الخميس السرى 8

جينا للميعاد بتاعنا بتاع كل اخر اسبوع 

اكتب اللى انت عاوزه...بالاكونت بتاعك او باكونت مجهول...كما تحب

ويفضل انك تكتب هنا بدل ما تكتب على ضهر كرسى الاتوبيس علاء بيحب سوسن وهى مش بتحبه !! 

اجازة سعيدة ان شاء الله 

=)

هوانت سعيد ؟؟

حبيتك

حبسي أنت أنت حبسي و حريتي أنت

و أنتا اللي بكرهو و اللي بحبو أنت

الخميس السرى 7

هيكون اوبشن حلو لو كان بوقنا بسوستة:D 

 اكتب اللى انت عاوزه

بالاكونت بتاعك

او خليه مجهول 

اعتبره وقت بتفضفض فيه فى مكان ما ...فى وقت انت متقدرش تعمل كده الا فى مذكراتك اللى فى بيتك

:)

جيل الانترنت

مش عارف ليه مش حاسسنى وانا بقول البقين اللى فى العنوان...مان يعتبر اهوة لحقنا النت ايام مكان نمرة واحدة ويا تجمع يا تكون مشغولة والعداد بيعد على الارضى وادفع يا معلم واقعد ساعتين تاخد التالتة ببلاش...الخ من اللى كان بيحصل

بس مع تغير الزمن والاطفال فى ابتدائى بقى ليهم تواجد على الانترنت اكتر من الاول

فيه تجربة معينة حاليا بنروح مدرسة تجريبية وبنقعد مع طلبة مختلفيين من اعدادى...وبنتناقش معاهم فى السياسة ونعلمهم حاجات كتير 

طريقة النقاش وانهم بيقروا وبيهتموا انهم يثقفوا نفسهم اول بأول تمسح اى كلام سلبى كان بيطلع عن اجيال التسعينات ...منتصف التسعينات تحديدا انهم جيل الاغانى وبس 

=D

any way I'm so Optimistic for this Trial =) 

كل سنة وانتى حبيبتى يا أمى

I said :

ياهم

لــى رب كــبــيــر

معلومات مهمة عن يوم التصويت

فى الاول نزل الصورة دى واقراها كويس ....ايوة ااقرا لو سمحت 

اعرف قبل ما تروح تصوت لو كنت لسه متذبذب الرأى هتقول ايوة ليه ولاء ليه بردوا

متستجيبش لمحاولة اى حد انه يقنعك بغير اللى انت شايفه صح 

ولو سبتهم يقنعوك تصوت بلاء او ايوة...يبقى الثورة - فى رايى - مغيرتش حاجه لاننا كده بنكرر ممارسات النظام السابق من اقناع بالاجبار 

نيجى للخطوة التانية...هتصوت ازاى؟؟

هقولك ببطاقة الرقم القومى 

هتقول طب انا بطاقتى صلاحيتها انتهت من شهر او سنة او اتنين 

 

هقولك  ذكر المرسوم بقانون رقم 7 لسنة 2011 والصادر من المجلس الأعلى للقوات المسلحة بشأن الاستفتاء على التعديلات الدستورية أن الاستفتاء سيتطلب حضور المواطن وإجراء الاستفتاء ببطاقة الرقم القومي في لجنة الاستفتاء ولا مستندات أخرى مطلوبة سوى بطاقة الرقم القومي للاستفتاء .وإنجازا للوقت و تسهيلا للإجراءات سمحت اللجنة القضائية العليا للإشراف على الاستفتاء باستخدام بطاقة الرقم القومي في الاستفتاء حتى وإن انتهت مدة سريانها أو مر عليها ما يزيد على سبع سنوات لزيادة فرص الاشتراك في الاستفتاء و مساعدة المواطنين على تسهيل و إنجاز هذه العملية ، هذا بالإضافة إلى أن انتهاء مدة سريان بطاقة الرقم القومي لا يعني سقوط حق المواطنة و حق الأفراد في ممارسة حقوقهم السياسية إلا أن تواجد بطاقة الرقم القومي شرط و لا يحل محلها أي مستند آخر مثل شهادة الميلاد أو غيرها.

