى الفكرة ...
ممكن افكر اقولك سر فى يوم من الأيام :))))
@بسنت :
Take all the time you need =)
نورتى الطرطشة :)
انا عاملة زيك يا بنت مهيسة
بس الفكرة اني انا اللي مش بحب اقول اللي جوايا
مبحبش اشيل حد همي
بقول بلاش كفاية همومهم
ببقي كمان حاسة ان الكلام وهو خارج بيوجعني اوووووووووووي
انا في حاجات جوايااااااااا ماتت بعيط عليها بدل الدموع دم
نفسي كل حاجة اتكسرت جوايا ترجع تاني
نفسي
بدعي كتير اللهم اجبر كسري :)
مبقتش بفرح زي زمان
مبقتش بعرف اضحك بجد الضحكة اللي من جوة دي
ازاااااااااااي انا بقيت كده
كل حاجة حواليا بتشجعني ابقي غير كده
اصحابي ...اهلي ...حياتي
كل الحاجات دي لما بفكر فيها بقول ربنا رازقني وكارمني بنعم
غيري بيتمناها
انا مش بكفر بالنعمة
بس في حاجة جوايا تعباني بجد
بدعي ارتاح
لما بذكر ربنا بحس براحة رهيبة
الحمدلله يارب اني عبدة من عبادك وليس لأحد سواك
"اللهم اخرجني من حولي وقوتي وادخلني في حولك وقوتك "
يارب اللهم آمين
الله يفرح قلبك
Post a Comment