الشعب يريد اسقاط النظام
الشعب يريد محاكمة النظام
الشعب يريد اسقاط شفيق
الشعب يريد محاكمة شفيق
الشعب يريد اسقاط الشعب
:D
شعارات كتيرة من يوم 26 يناير واحنا بنسمعها...مبدئيا ناس ممكن تختلف معايا او تتفق...بس دى وجهة نظر عاوز اقولها
مش هغنى واقول احنا حققنا اهداف كتيرة مكناش نحلم بيها...ولا هقعد اقنع فى كل واحد ااقوله ليه يقول لاء وليه يقول نعم واضربك لو مكنتش على رأى اللى يعجبنى
ومش هبقى سلبى - زى ما ناس قالت- وهنتقد ان فيه ناس مع الثورة قطعت علاقتها بناس اصحابها ضد الثورة او واقفين على الحياد
بس الشعب دلوقتى فعلا عاوز ايه؟؟؟
هل فعلا عاوزين نوقع الاستفتاء بتاع السبت الجاى ؟؟
ولا هيبقى لاول مرة فى حياتنا نروح ندى صوتنا واحنا عارفين ان مفيش غش ولا تزوير؟؟
ليه دايما نحب نظرية المؤامرة والجيش هيبعنا واحنا مغفليش ...bla bla bla
ليه منفترضش حسن النية شوية عشان نتغير ؟؟؟ بننصح واحنا اول ناس نعمل عكس النصيحة
الشعب يريد الاستقرار
الشعب يريد ان ياكل لقمة نضيفة وحلال
الشعب يريد الامان لاهل بيته وعياله
وعشان كل ده يتحقق لازم نساعد بعض ونفكر اللى بيحصل كل يوم ده فعلا هيبقى مهم جداااااااا لقدام ولا ممكن يستنى؟؟
خصوصا ان فكرة الثورة ومبدأ انا ثائر بيتفهم غلط اولهم طلبة المدارس اللى شفت منهم عملوا مظاهرات قبل ما يقعدوا يتكلموا مع ادارة المدرسة ويقولوا مطالبهم
التفكير الاول
الشعب يريد ايه فى التفرة دى
والشعب هنا مش الناس اللى نزلت التحرير لمدة 18 يوم وناس استشهدت او اتسجنت
الشعب يعنى مصر كلها ...اللى لازم ينزلوا ان شاء الله يوم 19 مارس ويقولوا هما عاوزين ايه
ياريت منضيعش الفرصة دى من ايدنا
4 comments:
المشكله ان مبقاش فى اى ثقه لما كل شويه تفتح التى فى وتسمع ان فلان ولا علان اللى كان كويس كان سارق بش عارفه ايه
ده احنا وربنا طلعنا ملايكه وداخلين الجنه باذن الله
والمشكله الاكبر زى مانت بتقول ان الاصحاب نفسهم مبقاش عندهم ثقه فى بعض والكل بيكدب وبيخون لو قولت حاجه غير الراى التانى تبقى بش بتفهم
بنطلب ان احنا يتسمع لينا وبنرفض نسمع
وللاسف ان فى ناس لحد الان بش فاهمين غير انهم لاقوا هيصه وناس بتتطلب عاملين بضبط زى الجمعيه لما بتفرق لحمه تلاقى الناس واقفه عشان زحمه بس لكن بش عارفين هو ايه اللى بيتفرق وحتى لو حاجه بش عايزنها واقفين برضو
المشكله فى ان كل انسان لى عقليه مختلفه عن التانى ودى اللى استحاله توحدها
ده لسه كمان بقى فى انتخابات الريسه ربنا يستر بجد عما اعتقد ان كل الناس هتمسك فى بعضيها عشان لو مثلا قولت لا ده كويس انا هنتخب ده وربنا يستر اكتر فااللى هيبقى رئيس
والكل بيطلب بيطلب وبش بيفكروا ان احنا بقالنا سنين ساكتين وواقفين فى مكانا
واللى انا بستغربلوا بجد ان كل الناس حتى انا بعد ماكنت بش بطيق اسمع نشره الاخبار بقيت بقعد قدمها بالساعات والكل بقى لى فى السياسه
والشعب يريد تغير الرئيس الجديد هههههههههههههههههههههههه
بصراحة هو الشعب يريد تغيير نفسه اولا
و بعدين كله هيتحل
الشّعبْ يُـريد " عَفريت العِلبه " .. :D
..
النّـآس فـ الموضوع دَه .. بتتجزأ لقسمين ..
مهمـآ تعددت الآراء ..
بيصبُوا فـ نهر وآحد ..
نَـآس وآخده الموضوع بإستهتاريه خـآلصه..
ونـآس بتعصب زآئد ..
..
أساساً دي حـاجه طبيعيه ..
لإن مَفيش 10 بيتفـقوا على لون وآحد !
!!
فَمينفعش نـطالب شعب بـأكمله يِوَحِد رأيه..
بَس ممُكن نطالبه إنه يكون مُقتنع برأيه..
ويكُون رأيه هُـوّ .. مِش رأي
شَخص تاني فَـآكرُه قُدوِتُه !!
:)
ان شاء الله كل الناس تنزل و تقول الى هي عايزاه
بس المهم ينزلوا و بتفاعلوا بجد
Post a Comment