طب هوا انا لازم اصوت فى المكان اللى انا ساكن ناحيته...يعنى لو كنت فى مشوار برا؟؟

هقولك محلولة بردوا ...

تضاف فقرة جديدة إلي نص المادة (1) من المرسوم بقانون رقم 7 لسنه 2011 نصها الآتي:

ويجوز لمن يوجد وقت الاستفتاء في غير محل الإقامة الثابت بالرقم القومي أن يبدي رأيه في الاستفتاء في اقرب لجنه استفتاء في المكان الذي يوجد فيه.

  

كده بقى ناقص بس انك تعرف ايه اللجنة اللى تابعه للقسم اللى انت تابع ليه وتروح تدلى بصوتك ان شاء الله يوم السبت 

وده فى اللينك ده 

http://www.estefta2.eg/referendum-map.htmlhttp://www.estefta2.eg/referendum-map.html

ومتنساش صوتك أمانة...ومتصوتش اكتر من مرة والا هيتم الحكم عليك بالحبس من سنتين لخمس سنوات ومحكمة عسكرية كمان 

=)

الخميس السرى 6

here we are again =)

الوقت بقى بيجرى بسرعه ...والايام بتخلص اسرع ...مبقتش احس بالوقت 

واليوم اللى بيروح مبنعرفش نعوضه تانى

Talk,scratch or even whisper ....No one gonna say NO 2 yOu =) 

Another Fact !!

الشعب يريد ايه؟؟

الشعب يريد اسقاط النظام

الشعب يريد محاكمة النظام

الشعب يريد اسقاط شفيق

الشعب يريد محاكمة شفيق 

الشعب يريد اسقاط الشعب 

:D

شعارات كتيرة من يوم 26 يناير واحنا بنسمعها...مبدئيا ناس ممكن تختلف معايا او تتفق...بس دى وجهة نظر عاوز اقولها 

مش هغنى واقول احنا حققنا اهداف كتيرة مكناش نحلم بيها...ولا هقعد اقنع فى كل واحد ااقوله ليه يقول لاء وليه يقول نعم واضربك لو مكنتش على رأى اللى يعجبنى 

ومش هبقى سلبى - زى ما ناس قالت- وهنتقد ان فيه ناس مع الثورة قطعت علاقتها بناس اصحابها ضد الثورة او واقفين على الحياد 

بس الشعب دلوقتى فعلا عاوز ايه؟؟؟

هل فعلا عاوزين نوقع الاستفتاء بتاع السبت الجاى ؟؟

ولا هيبقى لاول مرة فى حياتنا نروح ندى صوتنا واحنا عارفين ان مفيش غش ولا تزوير؟؟

ليه دايما نحب نظرية المؤامرة والجيش هيبعنا واحنا مغفليش ...bla bla bla

 ليه منفترضش حسن النية شوية عشان نتغير ؟؟؟ بننصح واحنا اول ناس نعمل عكس النصيحة 

الشعب يريد الاستقرار 

الشعب يريد ان ياكل لقمة نضيفة وحلال

الشعب يريد الامان لاهل بيته وعياله

وعشان كل ده يتحقق لازم نساعد بعض ونفكر اللى بيحصل كل يوم ده فعلا هيبقى مهم جداااااااا لقدام ولا ممكن يستنى؟؟

خصوصا ان فكرة الثورة ومبدأ انا ثائر بيتفهم غلط اولهم طلبة المدارس اللى شفت منهم عملوا مظاهرات قبل ما يقعدوا يتكلموا مع ادارة المدرسة ويقولوا مطالبهم

التفكير الاول

الشعب يريد ايه فى التفرة دى 

والشعب هنا مش الناس اللى نزلت التحرير لمدة 18 يوم وناس استشهدت او اتسجنت

الشعب يعنى مصر كلها ...اللى لازم ينزلوا ان شاء الله يوم 19 مارس ويقولوا هما عاوزين ايه

