بعد ما 9 صوتوا وقالوا نعم
السلسة هنكملها الى ان يشاء الله انها تقف
كل سنة وانتم طيبين بمناسبة رمضان
ونقول تانى
اللى عنده سر او فضفضة
عاوز يقولها هنا باسمه او يحب يكون غير معروف
يجى ويكتبها من غير قلق يعنى
:)
عندما تجمع الموهبة مع الجنون...ينتج عنهما خليطا من الطرطشة الفكرية التى تؤدى فى النهاية لمجموعه من الكتابات ...فاقرأ على مسئوليتك...ولن اتحمل ان يشكو احد من الطرطشة التى بللت شاشته :)
Copyright !
1 comment:
بقيت احسن الحمدلله
احسن كتير
ع الاقل من جوا
عندي يقين ان اللي بيحصل واللي حصل واللي هيحصل هو الخير ليا
واثقة اوي ف اختيار ربنا ليا وتسييره لاموري ولحياتي كلها
سايبة كل حاجة ف حياتي سواء اللي عايشاه دلوقتي او اللي راح او اللي لسة هييجي
سيياه لربنا
مستسلمة ليه ولتصريفه لشئون حياتي
الاحساس باليقين والاستسلام والتسليم لربنا ده ف حد ذاته متعة بجد
وراحة نفسية رهيبة بجد مهما كانت كمية المشاكل والضغوط
اعتقد ان اللي كانت بتكتب الكآبة واليأس والاحباط وكل المشاعر السلبية اللي كنت بكتبها وبقولها وبحسها
اعتقد ان الكائن ده معادش موجود
مش علشان الظروف اتغيرت
لكن علشان جوايا اتغير
طريقة تفكيري ومعتقداتي
او بمعنى اصح اديته مساحة اكبر
مش هسيب الظروف تتحكم ف مودي او ف مشاعري واسلوب حياتي
بإذن الله
نفسي رمضان ده اعمل فيه حاجة بجد
نفسي ميعديش زي رمضان اللي فات
نفسي لما يخلص رمضان اكون انا بقيت انسانة جديدة
نفسي رمضان يغيرني
:)
الحمدلله بجد على الضراء قبل السراء
الحمدلله
:)
Post a Comment