ازاى تعرف انك سعيد
لما تنزل الشارع الصبح وتلاقى تاكسى بن حلال يوصلك مكان مانت رايح والشارع يبقى فاضى
لما تروح شغلك او جامعتك وتلاقى الناس بتضحك فى وشك
لما يكون عندك اصدقاء تقدر تسند عليهم وقت ما تكون تعبان او مجروح
وبردوا لما تقف جمب واحد منهم ويبصلك بصة انت عارف معناها كويس
ولما يكون عندك اهل بيحبوك...مش شرط تكون بتحبهم..بس كفاية رعايتهم ليك وخوفهم عليك مهما كان سنك قد ايه
ولما تبص فى المراية وتكون راضى عن نفسك بنسبة صغيرة حتى
ولما تقبض مرتبك وتنزل تشترى حاجه لنفسك...ده بيكون له احساس تانى خالص
مش شرط تكون مصاحب او خاطب او متجوز عشان تبقى مبسوط
ساعات لما تكون لوحدك فيه حاجات كتير بردوا بتخليك مبسوط وسعيد
حاول بس متحصرش سبب سعادتك فى حاجه او اتنين على المدى البعيد ممكن يجى حاجه تانية غيرهم
واكبر سبب يخليك تكون سعيد انك صحيت الصبح او بالليل وانك لسه عايش ومش مت
الحمد الله عالنعمة دى
اسمعوا الاغنية دى بقى
7 comments:
عندك يا صديقى
السفاح
(:
معاك حق
كفايه ان الواحد لما بيصحى بيكون عايش يوم جديد
عشان يعرف انه سعيد ومحظوظ :))
لٍسَّه كُنت بَدندنها انهردَه الصُّبحْ ..:DD
..
حِلو البُوست التفاؤلِي دَه ..
..
المُوت مِشْ حاجَه وحشه اصلاً بقى !
فِي ناسْ لما بتموت . بِتفرح أكتر
و بِجدْ :)
كلمات عفوية وجميلة الحمد لله سعدت بالمرور من هنا تحياتي
الحمد لله على كل شئ
وربنا يسعدنا جميعا
كلام جميل.. بس الواقع ان الانسان دايما بيركز على اللى ناقصه مش بين ايديه ويرهن سعادته بالحلم المفقود الى ان يتحقق فيزهده ويبحث عن مستحيل اخر من جديد.... تحياتى
:) :) :)
Post a Comment