ياريت منضيعش الفرصة دى من ايدنا 

التغيير مطلوب بردوا

قلت اغير الشكل شوية واعمل حبة تعديلات عشان انا كنت بزهق بسرعه من اى حاجه

بس كنت خايف من الالوانات اللى كنت بحطها فى لون الخط

بعدين قولت وات ايفر ، انا هغيرها دلوقتى بجملة حاجات كتير بغيرها 

I'm waiting your Feedback please =)

Fact

It’s better to have nobody, than to have someone who is half there, or doesn’t want to be there!

I can't sleep

I'm Missing you already

=( =(

Wedding ...

("v")

24 not like 23

انك تكون عندك 20 غير 21 غير 22

الدنيا بتتغير فعلا وبتجرى بينا

حاجات بتتغير جوانا وحاجات بتكبر وحاجات بتختفى جوانا

كل شوية فيه حاجه بتيجى مكان حاجه تانية

على حسب بقى المواقف وكده

ادراكنا للموقف ممكن ...حاجتنا لشىء ما مثلا

وصلت لمرحلة انى مش لازم امشى ابرر موقفى او انا بعمل كده ليه او عملت ليه كذا زمان لكل انسان عشان يقتنع

مش لازم كل الناس تقتنع بالحاجه عشان تصدق

اللى عارفك كويس هيصدقك من غير ما تبذل محاولات حثيثة عشان تخليه يصدق

اللى عارفك كويس هيقف جمبك من غير اى مصلحة

واللى عارفك كويس هيسأل عليك اول بأول بردوا عشان مش مستنى منك مقابل او مصلحة

الناس على اشكالها بتقع فعلا

وده فى حد ذاته ميزة ان الواحد الحمد الله كان عنده حق يوم لما قرر يشيل ناس من حياته

وارجع اقول ان 23 غير 24 والسنة الجاية 25 هتكون مختلفة اوى اوى

المهم يعنى

لأى حد لسه سنه صغيرة وقرا الكلام ده

يعنى من 14 وانت طالعين لفوق

استمتعوا بحياتكم على قد ما تقدروا

استمتعوا بالفترة اللى انتوا مش شايلين فيها مسئولية

مش معنى كلامى ان المسئولية وحشة...بالعكس دى طعمها حلو اوى

بس فترة واحنا صغيرين دى بتخلى عندك ذكريات حلوة

انك وانت صغير عملت كذا او اتجننت وعملت كذا

عشان لما بتكبر بيكون صعب انك تجنن وتعمل حاجات انت كبرت عليها

وانت صغير ملكش حدود وانت كبير بردوا ملكش حدود

بس الفرق ان الكواكب بتكون مختلفة عن فترة للتانية

ونصيحة لاى حد فى اى كوكب تانى

استمتع بحياتك على قد ما تقدر

هى حياة واحدة بس اللى عندنا

فمتضيعهاش فى الحزن والزعل على حاجات راحت خلاص

=)

الخميس السرى 5

عدنا مجدداً

=)

تخيل انك فى الصحراء بمفردك ولا يوجد من هو حولك ليتطفل على ما تكتبه

اكتب ما تريد

ارسم

لون

افعل ما تريد

=)

9 March

More Than Year !!

خلى باااااالك / Watch Out !!

دى شوية تنبيهات الناس تخلى بالها منها فى الفترة دى

طيب مبدئيا الناس اللى عندها عربيات وبتسوق...بعد الساعه 9 بالليل متطلعش محور ولا دائرى ...لان كل يوم بيطوروا الحيل عشان يوقفوا الناس ويسرقوهم

ولما ااقول يسرقوهم...بيسرقوا العربية بهدومك...حصلت لحد اعرفه رجعوه بيتهم زى ما احمد السقا رجع خالد صالح بالبوكسر فى فيلم حرب ايطاليا

الاساليب بتاعتهم

من اول رمى البيض على الازاز...يقف بعربية نص نقل او نقل ويرمى شكاير مليانة اسمنت او دبش فى نص الدائرى عشان غصب عنك تقف او تتقلب ...غير رمى الطوب عليك...

