Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Monday, June 13, 2011

سر السعادة



ازاى تعرف انك سعيد 

لما تنزل الشارع الصبح وتلاقى تاكسى بن حلال يوصلك مكان مانت رايح والشارع يبقى فاضى 

لما تروح شغلك او جامعتك وتلاقى الناس بتضحك فى وشك 

لما يكون عندك اصدقاء تقدر تسند عليهم وقت ما تكون تعبان او مجروح

وبردوا لما تقف جمب واحد منهم ويبصلك بصة انت عارف معناها كويس

ولما يكون عندك اهل بيحبوك...مش شرط تكون بتحبهم..بس كفاية رعايتهم ليك وخوفهم عليك مهما كان سنك قد ايه 

ولما تبص فى المراية وتكون راضى عن نفسك بنسبة صغيرة حتى 

ولما تقبض مرتبك وتنزل تشترى حاجه لنفسك...ده بيكون له احساس تانى خالص

مش شرط تكون مصاحب او خاطب او متجوز عشان تبقى مبسوط

ساعات لما تكون لوحدك فيه حاجات كتير بردوا بتخليك مبسوط وسعيد

حاول بس متحصرش سبب سعادتك فى حاجه او اتنين على المدى البعيد ممكن يجى حاجه تانية غيرهم 

واكبر سبب يخليك تكون سعيد انك صحيت الصبح او بالليل وانك لسه عايش ومش مت 

الحمد الله عالنعمة دى 

اسمعوا الاغنية دى بقى 


7 comments:

Ramy said...

عندك يا صديقى

السفاح

(:

Bent Men ElZman Da !! said...

معاك حق
كفايه ان الواحد لما بيصحى بيكون عايش يوم جديد
عشان يعرف انه سعيد ومحظوظ :))

سَارةٌ said...

لٍسَّه كُنت بَدندنها انهردَه الصُّبحْ ..:DD
..
حِلو البُوست التفاؤلِي دَه ..
..
المُوت مِشْ حاجَه وحشه اصلاً بقى !
فِي ناسْ لما بتموت . بِتفرح أكتر
و بِجدْ :)

كريمة سندي said...

كلمات عفوية وجميلة الحمد لله سعدت بالمرور من هنا تحياتي

Butterfly said...

الحمد لله على كل شئ
وربنا يسعدنا جميعا

رؤى said...

كلام جميل.. بس الواقع ان الانسان دايما بيركز على اللى ناقصه مش بين ايديه ويرهن سعادته بالحلم المفقود الى ان يتحقق فيزهده ويبحث عن مستحيل اخر من جديد.... تحياتى

safa7_karmooz said...

:) :) :)