اخر طريقة بالنسبة للستات لو شفتى عيل مرمى فى الشارع بيبى صغير فى عربية اطفال او ملفوف فى اى مكان متقفيش وكملى طريقك لانها خدعة بردوا

لو حد كان لازم يمشى بعد الساعه 9 عالطرق دى...يسلح نفسه بأى حاجه بقى

طبعا غير التعليمات المعتادة...ااقفل اللوك عليك والشباك افتح منه فتحة صغيرة ...وبايلك حطه جمب الفتيس مش لازم تعمل بيه اعلان عالتابلوه بتاع العربية

الناس اللى بتمشى على رجلها بقى ...عينك فى قفاك

مش لازم تتكلم فى الموبايل وانت بتعدى الشارع...اى موتوسيكل او حد معدى سهل ياخده منك

ركز مين ماشى وراك

التوك توك وكده خلى بالكوا ...خصوصا انهم بقوا يمشوا عالشوارع الرئيسية دلوقتى عادى

لو شايل لاب توب على كتفك خليك صاحى بردوا

تجنب انك تدخل شارع مظلم شوية انت مش عارف عشان تختصر الطريق

لو شفت لجنة بتاعت بلطجية حاول تبعد عنها ومتعملش دكر وراجل ...لان دلوقتى المطاوى دى مبقتش سلاح واغلب السلاح الميرى فى الشوارع

وربنا يسترها علينا كلنا ان شاء الله

=)

نفسك فى ايه؟؟

كل واحد يكتب نفسه فى ايه يعمله الفترة اللى جاية بإذن الله؟!!

How 2 be Selfish ?!!

ازاى تكون انانى فى عالم تانى ؟؟؟؟

سهلة خالص وبسيطة جدا

اول حاجه هتعملها انك تمسح كل الريمندر اللى عندك فى النتيجة على موبايلك ومتهمش مين اتولد النهاردة ...دى كلها شكليات يا راااجل ...بس اوع تنسى عيد جوازك او يوم كتب الكتاب او الخطوبة ...دى حاجات سياسية واحنا ملناش فى السياسة
:D

تانى حاجه لما حد يكلمك عالموبايل يطلب منك خدمة زحلقه اديله صابونة ...وقوله معلش مش فاضى او اتحجج بأى حاجه...بس اوع تقوله حاضر وتنفض لان كده هتكتسب لقب الواطى وده ليه حديث تانى
:D

اى حاجه ليك عود نفسك انك متشاركش اى حد بيها...لعبة ...عربيتك ...العجلة...حتى لو كنت بتاكل فول على عربية فول وحد طلب منك طبق الطرشى بتاعك...اتعود تكون كل حاجه لنفسك وبس

حط نفسك فى المقدمة بتاعت اولوياتك فى الحياة ...انت ثم المدام لو عندك مدام يعنى...بعدين اى حاجه تانية ...دايما انت قدام


ممكن ناس تضايق وتقولى الثورة والثور والحاجات دى واحنا لازم نتغير ...هى دى وجهة نظرى ...ان الانانية فى حاجات كتير بتوصلنا لحاجات اكبر عمرنا مش هنوصلها لو فضلنا نتشارك فى احاجت كتير

خصوصا ان فى ناس غلابة وعلى نياتها وفاكره ان الناس كلهم ملايكة ودول ربنا يكون فى عونهم اذا وصلوا لحاجه

بخ

الخميس السرى 4

Sorry For being So late =)

I'll leave this Post Till Saturday Afternoon , so feel Free 2 write, sing or even scratch her while you commenting on this post

=)

Re-Post

http://meshmesh5000.blogspot.com/2010/09/no-one-deserve.html

I miss you. I always did. I never stopped. Everybody thinks I’m really over this, but I still miss the fuck out of you!!